Galatians 2:16 in Limbu 16 आत्तिन् मनाःन्नाङ् मोसारे़ साप्तुबा साम्योथिम्मिन् इःत्तु नाःत्तुआङ् आप्तिक् मे़ःन्नेबा पोःङ्मा मे़सुक्ने़न्लो, कर ये़सु ख्रिस्ते़न्नसाःन् चोगुआङ्लक् आप्तिक् मे़ःन्नेबा पोःङ्मा सुक् के़लॽबा पाःन्निन् आनिॽ कुसिङ्निःप्मा पोःङ्लो॥ खे़ल्ले़ चोगुल्ले़ आनिॽआङ् ख्रिस्तओबा नसाःन्लाम् आप्तिक् मे़ःन्ने आबोःङ्ल फाॽआङ् ये़सु ख्रिस्ते़न्नसाःन् आजोगुम्लो, कर साम्योथिम् इङ्जाःङ्ङिन् आइःत्तुम् आनाःत्तुम्बालाम् मे़ःन्लो, थेआङ्भे़ल्ले़ साम्योथिम् इङ्जाःङ्ङिन् इःत्तु नाःत्तुआङ् आत्तिन्नाङ् आप्तिक् मे़ःन्नेबा मे़बोःङ्ने़ल्लो॥
Other Translations King James Version (KJV) Knowing that a man is not justified by the works of the law, but by the faith of Jesus Christ, even we have believed in Jesus Christ, that we might be justified by the faith of Christ, and not by the works of the law: for by the works of the law shall no flesh be justified.
American Standard Version (ASV) yet knowing that a man is not justified by the works of the law but through faith in Jesus Christ, even we believed on Christ Jesus, that we might be justified by faith in Christ, and not by the works of the law: because by the works of the law shall no flesh be justified.
Bible in Basic English (BBE) Being conscious that a man does not get righteousness by the works of the law, but through faith in Jesus Christ, we had faith in Christ Jesus, so that we might get righteousness by faith in Christ, and not by the works of the law: because by the works of the law will no flesh get righteousness.
Darby English Bible (DBY) but knowing that a man is not justified on the principle of works of law [nor] but by the faith of Jesus Christ, *we* also have believed on Christ Jesus, that we might be justified on the principle of [the] faith of Christ; and not of works of law; because on the principle of works of law no flesh shall be justified.
World English Bible (WEB) yet knowing that a man is not justified by the works of the law but through the faith of Jesus Christ, even we believed in Christ Jesus, that we might be justified by faith in Christ, and not by the works of the law, because no flesh will be justified by the works of the law.
Young's Literal Translation (YLT) having known also that a man is not declared righteous by works of law, if not through the faith of Jesus Christ, also we in Christ Jesus did believe, that we might be declared righteous by the faith of Christ, and not by works of law, wherefore declared righteous by works of law shall be no flesh.'
Cross Reference Luke 10:25 in Limbu 25 थिक् ये़न् साम्योथिम्साम्बाधिक् ये़म्सिङ्ङाङ् ये़सुःन् पाःन्नो थाःमा फाॽआङ् सेःन्दोसु, “सिक्साम्बे, इङ्गाॽ मे़न्नुप्मनाबा हिङ्मन् खोःमा थे चोःक्मा पोःङ्बे?”
John 6:68 in Limbu 68 सिमोन पत्रुसरे़ नोगप् पिरु, “आदाङ्बे, हाःत्लो पेगिगे़बाबे? खे़ने़ॽरक् मे़न्नुप्मनाबा हिङ्मन् के़बिबा पाःन्जाक्किन् के़गत्तुॽरो॥
John 20:31 in Limbu 31 कर कप्मोग ये़सुःन्ने निङ्वाॽफुसाः, निङ्वाॽफुमाङ्ङिल्ले़ सेःन्दुबा ख्रिस्तरो लॽरिक् नसाःन् के़जोगुम्ल फाॽआङ् साप्ते़आङ् पप्पारो॥ हे़क्केलॽरिक् नसाःन् के़जोःक्पाहाॽरे़ मे़न्नुप्मनाबा हिङ्मन् मे़घोःसुॽरो॥
Acts 4:12 in Limbu 12 ये़सुलाम्लक् से़न्लप् वाॽ, थेआङ्भे़ल्ले़ आनिॽ मे़न्छाम्गे़न् याप्मिहाॽ से़न्लप् याप्मि के़बिबा इक्सादिङ् खाम्बेःक्मो वेॽ हाःत्ताङ् होःप्लो॥”
Acts 13:38 in Limbu 38 खे़ल्ले़ चोगुल्ले़ फुॽनुसाॽसे, बा कन् ये़सुरे़ चोगुबालाम्मे निङ्वाॽफुमाङ्ङिल्ले़ आनिॽ लायोहाॽरे़न् ले़प्मि आबिॽ फाॽआङ् कन् इङ्घङ्ङिन् खिनिॽओ इङ्भोःसे़आङ् वाॽबान् आल्ल कुसिङ् निःत्ते़म्मे़ॽओ॥
Romans 1:17 in Limbu 17 थेआङ्भे़ल्ले़ निङ्वाॽफुमाङ्ङिल्ले़ कुनिःमाओ आक्खेलॽरिक् आप्तिक् मे़ःन्नेबा आजोःक् फाॽआङ् कन् सुनाइङ्ङिल्ले़ ओसेःन्आधाक्लो, हे़क्क्याङ् कङ्ग नसाःन्लाम् हेःक्सिङ्ङाङ् नसाःन्लाम्बाए कुलिङ्धो के़त्लो॥ साम्योसाप्लाओ अक्खेलॽरिक् साप्ते़आङ् पत्, “साम्योनिबाङ्ग नसाःम्लाम्बाए हिङ्लो॥”
Romans 3:19 in Limbu 19 आल्ल साम्योथिम्मिङ्ग साम्योथिम्मिल्ले़ कुयुक्को के़वाॽबाहाॽए पिरुसिबान् आनिॽ आनिःसुम्लो॥ खे़ल्ले़ चोगुल्ले़ के़रे़क् मनाहाॽ लायो मे़न्जोःक्मनाबा ले़ङ्सिङ्मा मे़ङ्घोःने़न्नाङ् काक् मे़न्छाम् याप्मिहाॽ निङ्वाॽफुमाङ्ङिल्ले़ कुदगि खासे़न्नो ये़प्मा पोःङ्लो॥
Romans 3:30 in Limbu 30 थेआङ्भे़ल्ले़ निङ्वाॽफुमाङ्ङिङ्ग लत्छारक् वाॽरो॥ हे़क्क्याङ् खुने़ॽ यहुदि नु थिम्मे़न्दङ् सुवाङ् ने़प्माङ् खुनिॽ नसाःन्लाम्मे आप्तिक् मे़ःन्नेबा चोगुसिॽरो॥
Romans 4:2 in Limbu 2 से़क्खाए अब्राहाम्मिङ्ग खुने़ॽ चोगुबा नुःबा याःम्बक्लाम् आप्तिक् मे़ःन्नेबा चोगे़आङ् वये़ल्ले़ग आङ्दिङ् लॽमा सुक्तुबामे़न्, कर निङ्वाॽफुमाङ्ङिल्ले़ कुनिःमाओग मे़ःन्लो,
Romans 4:5 in Limbu 5 आत्तिन् मनाःल्ले़आङ् आबाङे याःम्बक् चोगुबाल्ले़ मे़ःन्, कर लायोबा मनाःन् आप्तिक् मे़ःन्नेबा के़जोःक्पा निङ्वाॽफुमाङ्ङिन् खे़ल्ले़ नसाःन् चोगुबाल्ले़ निङ्वाॽफुमाङ्ङिल्ले़ खुने़ॽ साम्योनिबा लेःत्तुरो॥
Romans 4:13 in Limbu 13 अब्राहाम्मिल्ले़ साम्योथिम्मिन् इःत्तु नाःत्तुआङ्ग मे़ःन्, कर निङ्वाॽफुमाङ्ङिन् नसाःन् चोगुबालाम् आप्तिक् मे़ःन्नेबा पोःक्खे़बाल्ले़ए निङ्वाॽफुमाङ्ङिल्ले़ खुने़ॽ नु कुमुॽइदाङ्साहाॽरे़ इक्सादिङ् खाम्बेःक्माल्ले़न् लक् के़घोःसुम् के़लॽबा माङ्हे़क्किन्अब्राहाम्मिन्नु चोगुबारो॥
Romans 4:24 in Limbu 24 कर आनिॽ लागिआङ् साप्ते़बारो॥ ये़सु आनिॽ दाङ्बान् सिःमे़न्लाम्कुहिङ्वे़त् के़जोःक्पा निङ्वाॽफुमाङ्ङिन् नसाःन् आजोगुम्ने़ फाॽग्र आनिॽआङ् साम्योनिबा आलेःत्लो॥
Romans 5:8 in Limbu 8 कर आनिॽ लायोओ आवये़ल्ले़सा निङ्वाॽफुमाङ्ङिल्ले़ ख्रिस्ते़न्आनिॽ लागि सिःमा पाङ्घुआङ् लुङ्माॽ आदुक्ते़बा पाःन्निन् खुने़ॽ ओसेःन्आधाक्ते़रो॥
Romans 8:3 in Limbu 3 लायोबा सुत्नाःल्ले़ चोगुल्ले़ साम्योथिम्मिल्ले़ चोःक्मा मे़सुक्तुम्बा पाःन्निन् निङ्वाॽफुमाङ्ङिल्ले़ चोगुरो॥ खुने़ॽ आबुगे़न् कुस्साःन् मे़न्छाम् याप्मिहाॽरे़ मे़जोगुबा लायोःल्ले़ लागि सिदुङ्जभा पोःङ्से़ लायोबा मना कुइसिःक्पा नासिङ्गे़न् थक्को पाङ्घु युःसुआङ् नासिङ्गे़न् कुधक्किल्ले़ आनिॽ लायोःन् मे़क्खुरो॥
Romans 8:30 in Limbu 30 हे़क्क्याङ् आत्तिन्हाॽ तगिसा सेगुसि, खे़ङ्हाॽग उःत्तुसिआङ्लो॥ आत्तिन्हाॽ उःत्तुसिॽ, खे़ङ्हाॽग आप्तिक् मे़ःन्नेबाआङ्चोगुसिॽरो॥ आत्तिन्हाॽ आप्तिक् मे़ःन्नेबा चोगुसिॽ, खे़ङ्हाॽग कुमिमिदिङ्ङिन्नाङ् पिरुसिॽरो॥
Romans 9:30 in Limbu 30 हे़क्केःल्ले़ आल्ल आनिॽ थे पाःप्माबे? थिम्मे़न्दङ् सुवाङ्हाॽरे़ग साम्योनिबा पोःङ्मा मे़ङ्गोःत्तुन्छाङ् नसाःन् मे़जोगुबालाम्बा साम्योनिबा मे़बोःक्खे़॥
1 Corinthians 6:11 in Limbu 11 खिनिॽआङ् कुभाग बा अक्तङ्बा के़वयि, कर वागे़म्हप्ति, सेसे के़बोःक्खि हे़क्क्याङ् दाङ्बा ये़सु ख्रिस्तरे़ कुमिङ्ङो आनिॽ निङ्वाॽफुमाङ्ङिल्ले़ कुसेसेमाङ्लाम्बा आप्तिक् मे़ःन्नेबा के़बोःक्खिरो॥
2 Corinthians 5:19 in Limbu 19 खे़न् फाॽइङ्ग निङ्वाॽफुमाङ्ङिल्ले़ काक् मनाहाॽ ख्रिस्तलाम् खुने़ॽओ तारुसिॽ॥ मनाहाॽ खुनिॽ लायोःल्ले़न् आप्तिक् मे़गुःत्तुन्छिन्लो, हे़क्क्याङ् वेॽहाॽ खुने़ॽओ ताःप्मासि सुनाइङ् आबिरे़आङ् वाॽरो॥
Galatians 2:19 in Limbu 19 थेआङ्भे़ल्ले़ इङ्गाॽग साम्योथिम्मिन् इःप्मा नाःप्मा कोःत्तुङ्ङिल्ले़ हाबा खे़न् साम्योथिम् इङ्जाःङ्ङिल्ले़ आप्तिक् कुःत्ताङ्लो॥ हे़क्केःल्ले़ निङ्वाॽफुमाङ्ङिल्ले़ कुलागि हिङ्ङार फाॽआङ् साम्योथिम्मिन् इःप्मा नाःप्माआङ् से़न्लप् खोःमा तम्सिन् चोःक्मा ले़रुङ्लो॥
Galatians 3:10 in Limbu 10 कर साम्योथिम् के़इःप्पा के़नाःप्पाहाॽ के़रे़क् साङ्ग्रारे़ ते़त्तुसिआङ् मे़वाॽरो, थेआङ्भे़ल्ले़ अक्खेलॽरिक् साप्ते़आङ् पत्, “साम्योथिम् साप्लाओ साप्ते़आङ् के़बप्पा काक् पाःन्हाॽ चक्मे़ल्लॽए मे़न्इःप्मना मे़न्नाःप्मनाहाॽ निङ्वाॽफुमाङ्ङिल्ले़ कुघुम्दिङ् खोःमा लाॽरुसिआङ्वाॽरो॥”
Galatians 3:22 in Limbu 22 कर लायोःल्ले़ काक् मनाहाॽ साक्पा के़धाःबा कुइसिःक् चोगुसिआङ् वाॽ फाॽआङ् साम्योसाप्लाःल्ले़ इङ्भन् चोगुआङ् वाॽ॥ खे़ल्ले़ चोगुल्ले़ निङ्वाॽफुमाङ्ङिल्ले़ कुमाङ्हुप्पिङ्ग ये़सु ख्रिस्ते़न्नसाःन् चोःक्माआङ्लक् खोःमा आसुक्तुम्लो॥
Galatians 4:5 in Limbu 5 निङ्वाॽफुमाङ्ङिल्ले़ साम्योथिम्मिल्ले़ कुयुक्लाम् आनिॽ आधे़ॽर फाॽआङ् हे़क्क्याङ् आबाङे आबुगे़न् कुस्साः आबोःङ्ल फाॽआङ् खुने़ॽ पाङ्घुरो॥
Galatians 5:4 in Limbu 4 खिनिॽ निङ्वाॽफुमाङ्ङिल्ले़ कुनिःमाओ आप्तिक् मे़ःन्नेबा पोःङ्मा फाॽआङ् साम्योथिम्मिन् के़इःप्पा के़नाःप्पाहाॽ ख्रिस्तलाम् के़से़न्दि, निङ्वाॽफुमाङ्ङिल्ले़ कुलुङ्गुम्लाम् माःङ्घा के़बोःक्खिआङ् के़वयिॽरो॥
Philippians 3:9 in Limbu 9 हे़क्केलॽरिक् इङ्गाॽ खुने़ॽइन् पोःङ्ङानि फाॽआङ् हे़क्के इःत्तुङ्लो॥ इङ्गाॽ साम्योथिम्मिन् इःत्तुङ् नाःत्तुङ्ङाङ् इङ्गाॽ निङ्वाॽफुमाङ्ङिल्ले़ कुनिःमाओ साम्योनिबा पोःङ्मा मे़न्छुक्पे़न्लो, कर ख्रिस्ते़न्नसाःन् चोगुङ्बाल्ले़ए निङ्वाॽफुमाङ्ङिल्ले़ साम्योनिबा चोःक्कारो॥
Hebrews 7:18 in Limbu 18 अक्खेलॽरिक् तगिस्मा साम्योथिम् इङ्जाःङ्ङिन् खारोःत्ति पोःक्खे़आङ् वाॽ, थेआङ्भे़ल्ले़ खे़न् थेआङ् चोःक्मा मे़न्छुक्मना नु यरिक् कुसुम्मे़न्दम्मनाबा चोगे़रो॥
1 Peter 1:2 in Limbu 2 निङ्वाॽफुपाःल्ले़ तगिसा कुसिङ्के़निःत्तिबा कुइसिःक् कुमना पोःङ्से़ के़सेगिआङ् सेसेमाङ्ङिल्ले़ सुत्थो के़जोगिरो॥ हे़क्केःल्ले़ खिनिॽ ये़सु ख्रिस्तरे़ कुइङ्जाःङ्गे़म्बा के़बोःक्खिआङ् कुमाक्खिॽइल्ले़ सेसेसाङ्साङ् के़जोगिरो॥ हाराॽ पानुदिङ् पाः निङ्वाॽफुमाङ्ङिल्ले़ कुलुङ्गुम् नु कुसनारुङ्ङिन् आल्लसाङ् यरिक् खिनिॽओ वाॽररो॥
1 Peter 1:8 in Limbu 8 खिनिॽ आप्फाल्ले़आङ् खुने़ॽ मे़न्निए के़वयिसाङ् खुने़ॽ मिःम्जि के़मे़त्तुम्लो, हे़क्क्याङ् आल्लो खुने़ॽ के़न्निःसुम्मिन्छाङ् खुने़ॽ सम्दाङ् नसाःन् के़जोगुम्माङ् आत्तात्तान्ने यरिक् मिमिदिङ्गे़न् सःप्माल्ले़ कुधिम् के़बोःक्खिआङ् के़वयिॽरो॥
1 Peter 1:18 in Limbu 18 निङ्वाॽफुमाङ्ङिल्ले़ खिनिॽ पाधे़बालाम्बा के़नाःत्तुम् के़इःत्तुम्ल के़युःरुम्बा हने़बा थिम्हाॽलाम् के़मे़क्पा के़बेःक्पा साम्म्याङ् युप्पा हे़क्तङ्बा पाःन्हाॽरे़ के़धे़ॽरिआङ् ताङ्गे़से़ःप्तिबा मे़ःन् फाॽआङ् खिनिॽ के़निःसुम्लो॥
1 Peter 2:24 in Limbu 24 खुने़ॽ आनिॽ लायो लासोःत्तिन् आले़रुम्माङ् साम्योनिबा हिङ्मन्नो आहिङ्ल फाॽआङ् आनिॽ लायोःन् सिलाम्साक्मा सिङ्सम्दाङ् आबाङे नासिङ्गे़न् कुधक्को कुयुदेॽरुरो॥ खुने़ॽ कुगाःम्माओलाम् खिनिॽ के़वेःत्तिआङ् के़वयिॽरो॥
1 Peter 3:18 in Limbu 18 थेआङ्भे़ल्ले़ ख्रिस्तरे़आङ् निङ्वाॽफुमाङ्ङो ताःत्छे़ आनिॽ लायोहाॽ सदादिङ् ले़प्मि पिमा फाॽआङ् थिक्ले़ङ् स्ये़रो॥ साम्योनिबा ख्रिस्ते़न्लायोबारे़ कुले़क्वा स्ये़रो॥ खुने़ॽ नासिङ्गे़न् थक्को स्ये़, कर सेसेमाङ्ङोलाम् याम्मो हिङे़रो॥
2 Peter 1:1 in Limbu 1 ये़सु ख्रिस्तरे़ कुसेवारोबा नु कुसेःक्युक्मिबा इङ्गाॽ सिमोन पत्रुसलाम् कन् सक्इङ्घङ्ङिन् साप्तुङ्ङाङ् आनिगे़ कुइसिःक् इमे़ल्लुङ्बा नसाःन् के़घोःबा खिनिॽ के़रे़क् हाक्निङ्लो॥ खे़न् नसाःन्निन् आनिॽ साम्योनिबा निङ्वाॽफुमाङ् नु से़न्लप्दाङ्बा ये़सु ख्रिस्तरे़ आबिरे़आङ् आवाॽरो॥
1 John 1:7 in Limbu 7 कर निङ्वाॽफुमाङ्ङिन् से़न्दाङ्गे़न् ओःत्तिओ वाॽबा कुइसिःक् आनिॽआङ् से़न्दाङ्गे़न् ओःत्तिओ आहिङ्ल आवाॽने़ फाॽग्र आनिॽ लुम्मो सेसे तङ्जुम् पोःङ्लो॥ हे़क्क्याङ् आबुगे़न् कुस्साः ये़सुरे़ कुमाक्खिॽइल्ले़ आनिॽ काक् लायोलाम् सुत्थो आजोःक्लो॥
1 John 2:1 in Limbu 1 आमिःम् आस्साःसे, खिनिॽ लायो मे़जोगे़म्मिन्ने़ॽ फाॽआङ् कन् सक्इङ्घङ्ङिन् साप्तुङ्ङाङ् हाक्निङ्ल पत्तारो॥ कर कुभारे़ लायो मे़जोगुसाङ् आनिॽ लागि के़बाःप्पा के़बिबा साम्योनिबा ये़सु ख्रिस्ते़न्आनिॽ लायोलाम् ले़प्मि आघोःसुम्ल फाॽआङ् पानुदिङ् पाः निङ्वाॽफुमाङ्ङिन् पेलि फाक्तुॽरो॥
Revelation 7:9 in Limbu 9 कन् एगाङ् खे़प्मो आत्तात्तान्ने निःप्मा सुक्मे़न्दे़प्मना मनाहाॽ, के़रे़क् लाजेॽहाॽ, के़रे़क् मे़न्छाम् सुवाङ्हाॽ, हे़क्क्याङ् के़रे़क् पाःन्दाङ्हाॽलाम्, हाङ्युक्नाःन् नु मे़ल्लुक्साःल्ले़ कुदगि कब्रिङ् मे़ये़बे़बा निःसुङ्सिङ्॥ खे़ङ्हाॽरे़ फःदाङ्बा तेःत् मे़जाक्खुआङ् खुनिॽ हुक्को खे़बक्सिङ्ङिल्ले़ कुबोराःक्हाॽ मे़बक्खुआङ् मे़ये़बे़॥
Revelation 7:14 in Limbu 14 इङ्गाॽ खुने़ॽ नोगप् पिरुङ्, “आदाङ्बे, इङ्गाॽग मे़निःसुङ्सिङ्ङिन्लो, खे़ने़ॽए के़निःसुॽरो॥” हे़क्क्याङ् खुने़ॽ अक्खे मे़त्ताङ्, “कन्हाॽग पयम् यम्बा निङ्घुम्लाम् के़दाःबासिरो॥ कङ्हाॽरे़ मे़ल्लुक्साःल्ले़ कुमाक्खिॽओ खुनिॽ तेःत् चाङ्हाॽ वामे़हप्तुआङ् फःदाङ्बा मे़जोगुआङ् मे़वाॽरो॥