1 John 5:18 in Limbu 18 निङ्वाॽफुमाङ्ङिल्ले़ कत्तुबा साःल्ले़ लायो चोगुर मे़वाॽने़न् फाॽआङ् आनिॽ नुःरिक्काङ् आनिःसुम्लो, थेआङ्भे़ल्ले़ निङ्वाॽफुमाङ्ङिल्ले़ आबाङे कुस्साःल्ले़ खे़न् ताङ्से़ःप्तुॽआङ् कत्तुॽरो॥ हे़क्क्याङ् माफे़न्साम्मिल्ले़ खे़न् सुःमाआङ् मे़सुक्तुन्लो॥
Other Translations King James Version (KJV) We know that whosoever is born of God sinneth not; but he that is begotten of God keepeth himself, and that wicked one toucheth him not.
American Standard Version (ASV) We know that whosoever is begotten of God sinneth not; but he that was begotten of God keepeth himself, and the evil one toucheth him not.
Bible in Basic English (BBE) We are certain that one who is a child of God will do no sin, but the Son of God keeps him so that he is not touched by the Evil One.
Darby English Bible (DBY) We know that every one begotten of God does not sin, but he that has been begotten of God keeps himself, and the wicked [one] does not touch him.
World English Bible (WEB) We know that whoever is born of God doesn't sin, but he who was born of God keeps himself, and the evil one doesn't touch him.
Young's Literal Translation (YLT) We have known that every one who hath been begotten of God doth not sin, but he who was begotten of God doth keep himself, and the evil one doth not touch him;
Cross Reference John 1:13 in Limbu 13 खे़ङ्हाॽग मा-बालाम् सामे़वाःन्छिङ्बा नु मे़न्छाम् निङ्वाॽलाम्बा सा-ए मे़बोःक्खे़बा मे़ःन्, कर निङ्वाॽफुमाङ्ङिल्ले़ खे़ङ्हाॽ आबाङे कुस्साः चोगुसिबारो॥
John 3:2 in Limbu 2 थिक् से़न्दिक् खे़न् ये़सुरे़ कुदुम्से़ पेआङ् मे़त्तु, “सिक्साम्बे, खे़ने़ॽग निङ्वाॽफुमाङ्लाम्मे के़द्ये़बारो फाॽआङ् आनिगे़ कुसिङ् निःत्तुम्बे़रो॥ थेआङ्भे़ल्ले़ खे़ने़ॽ के़जोगुबा निङ्वाॽ के़माबा याःम्बक्हाॽग आत्तिन् मनाःल्ले़आङ् खुने़ॽनु निङ्वाॽफुमाङ्ङिन् मे़वाॽने़न्निल्ले़ग हे़क्के चोःक्मा मे़सुक्तुन्लो॥”
John 14:30 in Limbu 30 आल्ल खिनिॽनु यरिक् मे़बाःत्तान्, थेआङ्भे़ल्ले़ इक्सादिङ् खाम्बेःक्मोबा हाङ्युक् के़जोःक्पान् फे़न्ल पत्लो॥ आसम्दाङ् खे़ल्ले़ थेआङ् मुक्साम् मे़गत्तुन्लो,
John 15:4 in Limbu 4 इङ्गाॽओ वये़म्मे़ॽ हे़क्क्याङ् इङ्गाॽ खिनिॽओ वाॽआरो॥ सिङ् पोराःक्किन् चे़प्माआङ् कुबुङ्मोलाम् से़म्माने़ फाॽग्र खे़ॽयो कुजाॽ थोःक्मा मे़सुक्ने़न्लो, हे़क्केलॽरिक् खिनिॽआङ् इङ्गाॽओ मे़न्वाॽए कुजाॽ फम्मा के़न्छुक्तुम्मिल्लो॥
John 15:7 in Limbu 7 खिनिॽ इङ्गाॽओ हे़क्क्याङ् आबाःन्जाक्किन् खिनिॽओ वाॽने़ फाॽग्र खिनिॽ सिराॽ के़धाङ्बा पाःन्हाॽ थे के़नाःक्तुम्साङ् खिनिॽ के़घोःसुम्लो॥
John 15:9 in Limbu 9 पानुदिङ् पाःल्ले़ लुङ्माॽ तुक्ताङ्बा कुइसिःक् खिनिॽआङ् लुङ्माॽ तुक्निङ्ङाङ् वाॽआरो॥ खिनिॽ चक्मे़ल्लॽए आमिःम्जिओ वये़म्मे़ॽओ॥
Acts 11:23 in Limbu 23 खुने़ॽ खे़प्मो के़रे़आङ् खे़प्मोबा मनाहाॽओ निङ्वाॽफुमाङ्ङिल्ले़ मुॽइसाम् थाःसुबा निःसु, हे़क्केःल्ले़ खुने़ॽ साॽरिक्के सःत्ते़आङ् खे़ङ्हाॽ सिक्लुङ्मोनु से़क्खाए दाङ्बाओ वये़म्मे़ॽओ फाॽआङ् हाङ्हाङ् मे़त्तुसिरो॥
James 1:18 in Limbu 18 खुने़ॽ चोगुबा नावागे़न् चइःत्तो काक्नु तगि के़दुम्बा निङ्वाॽफुमाङ्ङो तोःम्मनाबा चासोःक्कुइसिःक् आबोःङ्ल फाॽआङ् आबाङे कुनिङ्वाॽइल्ले़ से़क्खाबा कुबाःन्जाक्लाम् कुस्साः आजोगे़आङ् वाॽ॥
James 1:27 in Limbu 27 पानुदिङ् पाः निङ्वाॽफुमाङ्ङिल्ले़ ते़न्दिङ् चोगुबा सुत्थो नु सेसेबा साम्योसाबा पोःङ्माङ्ग बा कन्लो–ये़त्छाबाहाॽ नु मेमेदुमाहाॽ खुनिॽ इनोगे़न् तुक्खेहाॽओ कम्ब्राङ् मे़प्मासि, हे़क्क्याङ् इक्सादिङ् खाम्बेःक्मोबा याप्मि के़जिःम्बा पाःन्हाॽलाम् माःङ्घा वाॽमारो॥
1 Peter 1:23 in Limbu 23 खिनिॽग के़मे़क्पाआङ् के़बेःक्पा याॽरिःम्बालाम् मे़ःन्, कर कुहिङ्वे़त् नु सदादिङ् के़वाॽबा निङ्वाॽफु पाःन्जाक्कोलाम् कुसङ् के़बोःक्खिआङ् के़वयिॽरो॥
1 John 2:13 in Limbu 13 पानुदिङ् पाःसे, तोलिङ्सोमुआङ्धोए के़वाॽबा ख्रिस्ते़न्खिनिॽ कुसिङ् के़निःत्तुम्बाल्ले़ चोगुल्ले़ कन् सक्इङ्घङ्ङिन् साप्तुङ्ङाङ् हाक्निङ्ल पत्तारो॥ थाङ्बे़न् मे़न्छियाॽसे, माफे़न्साम्मिन् खिनिॽ के़नाःन्दुम्माङ् के़वयिबाल्ले़ चोगुल्ले़ कन् सक्इङ्ङिन् साप्तुङ्ङाङ् हाक्निङ्ल पत्तारो॥
1 John 2:29 in Limbu 29 निङ्वाॽफुमाङ्ङिन् साम्योनिबा चोःक् फाॽआङ् खिनिॽ के़निःसुम्लो॥ हे़क्केःल्ले़ काक् नुःबा याःम्बक् के़जोःक्पे़न्निङ्वाॽफुसाः पोःक्खे़आङ् वाॽ के़लॽबा पाःन्निन्नाङ् खिनिॽ के़निःसुम्लो॥
1 John 3:3 in Limbu 3 हे़क्केःल्ले़ ख्रिस्तओ खे़न् हे़क्तङ्बा निङ्साङ् के़जोःक्पा काक्ले़ ख्रिस्ते़न्सेसे चोःक्पा कुइसिःक् आबाङे सेसे मे़जोःक्सिङ्लो॥
1 John 3:9 in Limbu 9 निङ्वाॽफुमाङ्लाम् कुसङ् लॽरिक् सागे़वाःन्छिङ्बा आत्तिल्ले़आङ् लायो चोगुर मे़वाॽने़न्, थेआङ्भे़ल्ले़ निङ्वाॽफुमाङ्ङिल्ले़ कुनोस्रङ्ङिन् खुने़ॽओ वाॽरो॥ खुने़ॽ लायो चोःक्कि वाॽमा मे़सुक्ने़न्लो, थेआङ्भे़ल्ले़ खुने़ॽग निङ्वाॽफुमाङ्लाम् सावाःन्छिङ्ङाङ् वाॽरो॥
1 John 3:12 in Limbu 12 खिनिॽग कयिने़न् हे़क्के मे़बोःक्खे़म्मिन्ने़ॽओ॥ खे़ङ्ग माफे़न्साम्मिल्ले़न् वये़आङ् खे़ल्ले़ आबाङे कुन्साॽइन् से़रुरो॥ थेआङ् से़रुबाभे़ल्ले़ खे़ल्ले़ आबाङे कुयाःम्बक्हाॽ ताप्फे़ःम्बा चोगे़, कर कुन्साॽरे़ कुयाःम्बक्हाॽ साम्योनिबा चोगे़॥
1 John 4:6 in Limbu 6 कर आनिॽग निङ्वाॽफुमाङ्ङिल्ले़ कुमनासिरो॥ हाःत्ले़ निङ्वाॽफुमाङ्ङिन् कुसिङ् निःत्तुॽ, खे़ल्ले़ आनिॽ पाःन्निन् खे़प्सुॽ, कर आत्तिन् निङ्वाॽफुमाङ्ङिल्ले़न् मे़ःन्, खे़ल्ले़ आनिॽ पाःन्निन् मे़घे़प्सुन्लो॥ अक्खेलॽरिक् से़क्खा के़बाःप्पा सेसेमाङ्ङिन् नु इङ्ले़क् के़बाःप्पा साम्मिन् कुसिङ् आनिःत्तुम्लो॥
1 John 5:1 in Limbu 1 आत्तिल्ले़ ये़सुःन् निङ्वाॽफुमाङ्ङिल्ले़ सेःन्दुबा ख्रिस्त फाॽआङ् नसाःन् चोगुॽ, खे़न् निङ्वाॽफुमाङ्ङिल्ले़ कुस्साःरो॥ हे़क्क्याङ्पानुदिङ् पाःन् मिःम्जि के़मे़प्पे़ल्ले़ कुस्साःन्नाङ् मिःम्जि मे़त्तुॽरो॥
1 John 5:4 in Limbu 4 थेआङ्भे़ल्ले़ निङ्वाॽफुमाङ्ङिल्ले़ कुस्साःल्ले़ इक्सादिङ् खाम्बेःक्मान् नाःन्दुॽरो॥ आनिॽ नसाःन्निल्ले़ए इक्सादिङ् खाम्बेःक्मान् नाःन्दुॽरो॥
1 John 5:21 in Limbu 21 आमिःम् आस्साःसे, नावाइत्लाहाॽनु लाःत्लाःत् वये़म्मे़ॽओ॥
Jude 1:21 in Limbu 21 आनिॽ दाङ्बा ये़सु ख्रिस्तरे़ लुङ्माॽ के़दुक्तिआङ् के़बिरिबा मे़न्नुप्मनाबा हिङ्मन् के़हाङ्घुम्मिल्ले़ निङ्वाॽफुमाङ्ङिन् चक्मे़ल्लॽए मिःम्जि मे़त्ते़म्मे़ॽओ॥
Jude 1:24 in Limbu 24 आल्ल निङ्वाॽफुमाङ्ङिल्ले़ए लायोओ थाःमालाम् खिनिॽ से़ःप्मा के़सुक्तिॽ, हे़क्क्याङ् खुने़ॽए कुमिमिदिङ्ङिल्ले़ कुदगि लायो मे़ःन्ने पयम् सःप्मान्नु ताःप्मा के़सुक्तिॽरो॥
Revelation 2:13 in Limbu 13 ‘खे़ने़ॽ माफे़न्साम्मिल्ले़ हाङ् चोगुबा ते़न्नो के़वाॽ फाॽआङ् इङ्गाॽ निःसुङ्लो॥ करसाङ् खे़ने़ॽग चक्मे़ल्लॽए इङ्गाॽ नसाःन् के़जोःक्कार के़वाॽ॥ नसाःन्साबा आदोःन्दि के़बाःप्पा एन्तिपासे़न् माफे़न्साम्मिन् के़वाॽबा खिनिॽ ये़क्यक्को मे़से़रुसाङ् खे़ने़ॽग के़नसाःन्निन् के़न्ले़रुन्लो॥
Revelation 3:8 in Limbu 8 ‘खे़ने़ॽ के़याःम्बक्हाॽ इङ्गाॽ निःसुङ्ङाङ् वाॽआरो॥ के़दगि इङ्गाॽ हन्दुङ्ङाङ् के़बप्पा लाम्धेःप्पे़न्आत्तिन्हाॽरे़आङ् सुप्मा मे़न्छुक्तुन्लो॥ खे़ने़ॽग मिसाक्लक् के़धुम्साङ् इङ्गाॽ आनिसाम्मिन् के़नाःत्तुआङ् के़वाॽ हे़क्क्याङ् इङ्गाॽओ नसाःन्साबा के़बोःक्खे़आङ् के़वाॽरो॥