1 Corinthians 15:2 in Limbu 2 इङ्गाॽ इङ्भन् चोःक्निङ्बा खे़न् सुनाइङ्ङिन् नसाःन् के़जोगुम्माङ् के़न्ले़रुम्मिन्ने़ फाॽग्र से़न्लप् के़घोःसुम्लो, मे़ःन्ने़ फाॽग्र खिनिॽ नसाःन् के़जोगुम्बाङ्ग हने़रक् पोःङ्लो॥
Other Translations King James Version (KJV) By which also ye are saved, if ye keep in memory what I preached unto you, unless ye have believed in vain.
American Standard Version (ASV) by which also ye are saved, if ye hold fast the word which I preached unto you, except ye believed in vain.
Bible in Basic English (BBE) By which you have salvation; that is to say, the form in which it was given to you, if it is fixed in your minds, and if your faith in it is not without effect.
Darby English Bible (DBY) by which also ye are saved, (if ye hold fast the word which I announced to you as the glad tidings,) unless indeed ye have believed in vain.
World English Bible (WEB) by which also you are saved, if you hold firmly the word which I preached to you--unless you believed in vain.
Young's Literal Translation (YLT) through which also ye are being saved, in what words I proclaimed good news to you, if ye hold fast, except ye did believe in vain,
Cross Reference Luke 8:13 in Limbu 13 हे़क्क्याङ् लुङ्घाराक्को मक्के़धाःबा याॽरिःम्बाहाॽग पाःन्जाक्किन् के़घे़म्बाआङ् के़सःप्पार के़दाःक्पासिरो, कर खे़ङ्हाॽरे़ नसाःन् मे़जोगु मे़गत्तुबान्तुक्खे लाक्खे ताःल्ले़ मे़ले़रु मे़देःसु, थेआङ्भे़ल्ले़ पाःन्जाक्किन् खुनिॽ लुङ्माॽ सिगाङ् मे़ङ्गे़त्ते वये़रो॥
John 8:31 in Limbu 31 ये़सुरे़ खुने़ॽओ नसाःन् के़जोःक्पा यहुदिहाॽ मे़त्तुसि, “इङ्गाॽ से़क्खाए मे़त्निङ्, इङ्गाॽ पाःत्तुङ्बा पाःन्हाॽओ चक्मे़ल्लॽए के़बत्छिॽने़ फाॽग्र से़क्खाए आहुॽसाम्बा के़बोःक्खिॽरो॥
Acts 2:47 in Limbu 47 निङ्वाॽफुमाङ्ङिल्ले़ कुनारा मे़भोःसुआङ् के़रे़क् मनाहाॽरे़ खे़ङ्हाॽ नुःरिक् मे़मे़त्तुसिरो॥ हे़क्क्याङ् दाङ्बाल्ले़ थिक्याःन्धक् से़न्लप् के़घोःबा मनाहाॽ खुने़ॽओ फोःसुसिर तेॽरुसिरो॥
Acts 8:13 in Limbu 13 सिमोनरे़आङ् आबाङे नसाःन् चोगुआङ् बप्तिस्मा पोःक्खे़॥ खुने़ॽ फिलिपनु वये़गत्ते़ल्ले़ फिलिपरे़ चोगुबा यरिक् परिक्ले़न् मिक्सेःन् नु निङ्वाॽ के़माबा याःम्बक्किन् निःसुआङ् खुने़ॽ कुनिङ्वाॽ मये़रो॥
Romans 1:16 in Limbu 16 कन् ख्रिस्तरे़ कुसुनाइङ्ङिन् इङ्भोःमा मे़नुःन्नान्लो, थेआङ्भे़ल्ले़ कन् सुनाइङ्ङिन् नसाःन् के़जोःक्पा काक् मनाहाॽ, तगि यहुदिहाॽ हे़क्क्याङ् याङ्सि थिम्मे़न्दङ् सुवाङ्हाॽ ताङ्से़ःप्मासि निङ्वाॽफुमाङ्ङिल्ले़ कुमुक्साम्लो॥
Romans 11:22 in Limbu 22 अक्खेलॽरिक् निङ्वाॽफुमाङ्ङिन् लुङ्माॽ तुक्माल्ले़ कुधिम् नु के़जिःप्पा चोःक् फाॽआङ् नुःरिक्काङ् निङ्वाॽ पिरे़म्मे़ॽओ॥ नसाःन् के़ले़प्पाहाॽ के़रे़क् खुने़ॽ के़साक्पा खुम्दिङ् पिरुसिॽ, कर खिनिॽ कुलुङ्गुम्मो चक्मे़ल्लॽए के़वयिॽने़ फाॽग्र लुङ्माॽ के़दुक्तिॽरो॥ मे़ःन्ने़ फाॽग्र खिनिॽआङ् के़जे़प्तिआङ् लाप्के़भुसिॽरो॥
1 Corinthians 1:18 in Limbu 18 सिलाम्साक्मा सिङ्ङिल्ले़न् सुनाइङ्ङिङ्ग के़मे़क्पार के़बेःक्पाहाॽरे़ खुनिॽ लागि अदङ् पाःन्लो, कर आनिॽ से़न्लप् के़घोःबार के़बप्पाहाॽरे़ लागिग निङ्वाॽफुमाङ्ङिल्ले़ कुमुक्साम्लो॥
1 Corinthians 1:21 in Limbu 21 आबाङे सिक्कुम् निङ्वाॽलाम्बा मे़न्छाम् याप्मिहाॽरे़ खुने़ॽ कुसिङ्मे़न्निःत्तुन् फाॽआङ् निङ्वाॽफुमाङ्ङिल्ले़ कुसिक्कुम् निङ्वाॽओ निङ्सेःक् चोगुबाल्ले़ चोगुल्ले़ इङ्भोःमनाबा अदङ् पाःन्नोलाम्बाए नसाःन् के़जोःक्पाहाॽ ताङ्से़ःप्मासि निङ्वाॽ चोगुरो॥
1 Corinthians 15:11 in Limbu 11 खे़ल्ले़ चोगुल्ले़ इङ्गाॽसाङ् खे़ङ्हाॽरे़साङ् इङ्भन् चोःक्मनाबा सुनाइङ्ङिन् लत्छारो, हे़क्क्याङ् बा खे़न्ने खिनिॽ नसाःन् के़जोगुम्माङ् के़वयिॽरो॥
1 Corinthians 15:14 in Limbu 14 हे़क्क्याङ् ख्रिस्ते़न्सिःमे़न्लाम् मे़हिङे़न्ने़ फाॽग्र आनिगे़ इङ्भन् चोगुम्बे़बा नु खिनिॽ नसाःन् के़जोगुम्बाङ्ग हने़रक् पोःङ्लो॥
2 Corinthians 2:15 in Limbu 15 थेआङ्भे़ल्ले़ से़न्लप् के़घोःबार के़बप्पा हे़क्क्याङ् के़मे़क्पार के़बप्पाहाॽरे़ खुनिॽ लुम्मो आनिॽ हिङ्मन्निङ्ग निङ्वाॽफुमाङ्ङो ख्रिस्तरे़ तोःन्दुबा फुङ्नाम्कुइसिःक् चोःक्लो॥
2 Corinthians 6:1 in Limbu 1 हे़क्क्याङ् आनिगे़ निङ्वाॽफुमाङ्ङिन्नु सोरिक् याःम्बक् के़जोःक्पा पोःक्खिगे़बाल्ले़ चोगुल्ले़ निङ्वाॽफुमाङ्ङिल्ले़ लुङ्माॽ के़दुक्तिबा सुनाइङ्ङिल्ले़ पाःन्निन् खिनिॽ हिङ्मन्नो हने़ पोःङ्मा मे़बाङ्घे़म्मिन्ने़ॽ फाॽआङ् पेलि फाक्कासिगे़रो॥
Galatians 3:4 in Limbu 4 सुनाइङ्ले़ लागि खिनिॽ कम्म्याक् यरिक् तुक्खे हने़ के़ज्ये़ॽइबि? से़क्खाःल्ले़ग तुक्खे हने़ के़न्ज्ये़ॽइन्लो॥
Ephesians 2:8 in Limbu 8 निङ्वाॽफुमाङ्ङिल्ले़ लुङ्माॽ के़दुक्तिबाल्ले़ चोगुल्ले़ ख्रिस्ते़न्नसाःन् के़जोगुम्बालाम्बा खिनिॽ ताङ्गे़से़ःप्तिआङ् के़वयिॽ॥ कङ्ग आबाङे खिनिॽ के़जोगुम्बा याःम्बक्लाम् मे़ःन्, कर निङ्वाॽफुमाङ्ङिल्ले़ कुबर्धाःम्मिल्ले़ चोगुबारो॥
Colossians 1:23 in Limbu 23 कर खिनिॽ के़घे़प्सुम्बा सुनाइङ्ङिल्ले़ निङ्साङ्ङो मे़म्मुन्ने नु ताप्मे़म्बे़ॽए हे़क्क्याङ् चक्मे़ल्लॽए नसाःन् चोःक्माए पोःङ्लो॥ हाबा कन् सुनाइङ्ङिन् इक्सादिङ् खाम्बेःक्मोबा काक् मे़न्छाम् सुवाङ्हाॽओ इङ्मे़भोःसुआङ् वाॽ, हे़क्क्याङ् खे़न् सुनाइङ्ङिन् इङ्भोःमा फाॽआङ् इङ्गाॽ पावले़न् निङ्वाॽफुमाङ्ङिल्ले़ कुसेवारोबा पोःक्खाङ्लो॥
2 Thessalonians 2:15 in Limbu 15 खे़ल्ले़ चोगुल्ले़ फुॽनुसाॽ नु ने़ॽनुसाॽसे, के़धुम्बा पोःक्खे़म्मे़ॽआङ् आनिगे़ पाःत्तुम्बे़बा पेलिगे़न् पाःन्जाक्किन्नु सक्इङ्घङ्लाम्बा के़घोःसुम्बा निसाम्मिन् तक्ते़म्मे़ॽओ॥
2 Timothy 1:9 in Limbu 9 खुने़ॽए आनिॽ ताङ्आसे़ःप्ते़आङ् आप्फेःक् सेसे कुमना पोःङ्से़ आसेगे़आङ् आवाॽरो॥ कङ्ग आनिॽ आजोगुम्बा याःम्बक्किल्ले़ पोःक्खे़बा मे़ःन्लो, कर खुने़ॽ आप्फेःक् कुनिङ्वाॽसोःक् नु कुलुङ्गुम्रे़ चोगुबारो॥ तोलिङ्सोमुआङ्धो ख्रिस्त ये़सुरे़ कन् लुङ्गुम्मिन् आबिर फाॽआङ् निङ्वाॽफुमाङ्ङिल्ले़ निङ्सेःक् चोगुआङ् वये़॥
Hebrews 2:1 in Limbu 1 खे़ल्ले़ चोगुल्ले़ आनिॽ आघे़प्सुम्बा ये़सुरे़ कुयाःम्बेओबा से़क्खाःन् आल्लसाङ् यरिक् नुःरिक्काङ् निङ्वाॽ पिमाए पोःङ्लो, मे़ःन्ने़ फाॽग्र आनिॽ खे़प्मोलाम् आले़ःङ् आबेःक्लो॥
Hebrews 3:6 in Limbu 6 कर ख्रिस्ते़ङ्ग निङ्वाॽफुमाङ्ङिल्ले़ कुहिम्सयङ्ङो नसाःन्साबा आबुगे़न् कुस्साःरो॥ ख्रिस्तओबा आनिॽ आजोगुम्बा निङ्साङ्ङिन् मे़ल्ले़त्ते हाङ्हाङ्ङाङ् आवाॽने़ फाॽग्र आनिॽआङ् निङ्वाॽफुमाङ्ङिल्ले़ कुहिम्सयङ्ङोबासिरो॥
Hebrews 3:14 in Limbu 14 आनिॽ तगि नसाःन् आजोगुम्बा ये़म्मो खुने़ॽ ताःक्पो आजोगुम्बा कुइसिःक् कुनुप्मो थारिक् नसाःन्साबा आबोःङ्ने़ फाॽग्र ख्रिस्ते़न्नु लक् के़घोःबा आबोःक्खे़आङ् आवाॽरो॥
Hebrews 4:14 in Limbu 14 आल्ल, आनिॽ ते़न्दिङ् आजोगुम्बा नसाःन्निन् थरुम्लो, थेआङ्भे़ल्ले़ साङ्ग्राम्पेदाङ्ङो के़बेःक्पाआङ् के़वाॽबा निङ्वाॽफुसाः ये़सु पयम् मानिङ्वाॽफुसाम्बान् आनिॽ आगत्तुम्लो॥
Hebrews 10:23 in Limbu 23 हे़क्क्याङ् आनिॽ आगत्तुम् लॽरिक् ते़न्दिङ् आजोगुम्बा निङ्साङ्ङिन् मे़ल्ले़त्ते कत्तुम्लो, थेआङ्भे़ल्ले़ माङ्हे़क् के़जोःक्पाङ्ग नसाःन्साबा चोःक्लो॥
James 2:14 in Limbu 14 आमिःम् फुॽनुसाॽ नु ने़ॽनुसाॽसे, आत्तिन् मनाःल्ले़ नसाःन् कत्तुङ् लॽरिक् पाःत्तुॽ कर याःम्बक् मे़जोगुन्ने़ फाॽग्र थे पोःक्खे़आङ्बे? हे़क्तङ्बा नसाःन्निल्ले़ खे़न् ताङ्से़ःप्मा सुक्तुॽबि?
James 2:17 in Limbu 17 हे़क्केलॽरिक्के नसाःन्निन् के़गत्तुम्साङ् खे़न् कुइसिःक् याःम्बक् के़न्जोगुम्मिन्ने़ फाॽग्र, खे़न् नसाःन्निङ्ग कुसुम् मे़न्दम्मनाबा पोःङ्लो॥
James 2:26 in Limbu 26 याम्साम् मे़ःन्नेबा नासिङ्गे़न् थक्किन् कुसिवे़त् पोःङ्बा कुइसिःक्के याःम्बक् मे़ःन्नेबा नसाःन्निन्नाङ् कुसिवे़त् पोःङ्लो॥