Exodus 20:17 in Sunwar 17 इन नेक्था बाक्ब मुर आ खिं, आ मीश आ वाइलीम वाइल, आ बी ब्यफ नु आ गधा, मेको के मार बाक्त हना यो, मेको तशा मबाल्दीन। एको परमप्रभु यावे आ अरेशो लोव़ बाक्ब” दे मोसामी इस्राएली आन कली देंत। रोमी ७:७; रोमी १३:९
Other Translations King James Version (KJV) Thou shalt not covet thy neighbor's house, thou shalt not covet thy neighbor's wife, nor his manservant, nor his maidservant, nor his ox, nor his ass, nor any thing that is thy neighbor's.
American Standard Version (ASV) Thou shalt not covet thy neighbor's house, thou shalt not covet thy neighbor's wife, nor his man-servant, nor his maid-servant, nor his ox, nor his ass, nor anything that is thy neighbor's.
Bible in Basic English (BBE) Let not your desire be turned to your neighbour's house, or his wife or his man-servant or his woman-servant or his ox or his ass or anything which is his.
Darby English Bible (DBY) Thou shalt not desire thy neighbour's house, thou shalt not desire thy neighbour's wife, nor his bondman, nor his handmaid, nor his ox, nor his ass, nor anything that is thy neighbour's.
Webster's Bible (WBT) Thou shalt not covet thy neighbor's house, thou shalt not covet thy neighbor's wife, nor his man-servant, nor his maid-servant, nor his ox, nor his ass, nor any thing that is thy neighbor's.
World English Bible (WEB) "You shall not covet your neighbor's house. You shall not covet your neighbor's wife, nor his man-servant, nor his maid-servant, nor his ox, nor his donkey, nor anything that is your neighbor's."
Young's Literal Translation (YLT) `Thou dost not desire the house of thy neighbour, thou dost not desire the wife of thy neighbour, or his man-servant, or his handmaid, or his ox, or his ass, or anything which `is' thy neighbour's.'
Cross Reference Genesis 3:6 in Sunwar 6 मिनु मीश मुरुम मेको रवा तशा ब्वशोनु, ब्रोव़चा ङा कोव़शोनु, दारशो, रुप्तीक थुं गेचा ङा तवा बाक्त। मोपतीके फल सेक्शा, ब्ववा बाक्त। मेको आ नेक्था बाक्ब आ वोंइश कली यो गेवा बाक्त। मेकोमी यो ब्ववा बाक्त। याकूब १:१४-१५; १तिमोथी २:१४
Genesis 14:23 in Sunwar 23 गो इन के मारेइ मलाइक्नुङ। श्येले का, जुत्ता आ डोरी का यो मलाइक्नुङ। मिनु गेमी ‘गो अब्राम कली शुश शोंप पाइश्शो सेल्ता’ दे गेनायो देंने मचाप्नीनी।
Genesis 34:23 in Sunwar 23 मार, मेको आन बी ब्यफ, क्यारश भेडा नु आन शोंप नेल्ल इं के मदुम्बा ङा? गो मेको आन लोव़ बिश्शा हना, इं दातेमी बाक्नीम” देंसा बाक्त।
Joshua 7:21 in Sunwar 21 गो खतम सेल्चा माल्शो थोव़क रे पा शिनार रागी ङा रिम्शो फेक्तीक वा, सहे निक्शी शेकेल चांदी नु ५० शेकेल हेल्शो सुन के कोक्के का ताता। गो मेको साप्पा दाक्ताक्ङ ङा मिन लांइसाक्यी। मिनु मेको आं ताम्बु आगाम थिम्शा वोइक्ता। मेको चांदी नेल्ल क्येङा आगाम बाक्ब” देंत। शेकेल का ११.५ ग्राम बाक्ब।
1 Samuel 15:19 in Sunwar 19 गे मारदे परमप्रभु यावे आ देंशो मटिनी? गे मारदे रोइश्शो मार मार ताक्नी? मिनु परमप्रभु यावे आ ङोंइती मार मरिम्शो बाक्मे, मेको पनी” देंमाक्त।
2 Samuel 11:2 in Sunwar 2 काबु नाक्ती नाक्नाक्दो दाऊद आ इप्तीक रे बोक्शा, खिं तार हिरसेनु, मेकोमी मीश मुर का चिक्शो तवा बाक्त। मेको थम दारशो बाक्माक्त। मत्ती ५:२८-२९
Job 31:1 in Sunwar 1 मिनु अय्युबमी “गो सुइ मीश आल आन कली मरिम्शो थुंम मकोव़चा कली, आं मिक्च नु कबल पाता। मत्ती ५:२८-२९
Job 31:9 in Sunwar 9 आं कली मीश मुरुम हेंथे गाक्पाइक्ती हना, गो आं नेक्था ङा मुर आन लाप्चोमी बाप्शा बाक्शो बाक्ती हना,
Psalm 10:3 in Sunwar 3 परमप्रभु आ अरेशो लोव़ मटीबपुकीमी “आं दला दाक्स नेल्ल पने चाप्नुङ” दे ठेयब लेत्नीम। लोभी आन कली आसीक गेनीम। मिनु परमप्रभु यावे कली मान मपथु, महिंथु, मेको आ पर्बम शुक्शी लोव़ पाइनीम।
Psalm 119:36 in Sunwar 36 आं थुं कली इन देंशो ला मिम्पतीन। शुश क्येट चेम्तीके ममिम्पतीन।
Proverbs 4:23 in Sunwar 23 नेल्ल आन क्येङा इ थुं कली कोव़ङो। मारदे हना मेको रे इ ब्रोंइतीक जाक्ब।
Proverbs 6:24 in Sunwar 24 मेकोमी हेंथे गाक्ब मीश मुर रे ङोन बाक्पाइक्नीम। मिनु हेंथे गाक्ब ग्युंबे पशो मीश मुर आन ग्रेन्देल लोव़ रे ङोन बाक्पाइक्नीम। हितोपदेस २:१६
Ecclesiastes 4:8 in Sunwar 8 मेको मार ताता देंशा हना तमी तौ नु सुइ लोक्ब मपाइश्शो मुर का बाक्त। तन्न मेकोमी शुश श्येत पा गेय पाइबाक्त। आ गेय गेनायो मथुम्थु, आ शोंपोम थुं मनुइबाक्त। मिनु काबु मेकोमी आंम कली “गो मारदे मोदेंशो श्येत ङा गेय पना पन बाक्नुङ? गो मारदे आंम कली मारेइ रिम्शो मपाइनुङा?” देंत। मेको यो जाम्शा लाइब नु श्येत जतीक ला बाक्ब।
Ecclesiastes 5:10 in Sunwar 10 सुमी क्येट दाक्बा, मेको कली क्येटीमी गेनायो मजाक्दीप्ब। सुम शोंप दाक्बा, मेको मुर आ चेम्शोमी गेनायो मरूब। मेको यो जाम्शा लाइब बाक्ब। हितोपदेस २८:२२; लूका १२:१५
Isaiah 33:15 in Sunwar 15 सु ठीक पाइबा, रिम्शो थुं ङा लोव़ पाइबा, गेयी कि गेयी, दे क्येट मताक्बा, सुम घूस मजाइबा नु “हुश ख्राक्श पोक्य” देंमानु, मेको आन लोव़ मटीबा नु मरिम्शो पाइब आन पशो काइ तचा मदाक्बा। भजन संग्रह १५:-; भजन संग्रह २४:३-४
Isaiah 57:17 in Sunwar 17 मेको आन परमप्रभु यावे आ अरेशो मटिथु, शिंम दुम्तीके गाइक्ताक्ङ। गो मेको आन कली तुप्शा थाइश्शा गाइक्ताक्ङ। तन्न मेकोपुकी नोले शोंइसीशा आंम आन लां लाम्तेक्म।
Jeremiah 5:8 in Sunwar 8 मेकोपुकी थाम्पा दोम्शो, गेय मपाइब शारा खोदेंशो बाक्नीम। मेको आंम नेक्था ङा मुर आन मीश आन पर्बम ग्रीनीम। इजीकीएल २२:११
Jeremiah 22:17 in Sunwar 17 तन्न इ मिक्च नु इ थुंम ठीक पा मचेम्शो क्येट ला बाक्ब। गे दोस मताइब आन हुश शाइक्पाइक्नेवे। गे मुर आन कली दिप्शा हुश ख्राक्श पोक्नेवे। मरिम्शो पचा नु रोइक्चा ला दाक्नेवे।
Ezekiel 33:31 in Sunwar 31 मेकोपुकीम आं मुर खोदेंशो पा इ बाक्तीक जाक्शा इ ङोंइती नित्नीम। मिनु इ लोव़ नोफा दाइश्शा नेंनीम। तन्न मेकोम इ लोव़ मटीनीम। मेकोम रिम्शो लोव़ पखु पा, आन थुंम चहिं दोपा क्येट चेम्चा, दे मिम्नीम। यसैया ५३:१
Amos 2:6 in Sunwar 6 मिनु परमप्रभु यावेमी “गो इस्राएल आ ३ खेयप नु ४ खेयप मरिम्शो पशो आ पर्बम ततीके सजाइ मतेक्नुङ। मारदे हना मेकोपुकीमी ठीक पाइब आन कली चांदी के क्येटीम नु मारेइ मथीब आन कली जोर का चेपल ताक्शा लेयतेक्म। आमोस ८:६
Micah 2:2 in Sunwar 2 मेकोपुकीम रिम्शो रू तशा वाल्शा, रोइक्नीम। रिम्शो खिं रोइक्नीम। मोपा मेकोपुकीमी मुर आन खिं नु आन थेरशो रू आंम के सेल्नीम। ब्यवस्था ५:२१; हितोपदेस २४:१५; यसैया ५:८
Habakkuk 2:9 in Sunwar 9 “आबी आबी, गे मरिम्शो पा क्येट चेम्नेवे। मोपा इ खिं ङा मुर आन कली खतम सेल्नेवे। तन्न गे ‘श्येत मजाइनुङ’ दे इ खिं इर सेल्तीवी।
Matthew 5:28 in Sunwar 28 गो मार देंनुङ देंशा हना, ग्युंबे पशो मुरुमी अर्को मीश मुर तशा वाल्त हना, आ थुंमी मीश वोंइश आस नाता ख्रोइक्ब। २सामुएल११:२; अय्युब ३१:१; २पत्रुस २:१४
Matthew 20:15 in Sunwar 15 आंम आं के बाक्शो आं दाक्शो पा योक्चा मताइनुङा ङा? अरु आन कली शिशी पशो तशा, इ कुप्फीम मी ब्रवे?’ दे मदा बाक्त। रोमी ९:१६,२१
Luke 12:15 in Sunwar 15 मिनु नोले मुर आन कली “नेनीन, होस पा बाक्कीन। शिंम मदुमीन। मारदे हना शुश शोंप बाक्शा ला ब्रोंइशा बाक्चा मतांइसीब” देंमाक्त। उपदेसक ५:९; १तिमोथी ६:९-१०
Luke 16:14 in Sunwar 14 फरिसीपुकीमी क्येट नु शोंप दाक्बाक्मा बाक्त। मिनु येसु आ लोव़ नेंशा गाइश्शा, शुक्शी पामे बाक्त।
Acts 5:4 in Sunwar 4 मेको रू मलेयसी नु इस केन बाक्त। लेयसी नोले मेक रे जाक्शो क्येट यो इस केन बाक्त। मिनु मारदे जोल पसी? गे आंइ कली जोल मपसी, तन्न परमप्रभु यावे कली जोल पाइतीसी” दे मदा बाक्त।
Acts 20:33 in Sunwar 33 गेपुकी नु बाक्ङानु, इन बाक्शो सुन चांदी वा नेल्ल तशा मवाल्ङ। मारेइ मताक्गु।
Romans 7:7 in Sunwar 7 मिनु मुल मार देंय देंशा हना, परमप्रभु यावे आ अरेशो लोव़मी पाप बाक्बा? मो देंशो ममिम्चा। परमप्रभु यावे आ अरेशो लोव़ मपढेङा सम्म गो पाप मतुइक्तु। परमप्रभु यावे आ अरेशो लोव़मी “मुर आन मार मार तशा मवलो” दे मब्रेक्शो हना, वाल्चा आ पर्बम गो मारेइ मतुइक्तु वा। प्रस्थान २०:१७
Romans 13:9 in Sunwar 9 मेको लोव़मी मार ब्रेक्शो बाक्ब देंशा हना “मीश वोंइश आस नाता मख्रोइक्चा, मुर मसाइक्चा, खुइ मपचा, मवाल्चा” अरु मपचा ङा गेय यो बाक्नीम। मिनु मार पा मेको लोव़ खाप्सीब देंशा हना, आंम कली दाक्शो खोदेंशो पा आंम नेक्था ङा आन कली दाक्शा, खाप्सीब। प्रस्थान २०:१३-१७; लेवी १९:१८
1 Corinthians 6:10 in Sunwar 10 खुइ पाइनीमी, शिंम पाइनीमी, शांबु राकसीमी दुक्शा गाक्नीमी, शुक्शी लोव़ पा गाक्नीमी, मुर आन के बाक्शो थोव़क रोइश्शा, श्येत गेनीमी। मोदेंशो पाइबपुकी परमप्रभु यावे आ राज्यम ओव़चा मताइनीम।
Ephesians 5:3 in Sunwar 3 मोपतीके गेपुकी परमप्रभु यावे आ मुर दुम्शा, इन दातेमी तेल्लेम पचा, ग्रांग्रा दिचा ङा गेय पचा नु शिंम पचा आ पर्बम लोव़ सम्म यो मपने। मेको परमप्रभु यावे आ मुर आन कली रिम्शो दुम्ब। कलस्सी ३:५
Ephesians 5:5 in Sunwar 5 तेल्लेम पाइब, ग्रांग्रा दिचा ङा गेय पाइब नु शिंम पाइबपुकी ख्रीस्त नु परमप्रभु यावे आ राज्यमी ओव़चा मताइनीम, दे रिम्शो पा तुइक्चा माल्नीनी। मेको नेल्ल मूर्ति पूजा पचा खोदेंशो बाक्ब। १कोरिन्थी ६:९-१०; प्रकाश २१:८; प्रकाश २२:१५
Philippians 3:19 in Sunwar 19 नोले मेकोपुकी जाम्शा लाइनीम। आन कोव़ज कली परमप्रभु यावे क्येङा ठेयब बाक्ब, दे मुने पचा ङा गेयमी आंम कली ठेयब सेल्सीशा, आन थुंमी रागी ङा माल्शो ला मिम्नीम। रोमी १६:१८
Colossians 3:5 in Sunwar 5 मोपतीके इन आगामी बाक्शो माइत रागी ङा थुं कली सतीन। रागी ङा मुर आन थुंमी मार बाक्ब देंशा हना, हेंथे पचा, मार मार ग्रांग्रा दिचा ङा गेय पचा, आंम दला दाक्स पचा, मरिम्शो मिम्तीके नु शिंम दुम्तीके बाक्ब। शिंम दुम्तीके चहिं मूर्ति पूजा पचा खोदेंशो बाक्ब। एफिसी ५:३
1 Timothy 6:6 in Sunwar 6 परमप्रभु यावे कली बोल्यो थमा सुइक्चा चहिं थुं नाइक्तीक बाक्ब। १तिमोथी ४:८; मत्ती ६:२५-३४; फिलिप्पी ४:११-१२; हिब्रू १३:५
Hebrews 13:5 in Sunwar 5 क्येट चेम्चा गे इन थुं महिरदीने। गेपुकी नु मार मार बाक्मा, मेको मोशोमीन इन थुं नाइश्शा बाक्कीन। मारदे हना मेकोमी “गे नु बाक्नुङ, मिनु गेनायो मप्रोंइनन” देंब। यहोसु १:५; १तिमोथी ६:६