Hebrews 11:6 in Sunwar 6 थमा मसुइक्थु मेको आ थुं नुपाइक्ने मजाप्ब। परमप्रभु यावे आ नेक्था जाक्दीन्ने यो मजाप्ब। मेको बाक्ब, दे थमा सुइक्चा माल्ब। मिनु मेको बाक्ब, दे थमा सुइक्बपुकीम मेको कली माल्नीम। मिनु आ कली माल्ब आन कली तपांइसीब।
Other Translations King James Version (KJV) But without faith it is impossible to please him: for he that cometh to God must believe that he is, and that he is a rewarder of them that diligently seek him.
American Standard Version (ASV) And without faith it is impossible to be well-pleasing `unto him'; for he that cometh to God must believe that he is, and `that' he is a rewarder of them that seek after him.
Bible in Basic English (BBE) And without faith it is not possible to be well-pleasing to him, for it is necessary for anyone who comes to God to have the belief that God is, and that he is a rewarder of all those who make a serious search for him.
Darby English Bible (DBY) But without faith [it is] impossible to please [him]. For he that draws near to God must believe that he is, and [that] he is a rewarder of them who seek him out.
World English Bible (WEB) Without faith it is impossible to be well pleasing to him, for he who comes to God must believe that he exists, and that he is a rewarder of those who seek him.
Young's Literal Translation (YLT) and apart from faith it is impossible to please well, for it behoveth him who is coming to God to believe that He is, and to those seeking Him He becometh a rewarder.
Cross Reference Genesis 15:1 in Sunwar 1 मिनु नोले परमप्रभु यावेमी अब्राम कली ङोमु खोदेंशो पा कोंइतीक कोंइदा बाक्त। मिनु मेकोमी अब्राम आ नें थिशा “अब्राम महिनो। गो इ कली कोव़नन। शुश आसीक गेनन” देंमाक्त। गन्ती २४:४,१६; भजन संग्रह ३:४
Numbers 14:11 in Sunwar 11 मिनु परमप्रभु यावेमी मोसा कली “एको मुरपुकीम गेना सम्म आं कली मटीनीमी? एको आन दातेम आं कोंइशो चिन्ड तशा यो, गेना सम्म आं कली थमा मसुइक्नीमी?
Numbers 20:12 in Sunwar 12 तन्न परमप्रभु यावेमी मोसा नु हारून आस कली “गे आं कली थमा मसुइक्तीके नु आं ठेयब सक्ति इस्राएली आन ङोंइती मकोंइतीके, गे एको मुर आन कली गो इन कली गेशो रागीम चाक्दीत्चा मताइनीसी” देंत। गन्ती २७:१४; ब्यवस्था १:३७; ब्यवस्था ४:२१; ब्यवस्था ५०:५१
Ruth 2:12 in Sunwar 12 परमप्रभु यावेमी इ कली रिम्शो पवल। परमप्रभु यावे, इस्राएली आन परमप्रभुम इ कली वारच पवल, दे मेको आ नेक्था जाक्ते। मेकोमी इ माल्शो नेल्ल गेवल” देंमाक्त। भजन संग्रह ३६:८
1 Chronicles 28:9 in Sunwar 9 आं तौ सोलोमन, इ आफ आ परमप्रभु कली तुइश्शा मालो। इ थुं नेल्लेमी ग्येरशा मेको आ नोले खोतो। मारदे हना परमप्रभु यावेमी इ थुं कोव़ना कोव़न, इन मिम्शो नु पशो नेल्ल तुइक्ब। गे मेको कली माल्तीवी हना, गे थित्नेवे। तन्न गे मेको कली प्रोंइतीवी हना, इ कली गेना हना यो कली प्रोंइब। येरमीया २९:१३-१४; १राजा ११:३१,३३
Job 21:14 in Sunwar 14 मेकोपुकीम परमप्रभु कली आंइ रे पा ङोन लन। गो इन लांम गाक्चा मदाक्नीकी, देंनीम। अय्युब २२:१७
Psalm 58:11 in Sunwar 11 मिनु मुरपुकीमी “ठीक पाइबपुकीमी थमा पा इनाम ताइनीम। थमा पा, परमप्रभु रागीम निसाफ पाइब बाक्ब” देंनीम।
Psalm 73:28 in Sunwar 28 तन्न गो चहिं परमप्रभु आ नेक्था बाक्चा दाक्नुङ। परमप्रभु यावे आं प्रोक्शा लशा बाक्तीक बाक्ब। गो इन पशो गेय नेल्ल आन पर्बम लोव़ पाइनुङ।
Psalm 78:22 in Sunwar 22 मारदे हना मेकोपुकीमी परमप्रभु कली थमा मसुदेम। मिनु “परमप्रभुमी आंइ कली प्रोंइने मचाप्ब” देंतेक्म।
Psalm 78:32 in Sunwar 32 मो पा यो मेकोपुकीम पाप पस ङा पस बाक्तेक्म। मेको आ छक लाक्चा ङा गेय तशा यो, मेकोपुकीमी थमा मसुदेम।
Psalm 105:3 in Sunwar 3 गे परमप्रभु आ नें तुइक्तीके ग्येरसीन। परमप्रभु यावे कली माल्ब आन थुं ग्येरसीमल।
Psalm 106:21 in Sunwar 21 मेकोपुकीमी आन कली श्येत रे प्रोंइब नु इजीप्तम ठेयब गेय पाइब आन परमप्रभु कली प्रेंशो बाक्तेक्म। ब्यवस्था ३२:१८
Psalm 106:24 in Sunwar 24 मिनु नोले मेकोपुकीमी परमप्रभु आ गेशो रागी मदाक्शो बाक्तेक्म। आ थोक्शा पशो लोव़ थमा मसुइश्शो बाक्तेक्म। गन्ती १४:२-४; ब्यवस्था ८:७-१०
Psalm 119:10 in Sunwar 10 गो आं थुं नेल्लेमी इन कली माल्नुङ। आं कली इन शेंतीके रे ङोन लचा मगेयीनी।
Proverbs 8:17 in Sunwar 17 सुमी आ कली दाक्नीमी, गो यो मेको आन कली दाक्नुङ। सुम आं कली शुश माल्नीमी, मेकोमी आं कली थित्नीम।
Proverbs 11:18 in Sunwar 18 परमप्रभु यावे आ अरेशो मटीब मुरुमी क्येट चेम्ब, तन्न मलीब। तन्न ठीक पाइब मुरुमी इनाम ताइनीम।
Song of Solomon 3:1 in Sunwar 1 गो नाक्दो रे आं ब्राख्येम आं दाक्शो वोंइश मुर कली माल्ता। गो मेको कली ब्रेत्ताक्ङ। तन्न मेकोम लोव़ मलेत्ती। ठेयब कुम्सो ५:६
Isaiah 7:9 in Sunwar 9 एफ्राइम आ पिया सामरीया बाक्ब। सामरीया आ पिया रेमाल्याह आ तौ बाक्ब’ गे थमा मसुइक्तीनी हना, थमा पा मलीनीनी” दे परमप्रभु यावेमी देंत। २इतिहास २०:२०
Isaiah 55:3 in Sunwar 3 इन नोफा दाइश्शा, आं गे जाक्कीन। नेंशा, ब्रोंइनीनी। गे ब्रोंइशा बाक्चा कली आं लोव़ नेनीन। मिनु गो गेपुकी नु गेना हना यो लीब कबल का पाइनुङ। दाऊद कली खोदेंशो पा इन कली यो गेना हना यो दाक्नुङ। २सामुएल ७:८-१६; येरमीया ३१:३१-३४; प्रेरित १३:३४
Jeremiah 2:31 in Sunwar 31 मिनु गे, मुल ङा पाला ङा मुरपुकी, परमप्रभु यावे आ लोव़ मिम्तीन। मार, गो इस्राएली आन कली मुर मबाक्शो रागी नु थम छिङछिङ ङा रागी दुम्ङा ङा? मारदे आं मुरपुकीम ‘गो आंइ कली हिरचा कली सुइम तेक्ने मचाप्ब। गो इन ङोंइती गेनायो लेंशा मजाक्नीकी’ देंमा?
Jeremiah 29:13 in Sunwar 13 गेपुकीम इन थुं नेल्लेमी आं कली माल्तीनी हना, थित्नीनी। येरमीया ३०:३; ब्यवस्था ४:२९; यसैया ५५:६
Matthew 5:12 in Sunwar 12 ग्येरसीने। मारदे हना स्वर्गमी इन कली ठेयब इनाम वोइश्शो बाक्ब। साइ नेसी रे मुल सम्म परमप्रभु यावे आ लोव़ पाइब आन कली खेदा पा श्येत गेस ङा गेस पाम्तेक्म। हिब्रू ११:३३-३८; याकूब ५:१०
Matthew 6:1 in Sunwar 1 होस पांइसीने, मुर आन ङोंइती कोंइचा कली प्रुङग आन कली शिशी मपने। मारदे हना मोदेंशो पाइब आन कली स्वर्गम बाक्ब इन आफोमी इनाम मगेब।
Matthew 6:5 in Sunwar 5 परमप्रभु यावे कली प्रार्थना पनीनु, कपटीपुकीमी पशो खोदेंशो पा मपने। मेकोपुकीमी ग्रुम्तीक खिंमी, लांमी मुर आन कुल राप्शा कोव़पांइसीशा, प्रार्थना पाइनीम। नोफा दाइश्शा नेनीने, मेको आन तचा ङा इनाम मारेइ मबाक्ब।
Matthew 6:16 in Sunwar 16 बर्त बाक्नीनु, राव कीशो कुल मसेलीने। कपटीपुकीमी आंइ बर्त बाक्शो तांइसेक्ल, दे आन कुल राव कीपा कोंइनीम। नोफा दाइश्शा नेनीने, मेको आन तचा ङा इनाम मारेइ मबाक्ब। यसैया ५८:५-६
Matthew 6:33 in Sunwar 33 ङोंइती परमप्रभु यावे आ राज्य नु आ ठीक पतीके मिम्शा मालीने। मिनु जचा तूचा फेक्चा यो ताइनीनी। रोमी १४:१७; १राजा ३:१३-१४; भजन संग्रह ३७:४,२५
Matthew 10:41 in Sunwar 41 परमप्रभु यावे आ लोव़ पाइब बाक्माक्त, दे मिम्शा, परमप्रभु यावे आ लोव़ पाइब कली ब्राप्तु हना, परमप्रभु यावे आ लोव़ पाइब आ तचा ङा इनाम मेकोम ताइब। ठीक पाइब मुर बाक्माक्त, दे मिम्शा, ठीक पाइब मुर कली ब्राप्तु हना, ठीक पाइब आ तचा ङा इनाम मेकोम ताइब। १राजा १७:८-२४
Mark 16:17 in Sunwar 17 थमा सुइक्बपुकी दोदेंशो सक्ति पाइश्शो दुम्नीम देंशा हना, आं नें थिशा वोल आन कली ग्रुंइशा खेरनीम। परमप्रभु यावे आ सोक्तीमी पपाइश्शो लोव़ ब्वाक्नीम। प्रेरित १६:१८; प्रेरित १०:४६; प्रेरित १९:६
Luke 6:35 in Sunwar 35 इन जोरी सत्रु आन कली दाक्तीन। वारच पने। लेंशा ताक्चा ममिम्थु जेर गेने। मो पाइतीनी हना, गे ठेयब इनाम ताइनीनी। मिनु नेल्ल क्येङा ठेयब आ मुर दुम्नीनी। मारदे हना ‘रिम्शो पाइतीनी’ मदेंब नु आ अरेशो मटीब आन कली रिम्शो पाइब।
Luke 12:31 in Sunwar 31 मोपतीके मोदेंशो मिम्चा प्रोंइशा, परमप्रभु यावे आ राज्य मालीने। मिनु मारेइ मारेइ यो ताइनीनी।
John 3:18 in Sunwar 18 सुमी परमप्रभु यावे आ तौ कली थमा सुइक्बा, मेको स्वर्गमी निसाफ पचा मपुंइसीब। सुमी चहिं थमा मसुइक्बा, मेको ङोंइती रेन निसाफ पा सजाइ तचा पुंइसीब दुम्शो बाक्ब। मारदे हना मेकोमी परमप्रभु यावे आ कांइचीक तौमी पाप रे प्रोंइब, दे थमा मसुइश्शो बाक्ब। यूहन्ना ५:२४
John 8:24 in Sunwar 24 मोपतीके गो इन कली ‘गे इन मरिम्शो पतीकेमी ग्रुम्शा बेक्नीनी’ देंती। गेपुकीमी ‘गो मरिम्शो गेय रे प्रोंइब ननी’ दे आं कली थमा मसुइक्तीनी हना, इन मरिम्शो पतीकेमी ग्रुम्शा बेक्नीनी” देंत। यसैया ४३:१०
John 14:6 in Sunwar 6 मिनु येसुमी “गो थमा नु ब्रोंइचा गेब लां नङ। सुइ आन पतीक गेना हना यो आं आफ नु बाक्चा मताइनीम। तन्न आं पतीके रे ला गेना हना यो परमप्रभु यावे नु बाक्चा ताइनीम। यूहन्ना १०:९; मत्ती ११:२७; रोमी ५:१-२; हिब्रू १०:२०
Romans 10:14 in Sunwar 14 मेको कली थमा मसुइक्बपुकीमी “प्रोंइयीनी” दे पुंइने चाप्नीमी ङा? आ पर्बम मनेंशो कली थमा सुइक्ने चाप्नीमी ङा? सुइ शेंब मबाक्त हना, मेको लोव़ नेंने चाप्नीमी ङा?
Galatians 5:6 in Sunwar 6 ख्रीस्त येसु नु थुं का दुम्शा, ख्रोइक्तीक चिनु ख्रोइश्शो, मख्रोइश्शो आन कली मतिल्थु, थमा सुइक्तीकेमी दुशा गारशा दाक्मुशा बाक्शोम सक्ति बाक्ब। गलाती ६:१५; रोमी २:२६; १कोरिन्थी ७:१९
Hebrews 3:12 in Sunwar 12 आं लोक्बपुकी, होस पांइसीने। मारदे हना मरिम्शो नु थमा मसुइक्तीक थुंमी गेना हना यो ब्रोंइशा बाक्ब परमप्रभु यावे रे सुइ इन कली फ्राशा मलदल।
Hebrews 3:18 in Sunwar 18 परमप्रभु यावेमी आ लोव़ मटीब आन पर्बम “मेकोपुकी गेनायो आं राज्य ओव़शा थुं नाइक्चा मताइनीम” दे कसम जशो मबाक्बा ङा?
Hebrews 4:2 in Sunwar 2 थमा पा, इं कली यो मेको आन कली खोदेंशो पा परमप्रभु यावे आ लोव़ नेंपाइश्शो बाक्त। तन्न इं किकी पिपी आन कली नेंपाइश्शो लोव़ शोर गाक्शो दुम्त। मारदे हना नेंबपुकीमी थमा मसुइक्थु मटिशो बाक्तेक्म।
Hebrews 4:6 in Sunwar 6 मो हना यो का निक्शी ओव़चा ताइनीम। तन्न आ लोव़ ङोंइती ङा नेंबपुकीमी मटिथु, ओव़चा मतामे बाक्त।
Hebrews 7:19 in Sunwar 19 मिनु मेको आ पा ङा नेल्ल क्येङा रिम्शो नक आस वोइश्शो बाक्त। मेको आस रे पा परमप्रभु यावे आ नेक्था जाक्दीन्ने चाप्नय।
Hebrews 7:25 in Sunwar 25 मोदुम्तीके येसु रे पा परमप्रभु यावे आ ङोंइती जाक्दीश्शो आन कली येसुमी गेना हना यो वारच पने चाप्ब। मारदे हना मेको आन पर्बम गेना हना यो परमप्रभु यावे आ ङोंइती बाक्शा पुंइशो बाक्ब। रोमी ८:३४; १यूहन्ना २:१
Hebrews 11:26 in Sunwar 26 मारदे हना इजीप्त ङा शोंप नु मान तशा यो मारेइ मसुइक्थु “ख्रीस्तमी श्येत जशो खोदेंशो पा श्येत जचा थमा ङा शोंप नु मान बाक्ब, दे मिम्ताक्व। मिनु नोले इनाम यो तांइसीब” दे तुइश्शा थमा सुइश्शो बाक्माक्त।
2 Peter 1:5 in Sunwar 5 मोपतीके गे इन थमा सुइक्तीके नु इन पशो गेय गारचा माल्ब। इन पशो गेय नु “परमप्रभु यावे आ दाक्शो मार बाक्मे?” दे तुइक्चा माल्नीनी। गलाती ५:६,२२
2 Peter 1:10 in Sunwar 10 मोपतीके आं लोक्बपुकी, गेपुकीमी “गो ब्रेश्शो नु योव़शो मुर बाक्नीकी” दे गेना हना यो मिम्चा माल्नीनी। मो पाइतीनी हना, गे गेनायो नोले मशोंइसीनीनी।
2 Peter 3:14 in Sunwar 14 आं दाक्शो लोक्बपुकी, मोदेंशो रिम्शा, गल्ती मपाइब नु दोस मताइब दुम्चा कली शुश गेय पने। परमप्रभु यावेमी इन कली मोदेंशो पशो नु थुं नाइश्शा बाक्शो ग्रुम्चा दाक्ब। १कोरिन्थी १:७-८
Revelation 21:8 in Sunwar 8 तन्न मुर तशा हिंबपुकी, परमप्रभु यावे कली थमा मसुइक्बपुकी, पापमी ग्रुम्शोपुकी, मुर आन कली साइक्बपुकी, तेल्लेम पाइबपुकी, टुना मुना पाइबपुकी, देवी देवता आन कली पूजा पाइबपुकी, नु जोल पाइबपुकी नेल्ल गन्धक रे हुरुर पा ब्रशो मीमी हुम्चा पुंइसीनीम। मिनु मेको नोले ङा बेक्तीक बाक्ब” दे माइक्ती।