1 Peter 4:13 in Sunwar 13 गे ख्रीस्त आ श्येत जशो खोदेंशो पा श्येत जाइतीनी हना, ग्येरसीने। मारदे हना आ छेङछेङ पा जाक्ची ना शुश ग्येरनीनी। प्रेरित ५:४१; याकूब १:२; रोमी ८:१७
Other Translations King James Version (KJV) But rejoice, inasmuch as ye are partakers of Christ's sufferings; that, when his glory shall be revealed, ye may be glad also with exceeding joy.
American Standard Version (ASV) but insomuch as ye are partakers of Christ's sufferings, rejoice; that at the revelation of his glory also ye may rejoice with exceeding joy.
Bible in Basic English (BBE) But be glad that you are given a part in the pains of Christ; so that at the revelation of his glory you may have great joy.
Darby English Bible (DBY) but as ye have share in the sufferings of Christ, rejoice, that in the revelation of his glory also ye may rejoice with exultation.
World English Bible (WEB) But because you are partakers of Christ's sufferings, rejoice; that at the revelation of his glory also you may rejoice with exceeding joy.
Young's Literal Translation (YLT) but, according as ye have fellowship with the sufferings of the Christ, rejoice ye, that also in the revelation of his glory ye may rejoice -- exulting;
Cross Reference Isaiah 25:9 in Sunwar 9 मिनु मेको नाक्ती मुरपुकीमी “कोव़ङीन, मेको आंइ परमप्रभु बाक्ब। गो मेको आ लां कोव़तक। मिनु मेकोम आंइ कली श्येत रे प्रोंइतु। मेको आंइ रिम्शा बाक्शो परमप्रभु यावे बाक्ब। गोपुकी आ प्रोंइशो तशा ग्येरसाक्क। भजन संग्रह ४८:१५
Isaiah 35:10 in Sunwar 10 परमप्रभु यावेमी श्येत रे प्रोंइशो मुर ला लेश्शा जाक्नीम। मिनु सियोनमी कुम्सो पना पन ओव़नीम। मेकोपुकी गेना हना यो ग्येरसीशा बाक्नीम। ग्येरसीना सीन बाक्नीम। आन श्येत जशा, हुकयी पतीके लेश्शा मजाक्ब। यसैया ५१:११; प्रकाश २१:४
Isaiah 51:11 in Sunwar 11 परमप्रभु यावे आ प्रोंइशोपुकी लेत्नीम। मेकोपुकी कुम्सो पना पन सियोनम जाक्नीम। मिनु गेना हना यो ग्येरशा बाक्नीम। शुश ग्येरतीके, मेको आन श्येत नु हुकयी पतीके जाम्शा लाइब। यसैया ३५:१०
Matthew 5:12 in Sunwar 12 ग्येरसीने। मारदे हना स्वर्गमी इन कली ठेयब इनाम वोइश्शो बाक्ब। साइ नेसी रे मुल सम्म परमप्रभु यावे आ लोव़ पाइब आन कली खेदा पा श्येत गेस ङा गेस पाम्तेक्म। हिब्रू ११:३३-३८; याकूब ५:१०
Matthew 16:27 in Sunwar 27 रागीम जरमेशो आ आफ आ दारसमी परमप्रभु यावे आ स्वर्ग ङा गेय पाइबपुकी नु जाक्ब। मिनु मुर आन गेशो पशो कोव़शा, आन गेशो का का पा लेश्शा गेब। रोमी २:६
Matthew 25:21 in Sunwar 21 आ होव़पमी ‘रिम्शो पाप्तीवी। थमा सुइक्चा पुंइसीशो बाक्ते। इच्ची खोइ तशोमी शुश सेल्शा, रिम्शो गेय पाप्तीवी। मोपतीके शुश अधिकार गेनन। ग्येरसीशा बाक्स’ देंब। मत्ती २४:४५-४७
Matthew 25:23 in Sunwar 23 मेको कली यो ‘रिम्शो पाप्तीवी। इच्ची खोइ तशोमी शुश सेल्शा, रिम्शो गेय पाप्तीवी। थमा सुइक्चा पुंइसीशो बाक्ते। मोपतीके शुश अधिकार गेनन। ग्येरसीशा बाक्स’ देंब।
Matthew 25:31 in Sunwar 31 रागीम जरमेशो परमप्रभु यावे आ स्वर्ग ङा गेय पाइबपुकी नु आ छेङछेङमी जाक्शा, आ ठेयब नित्तीकेम निस्सीब। मत्ती १६:२७; प्रकाश २०:११-१३
Matthew 25:34 in Sunwar 34 मिनु पिपमी आ ग्युरा गे राप्शो आन कली ‘आं आफ आ आसीक तशोपुकी, आं नेक्थान जाक्कीने। रागी सेल्चा ङोंइती एको राज्य इन कली सेल्शा वोइश्शो बाक्त। मुल बाक्कीने।
Mark 8:38 in Sunwar 38 सुमी हेंथे गाक्ब नु पाप पाइब आन पालामी आं पर्बम नु आं लोव़ आ पर्बम मुर आन कली देंचा मुने पाइबा, मेको आ पर्बम रागीम जरमेशोमी यो आ आफ आ छेङछेङ नु आ स्वर्ग ङा गेय पाइबपुकी नु जाक्मेनु मेको कली तशा मुने पाइब” दे माइक्मी बाक्त। मत्ती १०:३३
Luke 6:22 in Sunwar 22 मुरुमी इन कली आं पर्बम काइ मदाक्थु, खेरशा हेला पामेनु, रागीम जरमेशो आ पर्बम इन कली दिप्मेनु, गे शुश ग्येरसीन। यूहन्ना १५:१८-१९
Luke 17:30 in Sunwar 30 रागीम जरमेशो जाक्शा तपांइसेनु, नोआह नु लोत आस पालाम दुम्शो खोदेंशो दुम्ब।
Acts 5:41 in Sunwar 41 मिनु सोइश्शोपुकी ग्येरसीशा, मेकेर रे लमा बाक्त। मारदे हना “येसु आ नेंमी श्येत जचा रिम्शो दुम्ब” देंमा बाक्त। मत्ती ५:१०-१२; १पत्रुस ४:१३
Acts 16:25 in Sunwar 25 नाक्दो पावल नु सिलासमी प्रार्थना पा कुम्सो पा परमप्रभु यावे कली ठेयब सेल्से बाक्त। आस प्रार्थना नु कुम्सो पशो जेल्खानमी चोक्सीशो नेल्लेमी नेन्मे बाक्त।
Romans 5:3 in Sunwar 3 मेको ला ममाइ। श्येत जयानु, ग्येरनय। मारदे हना श्येत जशोमी फाल्तीक सक्ति बारपाइक्ब। याकूब १:२-३
Romans 8:17 in Sunwar 17 परमप्रभु यावे आ तमी तौ दुम्शा, येसु ख्रीस्त नु काथा बाक्शा, अङस ताइब दुम्तय। मेको अङस तचा ङोंइती येसु ख्रीस्त आ नेंमी श्येत जाइनय। नोले आ राज्य तांइसेनु, येसु ख्रीस्त नु काथा बाक्शा अङस ताइनय। गलाती ४:१७; प्रकाश २१:७
2 Corinthians 1:7 in Sunwar 7 आंइ जशो श्येत गे यो जाइनीनी। मिनु आंइ खोदेंशो पा थुं नाइक्पाइक्चा पुंइसीनीनी। आंइ खोदेंशो पा, थुं नाइक्पाइक्चा पुंइसीनीनी, दे तुइश्शा, आस पचा मप्रोंइथु बाक्नीकी।
2 Corinthians 4:10 in Sunwar 10 येसु आ लोव़ शेंना शेंन गाक्कानु, येसु बेक्चा ङा श्येत जशो खोदेंशो पा, गो यो बेक्चा ङा श्येत जाइनीकी। तन्न येसु बेक्शो रे सेंचा पुंइसीशो खोदेंशो पा, सक्ति पाइश्शो दुम्नीकी। १कोरिन्थी १५:३१; गलाती ६:१७
2 Corinthians 4:17 in Sunwar 17 मारदे हना मुल जशो श्येत इच्का ला बाक्ब। नोले मेकोमी इं कली मरुप्चा ङा ठेयब छेङछेङमी बाक्चा गेब। रोमी ८:१७-१८; १पत्रुस १:६
2 Corinthians 12:9 in Sunwar 9 तन्न मेकोमी आं कली “आं शिशी इ कली गारब। मारदे हना मचाप्ब मुर आगाम आं सक्ति नेल्ल क्येङा ठीक बाक्ब” देंत। मोपा तुइक्तु रे ख्रीस्त आ सक्ति गो नु बाक्शो तांइसेक्ल, दे गो मारेइ पने मचाप्ब दुम्शोमी, थाम्पा ग्येरसीशा आं नें बोरपाइक्नुङ।
Philippians 3:10 in Sunwar 10 आं दाक्शो मार बाक्त देंशा हना, गो येसु ख्रीस्त कली तुइक्ने चबुल। आ सेंतीक सक्ति गो नु बाक्ल। दोपा श्येत जशा, साइक्चा पुंइसीशो बाक्मे, मोपा गो यो मोदेंशो दुम्ङल। रोमी ६:३-५; रोमी ८:१७; गलाती ६:१७
Colossians 1:24 in Sunwar 24 मुल गो इन पर्बम श्येत जाता हना यो, ग्येरसाक्यी। मारदे हना आं रांमी ख्रीस्त आ लीशो श्येत थुम्पाइक्नुङ। ख्रीस्त आ लीशो श्येत थमा सुइक्ब आन पर्बम बाक्ब। मेकोपुकी ख्रीस्त आ रां बाक्नीम। एफिसी ३:१३; २तिमोथी २:१०
2 Thessalonians 1:7 in Sunwar 7 गे श्येत जाइब इन कली नु आंइ कली इं थुं नाइक्चा गेब। गेना थुं नाइक्चा गेब देंशा हना, प्रभु येसु नु आ सक्ति पाइश्शो स्वर्ग ङा गेय पाइबपुकी सरीङ रे ग्रूची ना इं थुं नाइक्चा गेब। मत्ती १६:२७; मत्ती २५:३१-४६; १थिस्सलोनिकी ४:१६
2 Timothy 2:12 in Sunwar 12 गोपुकीमी श्येत फाल्तय हना, मेको नु हुकुम पाइनय। गोपुकीमी ‘मेको कली मतुइक्नुङ’ देंतय हना, मेकोमी यो ‘मतुइक्नुङ’ देंब। मत्ती १०:३३
James 1:2 in Sunwar 2 आं लोक्बपुकी, इन थमा सुइक्तीके ठीक बाक्म कों, मबाक्म, दे थुं थाम्चा पुंइसाक्नी हना, ग्येरसीने। रोमी ५:३-५; १पत्रुस ४:१३
1 Peter 1:5 in Sunwar 5 परमप्रभु यावे आ सक्तिमी इं कली कोव़ब। गो पाप रे ब्रोंइशो मुर बाक्नय, दे थमा सुइक्नय। मेको नेल्ल नोले ङा नाक्तीमी कोंइब। यूहन्ना १०:२८
1 Peter 1:13 in Sunwar 13 मोपतीके इन थुं फ्रेंदीन। गेय पचा ङोंइती मिम्तीन। येसु ख्रीस्त जाक्मेनु, इन कली शिशी पाइब, दे आस पा बाक्कीन। लूका १२:३५-३६
1 Peter 5:1 in Sunwar 1 गो इन खोदेंशो खाल्पा नङ। गो थमा सुइक्ब आन दातेमी बाक्शो शेंब खाल्पा इन कली अर्ती गेनुङ। गो ख्रीस्त आ श्येत जशो तशो नङ। मुल गो जाक्चशो छेङछेङ ङा मुर यो दुम्ती। २यूहन्ना :१; मत्ती २६:३७,६९; रोमी ८:१७
1 Peter 5:10 in Sunwar 10 मिनु का निक्शी नाक्त श्येत जनी नोले नेल्ल शिशी पाइब परमप्रभु यावेमी “गेना हना यो छेङछेङमी बाक्चा गेनुङमी” दे ख्रीस्त आ नेंमी इन कली ब्रेश्शो बाक्त। मेकोमी इन कली आ राज्यम गारचा ङा सक्ति पाइश्शो नु ठीक सेल्ब। १पत्रुस १:६
Revelation 1:7 in Sunwar 7 मिनु येसु ख्रीस्त लेश्शा, दोपा यीबा देंशा हना, सरीङ रे गोस्सुमी गिल्सीशा यीब। मिनु मुर नेल्लेमी मेको कली यिन यिन पशो ताइनीम। मेको कली साइक्पाइक्बपुकीमी यो ताइनीम। मिनु थर थर ङा मुरपुकीम मेको कली तशा, रोंका पा ङाक्नीम। एको थमा लोव़ बाक्ब। आमेन। मत्ती २४:३०; जकरिया १२:१०; यूहन्ना १९:३७
Revelation 1:9 in Sunwar 9 मिनु गो इन लोक्ब यूहन्ना, येसु ख्रीस्त कली थमा सुइक्ब नङ। गो इन बुदी श्येत जशो परमप्रभु यावे आ राज्य ङा मुर यो नङ। मोपतीके श्येत जशा, इन खोदेंशो पा येसु ख्रीस्त कली रिम्शा बाक्नुङ। गो येसु आ सांकछी दुम्ती। मिनु परमप्रभु यावे आ लोव़ शेंताक्ङ। मोपतीके मुरुमी आं कली पात्मोस माइश्शो टापुमी लाइश्शा प्रोंइतीमी।