Acts 20:24 in Rikbaktsa 24 Pomoza zeka mahani my. Kahyriziktsokzawy pepykbaka. Ana hi mozihikik. Kahyriziktsokzawy Sesus kabo nyny niy. Anahi pepyk tsihikik hỹ. Sesus kape niy: “Kytsa bokta! Ispe tsimy: ‘Ahamysapybyri tsimoewyhiknahaktsa! Iwaze Deus pahaokzohik Deus harere bo zuba yhỹ tsimykaranahaze Deus ahamysapybyri pahaokzohik’ tsimy” niy. Iwa kape niy. Iwaha hi kahyriziktsokzawy pepyk tsihikik.
Other Translations King James Version (KJV) But none of these things move me, neither count I my life dear unto myself, so that I might finish my course with joy, and the ministry, which I have received of the Lord Jesus, to testify the gospel of the grace of God.
American Standard Version (ASV) But I hold not my life of any account as dear unto myself, so that I may accomplish my course, and the ministry which I received from the Lord Jesus, to testify the gospel of the grace of God.
Bible in Basic English (BBE) But I put no value on my life, if only at the end of it I may see the work complete which was given to me by the Lord Jesus, to be a witness of the good news of the grace of God.
Darby English Bible (DBY) But I make no account of [my] life [as] dear to myself, so that I finish my course, and the ministry which I have received of the Lord Jesus, to testify the glad tidings of the grace of God.
World English Bible (WEB) But these things don't count; nor do I hold my life dear to myself, so that I may finish my race with joy, and the ministry which I received from the Lord Jesus, to fully testify to the Gospel of the grace of God.
Young's Literal Translation (YLT) but I make account of none of these, neither do I count my life precious to myself, so that I finish my course with joy, and the ministration that I received from the Lord Jesus, to testify fully the good news of the grace of God.
Cross Reference Luke 2:10 in Rikbaktsa 10 Aba Berẽhe eze Kiristu nipuruk.
John 15:27 in Rikbaktsa 27 Ikiahatsa kino niwatihi. Kasoho humo kytsa tysihyrinymyrykynaha. Ikiahatsa katuk tapara tu tsikapykyryknaha. Iwatsahi kasoho humo kytsa ty tysihyrinymyrykynaha — niy.
John 17:4 in Rikbaktsa 4 Ikia aharere botu kabo tsiktsaso, ana kino myzubaha bo iktsasoko. “Deus imysapyrẽnikita ipunihikrẽnikita” ana kino myzubaha bo iktsasoko. Abaka kahyriziktsokzawy nepykba.
Acts 1:17 in Rikbaktsa 17 — Sudas katsa mytuk niukuru. Atahi Sesus sukyrytsitsa ibo inasioktykyryk. Sisukyrytsitsa okyrysaro ty Sudas bo nyny niaha.
Acts 9:15 in Rikbaktsa 15 Niytahi mypehakatsa ipe niyzo: — Ikia ibo tsimy. Uta Sauro iwatawyhik. Katsumuẽhĩtsa mozik, katsyhyryze kahyriziktsokzawy humo mykara. Kytsa sizubarẽtsa bo kasoho motsaso. Sudeutsabyitsa myhyrizikwanitsa, Sudeutsa iwatsa kasoho ty motsaso. Iwaha ty kahumo sinini mykara.
Acts 14:3 in Rikbaktsa 3 Sakzohotsa Ikonio eze tu niapykyryknaha. Tahapehatsa bo Sesus soho nitsasotsasokonaha. Ziwabykynahatsa pokso batu sipyby nikaranaha. — Deus myzubaha humo mymysapywyky — nikaranaha. Sakzohotsa siwatawyhytsa nikaranaha. Amy ty kytsa batu zikaha ana kino Deus zikwy humo nikaranaha. Deus hi Pauro harere wasani my ziwatawy. Siwatawyhytsa humo wasania ty ziwatawy.
Acts 20:21 in Rikbaktsa 21 Sudeutsa, Sudeutsabyitsa bo kino niwatihi ikpamykysoko. “Ahamysapybyri tsimoewyhiknahaktsa! Deus bo tynapamykysonahaktsa kytsa! Sesus harere bo zuba yhỹ tsimykaranaha ihumo tyspirikponahaktsa kytsa iky.” Iwa zahahyrinymyryky. Iwa humo hi ahaspirikporẽtsa tsimoziknaha.
Acts 20:32 in Rikbaktsa 32 Deus ahahumo tsimypokzitsiukrẽta. Deus harere bo hyỹ tsimykaranaha, batu ahapyby. Deus harere bo hyỹ tsimykaranaha zeka Sesus humo tsimyspirikpotohinaha. Deus kytsa sizubarẽtsa ityryktsa moziknaha tsipinymyrykynaha. Isapy ha ty zuba tsipiaksekenaha. Ikiahatsa niwatihi situk tsimyharapekypykyknaha.
Acts 21:13 in Rikbaktsa 13 Pauro ispe niy: — Amo skaraba tsimopuziukunaha. Ikiahatsa tsipiksuka tsihikiknaha. Pikykwaranaha zeka Serusarẽhe eze ana humo batu kapyby. Pikbezenaha zeka Sesus humo wasani my — niy.
Acts 22:21 in Rikbaktsa 21 Kapehatsa kape niy: “Tsiksikta! Nokponi. Sudeutsabyitsa bo papehaka” niy. Iwa mypehakatsa kape niy. — Iwa Pauro sizubarẽtsa bo nipamykysoko.
Acts 26:17 in Rikbaktsa 17 Utakta ahumo kamypokzitsiukrẽta. Iwatahi Sudeutsa ba zabezenaha. Sudeutsabyitsa kino niwatihi ba zabezenaha. Iwa ahumo papokzitsiki.
Romans 3:24 in Rikbaktsa 24 Deus mymysapywyky. Mymysapybyitsa tu tsikykaranaha ana humo hi Sesus Kiristu nihyrikosokda atahi mysapyzeky ziakse iwatsahi mysapybyitsa tsikykaranaha ana humo hi batu sinini tsimaha. Sesus Kiristu mysapyzeky nihyrikosokda iwatahi Deus mype wasani tsimaha. Deus hi: — Ikiahatsa Sesus Kiristu harere bo hyỹ tsimykaranaha iwatsahi ahamysapyrẽtsa tsimoziknaha — my. Iwa mymysapywyky atahi myhumo tsimypokzitsiarẽta.
Romans 4:4 in Rikbaktsa 4 Aty ipehatsa humo tarabaja mykara zeka ana humo hi ihuak ty okyrysarowaka ty nyny niy. Itarabaja humo zuba okyrysarowaka ty nyny niy. Wasani my. Deus iwa batu isopyk mykara.
Romans 5:20 in Rikbaktsa 20 Tubabatu Moises Deus harere ziwatahaka. Ataharere humo Moises sopykwy nisihyrinymyry. Mybarawy ezektsa ana harere humo batu hỹ niaha, iwaze sisopyksapybyitsa naobaranaha. Kytsa sisopyksapybyitsa tu nikaranaha niubara iwaze Deus isapyrẽnikia kino niwatihi niubara. Atahi imysapyrẽnikita my.
Romans 8:35 in Rikbaktsa 35 Kiristu mymysapywyikik hỹ. Amy skaraba mybo mykara Kiristu myhumo tsimypokzitsiukrẽta. Tozeka ja kytsa Kiristu harere bo batu hỹ zikaha mymyitsapyriwynaha. Mymymyijaikiknaha. Sihumo sinini tsimykaranaha. Myraparẽtsa. Mynamybyikitsa. Asiba tsimyhyrikosokdanaha simypybytyrẽtsa pokso. Mymybanaha. Iwa mybo mykaranaha zeka iwatatu Kiristu myhumo tsimypokzitsiukrẽta. Katsaktsa: — O Kiristu myhumo tsimypokzitsiukrẽta hỹ — tsimykaranaha. Iwatsatu Deus tyryktsa sinini ziknakaranaha.
Romans 11:6 in Rikbaktsa 6 Asaktsa taparaktsa sopykwy bo yhỹ nikaranaha iwaha humo Deus batu isty watawy. Moises harere bo yhỹ nikaranaha iwa zikzurukunaha ana humo hi batu isty watawy. Batu ba. Sihumo tsimypokzitsiarẽta ana humo hi nisiwatawy. Deus nisiwatawy zeka taparaktsa sopykwy humo zuba zikzurukunaha, iwa zeka sihumo batu imypokzitsi.
1 Corinthians 9:17 in Rikbaktsa 17 Uta hi tarabaja mozihikik zeka kytsa okyrysaro ty kabo nyny maha zeka wasani my, Deus hiba zikpeha iwatahi sitsumuẽhĩtsa ikyzik. Deus kape niy: “Wasaniha ty kytsa sizubarẽtsa bo tytsasokota!” niy. Iharere humo zuba hyỹ mykara.
1 Corinthians 9:24 in Rikbaktsa 24 Kytsa mopaparakanahaze estuba pomota ata humo hi siharaze tapara kytsa itsorik okyrysaro ty iharek humo pu niaha, Ikiahatsa asa watsa tsimoziknaha. Sesus Kiristu harere bo hyỹ tsimykaranaha iwaze Sesus ahape my: — Wasani tsikykaranaha — my. Iwa ahape myze ahakurẽtsa tsimaha. Ahakurẽtsa tsimoziknaha siharaze zumuta wata ikiahatsa ahakurẽtsa tsimoziknaha.
1 Corinthians 15:58 in Rikbaktsa 58 Iwatahi utakta ahape my: — O katukytsa ahahumo kamypokzitsiarẽta hỹ. Ana humo hi ahakubyrisorokuja! Batu paikpa mytsaty tsimaha. Ahatarabajawy humo Deus pahapehaze ana humo hi tarabajaziutahaktsa! Deus tarabajawy kytsa mysihyrinymyry wata. Tarabajaziu tsimykaranaha zeka izikwy humo ahahyrinymyrẽtsa. Ahasopykziurẽtsa tsimoziknaha, Deus hi ahape “O kytsa tsipisapykynaha” — my.
2 Corinthians 4:1 in Rikbaktsa 1 Deus mymysapywyky iwaze tarabaja humo nimypeha. Tubabatu mype niy: — Nanabyitaba wasania ty myzubarẽtsa bo paikpa tynatsasokonahaktsa — niy. Iwatsahi mykurẽtsa. Mytarabajawy humo ba mykubyri zikzumu.
2 Corinthians 4:8 in Rikbaktsa 8 Kytsa mymyknikinahaze Sesus mymytsumuẽhĩ. Paikpa mytsaty tsimykaranahaze Sesus humo tsimyspirikpokonaha.
2 Corinthians 4:16 in Rikbaktsa 16 Iwatsahi batu mysukatsihik. Mynury humo batu mypaik tsimytsaikbanaha katsaktsa mypunihikrẽtsa tsimoziknaha hỹ. Deus hyrikoso mytukze iwaze Sesus harere humo zuba tsimyspirikpokonaha. Myzibyituhukutu izikwy humo meky watu tsimoziknaha.
2 Corinthians 5:8 in Rikbaktsa 8 Iwatsahi mykurẽtsa. Hawa ituk mywahi tsinapykyknaha mytsaty tsimykaranahaze hi mykurẽtsa. Iwatsahi mynury tahaerek tsihikik.
2 Corinthians 6:4 in Rikbaktsa 4 Katsa hi Deus tsumuẽhĩtsitsa tsimaha, ana kino ustsa bo tawatawykynaha. Asaktsa Sesus harere bo hyỹ ahabyitsa tu mymyknikinaha. Katsaktsa sihumo mykubyrisorokrẽtsa. Mymysukyryikiknaha, mykubyritywy kino niwatihi iwatsa tu mykubyrisorokrẽtsa.
2 Corinthians 7:4 in Rikbaktsa 4 Utakta ahahumo kakurẽta myspihikbatabyitsa tu tsimaha. Ustsa kytsa bo pahaharereziuwyky. Kytsa mymysininiwykynahaze ahasoho bo mytsaty tsimykaranaha, iwaze tsimyziakuwynaha. Ahahumo hi kakurẽta.
2 Corinthians 12:10 in Rikbaktsa 10 Iwa ustsa kytsa pe mykara: — Kamyitsapyrẽta tuze kakurẽta hỹ. Kiristu pokzi kamyitsapyrẽta iwatahi kakurẽta. Iwaze kytsa kahumo myziakarakanaha, zikmyijaikiknaha, batu kanamyky, asaktsa Sesus harere bo batu yhỹ nikaranaha ziksukyrykynaha iwatahi sinini mykara iwatatu kakurẽta. Kazikwybyita tu mypehakatsa zuba tazikwy ty kabo nyny mykara — niy.
Galatians 1:1 in Rikbaktsa 1 Uta Pauro. Ikiahatsa tsinakypykbanahaze Deus harere tsipiwabynaha ahabo iwatahaka. Deus zikwatawy. Kytsa humo ka batu. Deus myzo hi zikwatawy iykzoho mozik. Sesus Kiristu humo kino niwatihi zikwatawy atahi Deus zihyrizikpowy. Katukytsa kabaze modyhydyhykynahatsa, asa harere ahabo piwatahakanaha. Tynakypyknahatsa Karatas eze tsimaha. Tsinazuzukbanahaze Sesus harere tsipiwabynaha.
Ephesians 1:6 in Rikbaktsa 6 Iwaze Deus bo tsimysakibazikiknahaktsa! — O Deus myzo ikia myhumo ka tsamypokzitsiarẽta. Iwatahi Sesus mybo zipeha mymytsumuẽhĩ, iwaze mybarawy ezektsa bo inasik mywata niyzik. Ikia zuba tsamysapyrẽta. Batu aty tohi ikia wata. Katsa tynamysapywyikik batu ihuakbaratu tsimyzihikik iwatsahi ahumo mykurẽtsa. Ikia wasani hỹ — tsimykaranaha.
Ephesians 2:4 in Rikbaktsa 4 Deus hiba myhumo tsimypokzitsiarẽta. Katsaktsa iharere bo ma mysopyk byitsa tu iwatatu myhumo imysapyrẽta mymysapywy tsihikik hỹ.
Ephesians 3:13 in Rikbaktsa 13 Iwatsahi ahakurẽtsaktsa! Kaharere tsiwabyziukunahaktsa! Deus wasania ty ahabo iktsasoko iwatsahi kytsa piksukyrykynaha. Kahumo ahasukatsihik byihuja! Deus pahasapywyky iwatahi kakurẽta. Ahatsyhyryze sinini mykara ikiahatsa humo tisapyrẽna iwatahi kakurẽta my.
Philippians 1:20 in Rikbaktsa 20 Kiristu tuk zuba mynakara ana hi mozihikik. Kamysapyrẽta mynakara Kiristu kabo iktsa my zeka batu kasikpyby. Abaka Kiristu soho motsasokoze batu kapyby. Kapunihikrẽta tu Deus wasaniha motsasoko. Iwaze kytsa hi: — O Sesus Kiristu imysapyrẽnikita hỹ — maha. Utakta kaspitu mopykyryk zeka yhỹ my. Kytsa pikbezenaha zeka niwatihi yhỹ my. Kiristu ihyrinymyryta babata harere mozihikik.
Philippians 2:17 in Rikbaktsa 17 Pikbezenaha zeka ja. Tubabatu kytsa hozipyrykzatsa nisibanahaze Deus bo nyny ziknakaranaha. Pikbezenaha zeka utakta hozipyrykza zikziwezokonaha nawata mozik. Deus bo uta tu piknyny. Ikiahatsa kino niwatihi ahaspirikporẽtsa babatsa zeka anaty hi Deus bo nyny tsimaha. Hozipyrykza hyrity wata. Ikiahatsa Deus harere bo hyỹ tsimykaranaha iwaze ihumo tsimyspirikpokonahaze ana ty hi Deus bo nyny tsimaha. Kytsa pikbezenaha zeka kakurẽta my. Ikiahatsa kino niwatihi katuk ahakurẽtsa tsimykaranaha iwaze uta kino pahakusukni.
Philippians 3:13 in Rikbaktsa 13 O katukytsa batu mytsaty mykara: — O utakta botu ikspirikpo baba — my. Iwa batu kapetu kasopyk. Hawa isapyrẽnikia batu epyk. Nawaha ty ikykara naha ikspiriktsokda. Abaka hawa isapyhanikia ty ana ty zuba mykara. Kaspirikporẽta ikyzik ana hi mozihikik.
Colossians 1:24 in Rikbaktsa 24 Abaka kakurẽta. Ahatsyhyryze sinini mykaratatu kakurẽta. Kiristu myzubaha bo sinini nikaraze. Asaktsa mozumubanahaze iharere piwabynaha sihumo sinini mykara. Asahi Kiristu nury watsa. Iwatahi uta kino niwatihi sinini mykara. Ikiahatsa pokzi Kiristu nury watsa sinini mykara.
1 Thessalonians 2:2 in Rikbaktsa 2 Tapara Piripos ezektsa wasanibyitsa nikaranaha. Anaezektsa nimysapybyrikinaha. Kytsa Deus soho humo batu sispirikpotsihik katsa Deus wasania ty tsiktsasokonaha. Iwatsahi katsa ahabo tsikumunaha. Deus humo mypunihikrẽtsa tsimoziknaha. Deus humo batu mysikpyby. Iwatsahi Deus wasania ty tsiktsasokonaha hỹ.
1 Thessalonians 3:3 in Rikbaktsa 3 Iwatsa tu batu aty tohi Sesus harere bo batu hỹ zikaha, ihumo batu ahaspirikpo isukyrywy humo. Sesus humo sinini tsimykaranaha zeka iwatuze iharere bo ma tsimaha. Kytsa pahasukyrynaha zeka iwaze ikiahatsa Sesus harere bo ma tsimaha. Ikiahatsa sinini tsimykaranaha anahumo hi ahahyrinymyrẽtsa. Deus botu zahahyrinymyryky. Kytsa mymysukyrynaha humo ahahyrinymyrẽtsa.
2 Timothy 1:12 in Rikbaktsa 12 Ana humo hi sinini mykara. Sesus wasaniha humo sinini mykara. Kytsa Sesus harere humo batu sispirikpo asahi ziksukyrykynaha. Utakta Sesus humo kaspirikporẽta. Ihumo batu kasikpyby. Abaka Sesus zikny iwatahi pikspirikpoko hỹ. Ata kino tsihyrinymyrẽta. Atahi imysapyrẽnikita. Nawa ha ty ibo nyny iky tahi ana hi myziperyky. Hawa ha taeze Sesus myziksizo naha humo kaspihikrẽta iwaze kabo nynyzo my.
2 Timothy 3:11 in Rikbaktsa 11 Kytsa asahi Sesus humo batu sispirikpo asahi zikziksininiwykynaha. Ãtiokia eze sinini ziknakara. Ikonio eze niwatihi sinini ziknakara. Risitera eze niwatihi sinini ziknakara. Sesus hi mypehakatsa zikbetesaka. Ziktsumuẽhĩkĩ. Ana humo hi tsahyrinymyrẽta.
2 Timothy 4:6 in Rikbaktsa 6 Hawaeze ja kytsa pikbezenaha batu sispirikpo. Utakta sirara wata. Tubabatu kytsa siraratsa ty Deus bo nyny ziknakaranahaze tapara nisibakanahaze ky wa. Uta niwatihi hawa eze ja kytsa pikbezenahaze utatu Deus bo katy nyny my Deus pokzi pikbezenahaze Sesus pokzi ba ziktakyri.
2 Timothy 4:17 in Rikbaktsa 17 Asahi zikarikiknaha. Mypehakatsa zuba katuk nitare. Atahi ziktsumuẽhĩkĩ. Iwatahi Sudeutsabyitsa bo Deus wasania ty motsasoko. Kytsa sizubarẽtsa Sudeutsabyitsa Deus wasania ty motsasobaka mypehakatsa zikwy ziktsumuẽhĩ. Atahi zikoktyhyryk. Kytsa parinitsa watsa, sakyriukrẽtsa zikbezekyzykynaha mypehakatsa zikoktyhyryk.
Titus 1:3 in Rikbaktsa 3 Kyze utakta Deus harere bo hyỹ myze iwazehi iharere motsasoko. Iharere Sesus soho kytsa sizubarẽtsa bo motsasoko. Deus zikpeha iharere motsasoko. Deus zikpehata hi hyỹ iky iwatahi ikiahatsa bo motsasoko, Deus mymyoktyhyrykta naha soho humo mykara.
Titus 2:11 in Rikbaktsa 11 Deus mype niy. Aba pahasapywyky iwatahi kytsa sizubarẽtsa zipehata bo mysioktyhyk. Ikiahatsa kabo myzahaoktyhyryk.
Titus 3:4 in Rikbaktsa 4 Deus mymyoktyhyrykta. Hawa myhumo nimypokzitsiki nimywatawy. Ata kino mymyoktyhyryk.
Hebrews 2:3 in Rikbaktsa 3 Katsaktsa ja. Abaka Deus wasania ty tsipiwabytoktokonaha zeka Deus pe myzo mysopyk. Deus wasania ty tywabyziu ahabyizeka batu Deus pe myzo mysopyk. Sinini tsimykaranaha hỹ. Myzotsa watsa sinini tsimykaranaha. Bijoikpe iknyktsitsa batu mybo tyso hawa Deus pe myzo mysopyk. Sesus abazuba tahi ituktsa bo Deus wasania ty nitsaso. Hawa Deus pe myzo mysopyk sibo nitsasoko. Iwaze asahi: — Nawa ha ty botu tsiwabynaha iharere baba, ana humo kino wasani hỹ — niaha. Iwaze ituktsa mybo nitsasokonaha.
Hebrews 10:34 in Rikbaktsa 34 Ahatukytsa Sesus humo sispirikpo ana humo hi sakyriukrẽnikitsa hurukwy bo kytsa mysipeha iwatsahi tsiknasisukpararenaha sihumo ahamypokzitsirẽtsa iwatsahi sibo tsiknakozorenaha. Ahasukyrytsitsa ahanamy ziaksenahaze ahakurẽtsa tsikyziknaha. Ikiahatsa tihi: — Deus mymysapywyky isapyrẽnikia ty mybo nyny my, bijoikpe eze ituk tsimynapykyryknaha mywahi ituk tsimynapykyryknaha. Ana hi tisapyrẽna hỹ. Mynamy aiba tohi zuba myworoba Deus mybo nyny mahaka ana ka batu hawa tohi ziky tawahi mynapykyryk — tsimaha.
Hebrews 12:1 in Rikbaktsa 1 Kyze asaktsa taparaktsa sizubarẽtsa Deus harere bo ziknakaranaha ihumo sispirikporẽtsa. Hawa haeze zikzurukunaha tsiwabynaha ana humo hi katsa hi: — O Sesus harere humo pykyhytutaha hyỹ tahaktsa. Hawa mymysapybyitsa tsikykaranaha tsimoewynahaktsa — tsimaha. Atakta moparakze tapara pomo tsihikik amy titsakyrikrẽna zikatsimoewy. Iakubyri mozumu zeka iwatatu ba pyk ziky. Katsa mysapybyitsa tsikykaranaha iwa tsimoewynahaktsa! Nanabyi soho bo ka mytsaty mytsaty byitaha! Katsaktsa tsipimyikinaha iwatsahi Sesus harere humo hyỹ tahaktsa! Tapara zumu tawa tsimoziknaha. Iwaze Deus humo myspirikporẽtsa tsimoziknaha.
1 Peter 5:12 in Rikbaktsa 12 Abaka kawataha mopykyk. Kapapeutsa ikiahatsa bo izubabaratu. Siras Sesus harere bo hyỹ mynakara atahi kapapeu ty ahabo nyny my. Ata kino myzipeha kapapeu ty ahabo nyny my. Uta pahakusukniwyky iwatahi papeu humo piwatahaka. Deus myhumo tsimypokzitsiukrẽta iharere bo zuba hyỹ mynakara. Iwatsahi ihumo tyspirikpotohikinahaktsa!
1 John 3:16 in Rikbaktsa 16 Kiristu nimyhyrinymyryky tyharape pokzitsikinahaktsa. Atahi mysapyzeky nihyrikosokda. Mysapyzeky niyzik. Katsa kino niwatihiktsa tsimaha! Aty usta Sesus tukta pibeze tsihikik zeka katsa ipe tsimaha: — O isapyzeky tsimoziknaha ipokzi tsimyhyrikosodanaha — tsimaha. Iwa Kiristu nimypehaka.
Revelation 12:11 in Rikbaktsa 11 Mytukytsa Sesus tuktsa Deus zikwy humo sipunihikrẽtsa niyziknaha. Ustsa kytsa nisiba tsihikiknahaze Sesus humo sispirikporẽtsa iwatsahi batu pyk niaha. Batu sipyby. Ihumo nispirikpotohinaha. Atahi hozipyrykza tsibik wata sisapyzeky nihyrikosokda iwatsahi sispirikporẽtsa niyziknaha. Atahi sisapyzeky nihyrikosokda ispu nipuku iwaze sispirikporẽtsa niyziknaha. Abazubatsa bo wasape nitsasokonaha. Deus wasania ty nitsasoikiknaha. Iwatahi Satanas sisoho ziwabyze takyriki itsapyriwy nepykbaik.