2 Kings 23:10 in Sunwar 10 मिनु पिप योसीयाहम मोलेक कली आन तमी तौ क्योरशा चढ़ेथ मजाक्मल, दे बेन-हिन्नोम बेंसीम बाक्शो तोफेथ थान कली ग्रांग्रा दिशो सेल्पदा बाक्त। २राजा १७:१७; लेवी १८:२१
Other Translations King James Version (KJV) And he defiled Topheth, which is in the valley of the children of Hinnom, that no man might make his son or his daughter to pass through the fire to Molech.
American Standard Version (ASV) And he defiled Topheth, which is in the valley of the children of Hinnom, that no man might make his son or his daughter to pass through the fire to Molech.
Bible in Basic English (BBE) And Topheth, in the valley of the sons of Hinnom, he made unclean, so that no man might make his son or his daughter go through the fire to Molech.
Darby English Bible (DBY) And he defiled Topheth, which is in the valley of the sons of Hinnom, that no man might cause his son or his daughter to pass through the fire to Molech.
Webster's Bible (WBT) And he defiled Topheth, which is in the valley of the children of Hinnom, that no man might make his son or his daughter to pass through the fire to Molech.
World English Bible (WEB) He defiled Topheth, which is in the valley of the children of Hinnom, that no man might make his son or his daughter to pass through the fire to Molech.
Young's Literal Translation (YLT) And he hath defiled Topheth, that `is' in the valley of the son of Hinnom, so that no man doth cause his son and his daughter to pass over through fire to Molech.
Cross Reference Leviticus 18:21 in Sunwar 21 गे मोलेक कली आंम तमी तौपुकी चढ़ेशा, आंम परमप्रभु यावे, इन परमप्रभु आ नें ग्रांग्रा मसेलीन। गो परमप्रभु यावे नङ।
Deuteronomy 18:10 in Sunwar 10 मेको ग्रांग्रा दिशो गेय मार बाक्ब देंशा हना, आंम तमी तौ आन कली मीम चोशा चढ़ेशा, लिंक्यु कोव़चा, टुना मुना पचा, मन्तर तन्तर पचा, लेवी १८:२१; लेवी १९:२६,३१
Joshua 15:8 in Sunwar 8 मेको सांद हिन्नोम आ तौ आ दिंम रे यबुसी आन सहर आ दक्खिन रे ग्येत्थ खोइश्शो बाक्त। यबुसी आन सहर यरूसलेम बाक्ब। मिनु मेकेर रे हिन्नोम दिंम ङा पच्छिमम बाक्शो डांडा ग्येत्थ रे रेफाइम आन दिंम ङा उत्तर सम्म लशो बाक्त। २इतिहास २८:३
1 Kings 11:7 in Sunwar 7 मिनु सोलोमनम मोआब ङा ग्रांग्रा दिशो मूर्ति केमोश नु अम्मोनी आन ग्रांग्रा दिशो मूर्ति मोलेक आस कली यरूसलेम आ पूर्ब गे ङा डांडा काम पूजा पतीक थान सेला बाक्त। गन्ती २१:२९; २राजा २३:१३
2 Kings 16:3 in Sunwar 3 मेको इस्राएल ङा पिप आन लांम गाक्माक्त। मेकोमी आ तौ कली चोशा चढ़ेवा बाक्त। मोदेंशो ग्रांग्रा दिशो गेय पशो आ पर्बम परमप्रभु यावेमी ङोंइती रागी रागी ङा मुर आन कली इस्राएल रे ग्रुंइशो बाक्माक्त। लेवी १८:२१
2 Kings 17:17 in Sunwar 17 मेकोपुकीम आंम तमी तौ आन कली क्योरशा चोशा चढ़ेमे बाक्त। मिनु लिंक्यु कोव़शा, मन्तर तन्तर पामे बाक्त। मिनु परमप्रभु यावे आ ङोंइती मार मरिम्शो बाक्मे, मेको पना पन बाक्मा बाक्त। मिनु मेको कली गाइक्पदमे बाक्त। लेवी १८:२१
2 Kings 21:6 in Sunwar 6 मेकोमी आ तौ कली चोशा चढ़ेवा बाक्त। मिनु मन्तर तन्तर, टुना मुना पा, बेक्शो मुर रे लोव़ पचा गेशा, लिंक्यु कोव़ङा बाक्त। मेकोम परमप्रभु यावे आ ङोंइती शुश मरिम्शो पवा बाक्त। मिनु मेको कली थाम्पा गाइक्पदा बाक्त। २राजा १६:३; लेवी १८:२१
2 Chronicles 28:3 in Sunwar 3 मिनु पिप आहाजम बेन-हिन्नोम आ बेंसीम धूप चढ़ेवा बाक्त। आहाजमी रागी रागी ङा मुर आन ग्रांग्रा दिशो गेय खोदेंशो पा, आ तौ आन कली मीम चोशा चढ़ेवा बाक्त। मोपतीके परमप्रभु यावेमी रागी रागी ङा मुर आन कली इस्राएली आन ङोंइती रे खेरशो बाक्माक्त। ब्यवस्था १८:९-१२
2 Chronicles 33:6 in Sunwar 6 मेकोमी आ तौ कली बेन-हिन्नोम आ बेंसीम चोशा चढ़ेवा बाक्त। मन्तर तन्तर, टुना मुना पा नु लिंक्यु कोव़ङा बाक्त। मेकोमी टुना मुना पा नु बेक्शो मुर नु लोव़ पवा बाक्त। मिनु जादू कली गेय पपदा बाक्त। मोपा परमप्रभु यावे आ ङोंइती थम मरिम्शो पवा बाक्त। मिनु मेको कली गाइक्पदा बाक्त। २इतिहास २८:३; लेवी २०:६
Isaiah 30:33 in Sunwar 33 मारदे हना ङोंइती रे ठेयब चोतीके का सेल्शो बाक्त। मेको थमा पा पिप कली सेल्शो बाक्त। मेको शुश लुक्च लशो नु ब्रेम्शो बाक्त। मेकेर मी नु शुश शी बाक्त। परमप्रभु यावे आ मुइश्शो गन्धक खोदेंशो पा मेको मी ब्राइब।
Jeremiah 7:31 in Sunwar 31 मिनु मेकोपुकीमी तोफेथम आन थान सेल्तेक्म। मेको हिन्नोम आ तौ आ बेंसी बाक्ब। मेकेर आंम तमी तौ आन कली मीम चोशा चढ़ेम्तेक्म। गो मोदेंशो गेनायो ममिम्तु, मेको आन कली यो मअरेङमी। येरमीया १९:५-७; येरमीया ३२:३६; लेवी १८:२१
Jeremiah 19:2 in Sunwar 2 मिनु गे हिन्नोम आ तौ आ बेंसीम बाक्शो गम्टे लाप्चोम लावो। गो इ कली मार शेंदु, मेको लोव़ मेकेर ठेयब सेंदा पा नेंपाइक्मी। येरमीया ७:३१
Jeremiah 19:6 in Sunwar 6 मोपतीके होस पा बाक्कीन। मेको बेंसी कली तोफेथ नु हिन्नोम आ तौ आ बेंसी, दे वोइश्शो नें प्रोंइनीम। मेको शुश नाक्त रिम्चा ममाल्नीनी। तन्न मेको कली मुर साइक्तीक बेंसी, दे नें वोइक्नीम। येरमीया ७:३२
Jeremiah 19:11 in Sunwar 11 मिनु गे मेको आन कली मुर नेल्ल आन परमप्रभु यावेमी ‘दोपा खप के ग्योंब सेल्ब आ ग्योंब गेनायो मबोंइसीचा ङा पा ब्रोल्मे, मोपा गो मेको मुर आन कली नु एको सहर आन कली प्रोल्नुङ। तोफेथमी मुर थिम्तीक मनुम्म सम्म बेक्शो मुर थिम्नीम। यसैया ३०:१२-१४; येरमीया ७:३२
Jeremiah 32:35 in Sunwar 35 मेकोपुकीम हिन्नोम आ तौ आ बेंसीम बाल देवता आन थान सेल्तेक्म। मिनु मेकोपुकीमी मेकेर आन तमी तौ आन कली मोलेक कली चोशा चढ़ेम्तेक्म। गो मेको आन कली मेको मअरेङमी। गो मेको गेनायो ममिम्तु। मोदेंशो ग्रांग्रा दिशो गेय पशा, यहूदा ङा मुर आन कली पाप पपाइक्तेक्म” देंत। येरमीया ७:३१; येरमीया १९:५; इजीकीएल २०:२५-२६
Ezekiel 16:21 in Sunwar 21 गे आं आल आन कली क्योरशा, मूर्ति आन कली चढ़ेप्तीवी।
Ezekiel 20:26 in Sunwar 26 गो मेको आन कली आन चढ़ेशो रे पा ग्रांग्रा दिशो दुम्चा गेतामी। आन ङोंइती जरमेशो मारेइ मारेइ आन रे आं कली चढ़ेचा आ पर्बम मेको आन कली ग्रांग्रा दिशो दुम्पाइक्तामी। मेकोपुकी हिंशा ग्येत्थ लुक्च दुम्मल, दे मो पाता। मिनु मेकोपुकीम गो परमप्रभु यावे नङ, दे तुइक्तमेक्ल, दे मो पाता” देंत। इजीकीएल १६:२०; प्रस्थान १३:२,१३; प्रस्थान २२:२८
Ezekiel 20:31 in Sunwar 31 गेपुकीम मेको आन कली चढ़ेनीनी। गे इन आल आन कली चोशा चढ़ेनीनी। मिनु मुलाक्ती सम्म यो गे इन मूर्ति पूजा पतीकेम आंम इन कली ग्रांग्रा दिशो सेल्सीशो बाक्नीनी। ए इस्राएल आ खिं ङा मुरपुकी, गो ब्रोंइशा बाक्शो खोदेंशो पा, गे आं कली हिल्लो पचा मताइनीनी” दे परमप्रभु, परमप्रभु यावेमी देंत।
Ezekiel 23:37 in Sunwar 37 मारदे हना मेको निक्शीम हेंथे पाम्ताक्स। मिनु मेको आस गुइम हुश ख्राक्श पोक्ताक्स। मेकोमी आस मूर्ति नु हेंथे पाम्ताक्स। मेको निक्शीम आं कली जरमेशो आस तमी तौ आन कली, मूर्ति आन कली ब्वचा गेचा कली क्योरशा चढ़ेम्ताक्स। इजीकीएल १६:२०
Matthew 5:22 in Sunwar 22 गोमी चहिं इन कली मार देंनुङ देंशा हना, सु मुर नु ईख पा ब्राशा बाक्बा, मेको सजाइ गेचा पुंइसीब। सुमी अर्को कली मरिम्शो लोव़ पाइबा, मेको कछडी पचा पुंइसीब। सुमी अर्को कली ‘ए मूर्ख’ देंबा, मेको नरक ङा मीम हुम्चा पुंइसीब। १यूहन्ना ३:१५