Jeremiah 23:6 in Boko 6 Aà gↄↄ Yudaↄ mi aↄ daa íaɛ, Isailiↄ iↄ ku dↄdↄa. Tↄ́ɛ bee wàli aà sísiwà, Dii pↄ́ tò yã́ bↄ̀wanↄ na.
Other Translations King James Version (KJV) In his days Judah shall be saved, and Israel shall dwell safely: and this is his name whereby he shall be called, THE LORD OUR RIGHTEOUSNESS.
American Standard Version (ASV) In his days Judah shall be saved, and Israel shall dwell safely; and this is his name whereby he shall be called: Jehovah our righteousness.
Bible in Basic English (BBE) In his days Judah will have salvation and Israel will be living without fear: and this is the name by which he will be named, The Lord is our righteousness.
Darby English Bible (DBY) In his days Judah shall be saved, and Israel shall dwell in safety; and this is his name whereby he shall be called, Jehovah our Righteousness.
World English Bible (WEB) In his days Judah shall be saved, and Israel shall dwell safely; and this is his name by which he shall be called: Yahweh our righteousness.
Young's Literal Translation (YLT) In his days is Judah saved, and Israel dwelleth confidently, And this his name that Jehovah proclaimeth him, `Our Righteousness.'
Cross Reference Deuteronomy 33:28 in Boko 28 Isailiↄ iↄ ku dↄdↄa ńtɛ̃ɛ, Yakↄbu buipiↄ iↄ ku bùsu pↄ́ pↄ́wɛna ń vɛ̃ɛo diu, gu pↄ́ a mↄ̀sɛ ìↄ bↄ musu.
Psalm 130:7 in Boko 7 Isailiↄ, àↄ wɛdↄ Diizi, asa a gbɛ̃kɛ vĩ à kɛ̀ zài, gbɛ̃suabaa gbãa pɛɛwà maamaaɛ.
Isaiah 2:4 in Boko 4 A yã́gↄ̃gↄ̃ buiↄnɛ, a yãkɛkɛ dasiↄnɛ, aai ń fɛ̃ndaↄ gbɛ̃gbɛ̃ lilɛ soona ũ, an sↄ̃naↄ sↄ̃ máaso limibobↄ ũ. Buie a fɛ̃nda sɛ a deezio, wa zĩkaa dada lↄo.
Isaiah 7:14 in Boko 14 A yã́i Dii a seelakɛɛ́ azĩa. Gwa! Wɛ̃́ndia lɛ́so a nↄsi à nɛ'i gↄ̃ɛ ũ, i tↄ́kpaɛ̀ Ɛmanuɛli.
Isaiah 9:6 in Boko 6 Aà kpala zↄ̃ↄ ń a aafiao aↄ lɛ́ vĩo, aↄ zↄ̃lɛa báawa Davidi kpalau. Aà kpala zĩ́napɛlɛa aↄ gbãa, aↄ yã́gↄ̃gↄ̃ wásawasa a zɛ́wa gↄↄpiiɛ. Dii Lua Zĩgↄ̃de ãia mɛ́ a mↄ́ ń beeo.
Isaiah 12:1 in Boko 1 Zĩbeezĩ á o à mɛ: Wa n sáaukɛ̀ Dii! Baa kɛ́ n pↄ pàwázi, n pↄ wèewá, ↄ̃ n wá nↄ̀sɛ nìniwɛ̃ɛ.
Isaiah 33:22 in Boko 22 Asa Dii mɛ́ wá Dↄaana ũ, Dii mɛ́ wá Gbãade ũ, Dii mɛ́ wá Kía ũ, ↄ̃mɛ a wá suaba.
Isaiah 35:9 in Boko 9 Nↄ̀ↄmusu aↄ ku weo, wàie a sↄ̃io, wa wɛsi wàilɛ weo. Gbɛ̃́ pↄ́ Lua ń suabàↄ mɛ́ aaↄ bɛ we,
Isaiah 45:17 in Boko 17 Dii a Isailiↄ suaba, an suabaa aↄ láaa vĩo. Wí a á kṹ bauo, á gɛɛ a gↄ̃ kpá á wɛ́i bauo.
Isaiah 45:24 in Boko 24 Wa o ma yã́ musu: Yã́zɛde ń gbãao ku Dii kĩ́iɛ. Gbɛ̃́ pↄ́ fɛ̃̀maziↄ mↄ ma kĩ́i vlãnaa ń pↄ̀ↄu.
Isaiah 54:17 in Boko 17 Gↄ̃kɛbↄ pↄ́ wa kɛ̀ n yã́i a àikɛo. Gbɛ̃́ pↄ́ bↄ̀bↄnnↄ, n yã́ a zↄ̃lɛwà. Ma zↄ̀blenaↄ baan we, má tó aa zĩble. Ma Dii mámɛ má ò.
Jeremiah 30:10 in Boko 10 Á Yakↄbu bui ma zↄ̀blenaↄ, ásu to vĩa á kũo, á Isailiↄ, ásu bílikɛo. Ma Dii mámɛ má ò. Asa mapi má á bↄlɛ za guzãzãuɛ, mí á buiↄ bↄlɛ ń zↄblebusuu. Yakↄbu buiↄ ɛa aaↄ ku dↄdↄa nana, gbɛ̃e a to vĩa ń kṹ lↄo.
Jeremiah 32:37 in Boko 37 bùsu pↄ́ ma ↄzↄ̃̀uńzi ń pↄkũma pãsĩo ń pↄfɛ̃ zↄ̃ↄoↄ, má ń kãaa bùsupiↄ guu we mà suńnↄ ń gbɛu laɛ, mí tó aaↄ ku dↄdↄa.
Jeremiah 33:16 in Boko 16 Gↄↄ bee Yudaↄ dɛ̀ɛpoo, Yelusalɛũdeↄ aaↄ ku dↄdↄa. Tↄ́ɛ bee waliↄ aà sisiwà, Dii pↄ́ tò yã́ bↄ̀wanↄ na.
Ezekiel 34:25 in Boko 25 Ma bàa aↄ kúńnↄ, mí wàiↄ midɛ ń bùsuu. Aaↄ ku gbáau, aaↄ i lákpɛu dↄdↄa.
Ezekiel 37:24 in Boko 24 Ma zↄ̀blena Davidi bui a kiblemá. An dãna aↄ mɛ̀ndoɛ, aaiↄ ma ikoyã kũa, aaiↄ ma ↄtondↄkĩi gwa ń laaio.
Daniel 9:24 in Boko 24 Lua wɛ̃̀ sopla lɛɛ bàaↄ̃kwi dìlɛ n gbɛ̃́ↄnɛ ń n wɛ̃́lɛpio, kɛ́ à tàaeↄ midɛ à duuna vĩlɛ, à yãvãiↄ kɛ̃́wá, i bↄ ń maakɛ láasaio, wɛ́pungu'ea ń ãnabikɛkɛao lɛ́ i ká, wi luakukĩi sakɛ̃.
Hosea 1:7 in Boko 7 Ãma má Yudaↄ wɛgwa, mí ń suaba. Ma Dii an Lua, mámɛ má ń suaba, i kɛ ń sáo ge ń fɛ̃ndao ge ń zĩo ge ń sↄ̃́ↄ ge ń sↄ̃deↄ no.
Hosea 2:18 in Boko 18 Ma Dii ma mɛ̀: Gↄↄbeezĩ aa omɛɛ ń zã́, aa omɛɛ Baali lↄo.
Obadiah 1:17 in Boko 17 Má gbɛ̃́ↄ suaba Siↄna gbɛ musu. Aↄ dɛ ma pↄ́ ũ, Yakↄbu buiↄ i ɛa ń pↄ́ sí.
Obadiah 1:21 in Boko 21 Suabanaↄ dɛdɛ Siↄna gbɛ̀sĩsĩwa, aai yã́kpalɛkɛ ń Esau gbɛ̀sĩsĩdeↄ, kpala i gↄ̃ Diiɛ.
Zephaniah 3:13 in Boko 13 Isaili kↄ̃napiↄ gbɛ̃́ↄ wɛtã lↄo, aa gbɛ̃́ↄ sã́são, mɛ́ wa ɛɛ ma dↄ ń lɛ́uo. Aali pↄble, aali wúlɛ, gbɛ̃e yã́ a ń vĩakũo.
Zechariah 2:4 in Boko 4 Ɔ̃ ma aà là: Bↄ́ gbɛ̃́piↄ lɛ́ mↄ́ kɛii? A wèa à mɛ̀: Kↄ́bapiↄ mɛ́ Yudaↄ fã̀aa, ↄ̃ an gbɛ̃e i fↄ̃ a mi sɛ̀ musuo. Siapiↄ mↄ̀ vĩadadai bui kↄ́bapiↄziɛ, aai ń gbɛ̃gbɛ̃, asa buipiↄ ń kↄ́ba gɛ̃̀lɛ Yudaↄzi, aa ń fãaaɛ.
Zechariah 3:10 in Boko 10 Gↄↄ bee á baade a a gbɛ̃́dee sísi aà zↄ̃lɛ nana a vɛ̃ɛli ge kaadↄɛnli gbáu. Ma Dii Zĩgↄ̃de mámɛ má ò.
Zechariah 10:6 in Boko 6 Má Yudaↄ gba gbãa, má Yosɛfu buiↄ suaba, mí suńnↄ ń pá ziu, kɛ́ má ń wɛ̃na vĩ yã́i. Aaↄ dɛ lá mi ń vũaa yãaowa, asa mámɛmaa Dii ń Lua, má yãmamá.
Zechariah 14:9 in Boko 9 Dii mɛ́ aↄ dɛ dṹnia píi Kía ũ. Gↄↄ bee ↄ̃mɛ aↄ Dii ũ ado, aà tↄ́ mɛ́ aↄ ku ado.
Matthew 1:21 in Boko 21 A nɛ'i gↄ̃ɛ ũ, ní tↄ́kpaɛ̀ Yesu, asa a a gbɛ̃́ↄ bↄ ń duuna guu.
Luke 1:71 in Boko 71 Aa mɛ̀ a wá sí wá ibɛɛↄwa, a wá bↄ gbɛ̃́ pↄ́ zawágupiↄ ↄzĩ.
Luke 19:9 in Boko 9 Ɔ̃ Yesu òɛ̀: Lua uaɛbeedeↄ mìsi gbã. Asa gbɛ̃́ɛ beeá Ablahaũ buiɛ lↄ.
Romans 3:22 in Boko 22 Lua ì to yã́ bↄńnↄ na Yesu Kilisi náaikɛa yã́iɛ. Gbɛ̃́ pↄ́ lɛ́ aà náaikɛ píi yã́ɛ, asa gbɛ̃e adoo.
Romans 11:26 in Boko 26 Bee gbɛa Lua a Isailiↄ suaba píi lá a kɛ̃a láuwa wà mɛ̀: Suabana a bↄ Siↄna, a Yakↄbu buiↄ kɛ̃ luadↄ̃saiwa.
1 Corinthians 1:30 in Boko 30 Ápiↄ sↄ̃, Lua tò á naa Kilisi Yesuwa, ↄ̃ à gↄ̃̀ wá ↄ̃nↄ ũ. Naa Kilisipiwa Lua tò yã́ bↄ̀wanↄ na, wá kua adoa mɛ́ à wá suabà.
2 Corinthians 5:21 in Boko 21 Lua tò duunsaide gↄ̃̀ duuna awakpabↄ ũ wá yã́i, kɛ́ naawà guu Lua i to yã́ bↄwanↄ na.
Philippians 3:9 in Boko 9 míↄ naawà, mà e màↄ na ń Luao Kilisipi náaikɛa yã́i. Asa Lua lí tó yã́ bↄńnↄ na ikoyãdaa yã́i no, ì to yã́ bↄńnↄ na Kilisi náaikɛa yã́iɛ.