2 Timothy 4:2 in Chipaya

2 Niz̈aza timpuchiz cjicanami ana timpuchiz cjicanami tirapan Yooz tawkz̈tan z̈oñinacz̈quiz chiiz̈inaquic̈ha. Niz̈aza z̈oñinacz̈quiz intintiskataquic̈ha Yooz taku werarac̈ha, jalla nii. Niz̈aza uj paañi z̈oñinacz̈quiz Yooz tawkz̈tan ujznaquic̈ha. Niz̈aza zumpacha amtayaquic̈ha. Jalla nuz̈ chiiz̈incan, zuma pasinziz kuzzizpan tirapan tjaajnaquic̈ha.

Other Translations

King James Version (KJV)

Preach the word; be instant in season, out of season; reprove, rebuke, exhort with all longsuffering and doctrine.

American Standard Version (ASV)

preach the word; be urgent in season, out of season; reprove, rebuke, exhort, with all longsuffering and teaching.

Bible in Basic English (BBE)

Be preaching the word at all times, in every place; make protests, say sharp words, give comfort, with long waiting and teaching;

Darby English Bible (DBY)

proclaim the word; be urgent in season [and] out of season, convict, rebuke, encourage, with all longsuffering and doctrine.

World English Bible (WEB)

preach the word; be urgent in season and out of season; reprove, rebuke, and exhort, with all patience and teaching.

Young's Literal Translation (YLT)

preach the word; be earnest in season, out of season, convict, rebuke, exhort, in all long-suffering and teaching,

Cross Reference

Luke 4:18 in Chipaya

18 “Yooz Espíritu Santuqui wejt kuzquiz z̈ejlc̈ha. Wejrqui illztac̈ha, pori z̈oñinacz̈quiz zuma taku maznajo. Niz̈aza wejrqui cuchanz̈quitac̈ha llaquizñi z̈oñinaca ana llaquiz llaquizajo. Niz̈aza wejrqui cuchanz̈quitac̈ha tanta z̈oñinacz̈quiz maznajo, ‘Liwriitaz̈ cjequic̈ha anc̈hucqui’ cjican. Niz̈aza wejrqui cuchanz̈quitac̈ha zur z̈oñinacz̈ c̈hjujqui c̈hjetnajo. Niz̈aza wejrqui cuchanz̈quitac̈ha ana zuma langzkatta z̈oñinaca liwriyajo.

Luke 7:4 in Chipaya

4 Jalla nekztanaqui mantita z̈oñinacaqui Jesusiz̈quiz macjatchic̈ha. Nekztanac ancha roct'ichic̈ha, tuz̈ cjican: —Tii zultat jiliriqui ancha zumac̈ha. Jalla niz̈tiquiztan yanapchucapanc̈ha.

Luke 7:23 in Chipaya

23 Jakziltat weriz̈ paatanaca, chiitanaca nonz̈cu ana kuz turwayziz̈laj niiqui, walipanikaz cjequic̈ha.

Luke 9:60 in Chipaya

60 Nekztan Jesusaqui kjaazic̈ha, tuz̈ cjican: —Ticziz̈takaz ana zuma kamañchiz kamñi z̈oñinacaqui, jalla ninacaj ticzinaca tjatz̈la. Amqui ojkla, Yooz mantita zuma kamañ puntuquiztan paljayzjapa.

John 4:6 in Chipaya

6 Jalla nicju tsjii kjaz tuj z̈elatc̈ha, Jacobz̈ tuj cjitatac̈ha. Jesusaqui jiczquiz ojktiquiztan otchic̈ha. Nekztan tuj latuquiz julzic̈ha. Nii oraqui taypur wajitac̈ha.

John 4:32 in Chipaya

32 Jesusazti ninacz̈quiz cjichic̈ha: —Wejttac yekja lujlz z̈ejlc̈ha. Jalla nii lujlzqui anc̈hucqui anaz̈ pajc̈ha.

Acts 13:5 in Chipaya

5 Jalla nicju irantiz̈cu Salamina cjita watja luzzic̈ha. Jalla nicju judionacz̈ ajcz kjuyanacquiz Yooz taku parli kallantichic̈ha. Juan Marcos ojkchizakazza ninaca yanapi.

Acts 16:13 in Chipaya

13 Tsjii jeejz tjuñquiz wajtquiztan ulanchinc̈ha, niz̈aza puj atquin. Jalla nicju z̈oñinacaqui ajczñitac̈ha, Yoozquin mayizi. Jalla nuz̈ z̈ejlcan wejrnacqui julzinc̈ha. Nekztanaqui liwriiñi Yooz taku palt'ican, nii ajczi maatakanacz̈quiz paljaychinc̈ha.

Acts 16:31 in Chipaya

31 Pabluz̈tan Silz̈tanaqui kjaazic̈ha, tuz̈ cjican: —Jesucristo Jilirz̈quiz tjapa kuztan criya. Jalla nuz̈ cjenaqui liwriita cjequic̈ha am familianacz̈tanpacha.

Acts 20:7 in Chipaya

7 Dominguqui wejrnacqui ajczinc̈ha, Santa Cena paazjapa. Jalla nuz̈ ajcz̈cu Pabluqui tjaajinchic̈ha criichi jilanacz̈quiz. Jaka taz̈u zarakz cjen, chica aramacama tjaajinchic̈ha.

Acts 20:18 in Chipaya

18 Jalla nii jilirinacaz̈ tjontan, Pabluqui ninacz̈quiz tuz̈ chiiz̈inchic̈ha: —Weriz̈ Asia yokquiz tjontan, nii tjuñquiztanpacha jaknuz̈t anc̈hucatan chica kamtuc̈haja, jalla nii anc̈hucqui zizza.

Acts 28:16 in Chipaya

16 Jalla nekztanaqui Rom watja irantitanaqui nii capitanaqui preso z̈oñinaca intirjichic̈ha roman zultatz̈ jilirz̈quiz. Pero nii capitanaqui Pablo kamkatchic̈ha yejkquin tsjii guardiñi zultatz̈tan.

Acts 28:30 in Chipaya

30 Pabluqui pizc wata intiru nii aquilta kjuyquiz kamchic̈ha. Jakzilta niiz̈quin tjonzñi z̈oñimi zuma risiwñipanikaztac̈ha.

Romans 10:15 in Chipaya

15 Niz̈aza Yooz puntu paljayñi z̈oñinaca ana cuchanz̈quitaz̈laj niiqui, ¿kjaz̈t Yooz puntu paljayta cjesajo? Cjijrta Yooz takuqui tuz̈ cjic̈ha: “Ancha zumac̈ha Yooz puntu paljayñi z̈oñinacaqui. Paljayta Yooz taku catokz̈cu, Yooztan z̈oñinacz̈tan wali cjiskatasac̈ha”.

Romans 12:12 in Chipaya

12 Arajpach zumanaca tjewz̈can, cuntintuz̈ kama. Llaquinacaz̈ tjonanami pasinziz kuzziz kama. Yoozquin parlicanpan z̈ela.

Galatians 6:6 in Chipaya

6 Yooz puntu tjaajinta z̈oñiqui persun cusasanacquiztan tjaaz waquizic̈ha Yooz puntu tjaajiñinacz̈quiz.

Colossians 1:25 in Chipaya

25 Wejrqui Cristuz̈ partir z̈oñinacz̈quin sirwizjapa, apóstol oficiuquiz uchtac̈ha. Yoozqui anc̈hucaltajapa nii oficiuquiz wejr utchic̈ha. Wejrqui uchtac̈ha Yooz taku zumpacha zizkatzjapa,

Colossians 1:28 in Chipaya

28 Jesucristuz̈ puntu paljayuc̈ha, tjapa z̈oñinacz̈quin chiiz̈incan, niz̈aza tjaajincan. Jalla nuz̈ chiyan, Yoozqui wejr yanapc̈ha zizñi zizñi chiyajo, tjapa Jesucristuz̈quin kuzziz z̈oñinaca Yooz irata zuma kamañchiz cjeyajo.

1 Thessalonians 2:11 in Chipaya

11 Anc̈hucmi zakaz zizza, jaknuz̈t tsjii ejpqui niiz̈ persun maati cwitassaja, jalla niz̈tapacha wejrnacqui anc̈huc cwitassinc̈ha. Anc̈huc kuzzinc̈ha, niz̈aza p'ekinchaychinc̈ha, niz̈aza chiiz̈inchinc̈ha, anc̈huc zuma kamajo.

1 Thessalonians 5:14 in Chipaya

14 Jilanaca, cullaquinaca, anc̈hucaquiz chiiz̈inz̈cuc̈ha, jayrazñi criichinacz̈quiz zumpacha trabajzjapa chiiz̈inajo, niz̈aza ururñi kuzziz criichinaca tjup kuzziz cjeyajo, niz̈aza llajllasñi kuzziz criichinaca tjurt'iñi kuzziz cjiskatajo. Niz̈aza tjapa criichinacz̈tanami pasinziz kuzziz cjee.

1 Thessalonians 5:20 in Chipaya

20 Niz̈aza Yooz taku paljayñi z̈oñinaca ana iñara.

1 Timothy 4:13 in Chipaya

13 Niz̈aza wejt tjonzcama, parti criichi z̈oñinacz̈quin Yooz taku liizinzjapa kuz tjaaquic̈ha. Niz̈aza Yooz taku liiz̈cu parti criichi z̈oñinacz̈quin zumpacha chiiz̈inaquic̈ha. Niz̈aza ninacz̈quiz tjaajnaquic̈ha.

1 Timothy 4:15 in Chipaya

15 Jalla nii am kamañ puesto cumplisjapa, tjapa kuz tjaaquic̈ha. Nii kamañ jaru kama. Jalla niz̈ta kamz cjen, amqui juc'ant juc'ant zuma kamaquic̈ha. Niz̈aza parti criichinacaqui am juc'ant zuma kamñiz̈ cjen nayaquic̈ha.

1 Timothy 5:20 in Chipaya

20 Niz̈aza jakzilta icliz jilirit uj paañi z̈ejlc̈haja, jalla niiz̈quiz ujsnaquic̈ha parti criichi jilanacz̈ yujcquiz. Jalla niz̈tiquiztan nii parti z̈oñinacaqui uj paaz jiwjataquic̈ha.

2 Timothy 2:21 in Chipaya

21 Jalla niz̈ta iratac̈ha z̈oñinacaqui. Yooz Jiliriz̈ atintizjapa, niz̈aza zuma honorchiz cjisjapa, zuma kamstanc̈ha. Niz̈aza nii ana wali chiiñi z̈oñinacz̈quiztan cuitasaquic̈ha. Yooz Jilirz̈tajapa sirwiñipankaz cjee. Nekztan Yooz Jiliriqui am ocupasac̈ha. Niz̈aza listu cjesac̈ha c̈hjul wali paazjapami.

2 Timothy 2:25 in Chipaya

25 Niz̈aza Yooz tawk quintra z̈oñinacz̈quiz chiiz̈inaquic̈ha zuma humilde kuztan. Jalla nuz̈ chiiz̈inan Yoozqui cunamit ninacz̈ kuz campiiskatac̈hani, werar Yooz tawk jaru wilta kamajo.

2 Timothy 3:10 in Chipaya

10 Amzti weriz̈ tjaajintanaca zumpacha catokchamc̈ha, niz̈aza weriz̈ kamtanacami zumpacha zizzamc̈ha, niz̈aza weriz̈ kuzquiz tantiitanacami, niz̈aza weriz̈ Yoozquin kuzziz kamtanacami, niz̈aza weriz̈ zuma pasinziz kuzziz kamtanacami, niz̈aza weriz̈ zuma munaziñi kuzziz kamtanacami, niz̈aza weriz̈ tjurt'iñi kuzziz kamtanacami,

Titus 1:13 in Chipaya

13 Jalla nii z̈oñiqui razuna chiichic̈ha. Jalla niz̈tiquiztan Cret wajtchiz anawal criichinacz̈quiz zumpacha ujznaquic̈ha, Yoozquin tjapa kuzziz werar Yooz tawkquiz tjurt'ajo.

Titus 2:15 in Chipaya

15 Jalla nii tjaajintanaca amqui zakaz tjaajinstanc̈ha, zumpacha chiiz̈incan, niz̈aza p'ekinchaycan. Niz̈aza nii tjaajintanaca panz̈ mantaquic̈ha z̈oñinacaz̈ nii tjaajinta jaru kamajo. Jilir puestuchiz cjen niz̈ta mantaquic̈ha. Nekztan amiz̈ tjaajintiquiztanaqui anaj jecmi am iñarla.

Hebrews 13:22 in Chipaya

22 Jilanaca, cullaquinaca, anc̈hucaquiz rocuc̈ha, weriz̈ chiiz̈inta taku zuma kuztan nonznaquic̈ha. Tsjii kjaz̈ takunaca tii cartiquiz cjijrchinc̈ha.

Revelation 3:19 in Chipaya

19 Jakziltiz̈tan wejrqui zuma munazic̈haja, jalla niiz̈quiz chiiz̈inac̈ha. Niz̈aza zuma ewjt'uc̈ha, niiz̈ kamaña azquichta cjeyajo. Jalla niz̈tiquiztan weriz̈ chiiz̈intiquiztan, anc̈hucqui ‘ujchizpantc̈ha’ cjis waquizic̈ha. Niz̈aza wejtquiz tjapa kuztan cjis waquizic̈ha.