Matthew 5:3 in Cuiba

3 Jesús barai barapo pin bicheitomonae pomonae pijimonaexae tatsi, jeye: “Maisa bichocono jʉntʉ coyene weiweina pomonae yaputane xua Nacom pecanantawenonaewatsi xua xanepanaya pejinompaewa tsane. Tsipei barapomonae naexanaena Nacom piamonae pomonae Nacom jʉntʉ coyene itorobiya ewata.

Other Translations

King James Version (KJV)

Blessed are the poor in spirit: for theirs is the kingdom of heaven.

American Standard Version (ASV)

Blessed are the poor in spirit: for theirs is the kingdom of heaven.

Bible in Basic English (BBE)

Happy are the poor in spirit: for the kingdom of heaven is theirs.

Darby English Bible (DBY)

Blessed [are] the poor in spirit, for *theirs* is the kingdom of the heavens.

World English Bible (WEB)

"Blessed are the poor in spirit, For theirs is the Kingdom of Heaven.

Young's Literal Translation (YLT)

`Happy the poor in spirit -- because theirs is the reign of the heavens.

Cross Reference

Matthew 3:2 in Cuiba

2 Juan namchi: “¡Icha jʉntʉ coyene paxeinare Nacomtha painya neauraxae xua abe paexaname! Tsipei Nacom paca waba painya nenaexanaenexa piamonae tatsi jiwana pomonae Nacom itorobiya peewatsixae”, jei Juan.

Matthew 5:3 in Cuiba

Matthew 8:11 in Cuiba

11 Paca tsipaebatsi, pinmonae patsina Nacom pia peitorobi nacuatha penabanaenexa tsane. Ichamonae pomonae ichaxota xometo ecoina, barapomonaepiwi patsinano. Ichamonae pomonae ichaxota xometo jopeica, barapomonaepiwi patsinano. Daxita carepaya barapomonae Abraham barʉ equiyaena, irʉ Isaac barʉ equiyaena irʉ Jacob barʉ equiyaena. Daxita carepaya barapo nacuanmonaepiwi barʉ nabanaeinchi peitaboco beicha. Abraham, barʉ nabanaena barapomonae ichaxoteicha Nacom itorobiya ewateiba jiwi.

Matthew 11:6 in Cuiba

6 Patsipaebarebe Juan xua xan janje: ‘Jʉntʉ coyene weiweinaena pon jopa ainya ʉnthʉthʉnyo, pon xaniwaicha neyabara jume cowʉnta’, xua jan”, jei Jesús.

Matthew 11:25 in Cuiba

25 Bara caena bapoxonae Jesús jʉntʉ coyene weiweina exanatsi Nacom pia Pejumope tʉnaxʉ tatsi. Jesús namchi, jeye: “Axa peitaboco Necanamataxeinaem, yawa ira Necanamataxeinaem. Wʉnae cajaintatsi tsipei jopa tsita itʉbim pocotsiwa pexainyei coyenewa xan yabara pomonaetha pomonae bichocono penacuidubiwi pomonae be pinyon penatsicotaewi tsipei nanta xeina xua bichocono peyaputaewi daxita. Jame tsita itʉtame barapo pexainyei coyenewa xua xan yabara pomonaetha pomonae jopa bichocono penacuidubiwi, pomonae be pexui penatsicotaewi tsipei jopa nanta xeinaeyo xua bichocono peyaputae jiwi daxita.

Matthew 13:16 in Cuiba

16 Nexata Jesús pijimonaetha jeye: “Paxam pajʉntʉ coyene weiweiname tsipei poxonae pana necui taneme pocotsiwa exanan bapoxonae pana necui yaputaneme. Mataʉtano pajʉntʉ coyene weiweiname tsipei poxonae pana nejume taneme pocotsiwa paeban bapoxonae pana nejume cowʉntame.

Matthew 18:1 in Cuiba

1 Nexata bapoxonae Jesús imoxoyo caquita umenarʉcʉpatsi pijimonae, yawa pijimonae yainyabatsi, jeichichi: —¿Jintam paxan jiwana pan pon bichocono ainya cui cana exanaeinchi po mataqueitha poxonae Nacom wabina jiwi xua petanaexanaenexatsi pijimonae pomonae itorobiya pecanamataxeinaexae? jei Jesús pijimonae tatsi.

Matthew 24:46 in Cuiba

46 Pon bo petayapucaecaein bara jʉntʉ coyene weiweinaena poxonae patopaena pon bo pexeinaein petaexaetsi xua bara beta tayapucaeca bo, xuano bara beta peexanaexae pocotsiwa xua bo pexeinaein itoroba.

Matthew 25:34 in Cuiba

34 Bapoxonae xan ponxaein jiwi itorobiya pepa Taewatsin baran tsane pomonae tacoxa weya inta umena, jan tsane: ‘Anetha paxam pomonae Nacom, Taxa, paca jʉntʉ coyene weiweina exana. Pajojoniyama Nacom pia peitorobi nacuatheicha. Bara xoteicha caena bayatha Nacom paca tsiwʉnaeta pocotsiwa xua paxam nexa, beya poxonae barapo nacue forota.

Mark 10:14 in Cuiba

14 Poxonae Jesús baxua jume tane, jopa ichipaeyo pocotsiwa pijimonae tatsi paeba, daxota anaya jeye: —Bara pacopabare pexui xua tana itata patsinexa. Jopa pexui paitawetsinde, tsipei Nacom pia peitorobi nacua tatsi saya meisa barapomonae nexa pomonae pejʉntʉ coyene xanepanaewi icha pexui ichi. Pexui pia cui xua tayapu xanepanatsi xua pia jʉntʉ coyeneintha jume cowʉnta Nacom.

Luke 4:18 in Cuiba

18 “Nacom pia Pejumope tʉnaxʉ tatsi neyanta popona. Nacom neitapeta tatacueicueijeinexa tsane pia pexeinya jume diwesi tatsi pomonaetha pomonae peacopeibi jiwi. Mataʉtano neitoroba xua tayawenaenexa pomonae anthʉthʉtane. Mataʉtano neitorobano xua tayawenaenexa pomonae caurimonae itorobatsi nawita xua barapomonae pepanenebiyaenexa. Mataʉtano neitorobano xua tane tacana exanaenexa pomonae peitata nacʉtsi jiwi. Mataʉtano neitorobano xua tayawenaenexa pomonae xua bichocono taayapubetsi xua pejinompaewa tsane xua barapomonae jopa pexeinae dubenanaebiyaenexa tsane barapo coyenein.

Luke 6:20 in Cuiba

20 Nexata Jesús pijimonae necota. Jesús barai pijimonae, jeye: “Pajʉntʉ coyene weiweiname bequein anoxuae peacopeibi jiwi pam. Tsipei Nacom pia pejume cowʉntsiwichi tatsi piamonae tatsi pam, pomonae Nacom jʉntʉ coyene itorobiya ewata.

Luke 11:28 in Cuiba

28 Ichitha Jesús barai petsiriwa, jeye: —¡Bequein barichi, jame yatsicaewa jʉntʉ coyene weiweina pomonae jume tane xua Nacom paeba xuano xua exana pocotsiwa Nacom itoroba! jei Jesús.

Luke 18:14 in Cuiba

14 Barapon pon paratixi penoteibin poxonae najume weta xua wʉca Nacom, nawiya pia bo beya. Paca tsipaebatsi xua barapon Nacom tsitatsi xua jopa xeinaeyo xua penatsicuentsiwa xua abe peexanaexae. Ichitha fariseomonaepin jopa daichichi tsipei bapon awiya peajʉntʉcoyenebein. Pon xua pia coutha peainya cui jiton naexana pejʉntʉ coyenetha, Nacom exanaena xua bapon pecui pawi jiton naexanaena. Ichitha pon xua pepawi naexana pejʉntʉ coyenetha, Nacom exanaena xua bapon peainya cui jiton naexanaena”, jei Jesús.

John 20:29 in Cuiba

29 Jesús jume nota, jeye: —Tomás anoxuae nejume cowʉntame tanetaemxaem. Ichitha pomonae bequein jopa netaeyo xua daichitha nejume cowʉnta, barapomonae bichocono jʉntʉ coyene weiweina, jei Jesús.

Romans 4:6 in Cuiba

6 David pon wamo susatopin, pon caena bayatha tʉpa, bapon caena bayatha Israel nacuapiwi itorobiya pia pepa peewatsinchi. Bapon David yabara paeba po jiton bichocono jʉntʉ coyene weiweina. Jeye: “Pon peyabara jume cowʉntsixae pocotsiwa Nacom exanapaeba, Nacom jʉntʉ coyene xanepana cana exana. Jopa apara Nacom jʉntʉ coyene xanepana exanaeyo xua poxoru bapon wʉnaeya xanepanaya peexanaexae. Apara poxoru Nacom peichichipaexae, daxota baxua exana”, jei David.

James 1:10 in Cuiba

10 Mataʉtano pon copiya copei pexeinaein pontha pon bequein Nacom cui yabara copata xua bapon peacopeibin naexana, bewa jʉntema poponaena pejume cowʉntsixae Nacom. Poxonae bapon tʉpaena, bapana jopa cuenta tʉpae po coyene xua bapon pejume cowʉntsiwa. Ichitha icha bapon jopa jume cowʉntsiyo copei pexeinaexae, bapon saya caeto nacuita ducuanaebiya bapoxonae cuenta tʉpa copei poxonae nacuita ducuanaebiya. Barapo coyene icha be pocotsi jʉta coyeneya ichi xua pentono. Bara caeto matono weiweinaeya umena. Cotacaya xometo ecoina yawano atsa bichocono, naepanaewan tsaquiwa, pentononno othopeica. Weraweraca xua matono itʉpana. Pon copei pexeinaein bapon tʉpaena, saya weraweracaena icha pentono ichi xua weraweraca.

James 1:12 in Cuiba

12 Nacom jʉjʉta pomonaetha pomonae pejume cowʉntsiwichi pia yaputaetsi icha barapomonae xaniwaicha antobetsi. Pon xua acuiyapusʉya jume cowʉntsiya popona poxonae bara bequein Nacom jʉntʉ coyene jʉjʉta, jame bapon jʉntʉ coyene weiweinaeya popona. Poxonae yapucaewa xua bapon jʉntʉ coyene jʉjʉtatsi bapoxonae Nacom yabara wʉnae muxu dutsina xua bexa bapon Nacom pia nacua beicha peajʉntʉcoyeneyapusʉwatha ponaena. Barapo peyabara tsiwʉnae muxu dutsiwa Nacom cata pomonaetha pomonae peantobewixaetsi.

James 2:5 in Cuiba

5 Tamonae pam pomonae irʉ painya nejume cowʉntsixae Jesucristo, bichocono paca antobetsi. Incane pajume taema, xuaje: Nacom itapeta pomonae peacopeibiwi xua barapomonae bichocono pejume cowʉntsinexa. Mataʉtano Nacom catsibina barapomonaetha pocotsiwa bayatha jʉntana jeba pia peitorobi nacuatheicha pia peantobewixaetsi.

James 4:9 in Cuiba

9 Abe painya neexanaexae, pana najʉntʉ coyene acaurande, pawecoyande, yawa panantʉ exabare. Poxonae pajʉntʉ coyene weiweiname xua painya neexanaexae pocotsiwa barapo cae pin nacuathepiwi exana, bara equeicha caewa pajʉntʉ coyene wecoyande xua painya neauraxae.

Revelation 19:9 in Cuiba

9 Bapoxonae matatsunpin nejei: “Tinare xuaje: ‘Bichocono jʉntʉ coyene weiweina pomonae Nacom waba poxonae pin penabanaewa tsinacaetuta xua penabanaewa tsane poxonae pon Cordero, nacueyaba pecotsiwa’, jande poxonae xua tiname”, nejei barapo matatsunpin. Equeicha nejei: “Daxita po jumein xua catsipaebatsi barapo jumein xaniwaicha Nacom paeba”, nejei barapo matatsunpin.

Revelation 22:14 in Cuiba

14 Jʉntʉ coyene weiweinaena pomonae najʉntʉ coyene cui barapenta peabe coyenewan. Baxuan be poxonae barapomonae pia paparuwan matanaca xua jopa tsoreiyo. Bapoxonae barapomonae itacʉpaeinchi xua jojoniyaena tomara coiboto iya tsipei pia paparuwan inyapana yawa jʉntʉ coyene wʉnae. Yawa barapomonae itacʉpaeinchi xua tomaratha iya xaena po pethei pexaewa, po pethei jiwi ajʉntʉcoyenesʉ exainchi.