1 Corinthians 15:58 in Limbu 58 खे़ल्ले़ चोगुल्ले़ आमिःम् फुॽनुसाॽ नु ने़ॽनुसाॽसे, खिनिॽ के़धुम्बा पोःक्खे़म्मे़ॽआङ् मे़म्मुन्ने वये़म्मे़ॽओ॥ दाङ्बाल्ले़ कुयाःम्बक्को सदादिङ् पोःरे़म्मे़ॽर पेगे़म्मे़ॽओ॥ थेआङ्भे़ल्ले़ दाङ्बाल्ले़ लागि खिनिॽ याम्बुधिक्किन् चामे़सोःक्ने़न् फाॽआङ् के़निःसुम्माङ् के़वयिॽरो॥
Other Translations King James Version (KJV) Therefore, my beloved brethren, be ye stedfast, unmoveable, always abounding in the work of the Lord, forasmuch as ye know that your labour is not in vain in the Lord.
American Standard Version (ASV) Wherefore, my beloved brethren, be ye stedfast, unmoveable, always abounding in the work of the Lord, forasmuch as ye know that your labor is not vain in the Lord.
Bible in Basic English (BBE) For this cause, my dear brothers, be strong in purpose and unmoved, ever giving yourselves to the work of the Lord, because you are certain that your work is not without effect in the Lord.
Darby English Bible (DBY) So then, my beloved brethren, be firm, immovable, abounding always in the work of the Lord, knowing that your toil is not in vain in [the] Lord.
World English Bible (WEB) Therefore, my beloved brothers, be steadfast, immovable, always abounding in the Lord's work, because you know that your labor is not in vain in the Lord.
Young's Literal Translation (YLT) so that, my brethren beloved, become ye stedfast, unmovable, abounding in the work of the Lord at all times, knowing that your labour is not vain in the Lord.
Cross Reference Matthew 10:40 in Limbu 40 “आत्तिल्ले़ खिनिॽ लाङ्गे़दाःक्तिॽ, खे़ल्ले़ इङ्गाॽआङ् लाङ्दाःक्कारो, हे़क्क्याङ् आत्तिल्ले़ इङ्गाॽ लाङ्दाःक्का, खे़ल्ले़ इङ्गाॽ याप्मि के़बाङ्बे़न्नाङ् लाङ्दाःक्तुॽरो॥
Matthew 25:31 in Limbu 31 “मे़न्छाम्साःन् कुमिमिदिङ्ङो के़रे़क् कुमाङ्लाइङ्बाहाॽनु युःल्ले़ खुने़ॽ मिमिदिङ्गे़न् कुहाङ्युक्नाओ युङ्सिङ्लो॥
John 6:28 in Limbu 28 हे़क्केःल्ले़ खे़ङ्हाॽरे़ खुने़ॽ सेःन्मे़दोसु, “निङ्वाॽफुमाङ्ङिल्ले़ आनिगे़ थे चोगुम्बे़बा निङ्वाॽ इःत्तुबे?”
1 Corinthians 3:8 in Limbu 8 याॽरिःम्बा के़लेःप्पे़न्नु च्वाःत् के़गेःप्पाङ्ग कुदङ्बासिरो॥ खे़ङ्हाॽरे़ याम्बुधिक् चोःक्सुबा कुइसिःक् आबाङे खुन्छिॽ थुम्घोःन् खोःसुॽरो॥
1 Corinthians 16:10 in Limbu 10 तिमोथिःन् खे़प्मो ताःल्ले़ नुःरिक्काङ् लाङ्दाःक्ते़म्मे़ॽओ, थेआङ्भे़ल्ले़ खुने़ॽग इङ्गाॽ चोगुङ्बा कुइसिःक्के दाङ्बाल्ले़ कुयाःम्बक् चोगुर वाॽरो॥
2 Corinthians 7:1 in Limbu 1 आमिःम् आन्जुम्से, आनिॽग कन् माङ्हे़क्हाॽ आघोःसुम्माङ् आवाॽबाल्ले़ चोगुल्ले़ आनिॽ नासिङ्गे़न् थक् नु याम्साम् के़जिःम्बा पाःन्हाॽलाम् सेसे चोःक्कासिरो॥ हे़क्क्याङ् निङ्वाॽफुमाङ्ङिल्ले़ मिङ्सो इङ्धाःङ् खोःसुर फाॽआङ् आनिॽ सेसे पोःक्खिर पिगिरो॥
Galatians 4:11 in Limbu 11 खिनिॽ लागि इङ्गाॽ चोगुङ्बा याम्बुधिक्पा याःम्बक्किन् हने़ पोःङ्बिला फाॽआङ् किःसाङ्ङाङ् वयाङ्लो॥
Galatians 6:9 in Limbu 9 आनिॽ नुःबा याःम्बक् चोःक्माओ नाःस्सि मे़ःन्लो, थेआङ्भे़ल्ले़ नुःबा याःम्बक् चोःक्मा आल्ले़रुम्मिन्ने़ फाॽग्र सुये़म्मो आनिॽ मुॽइसाम् आसुप्सुम्लो॥
Philippians 1:9 in Limbu 9 इङ्गाॽ अक्खेलॽरिक् तुवा चोगुङ्लो–खिनिॽ आल्लसाङ् यरिक् लुङ्माॽ के़दुक्कासिआङ्ने़हिनिङ्वाॽ नु खासिङ् निःप्माल्ले़ के़बोरिर के़बेगिर,
Philippians 1:11 in Limbu 11 हे़क्क्याङ् खिनिॽ ये़सु ख्रिस्तरे़ कुभाॽलाम् यरिक् साम्योनिबा याःम्बक् के़जोगुम्ल फाॽआङ् तुवा चोगुङ्लो, हे़क्केःल्ले़ निङ्वाॽफुमाङ्ङो मिमिदिङ् नु नारा फोःमान् पोःङ्लो॥
Philippians 2:16 in Limbu 16 हे़क्क्याङ् हिङ्मन् के़बिबा पाःन्जाक्किन् लिङ्बित्ताङ् नसाःन् चोगे़म्मे़ॽ, हे़क्केलॽरिक् ख्रिस्तरे़ कुनुःङ्मा युःमा ये़न्नो खिनिॽ लागि इङ्गाॽ चोगुङ्बा याम्बुधिक्पा याःम्बक्हाॽ चामे़सोःक्ते़न्बा पाःन्निन् निःमा सुक्तुङ्लो॥
Philippians 4:17 in Limbu 17 इङ्गाॽ खिनिॽलाम् कुभाॽ खोःमा फाॽआङ्ग मे़ःन्लो, कर कुभाॽ याप्मि के़बिरिबालाम् निङ्वाॽफुमाङ्ङिल्ले़ हाङ्वा मुॽइसाम्मिन् खिनिॽ के़बिरिर के़लॽबा आनिङ्वाॽ वाॽरो॥
Colossians 1:23 in Limbu 23 कर खिनिॽ के़घे़प्सुम्बा सुनाइङ्ङिल्ले़ निङ्साङ्ङो मे़म्मुन्ने नु ताप्मे़म्बे़ॽए हे़क्क्याङ् चक्मे़ल्लॽए नसाःन् चोःक्माए पोःङ्लो॥ हाबा कन् सुनाइङ्ङिन् इक्सादिङ् खाम्बेःक्मोबा काक् मे़न्छाम् सुवाङ्हाॽओ इङ्मे़भोःसुआङ् वाॽ, हे़क्क्याङ् खे़न् सुनाइङ्ङिन् इङ्भोःमा फाॽआङ् इङ्गाॽ पावले़न् निङ्वाॽफुमाङ्ङिल्ले़ कुसेवारोबा पोःक्खाङ्लो॥
Colossians 2:5 in Limbu 5 थेआङ्भे़ल्ले़ इङ्गाॽग खिनिॽनु माःङ्घा वाॽआसाङ् आनिङ्वाॽइन्खिनिॽनु सोरिक्के वाॽरो॥ हे़क्क्याङ् हिङ्मा के़बोःङ्बा हिङ्मन्नो के़हिङिबा नु ख्रिस्तओबा नसाःन्नो यो-धो मे़ल्लॽए के़वयिबा खे़प्सुङ्ङाङ् साॽरिक्सःत्तारो॥
Colossians 2:7 in Limbu 7 खुने़ॽओ, के़हुॽआसिबा निसाम्मो, साःप् लेःत्ते़म्मे़ॽआङ् पोःरे़म्मे़ॽ, नसाःन्नो के़धुम्बा पोःक्खे़म्मे़ॽर दाङ्बान् सदादिङ् नोगे़न् पिरे़म्मे़ॽओ॥
1 Thessalonians 1:3 in Limbu 3 आनिॽ पानुदिङ् पाः निङ्वाॽफुमाङ्ङिल्ले़ कुनिःमाओ नसाःन्लाम्बा के़जोगुम्बा खिनिॽ याःम्बक्किन्, वेॽहाॽ लुङ्माॽ के़दुक्तुम्सिम्माङ्स्याङ्मे़न्दाङ्के़जोगुम्बान्हे़क्क्याङ् आनिॽ दाङ्बा ये़सु ख्रिस्तरे़ याम्मो कुनुःङ्मा युःमा निङ्साङ्लाम् के़दाःबा निङ्वाॽ हाङ्गे़म्सिङ्मान् आनिगे़ चक्मे़ल्लॽए निङ्वाॽ इःत्तुम्बे़रो॥
1 Thessalonians 3:3 in Limbu 3 हे़क्केलॽरिक् आत्तिन्हाॽरे़आङ्खे़न् पसाक्के़साक्पा निङ्घुम्मिल्ले़ चोगुल्ले़ नसाःन्निन् मे़ल्ले़रुन्लरो॥ निङ्वाॽफुमाङ्ङिन् नसाःन् आजोगुम्मिल्ले़ अक्तङ्बा निङ्घुम्हाॽग ताए के़लॽबान् खिनिॽ के़निःसुम्मेरो,
1 Thessalonians 3:5 in Limbu 5 खे़ल्ले़ चोगुल्ले़ इङ्गाॽ खे़न्नाङ्धो नासि थःप्मा मे़न्छुक्पे़न्नाङ् खिनिॽ नसाःन्नो के़धुम्बा के़जोगिबि मे़ःम्बि फाॽआङ् खिनिॽ साॽसे़ तिमोथिःन् पाङ्घुङ्ङाङ् वाॽरो॥ थेआङ्भे़ल्ले़ माफे़न्साम्मिल्ले़ खिनिॽ हङ्गे़साॽरिआङ् आनिगे़ चोःक्मनाबा याम्बुधिक्किन् हने़रक् पोःक्खे़बि फाॽआङ् किःसाङ्ङाङ् वयाङ्लो॥
1 Thessalonians 3:12 in Limbu 12 हे़क्क्याङ् आनिगे़ खिनिॽ लुङ्माॽ तुक्कासिगे़बा हे़क्केए हाराॽ दाङ्बाल्ले़ खिनिॽ लुङ्माॽ तुक्सिङ्मा हे़क्क्याङ् काक् मे़न्छाम् याप्मिहाॽ लुङ्माॽ के़दुक्पा के़बोःङ्बार के़बेःक्पा के़जोगिररो॥
1 Thessalonians 4:1 in Limbu 1 आल्ल कुनुप्मो फुॽनुसाॽ नु ने़ॽनुसाॽसे, खिनिॽ निङ्वाॽफुमाङ्ङिल्ले़ कुनिङ्वाॽ तामार हिङ्मा पोःङ् लॽरिक् आनिगे़लाम् के़हुॽआसिबा हे़क्केए के़जोगुम्ल के़वयिॽ॥ कर आल्लसाङ् यरिक् नुःरिक्काङ् कन् पाःन्हाॽ के़जोगुम्लए पोःङ् फाॽआङ् दाङ्बा ये़सुरे़ कुमिङ्ङो पेलि फाक्कासिगे़रो॥
2 Thessalonians 1:3 in Limbu 3 फुॽनुसाॽ नु ने़ॽनुसाॽसे, खिनिॽ याःम्बेओ आनिगे़ग निङ्वाॽफुमाङ्ङिन् सदादिङ् नोगे़न् पिमाए पोःङ्लो॥ हे़क्क्याङ् हे़क्के चोःक्माग लाॽरुएरो, थेआङ्भे़ल्ले़ खिनिॽ नसाःन्नो के़बोःरिर के़बत्छिआङ् लुङ्माॽ के़दुक्कासिबा पाःन्निन् पोःर पत्लो॥
Titus 2:14 in Limbu 14 आनिॽ काक् लायोलाम् थे़ॽमासि, आबाङे सेसे कुमना चोःक्मासि हे़क्क्याङ् नुःबा याःम्बक् चोःक्मा कुसिक् के़सम्बा चोःक्मासि फाॽआङ् आनिॽ लागि खुने़ॽ आबाङे सिदुङ्जभा पोःङ्से़ पिसिङ्लो॥
Hebrews 3:14 in Limbu 14 आनिॽ तगि नसाःन् आजोगुम्बा ये़म्मो खुने़ॽ ताःक्पो आजोगुम्बा कुइसिःक् कुनुप्मो थारिक् नसाःन्साबा आबोःङ्ने़ फाॽग्र ख्रिस्ते़न्नु लक् के़घोःबा आबोःक्खे़आङ् आवाॽरो॥
Hebrews 6:10 in Limbu 10 निङ्वाॽफुमाङ्ङिल्ले़ग नुःरिक्काङ् खासे़न् चोगुॽरो–हे़क्क्याङ् खुने़ॽ कुमनाहाॽ तगि कुभाॽ के़बिरुम्सिम्मिल्ले़ खुने़ॽ ओसेःन्दाङ् के़जोगुम्बा मिःम्जिन् खुने़ॽ निङ्वाॽ मे़भुःत्छुन्लो॥ खे़ङ्ग आल्लो थारिक्काङ् के़जोगुम्ल के़वयिॽरो॥
Hebrews 13:15 in Limbu 15 आल्ल ये़सुरे़ कुभाॽलाम्बा आनिॽ सिदुङ्जभा चोःक्मनाबा कुइसिःक् निङ्वाॽफुमाङ्ङिन् चक्मे़ल्लॽए कुनारा फोःसुम्लो॥ खे़ङ्ग खुने़ॽ दाङ्बा लॽरिक् ते़न्दिङ् चोःक्मनाबा मुराओलाम् के़लःम्बा चोभाॽरो॥
Hebrews 13:21 in Limbu 21 खुने़ॽ कुनिङ्वाॽ कुइसिःक् चोःक्मा चाहाबा के़जोगिबा काक् पाःन्हाॽरे़ के़गाप्तिररो॥ निङ्वाॽफुमाङ्ङिल्ले़ कुनिङ्वाॽ के़दाःबा काक् पाःन्हाॽ ये़सु ख्रिस्तलाम्बा खिनिॽओ चोगुनिरो॥ हे़क्क्याङ् सदादिङ् सदादिङ् ख्रिस्तरे़ कुमिमिदिङ् पोःङ्निरो॥ आमे़न्॥
2 Peter 1:4 in Limbu 4 बा खे़न् कुमिमिदिङ् नु कुनो-कुदाओलाम् आनिॽ यम्बा नु इमे़ल्लुङ्बा माङ्हे़क्हाॽ आघोःसुम्माङ् आवाॽ॥ खुने़ॽ फे़न् निङ्वाॽलाम् के़दाःबा फे़न् पाःन्हाॽलाम् ताङ्से़ःप्मा नु निङ्वाॽफु नोस्रङ् खोःमा माङ्हे़क् आजोगे़आङ् आवाॽरो॥
2 Peter 3:14 in Limbu 14 खे़ल्ले़ चोगुल्ले़ आमिःम् आन्जुम्से, कन् पाःन्हाॽ निङ्साङ् के़जोगुम्माङ् के़हाङ्घुम्बाल्ले़ चोगुल्ले़ सुत्थो नु सेसेबा हिङ्मन्नो हे़क्क्याङ् निङ्वाॽफुमाङ्ङिन्नु सनारुङ्ङो वाॽमा खिनिॽ सुक्सुक् निङ्वाॽ चोगे़म्मे़ॽओ॥
2 Peter 3:17 in Limbu 17 खे़ल्ले़ चोगुल्ले़ आमिःम् आन्जुम्से, खिनिॽग कन् पाःन्हाॽ निङ्वाॽ के़घोःसुम्माङ् के़वयिबाल्ले़ चोगुल्ले़ सिङ्सिङ् ये़क्ये़क् लॽरे़म्मे़ॽओ॥ हे़क्केःल्ले़ फे़न् पाःन् के़जोःक्पाहाॽरे़ खुनिॽ इङ्ले़क्के पाःन्निल्ले़ खिनिॽ के़मे़न्भोःत्तिन्ल हे़क्क्याङ् खिनिॽ के़धुम्बा नसाःन्लाम् के़न्जोःन्दिन्लरो॥