1 Timothy 1:4 in Chipaya 4 Niz̈aza mantaquic̈ha z̈oñiz̈ pinsita quintunacquizimi ana kuz tjaajo. Niz̈aza tuquita atchi ejpnacz̈ tjuunac puntuquizimi anapanc̈ha nijcchucqui kuz tjaazqui. Jalla nuz̈ amqui mantaquic̈ha. Jalla niz̈ta parlanacaqui panz̈ inakazza, kuznaca turwayskatñi alajac̈ha. Niz̈ta parlanacaqui anapanz̈ uc̈humnacaquiz yanapc̈ha, Yooziz̈ tjaata kamañquiz juc'ant zuma kamajo. Yooz kamañquiz kamcan, Yoozquin kuzziz cjicjiñi, jalla niiz̈ walc̈ha.
Other Translations King James Version (KJV) Neither give heed to fables and endless genealogies, which minister questions, rather than godly edifying which is in faith: so do.
American Standard Version (ASV) neither to give heed to fables and endless genealogies, which minister questionings, rather than a dispensation of God which is in faith; `so do I now'.
Bible in Basic English (BBE) Or to give attention to stories and long lists of generations, from which come questionings and doubts, in place of God's ordered way of life which is in faith;
Darby English Bible (DBY) nor to turn their minds to fables and interminable genealogies, which bring questionings rather than [further] God's dispensation, which [is] in faith.
World English Bible (WEB) neither to pay attention to myths and endless genealogies, which cause disputes, rather than God's stewardship, which is in faith--
Young's Literal Translation (YLT) nor to give heed to fables and endless genealogies, that cause questions rather than the building up of God that is in faith: --
Cross Reference 2 Corinthians 1:12 in Chipaya 12 Wejrqui anc̈hucatan, niz̈aza tjapa z̈oñinacz̈tanami Yooz zuma kamañchiz kamchinc̈ha, zuma lijituma. Ana pizc kuzziz kamchinc̈ha. Wejt kuzquiz zizuc̈ha anal toscara chiyuc̈ha, weraral chiyuc̈ha. Jalla niz̈ta zuma kamcan, ana z̈oñiz̈ pinsita jaru kamchinc̈ha. Okzñi Yoozqui wejtquiz yanapchic̈ha, niz̈ta zuma kamzjapa. Jalla niz̈ta zuma kamtaz̈ cjen cuntintutc̈ha wejrqui.
2 Corinthians 7:9 in Chipaya 9 Anc̈hucqui llaquiskattiquiztan anazuma kamznaca ecchinc̈hucc̈ha. Jalla niz̈tiquiztan wejrqui cuntintuc̈ha. Anc̈hucaz̈ llactaztiquiztan wejrqui anatac̈ha cuntintu. Antiz anc̈hucaz̈ anazuma kamznaca ectiquiztan jalla nekztantac̈ha wejrqui cuntintu. Anc̈hucaz̈ anazuma kamtiquiztan Yoozqui anc̈hucaquiz uj cjuñkatchic̈ha. Jaziqui weriz̈ cjen anc̈hucqui ana ina llaquissinc̈hucc̈ha.
Ephesians 4:12 in Chipaya 12 Jalla niz̈ta kamañanaca tjaachic̈ha Yoozqui, tjapa criichi z̈oñinaca Yooztajapa zuma kamajo, niz̈aza Yooztajapa sirwican langznajo, niz̈aza parti criichi z̈oñinaca tsjan zuma kamañchiz cjiskatajo. Criichi z̈oñinacaqui Cristuz̈tan tsjii curpuchiztakazza.
1 Timothy 3:16 in Chipaya 16 Anaz̈ jecmi kjaz̈ cjesac̈ha tii puntuquiztan. Tuquiqui Jesucristuz̈ puntumi, niz̈aza Yooz kamañ puntumi ana tjapa ziztatac̈ha. Anziqui nii puntunacami kjanacama ziztac̈ha. Tii Jesucristuz̈ puntunacac̈ha chekanaqui. Jesucristuqui uc̈hum irat curpuchiz tjonchic̈ha tii muntuquiziqui. Jacatattiquiztan Yooz Espíritu Santuqui ticlarchic̈ha niiz̈ puntuquiztan, lijituma Yooz kamañchizza, jalla nii. Niz̈aza Yooz anjilanacaqui Jesucristo cherchic̈ha. Niz̈aza tjapa tii muntuquiz z̈ejlñi z̈oñinacz̈quiz Jesucristuz̈ puntuquiztan paljaytac̈ha. Niz̈aza tjapaman z̈oñinacaqui niiz̈quiz criichic̈ha. Niz̈aza Jesucristuqui tsewc arajpachquin wilta quejpchic̈ha. Jalla nii puntunacac̈ha chekanaqui.
1 Timothy 4:7 in Chipaya 7 Ana wal quintumi niz̈aza zumzu z̈oñinacz̈ quintumi anapan nonznaquic̈ha. Antiz Yooz kuzcamapankaz kamzquinc̈ha kuz tjaazqui.
1 Timothy 6:3 in Chipaya 3 Tsjii z̈oñiqui tsjemat pinsita takunacz̈tan tsjii kjutñi tjaajnac̈hani. Jalla niz̈ta ana wali tjaajnaquiz̈ niiqui, Jesucristo Jiliriz̈ zuma tjaajintanacquiztan tsjemataz̈ tjaajinc̈ha. Niz̈aza nii z̈oñiqui Yooz mantita kamañquiztan tsjemata kamaña tjaajinc̈ha.
1 Timothy 6:11 in Chipaya 11 Timoteo jila, amqui Yooz z̈oñimc̈ha. Jaziqui ana walinacz̈quiz anapan kuz tjaaquic̈ha. Antiz zuma kamzquin kuz tjaaquic̈ha. Yooz kuzcama kama. Niz̈aza Yoozquin kuzzizpan cjee. Niz̈aza zuma munaziñi kuzziz cjee. Niz̈aza pasinziz kuzziz tjurt'a. Niz̈aza humilde kuzziz cjee.
1 Timothy 6:20 in Chipaya 20 Timoteo jila, wejrqui amquiz tjapa Yooz puntunacquiztan tjaajinchinc̈ha. Jalla nii tjaajintanaca zumpacha cjuñzna, niz̈aza nii jaru kama. Niz̈aza ina z̈oñz̈ takunaca ana nonz̈na. Ana Yooz takunacac̈ha ninacz̈ takunacaqui. Niz̈aza zuma tjaajintanac quintra chiitaqui ana nonz̈na. Yekjap z̈oñinacaqui tsjii kjutñi chiiz̈cuqui, “Zuma zizta takuc̈ha weriz̈ chiitaqui”, cjiñic̈ha.
2 Timothy 2:14 in Chipaya 14 Amqui criichi jilanacz̈quiz nii puntu cjuñskataquic̈ha. Niz̈aza Jesucristo Jilirz̈ tjuuquiz ninacz̈quiz zumpacha chiiz̈inaquic̈ha, jalla tuz̈u: Anaz̈ ch'aazaquic̈ha ina z̈oñz̈ takunac puntuquiztan. Jalla nuz̈ ch'aazqui anaz̈ c̈hjuljapa sirwic̈ha. Niz̈aza nii ch'aazta taku nonz̈ñi z̈oñinacaqui Yooz jiczquiz kamzquiztan tsjii kjutñi chjichtaz̈ cjesac̈ha.
2 Timothy 2:16 in Chipaya 16 Ina z̈oñz̈ takunacaqui anac̈ha chiizqui. Jalla nii ina takunaca chiyasaz̈ niiqui, tsjan tsjan tsjii kjutñi z̈oñinacz̈quiz irpaquic̈ha.
2 Timothy 2:22 in Chipaya 22 Tjotjowanacaqui ana wali pinsizcu, ana wali ojklayasac̈ha. Amqui niz̈ta anawali kamzquiztan cuitasaquic̈ha. Yooz kuzcama kamaquic̈ha, niz̈aza Yoozquinkaz kuzziz cjequic̈ha, niz̈aza zuma munaziñi kuzziz cjequic̈ha, niz̈aza parti z̈oñinacz̈tan zuma kamaquic̈ha. Amtan tjapa Jesucristo Jilirz̈quin kuzziz z̈oñinacz̈tan zuma kamz waquizic̈ha.
2 Timothy 4:4 in Chipaya 4 Werar Yooz taku anapanz̈ nonz pecaquic̈ha. Ina z̈oñz̈ parlakaz nonz pecaquic̈ha.
Titus 1:1 in Chipaya 1 Wejrtc̈ha Pablutqui, Yooz mantitacama okiñ z̈oñtc̈ha, niz̈aza Jesucristuz̈ cuchanz̈quita apostoltc̈ha. Jesucristuqui wejr apóstol puestuquiz utchic̈ha criichi z̈oñinacz̈quiz Yoozquin juc'ant kuzziz cjiskatzjapa, niz̈aza Yooz kamañ puntu ultim werara zizkatajo,
Titus 1:14 in Chipaya 14 Niz̈aza chiiz̈inaquic̈ha judío quintunaca ana juyzu paajo. Yekjap z̈oñinacaqui werar Yooz taku anaz̈ catokz pecc̈ha. Jaziqui Cret z̈oñinacz̈quiz chiiz̈inaquic̈ha nii Yooz tawk quintra z̈oñinacz̈ mantitanaca ana juyzu paajo.
Titus 3:9 in Chipaya 9 Zumzu ch'aazñinacz̈quiz ana mitisa, niz̈aza zarakaquic̈ha nii zumzu ch'aazñinacz̈quiztan. Niz̈aza tuquita atchi ejpnacz̈ puntu parlita nonzquiztan zarakaquic̈ha. Niz̈aza Moisés lii puntuquiztan ch'aasnan jalla niz̈tanaca nonzquiztan zarakaquic̈ha. Tjapa nii ana wali parlitanacaqui inakazza. Zuma kamañchiz kami anapanz̈ yanapc̈ha.
Hebrews 13:9 in Chipaya 9 Niz̈aza anc̈hucqui tjapaman tsjemata tjaajintanacz̈quiz anaz̈ incallskata. Cjuñzna, Yoozqui anc̈hucaquiz yanapaquic̈ha, tjup kuzziz cjisjapa. Jalla niiqui tsjan yanapc̈ha, c̈hjeri lujlz cuzturumpiquiztanaqui. Jakziltat nii c̈hjeri lujlz cuzturumpinac jaru kamc̈haja, jalla ninacz̈taqui anaz̈ yanapc̈ha juc'ant zuma kamañchiz cjisjapa.
2 Peter 1:16 in Chipaya 16 Anc̈hucaquin tjaajincan, wejrqui uc̈hum Jesucristo Jilirz̈ puntuquiztan tjaajinchinc̈ha, jaknuz̈t walja aztan wilta tjonac̈haja, jalla nii. Jalla nii tjaajintaqui anaz̈ wejt kuzquiztan ulanchic̈ha. Nii tjaajintaqui anac̈ha mañz̈tan tantiita quintuqui. Antiz wejrqui persun c̈hjujcz̈tan Jesucristuz̈ honora cherchinc̈ha.