Matthew 18:10 in Limbu 10 “सिङ्सिङ् लॽरे़म्मे़ॽओ, कन् चुक्पा चुक्पाहाॽ कुनामे़न्छाॽ मे़जोगे़म्सिम्मिन्ने़ॽओ॥ इङ्गाॽ से़क्खा पाःन् मे़त्निङ्, कङ्हाॽ कम्ब्राङ् के़मे़प्पा खुनिॽ माङ्लाइङ्बाहाॽ सदादिङ् साङ्ग्राम्पेदाङ्ङो पानुदिङ् आम्बारे़ कुदगि मे़वाॽरो॥
Other Translations King James Version (KJV) Take heed that ye despise not one of these little ones; for I say unto you, That in heaven their angels do always behold the face of my Father which is in heaven.
American Standard Version (ASV) See that ye despise not one of these little ones; for I say unto you, that in heaven their angels do always behold the face of my Father who is in heaven.
Bible in Basic English (BBE) Let it not seem to you that one of these little ones is of no value; for I say to you that in heaven their angels see at all times the face of my Father in heaven.
Darby English Bible (DBY) See that ye do not despise one of these little ones; for I say unto you that their angels in [the] heavens continually behold the face of my Father who is in [the] heavens.
World English Bible (WEB) See that you don't despise one of these little ones, for I tell you that in heaven their angels always see the face of my Father who is in heaven.
Young's Literal Translation (YLT) `Beware! -- ye may not despise one of these little ones, for I say to you, that their messengers in the heavens do always behold the face of my Father who is in the heavens,
Cross Reference Matthew 1:20 in Limbu 20 कर हे़क्के इःत्तुर वये़ल्ले़ से़प्माङ्मो यहवे दाङ्बाल्ले़ कुमाङ्लाइङ्बान् ओसेःन्धाक्सिङ्ङाङ्अक्खे मे़त्तुरो, “दाउदरे़ कुमुॽइदाङ्सा युसुप्फे, खे़ने़ॽ मरियम्मिन् मेःक्खिम् चोःक्माआङ् हिम्मो ताःप्मा मे़गिसे़न्ने़ॽओ, थेआङ्भे़ल्ले़ खुने़ॽओबा अङे़ःक्वाःन् सेसेमाङ्ङिल्ले़ कुमुक्साम्लाम्बा हाङ्सिङ्बारो॥
Matthew 2:13 in Limbu 13 खे़न् सिक्कुम्निबा खागे़इक्पाहाॽ मे़बे हे़क्क्याङ् यहवे दाङ्बाल्ले़ कुमाङ्लाइङ्बाधिक् युसुफरे़ कुसे़प्माङ्मो थाःन्छिङ्ङाङ् अक्खे मे़त्तु, “पोगे़ॽआङ् अङे़ःक्वाःन् नु कुम्माःन् तेॽरे़से़ॽआङ् मिस्र लाजेॽओ खे़त्छिङ् पेगे़ॽ, हे़क्क्याङ् इङ्गाॽ मे़म्मे़त्ते थारिक् खे़ने़ॽ खे़प्मोए वये़ॽओ, थेआङ्भे़ल्ले़ हे़रोद हाङ्ङिल्ले़ अङे़ःक्वाःन् से़प्मा फाॽआङ् कोःत्तुर वाॽरो॥”
Matthew 2:19 in Limbu 19 आल्ल हे़रोद हाङ्ङिन् स्ये़आङ् मिस्र लाजेॽओ युसुफे़न्नु यहवे दाङ्बाल्ले़ कुमाङ्लाइङ्बान् कुसे़प्माङ्मो थाःन्छिङ्ङाङ्
Matthew 12:20 in Limbu 20 खासे़न्निन् कुलिङ्धो मे़ङ्गे़त्ते थारिक् खुने़ॽग वाःन्जोजोबा थिङ्ने़ःत्तिन्नाङ् मे़से़क्खुन्, हे़क्क्याङ् सिदोॽदोॽबा सेमिन्नाङ् मे़से़रुन्लो॥
Matthew 18:6 in Limbu 6 कर आत्तिल्ले़ इङ्गाॽ याप्मि नसाःन् के़जोःक्पा चुक्सा हिन्जाॽथिक् लायो चोःक्मा पाङ्घुॽ, खे़ल्ले़ कुनिःङ्मो लुम्सुम्मिन् इघेःङ्माआङ् वरक्को लाप्फुमाल्ले़ए नुःबा पोःङ्लो॥
Matthew 18:14 in Limbu 14 हे़क्केलॽरिक्के साङ्ग्राम्पेदाङ्ङो के़वाॽबा खिनिॽ पाः निङ्वाॽफुमाङ्ङिल्ले़आङ् कन् चुक्पाहाॽओ थिक्काङ् मे़माःने़न्ल के़लॽबा कुनिङ्वाॽ वाॽरो॥
Matthew 24:31 in Limbu 31 हे़क्क्याङ् खुने़ॽ सेगुसिबा मनाहाॽ सुम्से़ के़रे़क् पिसाङ्लाम् ताङ्साक्पाल्ले़ खोःप्तुबा नु इक्सादिङ् खाम्बेःक्माल्ले़ ताःक्तुबाओ थुत्तुरिःप्पाल्ले़न् पयम् इक्लानु कुमाङ्लाइङ्बाहाॽ इक्सादिङ् खाम्बेःक्मो पाङ्घु युःसुसिॽरो॥”
Luke 1:19 in Limbu 19 खुने़ॽ मे़त्तु, “इङ्गाॽ निङ्वाॽफुमाङ्ङिल्ले़ कुदगि के़ये़प्पा गाब्रिएल माङ्लाइङ्बाॽआरो॥ खे़ने़ॽओ कन् सुनाइङ्ङिन् ताःप्मारे़ लागि निङ्वाॽफुमाङ्ङिल्ले़ इङ्गाॽ पाङ्घाङ्बारो॥
Luke 10:16 in Limbu 16 आत्तिल्ले़ खिनिॽ पाःन् खे़प्सुॽ, खे़ल्ले़ आबाःन्निन्नाङ् खे़प्सुॽ॥ आत्तिल्ले़ के़नाॽरिॽ, खे़ल्ले़ इङ्गाॽआङ् नाॽआरो॥ हे़क्क्याङ् आत्तिल्ले़ इङ्गाॽ नाॽआ, खे़ल्ले़ याप्मि के़बाङ्बे़न्नाङ् नाॽरुॽरो॥”
Luke 16:22 in Limbu 22 खे़न् याङ्के़साॽबा लाजरसे़न् स्ये़आङ् माङ्लाइङ्बाहाॽरे़ खुने़ॽ मे़बक्खु मे़देॽरुआङ् अब्राहामरे़ कुबेसाङ् मे़युक्खु॥ खे़न् याङ्साकुन्धेसाबे़न्नाङ् स्ये़आङ् मे़लुप्तु,
Acts 5:19 in Limbu 19 कर से़न्दिक् दाङ्बाल्ले़ पाङ्घुबा माङ्लाइङ्बे़न् त्ये़आङ् लाम्धेःप्पे़न्हन्दुबिरुसि, हे़क्क्याङ् लाःक्कात् लःत्तुसिआङ् मे़त्तुसि,
Acts 10:3 in Limbu 3 थिक्ये़न् ले़न्दिक् कुमुक् सुम्सि मुक्ते़आङ् वये़ल्ले़ खुने़ॽ सुफोधिक् निःसु॥ खे़न् सुफोओ से़क्खाए निङ्वाॽफुमाङ्ङिल्ले़ पाङ्घुबा माङ्लाइङ्बान् खुने़ॽ ले़प्माङ् फे़रे़र “कर्नालियसे,” मे़त्तुरो॥
Acts 12:7 in Limbu 7 खिमो खे़न् पुङ्लाहिम्मोबा याक्फाङ्ङिन् से़न्दाङ्गे़न् ओःत्तिःल्ले़ थोॽरुर दाङ्बाल्ले़ पाङ्घुबा माङ्लाइङ्बान्नाङ् खे़प्मो थाःन्छिङ्॥ हे़क्क्याङ् माङ्लाइङ्बाल्ले़ पत्रुसरे़ कुभक्ताङ्ङो फे़क्फे़क् हिप्तुर फोःक्खुआङ् अक्खे मे़त्तु, “हारा पोगे़ॽ॥” हे़क्क्याङ् पत्रुसरे़ कुहुक्को के़बप्पा फे़न्जेॽ हुक्पाःङ्गिहाॽ पाःक्खे़आङ् मक्थ्ये़रो॥
Acts 12:15 in Limbu 15 खे़ङ्हाॽरे़ “खे़ने़ॽग के़नाक्खे़बि थेःन्बे” मे़मे़त्तुरो॥ खे़ल्ले़ कन् पाःन्निन् से़क्खाएरो लॽरिक् हादिङ् थक्ते़ल्ले़ खे़ङ्हाॽरे़ खुने़ॽ नोगप् मे़बिरु, “खे़ङ्ग पत्रुसे़न् कम्ब्राङ् के़मे़प्पा माङ्लाइङ्बान् लाॽबे!”
Acts 12:23 in Limbu 23 खिमो दाङ्बाल्ले़ पाङ्घुबा माङ्लाइङ्बाल्ले़ हे़रोद हाङ्ङिन् यॽधे़त्तुर याःन्दु, थेआङ्भे़ल्ले़ खे़ल्ले़ निङ्वाॽफुमाङ्ङिन् मिङ्सो इङ्धाःङ् मे़बिरुन्लो॥ हे़क्क्याङ् खुने़ॽ स्योःङ् स्योःङ् लॽरिक् फेॽबाःत् थ्ये़आङ् स्ये़रो॥
Acts 27:23 in Limbu 23 इङ्गाॽ सेवा चोगुङ्बा निङ्वाॽफुमाङ्ङिल्ले़ कुमाङ्लाइङ्बे़न् आन्दे़ःन् से़न्दिक् इङ्गाॽनु ओसेःन्धाक्सिङ्ङाङ्
Romans 14:1 in Limbu 1 नसाःन्नो निङ्वाॽ के़बाःक्पा नसानिबाहाॽरे़ मे़इःत्तुबा निङ्वाॽ पाःन्निन् इङ्दो मे़म्मे़त्ते खिनिॽ सेसे तङ्जुम्मो खे़ङ्हाॽ ताःक्ते़म्सिम्मे़ॽओ॥
Romans 14:10 in Limbu 10 हे़क्केःल्ले़ खिनिॽ थेआङ् वेॽ नसानिबाहाॽ खासे़न् के़लोःन्दुम्सिम्बाबे? थेआङ् वेॽ नसानिबाहाॽ हिनाःम् के़मे़त्तुम्सिम्बाबे? आनिॽग के़रे़क् निङ्वाॽफुमाङ्ङिल्ले़ कुघासे़न् युक्नाःल्ले़ कुदगि ये़प्माए पोःङ्लो॥
Romans 14:13 in Limbu 13 खे़ल्ले़ चोगुल्ले़ वेॽहाॽ इङ्दो मे़प्मासि ले़रुम्लो॥ खे़ल्ले़ कुले़क्वा वेॽ नसानिबाहाॽरे़ खुनिॽ लाम्मो आघघबा पाःन् इग्र लायोओ के़धाःबा पाःन् ने़स्सुम् मे़ःन् के़लॽबा निस्से चोगुम्लो॥
Romans 14:21 in Limbu 21 वेॽ नसानिबाहाॽ लायोओ के़धाःबा कुजा कुधि मे़न्जामा हे़क्क्याङ् लायोओ के़धाःबा याःम्बक् मे़न्जोःक्माए नुःबा पोःङ्लो॥
Romans 15:1 in Limbu 1 आनिॽ नसाःन्नो के़धुम्बाहाॽरे़ आबाङे निङ्वाॽ ताःमा मे़नुॽने़न्, कर नसाःन् के़सुःम्बाहाॽ कुभाॽ पिमासि पोःङ्लो॥
1 Corinthians 8:8 in Limbu 8 कर से़क्खाःल्ले़ चामनाबा कुजाःल्ले़ निङ्वाॽफुमाङ्ङो नुःबा आन्जोःक्ने़न्लो॥ आनिॽ कुजा आन्जाम्मिन्निल्ले़ ताप्फे़ःम्बा आबोःङ्बा नु आजाम्मिल्ले़ नुःबा आबोःङ्बा मे़ःन्लो॥
1 Corinthians 9:22 in Limbu 22 नसाःन् के़बाःक्पाहाॽनु वयाङ्ङिल्ले़ खे़ङ्हाॽ ख्रिस्तओ ताःप्मासि फाॽआङ् इङ्गाॽआङ् नसाःन् के़बाःक्पा कुइसिःक्के पोःक्खाङ्लो॥ कुभा मनाहाॽ ख्रिस्तओ ताःप्मा सुक्तुङ्सिङ्बि फाॽआङ् काक् मनाहाॽ कुइसिःक्के पोःक्खाङ्लो॥
1 Corinthians 11:22 in Limbu 22 खिनिॽ हिम्मो चामा थुङ्मा के़न्छुक्तुम्मिम्बि? इग्र निङ्वाॽफुमाङ्ङिल्ले़ कुसेसेहुप्लक्किन् कुना के़न्छाॽरुम्मिन्नाङ् याङ्गे़साॽबाहाॽ नु थेआङ् मे़ङ्गप्मना मनाहाॽरे़ खुनिॽ ना के़धासुम् के़बिरुम्सिम्बाबि? आक्खे मे़त्निङ्बाबे? थे कन् पाःन्नो खिनिॽ नारा फोःसुङ्बाबि? से़क्खासाङ् मे़भोःसुङ्ङिन्लो!
1 Corinthians 16:11 in Limbu 11 खे़ल्ले़ चोगुल्ले़ आत्तिन्हाॽरे़आङ् खुने़ॽ कुनामे़न्छाॽ मे़म्मे़त्तुन्ल॥ खुने़ॽ इङ्गाॽओ फे़न्निल्ले़ कुभाॽ पिरे़म्मे़ॽआङ् पाङ्घे़म्मे़ॽओ॥ खुने़ॽ फुॽनुसाॽहाॽनु के़त् फे़न् फाॽआङ् इङ्गाॽ हाङ्घुङ्ल वाॽआरो॥
2 Corinthians 10:1 in Limbu 1 इङ्गाॽ पावले़न् खिनिॽनु वाॽआल्ले़ नःम्नःम् लॽआमु, कर माःङ्घा वाॽआल्ले़ के़आःम्बा चोःक्कामु लॽरिक् खिनिॽ लुम्मो कुभारे़ के़बाःत्तुम्मु॥ आल्ल के़नुॽबा नु लुम्लुम्बा ख्रिस्तरे़ कुयुक्कोलाम् इङ्गाॽ खिनिॽओ ताआल्ले़ के़आःम्बा पाःन् पाःप्मा याप्मि मे़बाङ्घे़म्मिन्ने़ॽ फाॽआङ् पेलि फाक्निङ्, थेआङ्भे़ल्ले़ से़क्खाःल्ले़ इक्सादिङ् खाम्बेःक्मोबा मनाहाॽ हे़क्तङ्बा के़जोगिॽ लॽरिक् याप्मि के़मे़प्पाहाॽनु इङ्गाॽ के़आःम्बाए पोःङ्मा सुक्कारो॥
2 Corinthians 10:10 in Limbu 10 थेआङ्भे़ल्ले़ कुभारे़ मे़बाःत्तु, “खे़ल्ले़ साप्तुबा सक्इङ्घङ्हाॽ कुजाॽइ नु के़आःम्बा चोःक्, कर खे़न् मनाःन् आनिॽनु वाॽइल्ले़ योःन्जोजोबा चोःक् हे़क्क्याङ् खे़ल्ले़ कुबाःन्हाॽग थेआङ् मे़ःन्लो॥”
Galatians 4:13 in Limbu 13 इङ्गाॽ खिनिॽओ सुनाइङ् इङ्भन् चोःक्से़ त्याङ्ङिल्ले़ आयाम्तुगे़आङ् वये़बान् कुसिङ् के़निःत्तुम्माङ् वाॽरो॥
Galatians 6:1 in Limbu 1 आमिःम् फुॽनुसाॽ नु ने़ॽनुसाॽसे, खिनिॽ नुसाॽधिक् लायोओ थाःल्ले़ खिनिॽ सेसेमाङ्ङिल्ले़ लाम्गे़लोसिबाहाॽरे़ नःम्नःम्माङ् खे़न् तोःन्दे़म्मे़ॽओ॥ कर हे़क्के के़जोगुम्मिल्ले़ सिङ्सिङ् लॽरे़म्मे़ॽओ, मे़ःन्ने़ फाॽग्र खिनिॽआङ् लायोओ थाःमा के़सुक्तिॽरो॥
1 Thessalonians 4:8 in Limbu 8 हे़क्केःल्ले़ आत्तिल्ले़ कन् निसाम्मिन् नाॽरु, खे़ल्ले़ग मे़न्छाम्गे़न् याप्मिःन् मे़ःन्, कर खिनिॽ सेसेमाङ् के़बिबा निङ्वाॽफुमाङ्ङिन् नाॽरुबारो॥
1 Timothy 4:12 in Limbu 12 खे़ने़ॽ नालिङ्गे़न् थाङ्बे़न् के़वाॽबाल्ले़ आत्तिल्ले़आङ् खे़ने़ॽ कुनामे़न्छाॽ के़म्मे़त्ने़न्लरो, कर नसानिबाहाॽरे़ खुनिॽ तगि के़बाःन् सुत्लाओ, ये़प्ले़क्को, मिःम्जिओ, नसाःन्नो, हे़क्क्याङ् सेसेबा हिङ्मन्नो कुबि पोःक्खे़ॽओ॥
Hebrews 1:14 in Limbu 14 कर माङ्लाइङ्बाहाॽग निङ्वाॽफुमाङ्ङिल्ले़ से़न्लप् पिरुसिबाहाॽरे़ खुनिॽ लागि माङ्सेवा के़जोःक्पा साम्सिरक्लो॥
Revelation 8:2 in Limbu 2 हे़क्क्याङ् निङ्वाॽफुमाङ्ङिल्ले़ कुदगि के़ये़प्पा नुसि माङ्लाइङ्बाहाॽ निःसुङ्सिङ्॥ खे़ङ्हाॽ नुसि थुत्थुरिःप्पाहाॽ मे़बिरुसिरो॥