2 Timothy 4:8 in Sunwar 8 मुल रे ठीक पतीके ङा सिरपेच गुप्चा दे आं कली वोइश्शो बाक्त। प्रभु ठीक निसाफ पाइब बाक्ब। मेकोमी आं कली आ नाक्तीम सिरपेच गेब। आं कली ला ममाइ, सु सुमी आ जाक्शो दाक्नीमी, मेको आन कली यो गेब। २तिमोथी २:५; १पत्रुस ५:४; याकूब १:१२; प्रकाश २:१०; मत्ती २५:२१
Other Translations King James Version (KJV) Henceforth there is laid up for me a crown of righteousness, which the Lord, the righteous judge, shall give me at that day: and not to me only, but unto all them also that love his appearing.
American Standard Version (ASV) henceforth there is laid up for me the crown of righteousness, which the Lord, the righteous judge, shall give to me at that day; and not to me only, but also to all them that have loved his appearing.
Bible in Basic English (BBE) From now on, the crown of righteousness is made ready for me, which the Lord, the upright judge, Will give to me at that day: and not only to me, but to all those who have had love for his revelation.
Darby English Bible (DBY) Henceforth the crown of righteousness is laid up for me, which the Lord, the righteous Judge, will render to me in that day; but not only to me, but also to all who love his appearing.
World English Bible (WEB) From now on, there is stored up for me the crown of righteousness, which the Lord, the righteous judge, will give to me on that day; and not to me only, but also to all those who have loved his appearing.
Young's Literal Translation (YLT) henceforth there is laid up for me the crown of the righteousness that the Lord -- the Righteous Judge -- shall give to me in that day, and not only to me, but also to all those loving his manifestation.
Cross Reference Genesis 18:25 in Sunwar 25 ममाइ, गे मोदेंशो पा मक्याम्नीनी। गे ठीक पाइब नु मरिम्शो पाइब आन कली खाल का ङा पा मसाइक्नीनी। थमान, ठीक पाइब नु मरिम्शो मुर आन कली खाल का ङा मपाइनीनी। गे रागी रागी ङा निसाफ पाइब बाक्शा, ठीक निसाफ पाइनीनी” देंमाक्त। भजन संग्रह ८२:१; भजन संग्रह ९४:२
Psalm 7:11 in Sunwar 11 परमप्रभु ठीक निसाफ पाइब बाक्ब। नाक्त किंत किंत मेको पापी आन कली तशा गाइक्ब।
Psalm 31:19 in Sunwar 19 गे इन कली मान पा हिंब आन कली गेना हना यो शुश दाक्नीनी। इन कली जिम्मा गेंसीब आन कली दाक्तीके मुर आन ङोंइती कोंइनीनी।
Proverbs 4:9 in Sunwar 9 मेकोमी इ पिया दारशो पा ग्योम्पाइक्ब। इ पिया तारी रिम्शो सिरपेच गुक्ब” दे शेंताक्यी।
Malachi 3:17 in Sunwar 17 मिनु मुर नेल्ल आन परमप्रभु यावेमी “मेको आं मुर दुम्नीम। आं निसाफ पतीक नाक्त आं नेक्था ङा मुर दुम्नीम। दोपा मुरुमी आंम कली गेय पाइब तौ कली शिशी पा वोइक्बा, मोपा गो मेको आन कली शिशी पा वोइक्नुङ। प्रस्थान १९:५
Matthew 6:19 in Sunwar 19 एको रागीमी शोंप खुप्शा, खेक्शा मवोतीने। मारदे हना बुस्सुम ख्रोइक्ब, खिया जोइब, खुइपुकीमी खुइ पाइनीम।
Matthew 7:22 in Sunwar 22 मेको नाक्त शुशेमी आं कली ‘हे प्रभु, हे प्रभु, गोपुकीमी इन नेंमी नोले दुम्ब लोव़ मपका ङा? इन नेंमी वोल आन कली मखेरका ङा? चिन्ड नु छक लाक्चा ङा गेय मपका ङा?’ देंनीम। लूका १३:२५-२७; येरमीया २७:१५
Matthew 24:36 in Sunwar 36 मोदेंशो गेना दुम्बा, सुइमी मतुइक्नीम। परमप्रभु यावे आ स्वर्ग ङा गेय पाइबपुकीमी यो मतुइक्नीम। तौमी यो मतुइक्ब। आफोमी ला तुइक्ब। प्रेरित १:७
Luke 10:12 in Sunwar 12 परमप्रभु यावे आ ठेयब निसाफ पची ना गे इन क्येङा सोदोम सहरम शिशी ताइब, देनीन।’ उत्पत्ती १९:१-२९
Romans 2:5 in Sunwar 5 इन थुं परमप्रभु यावे गे मलेत्तीके परमप्रभु यावे आ गाइश्शो तेम्नीनी। मिनु आ ठीक निसाफ पची नाक्त शुश सजाइ ताइनीनी।
Romans 8:23 in Sunwar 23 मेको सेल्शोमी ला ममाइ। गो नेल्ल क्येङा ङोंइती परमप्रभु यावे आ सोक्त ताइबपुकीमी यो हिंमा क्येम्स पा “आंइ रां बेक्चा रे प्रोनीन” दे पुंइना पुंइन आस पा बाक्नय। २कोरिन्थी ५:२
1 Corinthians 2:9 in Sunwar 9 मिनु “मिक्चीम मतशो, नोफाम मनेंशो, मुर आन थुंमी ममिम्शो लोव़ परमप्रभु यावेमी आ कली दाक्ब आन कली तुइक्पाइश्शा, रुप्चा गेम्तीमी” दे ब्रेक्शो बाक्ब। यसैया ६४:४
1 Corinthians 9:25 in Sunwar 25 मोपा दोरबपुकीमी दोरने चबुल, दे हेंथे मजाइनीम मतूनीम। आन रां नेल्ल चलेस जोक्नीम। मोदेंशो पाइबपुकीमी जाम्शा लाइब इनाम ला ताइनीम। गोपुकीमी चहिं गेनायो जाम्शा मलाइब इनाम ताइनय, दे तुइश्शा, मेको आन क्येङा रिम्शो पचा ममाल्नया ङा? २तिमोथी २:४-५; १पत्रुस ५:४
2 Corinthians 5:2 in Sunwar 2 गो एकेर बाक्शा, रोंका पाइनीकी, आंइ स्वर्ग ङा खिंम बाक्चा दाक्नीकी।
Colossians 1:5 in Sunwar 5 स्वर्गमी इन कली रिम्शो दुम्ब, दे तुइक्ताक्नी। गेपुकीमी ङोंइती रे थमा लोव़ पशो नेंतीनी। मेकोन ग्येरपाइक्ब लोव़ बाक्ब। १पत्रुस १:३-४
1 Thessalonians 1:10 in Sunwar 10 मिनु बेक्शो रे सेंशो परमप्रभु यावे आ तौ लेंशा सरीङ रे यीब, दे रिम्शा बाक्तीनी। येसुमी इं कली परमप्रभु यावे आ गाइक्चा रे प्रोंइब। तीतस २:१३
1 Thessalonians 5:4 in Sunwar 4 गे लोक्बपुकी चहिं छिङछिङम मबाक्नीनी। मेको नाक्त खुइ जाक्शो खोदेंशो पा इन कली महिंपाइक्ब।
2 Thessalonians 1:5 in Sunwar 5 गेपुकी परमप्रभु यावे आ राज्यम शिरशो मुर दुम्तीनी। मिनु मेको राज्य आ पर्बम श्येत जाइनीनी। परमप्रभु यावेमी इन कली श्येत जचा गेप्तु हना यो, ठीक निसाफ पाइब बाक्ब। फिलिप्पी १:२८
1 Timothy 6:19 in Sunwar 19 मो पाम्तेक्म हना, नोले रिम्शो दुम्नीम। बोल्यो जग खोदेंशो पा, गेना हना यो ब्रोंइशा बाक्चा ताइब दुम्नीम। मेको ला थमा ब्रोंइचा बाक्ब। मत्ती ६:२०; लूका १६:९
2 Timothy 1:12 in Sunwar 12 मोपतीके गो यो श्येत जाइनुङ। तन्न गो मुने मपाइनुङ, मारदे हना सु कली थमा सुइक्नुङा मेको तुइक्नुङ। मेकोमी आं कली मबेक्ङा सम्म कोव़ने चाप्ब, दे यो तुइक्नुङ।
2 Timothy 1:18 in Sunwar 18 प्रभुमी मेको कली आ निसाफ पतीक नाक्तीमी शिशी पवल। मेकोमी एफिसस सहरमी शुश गेय पाप्तु, दे यो तुइक्नेवे।
2 Timothy 2:5 in Sunwar 5 दोरतीक दोरबमी हेंथे पा दोरत हना, ग्राने मचाप्ब। २तिमोथी ४:८; १कोरिन्थी ९:२४-२७
2 Timothy 4:1 in Sunwar 1 गो इ कली ख्रीस्त येसु नु परमप्रभु यावे आस ङोंइती मार देंनुङ देंशा हना, येसु ख्रीस्त आ राज्य जाची ना बेक्शो नु ब्रोंइशो मुर आन कली निसाफ पाइब बाक्ब। मेको आ जाक्चा नु राज्य पचा मिम्शा १पत्रुस ४:५
Titus 2:13 in Sunwar 13 मोदेंशो दुम्शा, मान ताइब परमप्रभु यावे नु इं कली पाप रे प्रोंइब येसु ख्रीस्त आ छेङछेङ ग्रूब, दे गो आस पशा रिम्नय। १कोरिन्थी १:७; फिलिप्पी ३:२०; १थिस्सलोनिकी १:१०
Hebrews 9:28 in Sunwar 28 मोपा ख्रीस्त शुश मुर आन पाप क्याम्चा कली खेयप का आ हुश चढ़ेप्तु। मिनु लेंशा जाक्ब। पाप क्याम्थ चहिं मजाक्ब। तन्न मेको कली थमा सुइश्शा रिम्शा बाक्ब आन कली श्येत रे प्रोंइचा कली जाक्ब। हिब्रू १०:११,१२,१४
James 1:12 in Sunwar 12 सु इन दातेमी आ थमा सुइक्तीके ठीक बाक्म कों, मबाक्म देय थुं थाम्चा पुंइसीशा फाल्ने चाप्बा, मेको मुर ग्येरसेक्ल। मेको थुं थाम्तीके ठीक दुम्त हना, मेको मुरुमी ब्रोंइतीक सिरपेच ताइब। परमप्रभु यावेमी “सुम आं कली दाक्बा, मेकोमी ब्रोंइतीक सिरपेच ताइब” दे लोव़ पशो बाक्ब। २तिमोथी ४:८
1 Peter 1:4 in Sunwar 4 मिनु इं कली स्वर्गमी जाम्शा मलाइब, काइ मबिग्रेब नु गेना हना यो लीब शोंप वोइश्शो बाक्ब। कलस्सी १:१२
1 Peter 5:4 in Sunwar 4 नेल्ल क्येङा ठेयब गोठला जाक्मेनु, गे गेना हना यो लीब परमप्रभु यावे आ छेङछेङ ङा सिरपेच ताइनीनी। हिब्रू १३:२०; १कोरिन्थी ९:२५; २तिमोथी ४:८
Revelation 1:7 in Sunwar 7 मिनु येसु ख्रीस्त लेश्शा, दोपा यीबा देंशा हना, सरीङ रे गोस्सुमी गिल्सीशा यीब। मिनु मुर नेल्लेमी मेको कली यिन यिन पशो ताइनीम। मेको कली साइक्पाइक्बपुकीमी यो ताइनीम। मिनु थर थर ङा मुरपुकीम मेको कली तशा, रोंका पा ङाक्नीम। एको थमा लोव़ बाक्ब। आमेन। मत्ती २४:३०; जकरिया १२:१०; यूहन्ना १९:३७
Revelation 2:10 in Sunwar 10 मिनु मुल इन कली श्येत दुम्चाप्तु। तन्न महिनीने। नेनीन, मुल दियाबलस सैतानमी गे का निक्शी इन कली थुं थाम्चा कली जेल्खानम चोक्पाइक्ब। गे १० नाक्त सम्म ला श्येत जाइनीनी। साइक्चाम्तेक्म हना यो, फाल्शा थमा सुइक्चा मप्रोनीन। मो पाइतीनी हना, गो इन कली गेना हना यो ब्रोंइशा बाक्तीक सिरपेच गेनुङ। मत्ती १०:१९,२८; प्रकाश ३:११; २तिमोथी ४:८
Revelation 4:4 in Sunwar 4 मिनु ठेयब नित्तीके आ एर ओंथ २४ ओटा आइक्च नित्तीकपुकी बाक्तेक्म। मेको नित्तीकपुकीमी बुश वा फेक्शो नु आन पियामी सुन के सिरपेच गुप्शो २४ जना शेंब खाल्पा निश्शो बाक्तेक्म। प्रस्थान १९:१६; प्रकाश १:४
Revelation 4:10 in Sunwar 10 मेको २४ जना शेंब खाल्पामी मेको ठेयब नित्तीकेमी निप्ब आ ङोंइती आन पोक्च थेक्शा सेउ पाम्तेक्म। मिनु गेना हना यो ब्रोंइशा बाक्ब कली मान पाम्तेक्म। मिनु मेकोपुकीमी आन सिरपेच पुइश्शा, मेको ठेयब नित्तीकेमी निप्ब आ ङोंइती वोइश्शा
Revelation 19:11 in Sunwar 11 मिनु नोले गो स्वर्ग रोक्सीशा, बुश शारा का ताता। मेको शारा तार ङोइक्ब का बाक्त। मेको शारा ङोइक्ब सु बाक्त देंशा हना, दीगो नु थमा पाइब माइश्शो बाक्त। मेको घूस मताक्थु ठीक पा निसाफ पाइब बाक्त। लडाइ पाइब यो बाक्त। मत्ती २४:३०; प्रकाश ३:३४; यसैया ११:४-५
Revelation 22:20 in Sunwar 20 मिनु एको लोव़ पाइबमी “आमेन, गो फ्रा लेश्शा यीनुङ” देंत। मिनु थमा सुइक्बपुकीमी “आमेन, प्रभु येसु जाक्कीन” देंतेक्म। १कोरिन्थी १६:२२