Colossians 3:5 in Limbu 5 खे़ल्ले़ चोगुल्ले़ मे़न्छुमाॽ नु ये़म्बित्छाॽहाॽ चाराम्मा पाःन्निन्, चिःन्जिन्बा के़जोःक्पा याःम्बक्, चाराम्मा निङ्वाॽ चोःक्मान्, फे़न् याःम्बक् चोःक्मान् नु खिःम्यक् चोःक्मान् हे़क्तङ्बा नासिङ्गे़न् थक्कोबा नोस्रङ्गे़न् ये़प्ले़क्हाॽग नावाइत्लाःन् माङ्घःमनाबारो॥ खिनिॽ खे़न् काक् युक्ते़म्मे़ॽओ॥
Other Translations King James Version (KJV) Mortify therefore your members which are upon the earth; fornication, uncleanness, inordinate affection, evil concupiscence, and covetousness, which is idolatry:
American Standard Version (ASV) Put to death therefore your members which are upon the earth: fornication, uncleanness, passion, evil desire, and covetousness, which is idolatry;
Bible in Basic English (BBE) Then put to death your bodies which are of the earth; wrong use of the flesh, unclean things, passion, evil desires and envy, which is the worship of strange gods;
Darby English Bible (DBY) Put to death therefore your members which [are] upon the earth, fornication, uncleanness, vile passions, evil lust, and unbridled desire, which is idolatry.
World English Bible (WEB) Put to death therefore your members which are on the earth: sexual immorality, uncleanness, depraved passion, evil desire, and covetousness, which is idolatry;
Young's Literal Translation (YLT) Put to death, then, your members that `are' upon the earth -- whoredom, uncleanness, passion, evil desire, and the covetousness, which is idolatry --
Cross Reference Matthew 15:19 in Limbu 19 थेआङ्भे़ल्ले़ फे़न् निङ्वाॽ इःप्मा, मना से़प्मा, चाराम्मा याःम्बक्, याम्बोःप्मा, खुःम्मा, फोत्याबा तोःन्दि पिमा, माङ्चे़ॽया पाःन्हाॽ निङ्वाॽबोलाम् लःन्लो॥
Mark 7:21 in Limbu 21 थेआङ्भे़ल्ले़ मे़न्छाम्गे़न् याप्मि निङ्वाॽ सिगाङ्लाम् फे़न् निङ्वाॽ, याम्बोःप्मा, खुःम्मा, मना से़प्मा, चाराम्मा याःम्बक्, खिःम्मा, ताप्फे़ःम्बा निङ्वाॽ चोःक्मा, इङ्ले़क् चोःक्मा, चे़ल्ले़क्ले़क्लॽमा, नाहे़म्मा, चे़ॽया इङ्दो पाःप्मा, आङ्दिङ् लॽमा, अदङ् पाःन् चोःक्मा, हे़क्तङ्बा फे़न् पाःन्हाॽ लःन्लो॥
Romans 1:26 in Limbu 26 खे़ल्ले़ चोगुल्ले़ निङ्वाॽफुमाङ्ङिल्ले़ खे़ङ्हाॽ सिरिङ् आमःबा याम्बोःप्मा निङ्वाॽओ ले़रुसिरो॥ हे़क्केलॽरिक् मे़न्छुमाहाॽरे़आङ् के़बोःङ्बा के़युःबा कुइसिःक् ये़म्बित्छाॽहाॽनु इम्माल्ले़ कुले़क्वा मे़न्छुमाहाॽनुए फे़न् याःम्बक् मे़जोगु॥
Romans 1:29 in Limbu 29 खे़ङ्हाॽ काक् परिक्पा कुइभे़म्मा, फे़न् निङ्वाॽ, खिःम्मा हे़क्क्याङ् चिःत्छिङ्मा, नाहे़म्मा, मना से़प्मा, खेमा थक्मा, इङ्ले़क्मा, मनाहाॽरे़ खुनिॽ निङ्वाॽ तुक्ल चोःक्मा पाःन्हाॽरक् मे़इःत्तुॽरो॥ हे़क्क्याङ् खे़ङ्हाॽ मना के़जे़ङ्बा,
Romans 6:6 in Limbu 6 लायोःल्ले़ कुयुक्किन् आनिॽ हिङ्मन्नोलाम् मे़क्ल हे़क्क्याङ् आल्लआङ्धो लायोरे़ कुयोःक्पा आम्बोःङ्ङिन्ल फाॽआङ् आनिॽ तगिस्मा हिङ्मन्निन् ख्रिस्ते़न्नु सिलाम्साक्मा सिङ्ङो फोःन्दे़आङ् वाॽ के़लॽबान् कुसिङ् आनिःत्तुम्,
Romans 6:13 in Limbu 13 खिनिॽ थक्कोबा याम्लक्हाॽ ताप्फे़ःम्बा याःम्बक् चोःक्मारे़ लागि लायोःन् मे़दोःन्दे़म् मे़बिरे़म्मिन्ने़ॽ॥ खे़ल्ले़ कुले़क्वा सिःमे़न्लाम् हिङ्मन्नो के़दाःबा मनाहाॽ कुइसिःक् खिनिॽ आबाङे निङ्वाॽफुमाङ्ङो तोःन्नाॽसिम्मे़ॽ, हे़क्क्याङ् खिनिॽ याम्लक्हाॽ साम्योनिबा याःम्बक् चोःक्मारे़ लागि निङ्वाॽफुमाङ्ङो तोःन्दे़म्मे़ॽओ॥
Romans 7:5 in Limbu 5 आनिॽग लायोबा सुत्नाःल्ले़ आयुक्ते़आङ् आवये़ल्ले़ साम्योथिम्मिल्ले़ आनिॽ नासिङ्गे़न् थक्को लायोबा निङ्वाॽइन्फोःक्खुआङ् आनिॽ आजोगुम्बा फे़न् याःम्बक्किल्ले़ सिःमे़न् तारुॽरो॥
Romans 7:7 in Limbu 7 हे़क्केःल्ले़ आनिॽ थे पाःप्माबे? साम्योथिम्मिन् लायोबि? से़क्खासाङ् मे़ःन्लो! कर साम्योथिम्मिन् होःप्ते़ल्ले़ग इङ्गाॽ आहिङ्मन्नोबा लायोहाॽ मे़न्निःबान्मे़न्॥ थेआङ्भे़ल्ले़ साम्योथिम्मिल्ले़, “खे़ने़ॽ मे़घिःप्से़न्ने़ॽ” फाॽआङ् मे़बाःत्तुन्निल्ले़ग इङ्गाॽ खिःम्मान् ताप्फे़ःम्बारो के़लॽबा पाःन्निन् कुसिङ् मे़निःत्तुङ्ङिन्बारो॥
Romans 7:23 in Limbu 23 कर इङ्गाॽओग वेॽस्मा मुक्साम्मिल्ले़ याःम्बक् चोगुबा निःसुङ्॥ खे़न् मुक्साम्मिल्ले़ग इङ्गाॽ आबाङे आनिङ्वाॽइल्ले़ इःप्मा नाःप्मा कोःत्तुबा थिम्मिल्ले़ कुदक्ले़ङ्वाओ थङ् चोगुॽ, हे़क्क्याङ् लायोओ पुङ्लाधाबा चोःक्काआङ् लायोःल्ले़ इङ्गाॽ युक्कारो॥
Romans 8:13 in Limbu 13 खिनिॽ लायोबा सुत्नाःल्ले़ निङ्वाॽ चोगुबा कुइसिःक् के़वयिॽने़ फाॽग्र खिनिॽ के़स्ये़ॽइरो, कर सेसेमाङ्ङिल्ले़ कुमुक्साम्लाम् लायोबा याःम्बक्हाॽ के़ले़रुम्ने़ फाॽग्र के़हिङिॽरो॥
1 Corinthians 5:1 in Limbu 1 खिनिॽ लुम्मो याम्बोःप्मा याःम्बक् पोःक्खे़आङ् वाॽ, खिनिॽओ लत्छाःल्ले़ आबाङे कुम्मा पाःक्मान् मेःत् कत्तुआङ् वाॽमु! हे़क्तङ्बा ताप्फे़ःम्बा याम्बोःप्मा याःम्बक्किङ्ग नसाःन् मे़न्जोःक्मनाबा सुवाङ्लुम्मोआङ् मे़बोःङ्ने़ल्लो॥
1 Corinthians 5:10 in Limbu 10 खे़न् फाॽइङ्ग नसाःन् मे़न्जोःक्मनाबा फे़न् याःम्बक् के़जोःक्पा, खिःम्यक्पा, इङ्ले़क्पा, नावाइत्ला माङ्गे़घबाहाॽनु मे़वये़म्मिन्ने़ॽ के़लॽबाग मे़ःन्लो॥ हे़क्के के़जोगुम्मिल्ले़ग कन् इक्सादिङ् खाम्बेःक्मोलाम्बा लःम्मा पेःक्मा के़बोःङ्बा वये़रो॥
1 Corinthians 6:9 in Limbu 9 ताप्फे़ःम्बा याःम्बक् के़जोःक्पाहाॽरे़ निङ्वाॽफुहाङ्जुम्मिल्ले़न् लाघो मे़ङ्घोःसुन् के़लॽबा पाःन्निन् निङ्वाॽ मे़ङ्घोए के़वयिॽबि? इङ्ले़क्को मे़ध्ये़म्मिन्ने़ॽओ॥ फे़न् याःम्बक् के़जोःक्पाहाॽ, नावाइत्ला माङ्गे़घःबाहाॽ, चाराम्मा याःम्बक् के़जोःक्पा के़जोःक्माहाॽ, के़त्निबा के़त्निमाहाॽ, मे़न्छुमाॽ मे़न्छुमाॽइन्नु हे़क्क्याङ् ये़म्बित्छाॽ ये़म्बित्छाॽइन्नु चागे़राम्बाहाॽ,
1 Corinthians 6:13 in Limbu 13 वेॽहाॽरे़ मे़बाःत्तु, “कुजाःङ्ग साप्पोःक्पाल्ले़ कुलागिरो, हे़क्क्याङ् सापोःक्पे़न्कुजाःल्ले़ लागिरो॥” कर निङ्वाॽफुमाङ्ङिल्ले़ खे़ङ्हाॽ ने़प्माङ् मे़क्खुसिॽरो॥ नासिङ्गे़न् थक्किङ्ग याम्बोःप्मा याःम्बक्किल्ले़ लागि मे़ःन्लो, कर दाङ्बाल्ले़ कुलागिरो॥ हे़क्क्याङ् नासिङ्गे़न् थक्किल्ले़ कुलागि चाहाबा के़जोःक्पा पाःन्हाॽ दाङ्बाल्ले़ हिसु तङ्घुरो॥
1 Corinthians 6:18 in Limbu 18 चाराम्मोलाम् माःङ्घा वये़म्मे़ॽओ॥ मे़न्छाम् याप्मिःल्ले़ काक् वेॽ लायोहाॽ नासिङ्गे़न् कुधक्लाम्बा लाःक्कात् चोगुॽ, कर चाराम्मा लायोःङ्ग आबाङे नासिङ्गे़न् कुधक्किल्ले़ कुदक्ले़ङ्वाओ चोगुॽरो॥
1 Corinthians 10:6 in Limbu 6 आल्ल कन् काक् पाःन्हाॽग आनिॽ निङ्वाॽइन्खे़ङ्हाॽरे़ मे़जोगुबा हे़क्के फे़न्पाःन्नो मे़बत्तिन्ल फाॽआङ् आनिॽ लागि कुबि पोःक्खे़आङ् वाॽरो॥
2 Corinthians 12:21 in Limbu 21 खिनिॽ तुम्से़ याम्मो ताआल्ले़ आनिङ्वाॽफुमाङ्ङिल्ले़ खिनिॽ तगि नःम्नःम् चोःक्का फाॽआङ् किःआरो॥ हे़क्क्याङ् खिनिॽ लुम्मो तगि लायो के़जोःक्पाआङ् खे़न् आसुत्थोलाम्, चाराम्मा याःम्बक्लाम्, नु निङ्वाॽ पाःप्पाःत् चोःक्मालाम् यरिक् मे़न्हिम्मनाबा मे़न्नुःङ्मनाबाहाॽरे़ लागि इङ्गाॽ मेरिङ् थक्मा पोःङ्बिलारो!
Galatians 5:19 in Limbu 19 लायोबा निङ्वाॽलाम् याःम्बक् के़जोःक्पाहाॽरे़ खुनिॽ याःम्बक्हाॽ निधाःप्लो॥ खे़ङ्हाॽरे़ याम्बोःप्मा याःम्बक् मे़जोगुॽ, ताप्फे़ःम्बा पाःन्हाॽ मे़जोगुॽ, सिरिङ् आममबा याःम्बक् मे़जोगुॽ,
Galatians 5:24 in Limbu 24 ख्रिस्त ये़सुःन् नसाःन् के़जोःक्पाहाॽरे़ग लायोबा निङ्वाॽ नु खे़ल्ले़ कुभे़न् याःम्बक्किल्ले़ कुयुक्किन् सिलाम्साक्मा सिङ्सम्दाङ् मे़भोःन्दुआङ् वाॽरो॥
Ephesians 4:19 in Limbu 19 खे़ङ्हाॽरे़ खुनिॽ निङ्वाॽ थःप्पाङ् निङ्वाॽ थाप्थाप् फे़न् याःम्बक् मे़जोगुरो॥ खे़ङ्हाॽरे़ के़रे़क् परिक्पा आजिःन्जिःम्बा नु सिक्के़ले़ःङ्बा पाःन्नो चक्मे़ल्लॽए निङ्वाॽ मे़बिरुॽरो॥
Ephesians 5:3 in Limbu 3 कर याम्बोःप्मान्, काक् आजिःन्जिःम्बा पाःन्हाॽ इग्र खिःम्मा पाःन्निन् लत्छाआङ् खिनिॽ लुम्मो मे़वाॽने़न्ल, थेआङ्भे़ल्ले़ हे़क्तङ्बा पाःन्हाॽरे़ निङ्वाॽफुमाङ्ङिल्ले़ सेसे कुमनाहाॽ मे़घे़म्दुन्छिन् मे़लाॽरुन्छिन्लो॥
1 Thessalonians 4:3 in Limbu 3 खिनिॽ सेसे के़वयिनि के़लॽबा निङ्वाॽफुमाङ्ङिल्ले़ कुनिङ्वाॽ वाॽरो॥ खे़ल्ले़ चोगुल्ले़ खिनिॽ काक् वेॽ मे़न्छुमाॽ ये़म्बित्छाॽ चाराम्मोलाम् के़बोःङ्बा चिःन्जिःम्बाओनु लाःत्लाःत् वये़म्मे़ॽओ॥
1 Thessalonians 4:5 in Limbu 5 निङ्वाॽफुमाङ्ङिन् कुसिङ् मे़न्निःप्मना सुवाङ्हाॽ हे़क्के लाम्मा फे़न् निङ्वाॽ कप्मा मे़नुॽने़न्लो॥
Hebrews 12:16 in Limbu 16 हे़क्क्याङ् आत्तिन्नाङ् चागे़लाम्बा इग्र ए़साउ हे़क्तङ्बा निङ्वाॽफुमाङ्ङिन्मे़ङ्गोःप्मना मे़म्बोःङ्ने़न्लरो॥ खे़ल्ले़ग चामा थुङ्मारे़लागि तुम्बा कुयुक्किन् ले़क्तुरो॥
Hebrews 13:4 in Limbu 4 ते़न्धाम्गे़न् मेःक्खिम्मिन् के़रे़क् मनाहाॽरे़ मिङ्सो इङ्धाःङ् मे़बिरुबा पोःङ्मा पोःङ्लो॥ हे़क्क्याङ् मेःत् ये़म्बाॽ लुम्मो नसाःन्साबा पोःङ्मा पोःङ्लो॥ थेआङ्भे़ल्ले़ निङ्वाॽफुमाङ्ङिल्ले़ चाराम्मा याःम्बक् के़जोःक्पा नु के़रे़क् परिक्ले़न् ताप्फे़ःम्बा याःम्बक् के़जोःक्पाहाॽ खासे़न् चोगुसिॽरो॥
James 4:1 in Limbu 1 खिनिॽ लुम्मो थे़माःल्ले़ खेमा थक्माहाॽ तारुॽबे? खे़ङ्हाॽग खिनिॽ सिगाङ् थङ् के़जोःक्पा फे़न् निङ्वाॽलाम् लःम्बा मे़ःम्बि?
1 Peter 2:11 in Limbu 11 आमिःम् फुॽनुसाॽ नु ने़ॽनुसाॽसे, खिनिॽग कप्मो वे़प्मिबा नु माःङ्घा लाजेॽबा कुइसिःक् के़वयिबाल्ले़ चोगुल्ले़ लायोबा फे़न् निङ्वाॽलाम् लाःत्लाःत् वये़म्मे़ॽ फाॽआङ् पेलि फाक्निङ्लो॥ खे़न् लायोबा फे़न् निङ्वाॽइङ्ग खिनिॽ याम्साम्मिल्ले़ कुदक्ले़ङ्वाओ पोःक्लो॥
Revelation 21:8 in Limbu 8 कर किस्रुक्पाहाॽ, नसाःन् मे़न्जोःक्मनाबाहाॽ, फे़क्के़लाॽबाहाॽ, मना के़से़प्पाहाॽ, ताप्फे़ःम्बा याःम्बक् के़जोःक्पाहाॽ, फे़न्साम् मुन्धुम् के़नाःप्पाहाॽ, नावाइत्ला सेवा के़जोःक्पाहाॽ नु इङ्ले़क् के़बाःप्पाहाॽरे़ खुनिॽ वाॽमादे़ङ्ग कान्धाक् नु मि के़दिःप्पार के़बप्पा लुम्बाःत्तो पोःङ्लो॥ खे़ङ्ग निसिगेःक्पा सिःमे़न्लो॥”
Revelation 22:15 in Limbu 15 कर कोःत्चो हे़क्तङ्बा ये़प्ले़क् के़गप्पाहाॽ, निङ्वाॽ के़माबा कित्चाक् के़जोःक्पाहाॽ, चागे़राम्बाहाॽ, मना के़से़प्पाहाॽ, नावाइत्ला माङ्गे़घःबाहाॽ हे़क्क्याङ् काक् इङ्ले़क् पाःप्मा खुनिॽ सिराॽ के़धाङ्बाहाॽ नु इङ्ले़क् के़बाःप्पाहाॽ लाःक्कात्ते मे़वाॽरो॥