Galatians 2:20 in Limbu 20 इङ्गाॽग ख्रिस्ते़न्नु सिलाम्साक्मा सिङ्ङो स्याङ्ङाङ् वाॽआ, हे़क्क्याङ् आल्लआङ्धो इङ्गाॽग मे़हिङ्ङान्, कर ख्रिस्ते़न्इङ्गाॽओ हिङ्लो॥ इङ्गाॽग कन् नासिङ्गे़न् थक्को हिङ्ङाल्ले़ निङ्वाॽफुसाःओबा नसाःन्लाम् हिङ्ङारो॥ खुने़ॽए लुङ्माॽ तुक्ताङ् हे़क्क्याङ् आलागि कुहिङ्मन्निन् पिरुरो॥
Other Translations King James Version (KJV) I am crucified with Christ: neverthless I live; yet not I, but Christ liveth in me: and the life which I now live in the flesh I live by the faith of the Son of God, who loved me, and gave himself for me.
American Standard Version (ASV) I have been crucified with Christ; and it is no longer I that live, but Christ living in me: and that `life' which I now live in the flesh I live in faith, `the faith' which is in the Son of God, who loved me, and gave himself up for me.
Bible in Basic English (BBE) I have been put to death on the cross with Christ; still I am living; no longer I, but Christ is living in me; and that life which I now am living in the flesh I am living by faith, the faith of the Son of God, who in love for me, gave himself up for me.
Darby English Bible (DBY) I am crucified with Christ, and no longer live, *I*, but Christ lives in me; but [in] that I now live in flesh, I live by faith, the [faith] of the Son of God, who has loved me and given himself for me.
World English Bible (WEB) I have been crucified with Christ, and it is no longer I that live, but Christ living in me. That life which I now live in the flesh, I live by faith in the Son of God, who loved me, and gave himself up for me.
Young's Literal Translation (YLT) with Christ I have been crucified, and live no more do I, and Christ doth live in me; and that which I now live in the flesh -- in the faith I live of the Son of God, who did love me and did give himself for me;
Cross Reference Matthew 4:3 in Limbu 3 हे़क्क्याङ् माफे़न्साम्मिन् खे़प्मो त्ये़आङ् खुने़ॽ अक्खे मे़त्तुर कुनिङ्वाॽ साॽरु, “खे़ने़ॽ निङ्वाॽफुसाःने़ फाॽग्र कन् लुङ्हाॽ खरे़ःङ् पोःक्खे़ॽ फाॽआङ् मे़त्ते़ॽ॥”
Matthew 20:28 in Limbu 28 हे़क्केलॽरिक् इङ्गाॽ मे़न्छाम्साःन् सेवा मे़जोःक्कार फाॽआङ् मे़ःन्, कर सेवा चोःक्से़ त्याङ्बारो॥ हे़क्क्याङ् यरिक् मनाहाॽ लायोलाम् थे़ॽमासिआङ्ताङ्से़ःप्मासि फाॽआङ् इङ्गाॽ आहिङ्मन्निन् पिसे़ त्याङ्बारो॥”
John 1:49 in Limbu 49 नाथाने़लरे़ नोगप् पिरु, “सिक्साम्बे, खे़ने़ॽग निङ्वाॽफुसाःने़रो, खे़ने़ॽग इस्राइलबा हाङ्ने़रो॥”
John 3:16 in Limbu 16 निङ्वाॽफुमाङ्ङिल्ले़ इक्सादिङ् खाम्बेःक्मोबा मे़न्छाम् याप्मिहाॽ साॽरिक् लुङ्माॽ तुक्तुसिबाल्ले़ चोगुल्ले़ खुने़ॽ थिक्लक् कुस्साःन् पाङ्घु युःसुरो, हे़क्केलॽरिक् खुने़ॽ नसाःन् के़जोःक्पाहाॽग मे़म्मे़क्ने़न्, कर खे़ङ्हाॽरे़ मे़न्नुप्मनाबा हिङ्मन् मे़घोःसुॽरो॥
John 6:57 in Limbu 57 हिङ्मन्दाङ्बा पानुदिङ् पाःल्ले़ इङ्गाॽ पाङ्घाङ् हे़क्क्याङ् खुने़ॽ चोगुल्ले़ हिङ्ङाबा कुइसिःक् इङ्गाॽ आधक्किन् के़जाबान्नाङ् इङ्गाॽ चोगुङ्ङिल्ले़ हिङ्लो॥
John 6:69 in Limbu 69 खे़ने़ॽग निङ्वाॽफुमाङ्ङिल्ले़ के़बाङ्घे़बा सेसे कुमनाःन्ने़ॽ फाॽआङ् आनिगे़ निःसुम्बे़ हे़क्क्याङ् नसाःन् चोगुम्बे़आङ् वाॽरो॥”
John 9:35 in Limbu 35 ये़सुरे़ खे़न् मिक्फःम्बान् यहुदि चुम्लुङ्हिम्मोलाम् लाःक्कात् मे़जन्दु मे़लःत्तु के़लॽबा खे़प्सु॥ हे़क्क्याङ् खे़न्निन् तुमुआङ् सेःन्दोसु, “खे़ने़ॽ मे़न्छाम्साःन् नसाःन् के़जोगुॽबि?”
John 10:11 in Limbu 11 इङ्गाॽ के़नुॽबा मे़ल्लुक्कम्बाआरो॥ के़नुॽबा मे़ल्लुक्कम्बाङ्ग कुमे़ल्लुक्हाॽरे़लागि सिःमाए पोःङ्साङ् मे़गिने़न्लो॥
John 14:19 in Limbu 19 सप्फा एगाङ्ङाङ्ग इक्सादिङ् खाम्बेःक्माल्ले़ इङ्गाॽ मे़निआन्लो, कर खिनिॽग याप्मि के़निःसिॽरो॥ इङ्गाॽ हिङ्ङा, खे़ल्ले़ चोगुल्ले़ खिनिॽआङ् के़हिङिॽरो॥
John 15:13 in Limbu 13 चुम्मिल्ले़ कुलागि हिङ्मन् पिमान्ने यम्बा मिःम्जिरो, कन्नुःल्ले़ यम्बा मिःम्जि वेॽ होःप्लो॥
John 17:21 in Limbu 21 पानुदिङ् आम्बे, खे़ङ्हाॽ काक् थिक्हुप् मे़बोःङ्ल फाॽआङ् तुवा चोःक्कारो॥ इङ्गाॽ खे़ने़ॽओ हे़क्क्याङ् खे़ने़ॽ इङ्गाॽओ के़वाॽबा कुइसिःक् खे़ङ्हाॽआङ् आन्छिॽओ मे़वाॽररो॥ हे़क्क्याङ् इक्सादिङ् खाम्बेःक्मोबा मनाहाॽरे़ इङ्गाॽ के़बाङ्घाङ्बा फाॽआङ् नसाःन् मे़जोगुररो॥
Acts 8:36 in Limbu 36 हे़क्क्याङ् खे़ङ्हाॽ खे़न् लाम्मो लाम्दिःक् चोगे़त्छिर पत्छे़त्छिल्ले़ च्वाःत् के़ने़बा ते़न्नो के़रे़त्छि॥ हे़क्क्याङ् खे़न् से़भक्पे़ल्ले़ सेःन्दोसु, “ओमे़त्ते़ॽ, कप्मो च्वाःत् ने़रो॥ इङ्गाॽ बप्तिस्मा पोःङ्मा मे़सुक्कान्बि?” ((फिलिपरे़ मे़त्तु, “खे़ने़ॽ काक् के़निङ्वाॽरे़ नसाःन् के़जोगुने़ फाॽग्र के़सुक्तुरो” खे़न् से़भक्पे़ल्ले़ नोगप् पिरु, “ये़सु ख्रिस्ते़न्निङ्वाॽफुसाः फाॽआङ् नसाःन् चोगुङ्लो॥”))
Romans 1:17 in Limbu 17 थेआङ्भे़ल्ले़ निङ्वाॽफुमाङ्ङिल्ले़ कुनिःमाओ आक्खेलॽरिक् आप्तिक् मे़ःन्नेबा आजोःक् फाॽआङ् कन् सुनाइङ्ङिल्ले़ ओसेःन्आधाक्लो, हे़क्क्याङ् कङ्ग नसाःन्लाम् हेःक्सिङ्ङाङ् नसाःन्लाम्बाए कुलिङ्धो के़त्लो॥ साम्योसाप्लाओ अक्खेलॽरिक् साप्ते़आङ् पत्, “साम्योनिबाङ्ग नसाःम्लाम्बाए हिङ्लो॥”
Romans 5:2 in Limbu 2 आनिॽ नसाःन् आजोगुम्बाल्ले़ ये़सु ख्रिस्तरे़ कन् लुङ्गुम्मो आदाःरे़आङ् वाॽ॥ आल्लो हाबा खे़न् लुङ्गुम्मोए आवाॽ, हे़क्क्याङ् निङ्वाॽफुमाङ्ङिल्ले़ कुमिमिदिङ्ङिन् खोःमा लक् आघोःसुम्मेरो फाॽआङ् आसःत्लो॥
Romans 6:4 in Limbu 4 खे़ल्ले़ चोगुल्ले़ आनिॽग बप्तिस्मालाम् सिःमे़न्नो खुने़ॽनु आहुम्सिङ्, हे़क्केःल्ले़ ख्रिस्ते़न्पानुदिङ् पाः निङ्वाॽफुमाङ्ङिल्ले़ मिमिदिङ्गे़न् कुमुक्साम्मिल्ले़ सिःमे़न्लाम्बा कुहिङ्वे़त् चोगुबा कुइसिःक् आनिॽआङ् कुसङ् हिङ्मन्नो आहिङ्लो॥
Romans 6:8 in Limbu 8 आल्ल आनिॽ ख्रिस्ते़न्नु सोरिक् आस्ये़आङ् आवाॽने़ फाॽग्र खुने़ॽनुए आनिॽआङ् याम्मो आहिङ्लो फाॽआङ् नसाःन् आजोगुम्लो॥
Romans 6:13 in Limbu 13 खिनिॽ थक्कोबा याम्लक्हाॽ ताप्फे़ःम्बा याःम्बक् चोःक्मारे़ लागि लायोःन् मे़दोःन्दे़म् मे़बिरे़म्मिन्ने़ॽ॥ खे़ल्ले़ कुले़क्वा सिःमे़न्लाम् हिङ्मन्नो के़दाःबा मनाहाॽ कुइसिःक् खिनिॽ आबाङे निङ्वाॽफुमाङ्ङो तोःन्नाॽसिम्मे़ॽ, हे़क्क्याङ् खिनिॽ याम्लक्हाॽ साम्योनिबा याःम्बक् चोःक्मारे़ लागि निङ्वाॽफुमाङ्ङो तोःन्दे़म्मे़ॽओ॥
Romans 8:2 in Limbu 2 थेआङ्भे़ल्ले़ ख्रिस्त ये़सुलाम् मे़न्नुप्मनाबा हिङ्मन् के़बिबा सेसेमाङ्ङिल्ले़ कुमुक्साम्मिल्ले़ लायो नु सिःमे़ल्ले़ कुमुक्साम्लाम् चोःक्युम्भो पिराङ्ङाङ् वाॽरो॥
Romans 8:37 in Limbu 37 कन् काक् पाःन्हाॽओ आनिॽ लुङ्माॽ के़दुक्पा ख्रिस्तलाम्बा आनिॽ थङ् के़नाःम्बान्नुःल्ले़आङ्यम्बा आबोःक्खे़आङ् आवाॽरो॥
2 Corinthians 1:24 in Limbu 24 आनिगे़ग खिनिॽ नसाःन्नो युक् चोःक्मा निङ्वाॽ मे़गत्तुम्बे़न्लो, थेआङ्भे़ल्ले़ खिनिॽ नसाःन्नो के़धुम्बा के़जोगिॽ, कर खिनिॽ के़सःत्तिर फाॽआङ् खिनिॽनु सोरिक् याःम्बक् चोगिगे़रो॥
2 Corinthians 4:10 in Limbu 10 ये़सुरे़ कुहिङ्मन्निन् आनिगे़ नासिङ्गे़न् थक्को निधाःप्ल फाॽआङ् खुने़ॽ तुक्खे च्ये़आङ् स्ये़बा कुइसिःक् थिक्याःन्धक् आनिगे़ नासिङ्गे़न् थक्को तुक्खे च्ये़ॽइगे़रो॥
2 Corinthians 5:7 in Limbu 7 थेआङ्भे़ल्ले़ आनिॽग निःमनाबालाम्बा मे़ःन्, कर नसाःन्लाम्बाने़ आहिङ्लो॥
2 Corinthians 5:15 in Limbu 15 दाङ्बान् के़रे़क्ले़ लागि स्ये़रो, खे़ल्ले़ चोगुल्ले़ के़हिङ्बाहाॽ आल्लआङ्धो आबाङे लागि मे़ःन्, कर दाङ्बाल्ले़ कुलागि मे़हिङ्लरो॥
2 Corinthians 10:3 in Limbu 3 आनिॽ इक्सादिङ् खाम्बेःक्मो आवाॽसाङ् इक्साबा मे़न्छाम् याप्मि कुइसिःक् थङ् आन्जोगुम्मिन्लो॥
2 Corinthians 13:3 in Limbu 3 इङ्गाॽलाम्बा ख्रिस्ते़न्पाःप्पि मे़ःम्बि फाॽआङ् खिनिॽ के़गोःत्तुम्बा पर्माङ्गिःन् के़घोःसुम्मेरो॥ खुने़ॽ खिनिॽनु मे़न्धुम्मनाबा मे़जोःक्ने़न्, कर खुने़ॽ खिनिॽ लुम्मो मुक्साम्दाङ्बा चोःक्लो॥
2 Corinthians 13:5 in Limbu 5 खिनिॽ नसाःन्निन् से़क्खाबा चोःक्पि मे़ःम्बि फाॽआङ् आबाङे साॽरे़म्मे़ॽओ॥ ये़सु ख्रिस्ते़न्खिनिॽओ वाॽ फाॽआङ् के़न्निःसुम्मिम्बि? ख्रिस्ते़न्खिनिॽओ होःप्ने़ फाॽग्र से़क्खाए कुसाङ्के़न्लस्सुम्मिन्लो॥
Galatians 1:4 in Limbu 4 आनिॽ पानुदिङ् पाः निङ्वाॽफुमाङ्ङिल्ले़ कुनिङ्वाॽ हे़क्के ये़सुरे़ कन् ये़म्मोबा ताप्फे़ःम्बा इक्सादिङ् खाम्बेःक्मोलाम् ताङ्से़ःप्मा आसुक्ल फाॽआङ् आनिॽ लायो आजोगुम्बाल्ले़ चोगुल्ले़ आनिॽ ले़क्वा स्ये़रो॥
Galatians 2:16 in Limbu 16 आत्तिन् मनाःन्नाङ् मोसारे़ साप्तुबा साम्योथिम्मिन् इःत्तु नाःत्तुआङ् आप्तिक् मे़ःन्नेबा पोःङ्मा मे़सुक्ने़न्लो, कर ये़सु ख्रिस्ते़न्नसाःन् चोगुआङ्लक् आप्तिक् मे़ःन्नेबा पोःङ्मा सुक् के़लॽबा पाःन्निन् आनिॽ कुसिङ्निःप्मा पोःङ्लो॥ खे़ल्ले़ चोगुल्ले़ आनिॽआङ् ख्रिस्तओबा नसाःन्लाम् आप्तिक् मे़ःन्ने आबोःङ्ल फाॽआङ् ये़सु ख्रिस्ते़न्नसाःन् आजोगुम्लो, कर साम्योथिम् इङ्जाःङ्ङिन् आइःत्तुम् आनाःत्तुम्बालाम् मे़ःन्लो, थेआङ्भे़ल्ले़ साम्योथिम् इङ्जाःङ्ङिन् इःत्तु नाःत्तुआङ् आत्तिन्नाङ् आप्तिक् मे़ःन्नेबा मे़बोःङ्ने़ल्लो॥
Galatians 3:11 in Limbu 11 साम्योथिम्लाम् निङ्वाॽफुमाङ्ङिल्ले़ कुनिःमाओ आत्तिन्हाॽआङ्आप्तिक् मे़ःन्नेबा मे़म्बोःङ्ने़न् के़लॽबा पाःन्निन् से़क्खाए निःदे़त्लो, थेआङ्भे़ल्ले़ साम्योसाप्लाओ अक्खे साप्ते़आङ् पत्, “साम्योनिबाङ्ग नसाःन्लाम्बाए हिङ्लो॥”
Galatians 5:24 in Limbu 24 ख्रिस्त ये़सुःन् नसाःन् के़जोःक्पाहाॽरे़ग लायोबा निङ्वाॽ नु खे़ल्ले़ कुभे़न् याःम्बक्किल्ले़ कुयुक्किन् सिलाम्साक्मा सिङ्सम्दाङ् मे़भोःन्दुआङ् वाॽरो॥
Galatians 6:14 in Limbu 14 कर इङ्गाॽग आनिॽ दाङ्बा ये़सु ख्रिस्तरे़ सिलाम्साक्मा कुसिङ्ङिन्नुःल्ले़ वेॽ थे़माओआङ् आङ्दिङ् मे़लॽआन्लो॥ ख्रिस्ते़न्सिलाम्साक्मा सिङ्ङो स्ये़बाल्ले़ चोगुल्ले़ मनाहाॽरे़ मे़इःत्तु मे़नाःत्तुबा पाःन्हाॽ आलागि थेआङ् मे़ःन्लो, हे़क्क्याङ् खे़ङ्हाॽरे़ खुनिॽ लागिआङ् इङ्गाॽ थेआङ् मे़ःन्नारो॥
Ephesians 2:4 in Limbu 4 कर साॽरिक् लुङ्गुम्दाङ्बा निङ्वाॽफुमाङ्ङिल्ले़ साॽरिक् लुङ्माॽ आदुक्ते़रो॥
Ephesians 3:17 in Limbu 17 हे़क्केलॽरिक् नसाःन्लाम् ख्रिस्ते़न्खिनिॽ सिक्लुङ्मो वाॽर॥ निङ्वाॽफुमाङ्ङिल्ले़ कुमिःम्जिओ खिनिॽ साःप् लेःत्छिङ्ङाङ् के़धुम्बा के़बोःक्खिर,
Ephesians 5:2 in Limbu 2 ख्रिस्तरे़ आनिॽ लुङ्माॽ आदुक्ते़आङ् आनिॽ लागि स्ये़बा कुइसिःक् खिनिॽआङ् लुङ्माॽ तुक्कासिम्मे़ॽओ॥ खुने़ॽए निङ्वाॽफुमाङ्ङो तोःम्मनाबा कुनाम् के़नुॽबा नु कुनिङ्वाॽ के़दाःबा सिदुङ्जभा पोःङ्से़ आबाङे पिसिङ्लो॥
Ephesians 5:25 in Limbu 25 इत्थुङ्गे़न् ये़म्बाॽसे, ख्रिस्तरे़ सेसेहुप्लक्किन् लुङ्माॽ तुक्तुबा कुइसिःक्के खिनिॽ मेःत्हाॽ लुङ्माॽ तुक्ते़म्सिम्मे़ॽओ॥ खुने़ॽग सेसेहुप्लक्ले़ लागि कुहिङ्मन्निन् पिरुरो॥
Philippians 4:13 in Limbu 13 इङ्गाॽग दाङ्बाल्ले़ के़धुम्बा चोःक्काबाल्ले़ चोगुल्ले़ काक् पाःन्हाॽ चोःक्मा सुक्तुङ्लो॥
Colossians 1:27 in Limbu 27 निङ्वाॽफुमाङ्ङिल्ले़ कुमनाहाॽ कुमिमिदिङ्गे़न् इमे़ल्लुङ्बा सिबिॽ पाःन्निन् थिम्मे़न्दङ् सुवाङ्हाॽ ओसेःन्दाङ् चोःक्मा खुने़ॽ कुसिराॽ थाङे़आङ् वाॽरो॥ ख्रिस्ते़न्खिनिॽओ वाॽबान्ने सिबिॽ पाःन्लो, खे़ल्ले़ चोगुल्ले़ के़दाःबा कुमिमिदिङ्गे़न् लक्किन् खिनिॽ के़घोःसुम्लो॥
Colossians 2:11 in Limbu 11 हर्दो हे़क्माल्ले़ नासिङ्गे़न् थक्लाम् ने़क्सा से़म्बेःक्पा कुइसिःक् ख्रिस्तरे़ कुहर्दो हे़क्माल्ले़ खिनिॽ लायो चोःक्मा निङ्वाॽइन्से़न्दुदेॽरुआङ् वाॽरो॥ कङ्ग मे़न्छाम् हुक्कोलाम् पोःक्खे़बा मे़ःन्, कर ख्रिस्तलाम् पोःक्खे़बारो॥
Colossians 3:3 in Limbu 3 थेआङ्भे़ल्ले़ ख्रिस्ते़न्स्ये़ःल्ले़ खिनिॽआङ् खुने़ॽनुए के़स्ये़ॽइआङ् के़वयिॽरो, हे़क्क्याङ् खिनिॽ से़क्खाबा ने़त्तिगे़न् हिङ्मन्निन् ख्रिस्ते़न्नु निङ्वाॽफुमाङ्ङो चिक्खे़आङ् वाॽरो॥
1 Thessalonians 1:10 in Limbu 10 हे़क्क्याङ् निङ्वाॽफुमाङ्ङिल्ले़ सिःमे़न्लाम् याम्मो हिङ्घुबा कुस्साः ये़सुरे़ साङ्ग्राम्पेदाङ्लाम् कुयुःमे़न् के़हाङ्घुम्बान् मे़मे़त्तिगे़आङ् वाॽरो॥ खुने़ॽए के़दाःबा निङ्वाॽफुमाङ्ङिल्ले़ कुघुम्दिङ्लाम् ताङ्आसे़ःप्लो॥
1 Thessalonians 5:10 in Limbu 10 खुने़ॽ आनिॽ ले़क्वा स्ये़रो, खे़ल्ले़ चोगुल्ले़ दाङ्बान् युःल्ले़ आनिॽ चाङ्जाङ्ङाङ् आयुङ्साङ् आइम्माङ् आने़साङ् आनिॽ के़रे़क् खुने़ॽनुए हिङ्मा आसुक्लरो॥
Titus 2:14 in Limbu 14 आनिॽ काक् लायोलाम् थे़ॽमासि, आबाङे सेसे कुमना चोःक्मासि हे़क्क्याङ् नुःबा याःम्बक् चोःक्मा कुसिक् के़सम्बा चोःक्मासि फाॽआङ् आनिॽ लागि खुने़ॽ आबाङे सिदुङ्जभा पोःङ्से़ पिसिङ्लो॥
1 Peter 1:8 in Limbu 8 खिनिॽ आप्फाल्ले़आङ् खुने़ॽ मे़न्निए के़वयिसाङ् खुने़ॽ मिःम्जि के़मे़त्तुम्लो, हे़क्क्याङ् आल्लो खुने़ॽ के़न्निःसुम्मिन्छाङ् खुने़ॽ सम्दाङ् नसाःन् के़जोगुम्माङ् आत्तात्तान्ने यरिक् मिमिदिङ्गे़न् सःप्माल्ले़ कुधिम् के़बोःक्खिआङ् के़वयिॽरो॥
1 Peter 4:1 in Limbu 1 खे़ल्ले़ चोगुल्ले़ ख्रिस्ते़न्नासिङ्गे़न् थक्को तुक्खे च्ये़, हे़क्केलॽरिक् खिनिॽआङ् बा हे़क्तङ्बा निङ्वाॽइन्कत्ते़म्मे़ॽओ, थेआङ्भे़ल्ले़ नासिङ्गे़न् थक्को तुक्खे के़जाबाल्ले़ लायो चोःक्मा ले़रुआङ् वाॽरो॥
1 John 1:7 in Limbu 7 कर निङ्वाॽफुमाङ्ङिन् से़न्दाङ्गे़न् ओःत्तिओ वाॽबा कुइसिःक् आनिॽआङ् से़न्दाङ्गे़न् ओःत्तिओ आहिङ्ल आवाॽने़ फाॽग्र आनिॽ लुम्मो सेसे तङ्जुम् पोःङ्लो॥ हे़क्क्याङ् आबुगे़न् कुस्साः ये़सुरे़ कुमाक्खिॽइल्ले़ आनिॽ काक् लायोलाम् सुत्थो आजोःक्लो॥
1 John 4:9 in Limbu 9 खुने़ॽग अक्खेलॽरिक् लुङ्माॽ आदुक्ते़आङ् वाॽरो–आनिॽ मे़न्नुप्मनाबा हिङ्मन् आघोःसुम्ल फाॽआङ् थिक्लक् के़वाॽबा आबुगे़न् कुस्साःन् इक्सादिङ् खाम्बेःक्मो पाङ्घु युःसुरो॥
1 John 4:14 in Limbu 14 पानुदिङ् पाः निङ्वाॽफुमाङ्ङिल्ले़ आबुगे़न् कुस्साःन् इक्सादिङ् खाम्बेःक्मोबा काक् मे़न्छाम् सुवाङ्हाॽरे़ खुनिॽ से़न्लप्दाङ्बा पोःङ्मारे़ लागि पाङ्घु युःसुबा पाःन्निङ्ग आनिगे़ निःसुम्बे़आङ् इङ्भोःसुम्बे़रो॥
1 John 5:10 in Limbu 10 हे़क्केलॽरिक् हाःत्ले़ निङ्वाॽफुसाःन् नसाःन् चोगुॽ, खे़ल्ले़ कुसिक्लुङ्माओ कन् तोःन्दिन् युङ्लो॥ कर हाःत्ले़ निङ्वाॽफुमाङ्ङिन् नसाःन् मे़जोगुन्, खे़ल्ले़ खुने़ॽ इङ्ले़क्पा चोगुॽ, थेआङ्भे़ल्ले़ निङ्वाॽफुसाःल्ले़ कुयाःम्बेओ पिरुबा तोःन्दिओ खे़ल्ले़ नसाःन् मे़न्जोःक्के वाॽरो॥
1 John 5:20 in Limbu 20 निङ्वाॽफुसाःन् ये़आङ् वाॽ फाॽआङ् कुसिङ् आनिःत्तुम्, हे़क्क्याङ् से़क्खाबा निङ्वाॽफुमाङ्ङिन् कुसिङ् आनिःत्तुम्ल फाॽआङ् सिक्कुम्दिङ् निङ्वाॽ आबिरे़आङ् आवाॽरो॥ हे़क्क्याङ् आल्लो आनिॽ से़क्खाबा निङ्वाॽफुमाङ्ङिन्नु हे़क्क्याङ् आबुगे़न् कुस्साः ये़सु ख्रिस्ते़न्नु सोरिक् आवाॽरो॥ खुने़ॽए से़क्खाबा निङ्वाॽफुमाङ् नु मे़न्नुप्मनाबा हिङ्मन्लो॥
Revelation 3:20 in Limbu 20 खे़प्से़ॽओ! इङ्गाॽ लाम्धेःप्पो ये़प्पाआङ् खक्खक्मे़त्तुङ्॥ आइक्लाःन् खे़प्सुआङ् लाम्धेःप्पे़न्हन्नाॽ पिआने़ फाॽग्र, इङ्गाॽ हिम्सिगाङ् लाःत्ताआङ् खे़न्नु सोरिक् चा चासुगे़ॽरो॥