Galatians 4:6 in Limbu 6 खिनिॽ निङ्वाॽफुसाः के़बोःक्खिबाल्ले़ चोगुल्ले़ आबुगे़न् कुस्साःल्ले़ कुसेसेमाङ्ङिन् आनिॽ सिक्लुङ्मो पाङ्घुआङ् वाॽ, हे़क्क्याङ् खे़न् सेसेमाङ्ङिल्ले़ निङ्वाॽफुमाङ्ङिन् पानुदिङ् आम्बौ लॽरिक् मे़त्तुॽरो॥
Other Translations King James Version (KJV) And because ye are sons, God hath sent forth the Spirit of his Son into your hearts, crying, Abba, Father.
American Standard Version (ASV) And because ye are sons, God sent forth the Spirit of his Son into our hearts, crying, Abba, Father.
Bible in Basic English (BBE) And because you are sons, God has sent out the Spirit of his Son into our hearts, saying, Abba, Father.
Darby English Bible (DBY) But because ye are sons, God has sent out the Spirit of his Son into our hearts, crying, Abba, Father.
World English Bible (WEB) And because you are children, God sent out the Spirit of his Son into your hearts, crying, "Abba,{Abba is a Greek spelling for the Chaldee word for "Father" or "Daddy" used in a familiar, respectful, and loving way.} Father!"
Young's Literal Translation (YLT) and because ye are sons, God did send forth the spirit of His Son into your hearts, crying, `Abba, Father!'
Cross Reference Matthew 6:6 in Limbu 6 कर खे़ने़ॽ तुवा के़जोगुल्ले़ के़हिम्लक्सिङ्सिगाङ् लाःसे़ॽआङ् लाम्धेःप्पान्सुबे़ॽ, हे़क्क्याङ् निःमे़न्दे़प्मनाबा पानुदिङ् के़म्बानु एःक् तुवा चोगे़ॽओ॥ हे़क्क्याङ् स्वाःत्ताङ् चोःक्मनाबा याःम्बक् के़निःबा पानुदिङ् के़म्बारे़ हाङ्से़म् के़बिरो॥
Luke 11:2 in Limbu 2 ये़सुरे़ खे़ङ्हाॽ मे़त्तुसि, “खिनिॽ तुवा के़जोगुम्मिल्ले़ अक्खे पाःत्ते़म्मे़ॽ, आनिगे़ पाःए, मनाहाॽरे़ के़मिङ्ङिन् सेसे मे़इःत्तुर मिङ्सो इङ्धाःङ् के़म्बिररो॥ के़हाङ्जुम्मिन् ताररो॥
Luke 11:13 in Limbu 13 खिनिॽ फे़न् निङ्वाॽ के़गत्तुम्साङ् आबाङे साःहाॽ नुःबा चिगःक्वाहाॽ पिमासि के़ले़स्सुम्मिल्ले़, खिनिॽ साङ्ग्राम्पेदाङ्ङोबा पाःल्ले़आङ् सेसेमाङ्ङिन् खिनिॽ के़नाःक्तुम्मिल्ले़ से़क्खासाङ् के़बिरिॽएरो॥”
John 3:34 in Limbu 34 थेआङ्भे़ल्ले़ खुने़ॽग निङ्वाॽफुमाङ्ङिल्ले़ पाङ्घुबारो॥ खे़ल्ले़ निङ्वाॽफुपाःन्लक् पाःत्तुॽरो, थेआङ्भे़ल्ले़ निङ्वाॽफुमाङ्ङिल्ले़ खे़न् सेसेमाङ्ङिल्ले़ कुधिम् थिम्सुॽरो॥
John 7:39 in Limbu 39 कङ्ग ये़सुरे़ सेसेमाङ्ङिल्ले़ कुयाःम्बेओ पाःत्तुबारो॥ थेआङ्भे़ल्ले़ खुने़ॽओ नसाःन् के़जोःक्पाहाॽरे़ सेसेमाङ्ङिन् मे़घोःसुबा पोःक्खे़आङ् वये़रो॥ सेसेमाङ्ङिन् खे़न् ये़म् थारिक् मे़म्बाङ्ङे वये़रो, थेआङ्भे़ल्ले़ ये़सुःन् साङ्ग्राम्पेदाङ्ङो मे़न्नुःङ् मे़म्बेःक्के वये़रो॥
John 14:16 in Limbu 16 इङ्गाॽ पानुदिङ् पाःन्नु पेलिगे़न् तुवा चोगुङ्लो, हे़क्क्याङ् खुने़ॽग खिनिॽनु सदादिङ् वाॽर फाॽआङ् वेॽ कुभाॽ के़बिबाधिक् के़बिरिॽरो॥
John 15:26 in Limbu 26 आल्ल पानुदिङ् पाःलाम् कुभाॽ के़बिबा सेसेमाङ्ङिन् खिनिॽओ पाङ्घुङ्लो॥ खुने़ॽग पानुदिङ् पाःलाम्बा के़युःबा से़क्खाओ लाम्गे़लोःबा सेसेमाङ्लो, खुने़ॽए इङ्गाॽ आयाःम्बेओ तोःन्दि के़बिरिॽरो॥
John 16:7 in Limbu 7 कर इङ्गाॽ से़क्खाःन् मे़त्निङ्, इङ्गाॽग पेःक्काबान्ने खिनिॽ लागि नुःबा पोःङ्लो, थेआङ्भे़ल्ले़ इङ्गाॽ मे़बेःक्कान्ने़ फाॽग्र कुभाॽ के़बिबा सेसेमाङ्ङिन् खिनिॽओ मे़युने़न्लो, कर इङ्गाॽ पेःक्काआङ् खुने़ॽ खिनिॽओ पाङ्घुङ् युःसुङ्लो॥
Acts 16:7 in Limbu 7 हे़क्क्याङ् खे़ङ्हाॽ माइसियास्मा इःन्धोओ मे़गे़रे़आङ् बिथानियास्मा थुम्मो पेःक्मा तम्सिन् मे़जोगे़, कर ये़सुरे़ कुसेसेमाङ्ङिल्ले़ हे़क्के चोःक्मा खे़ङ्हाॽ मे़बाङ्घुन्सिन्लो॥
Romans 5:5 in Limbu 5 हे़क्केलॽरिक् निङ्साङ् आजोगुम्मिल्ले़ आनिॽ निङ्साङ् मे़बुक्ने़न्लो, थेआङ्भे़ल्ले़ निङ्वाॽफुमाङ्ङिल्ले़ साॽरिक् लुङ्माॽ आदुक्ते़आङ् वाॽ के़लॽबान् खुने़ॽ आबिरे़बा सेसेमाङ्लाम् आनिॽ सिक्लुङ्मो निङ्वाॽ आघोःसुम्लो॥
Romans 8:9 in Limbu 9 निङ्वाॽफुमाङ्ङिल्ले़ कुसेसेमाङ्ङिन् खिनिॽओ से़क्खाए वाॽने़ फाॽग्र खिनिॽग लायोबा सुत्नाःल्ले़ कुमना मे़ःन्निङ्, कर सेसेमाङ्ङिल्ले़ कुमनानिङ्लो॥ हे़क्क्याङ् आत्तिन् मनाःन्नु ख्रिस्तरे़ कुसेसेमाङ्ङिन् होःप्खे़न् ख्रिस्तरे़ कुमना मे़ःन्लो॥
Romans 8:15 in Limbu 15 खिनिॽ के़घोःसुम्बा सेसेमाङ्ङिल्ले़ निङ्वाॽफुमाङ्ङिन्नु के़गिबा योःक् के़न्जोगिन्, कर खुने़ॽ निङ्वाॽफुमाङ्ङिल्ले़ से़सिःङ्साः के़जोगिआङ् वाॽ॥ हे़क्केलॽरिक् खुने़ॽलाम्बा निङ्वाॽफुमाङ्ङिन् “पानुदिङ्आम्बौ” मे़प्मा आसुक्तुम्लो॥
Romans 8:26 in Limbu 26 सेसेमाङ्ङिल्ले़आङ् आनिॽ के़साक्पाओ आधाआङ् आवाॽइल्ले़ कुभाॽ आबिॽरो॥ खे़न् ये़म्मो आक्खेलॽरिक् तुवा चोःक्मा आनिॽ आल्ले़स्सुम्मिन्, कर आनिॽ पाःप्माए सुक्मे़न्दे़प्मनाबा पाःन्सुत्लाहाॽरे़न् आनिॽ याःप्मान्नु सेसेमाङ्ङिल्ले़ आनिॽ ले़क्वा पेलिगे़न् तुवा चोगुॽरो॥
1 Corinthians 15:45 in Limbu 45 साम्योसाप्लाओ अक्खेलॽरिक् साप्ते़आङ् पत्, “थिक्सिगेःक्स्मा मना आदम्मिङ्ग कुहिङ्वे़त् मना पोःक्खे़,” याङ्सिबा आदम्मिङ्ग (ख्रिस्त) ने़त्तिगे़न् हिङ्मन् के़बिबा याम्साम् पोःक्खे़रो॥
2 Corinthians 1:22 in Limbu 22 आनिॽ खुने़ॽइन् फाॽआङ् ओसेःन्धाक्मारे़ लागि सेसेमाङ्ङिन् ते़न्याङ् कुइसिःक् आनिॽ सिक्लुङ्मो आबिरे़आङ् आवाॽरो॥ हे़क्केलॽरिक् सेसेमाङ्ङिन् आबिरे़बाल्ले़ चोगुल्ले़ काक् माङ्हे़क् चोगुबा पाःन्हाॽ से़क्खाए ताःरो फाॽआङ् निःन्धो पोःङ्लो॥
2 Corinthians 3:17 in Limbu 17 आल्ल दाङ्बाङ्ग सेसेमाङ्लो, हे़क्क्याङ् दाङ्बाल्ले़ कुसेसेमाङ्ङिन् आत्तो वाॽ, खे़प्मो चोःक्युम्भो वाॽरो॥
Ephesians 1:13 in Limbu 13 आल्ल खिनिॽआङ् से़क्खाबा पाःन्जाक् से़न्लप्रे़न्सुनाइङ् के़घे़प्सुम्लो, हे़क्क्याङ् ख्रिस्ते़न्नसाःन् के़जोगुम्बा ये़म्मो खिनिॽग आमनानिङ् फाॽआङ् ओसेःन्दाङ् चोःक्से़ निङ्वाॽफुमाङ्ङिल्ले़ माङ्हे़क् चोगुबा सेसेमाङ्ङिन् के़बिरिआङ् वाॽरो॥
Ephesians 2:18 in Limbu 18 खुने़ॽलाम्मे आनिॽ के़रे़क्ले़ थिक् सेसेमाङ् आघोःसुम्माङ् पानुदिङ् पाः निङ्वाॽफुमाङ्ङो पेःक्मा आघोःसुम्माङ् आवाॽरो॥
Ephesians 4:30 in Limbu 30 हे़क्क्याङ् के़जोगुम्बा पाःन्लाम् निङ्वाॽफुमाङ्ङिल्ले़ कुसेसेमाङ्ङिल्ले़ कुनिङ्वाॽ मे़दुक्खे़म्मिन्ने़ॽ, थेआङ्भे़ल्ले़ काक् चोःक्युम्भो खोःमा ये़न् थारिक् खिनिॽ आमनानिङ् फाॽआङ् ओसेःन्दाङ् चोःक्से़ निङ्वाॽफुमाङ्ङिल्ले़ सेसेमाङ्ङिन् के़बिरिआङ् वाॽरो॥
Ephesians 6:18 in Limbu 18 के़रे़क् ये़म्हाॽओ के़रे़क् परिक्ले़न् तुवा नु ये़क्पेलिहाॽ सेसेमाङ्ङिल्ले़ लाम्गे़लोःसिबा कुइसिःक् तुवा चोगे़म्मे़ॽ॥ कन् पाःन्निन् निङ्वाॽ इःत्ते़म्मे़ॽर सिङ्सिङ् ये़क्ये़क्काङ्निङ्वाॽफुमाङ्ङिल्ले़ सेसे कुमनाहाॽरे़ लागि तुवा चोःक्मा पिमासि मे़ले़रे़म्मिन्ने़ॽओ॥
Philippians 1:19 in Limbu 19 थेआङ्भे़ल्ले़ इङ्गाॽ आलागि के़जोगुम्बा पेलिगे़न् तुवालाम् नु ये़सु ख्रिस्तरे़ कुसेसेमाङ्ङिल्ले़ पिआबा कुभाॽलाम्बा इङ्गाॽ चोःक्युम्भो खोःसुङ् फाॽआङ् कुसिङ्निःत्तुङ्लो॥
Hebrews 4:14 in Limbu 14 आल्ल, आनिॽ ते़न्दिङ् आजोगुम्बा नसाःन्निन् थरुम्लो, थेआङ्भे़ल्ले़ साङ्ग्राम्पेदाङ्ङो के़बेःक्पाआङ् के़वाॽबा निङ्वाॽफुसाः ये़सु पयम् मानिङ्वाॽफुसाम्बान् आनिॽ आगत्तुम्लो॥
1 Peter 1:11 in Limbu 11 खे़ङ्हाॽओ के़वाॽबा ख्रिस्तरे़ कुसेसेमाङ्ङिल्ले़ ख्रिस्तरे़ नासि थःप्मा के़बोःङ्बा इनोगे़न् तुक्खेःन् नु याङ्सि के़बोःङ्बा मिमिदिङ्ङिल्ले़ कुयाःम्बेओ तगिसा खे़ङ्हाॽ मे़त्तुसिरो॥ कन् पाःन्हाॽ आक्खेलॽरिक् पोःङ् हे़क्क्याङ् आप्फाल्ले़ पोःङ् फाॽआङ् खे़ङ्हाॽरे़ कुसिङ्निःप्मा निङ्वाॽ मे़जोगुरो॥
Jude 1:20 in Limbu 20 कर आमिःम् आन्जुम्से, खिनिॽ सेसे नसाःन्नो के़धुम्बा पोःक्खे़म्मे़ॽआङ् सेसेमाङ्ङो तुवा चोगे़म्मे़ॽर वये़म्मे़ॽओ॥
Revelation 19:10 in Limbu 10 हे़क्क्याङ् इङ्गाॽग खुने़ॽ सेवा चोःक्मा फाॽआङ् कुलाङ्ङो साम्बोःन् फन्छिङाङ्, कर खे़ल्ले़ इङ्गाॽ अक्खे मे़त्ताङ्, “हे़क्के चोःक्मा मे़नुॽने़न्! इङ्गाॽग खे़ने़ॽ नु के़म्भुॽ के़न्साॽसि हे़क्तङ्बा निङ्वाॽफुमाङ्ङिल्ले़ कुसेवारोबा नु ये़सुःन्तोःन्दि के़बिबाआरक्लो॥ निङ्वाॽफुमाङ्ङिन्ने सेवा चोगे़ॽ!” थेआङ्भे़ल्ले़ ये़सुरे़ चोगुबा पाःत्तुबा से़क्खा पाःन्हाॽरे़ माङ्निङ्वाॽपाःन् के़बाःप्पाहाॽ हाङ्हाङ् मे़त्तुसिॽरो॥