Revelation 16:10 in Algonquin 10 Mina8adj kodag ajeni ogi a8i siginan odonagan, mi aja nanan ajenig egi siginamo8adjin. Madji a8esizan okitci ogima8i tesabi8aganikag ogi iji siginan. Ki kacki tibikani taji ka iji ogima8idj. Ogi kitci mag8adana8an odenana8an a8iagog, epitci kitci 8isagendamo8apan.
Other Translations King James Version (KJV) And the fifth angel poured out his vial upon the seat of the beast; and his kingdom was full of darkness; and they gnawed their tongues for pain,
American Standard Version (ASV) And the fifth poured out his bowl upon the throne of the beast; and his kingdom was darkened; and they gnawed their tongues for pain,
Bible in Basic English (BBE) And the fifth let what was in his vessel come out on the high seat of the beast; and his kingdom was made dark; and they were biting their tongues for pain.
Darby English Bible (DBY) And the fifth poured out his bowl on the throne of the beast; and its kingdom became darkened; and they gnawed their tongues with distress,
World English Bible (WEB) The fifth poured out his bowl on the throne of the beast, and his kingdom was darkened. They gnawed their tongues because of the pain,
Young's Literal Translation (YLT) And the fifth messenger did pour out his vial upon the throne of the beast, and his kingdom did become darkened, and they were gnawing their tongues from the pain,
Cross Reference Matthew 8:12 in Algonquin 12 Igi8e dac ka inendagozi8apan Kije Manidon Odogima8i8inikag kidji iji tibendagozi8adj, ka iji kacki tibikanig kada iji 8ebinagani8i8ag. Iima dac, kada kitci ma8i8ag acitc kada kitci mamad8eabidecka8ag ke apitci kodagito8adj.”
Matthew 13:42 in Algonquin 42 Kitci ickodekag dac oga iji8ebina8an. Iima dac kada kitci ma8i8ag a8iagog acitc kada kitci mamad8eabidecka8ag ke apitci kodagito8adj.
Matthew 13:50 in Algonquin 50 Oga madjocte8ebina8an dac madji a8iagon. Iima dac, kada kitci ma8i8ag acitc kada kitci mamad8eabidecka8ag ke apitci kodagito8adj.”
Matthew 22:13 in Algonquin 13 “Aa dac ogima ogi inan odanodaganan: ‘Nabogadepinik acitc nabonikepinik, midac iji8ebinik ka iji kacki tibikanig. Iima dac kada kitci ma8i acitc kada kitci mamad8eabidecka ke apitci kodagitodj.’ ” Mi ka inadisokedj Jesos.
Matthew 24:51 in Algonquin 51 Aa dac kacka oga kitci sogacte8an ini anokitage8innin. Oga sagidji8ebinan kidji 8idji8andjin ini8e ka kimodizindjin, taji ke iji kitci ma8indjin acitc ke iji kitci mamad8eabideckandjin ke apitci kodagitondjin.”
Luke 13:28 in Algonquin 28 “Mi iima ke taji ma8ieg acitc ke iji mamad8eabideckaieg, apitc 8abameg8a Abanaam (Abraham), Aisik (Isaac), Tcekap (Jacob) acitc kakina niganadjimo8innig ka te8adj iima Kije Manidon Odogima8i8inikag. Kina8a dac ka8in kiga pidigeigosim.
1 Peter 2:17 in Algonquin 17 8e8enda manadjiikog kakina a8iagog. Sagiikog ka 8idji teb8etamomigo8eg. Kitcit8a8enimik Kije Manido. Manadjiik kitci ogima.
Revelation 9:2 in Algonquin 2 Apitc ka cebidodj ka iji kitci 8ani pagonekamiganig aa 8anagoc, ki odji obabateni, tabickotc kitci ickode ka obabateg. Ki nigeabaso kizis, pinici kidji ani kacki tibikag akikag.
Revelation 11:2 in Algonquin 2 Ka8in dac tibaaken pidigeatig. Aja mega ki minagani8i8ag a8iagog ega ka teb8eta8a8adjin Kije Manidon. Nimidana acitc nijo (42) kizis inigik oga mamagockana8a Kije Manidon ododenamini. Pejig kitci midasomidana acitc nijo midasomidana acitc nigod8asomidana (1260) tasogon mi inigik ejiseg.
Revelation 11:8 in Algonquin 8 Mi ke inatenigin o8ia8i8an mikanakag taji kagi iji nibo8adj, kitci odenakag taji kagi iji acidak8a8agani8igobanen ka Tibendjigedj tcibaiatigokag. Ii kitci odenani nandam Sodom acitc Idjip (Égypte) odijinikadana8aban, kagi iji kitci madjakamigizinani8anigiban 8eckadj.
Revelation 11:10 in Algonquin 10 Kada kitci modjigendamog kakina a8iagog akikag ka tajike8adj, egi nisagani8indjin ini ka nijindjin a8iagon ka kitci sanagendjigeigo8adjin. Kada magoce8ag acitc kada ca8enimidi8ag.
Revelation 13:2 in Algonquin 2 Mi maia pijio ejinagozipan aa madji a8esiz. Mi maia makokadan ejinag8anigibanin okadan, acitc mi maia micibiji odon ejinag8anigiban odon. Kitci kikadanak8an dac ogi minigon omacka8izi8ini, acitc ogi minigon kidji ogima8idj acitc kidji abidj okitci ogima8i tesabi8aganikag.
Revelation 17:9 in Algonquin 9 Panima ki kagita8endamo8adj a8iagog kidji gi nisidotamo8adjin ini kegonan. Ini8e nij8atcin octig8anan ka aiagin aa a8esiz, mi ini nij8atcin pik8adinan taji ka iji abidj aa ik8e. Acitc mi igi8e nij8atcin ogimag.
Revelation 17:17 in Algonquin 17 Kije Manido mega ogi atama8an odei8akag ini midatcin ogiman kidji todamindjin adi eji nda8endag. Ki nakomo8ag dac mama8 kidji ijita8adj, acitc kidji pagidina8adjin madji a8esizan kidji kackakanigo8adjin, 8ina8a dac kidji anokita8a8adjin. Mi ke ijiseg pinici kidji iji8ebanig adi Kije Manido kagi ikidodj.”
Revelation 18:2 in Algonquin 2 Ki kitci pibagi: “Aja ick8a nici8anadan! Aja ick8a nici8anadan ka kitci inendag8ag Babilon odena! Midac aja iima eji tajike8adj madji manidog. Pinecijag ega ka am8agani8i8adj acitc ega ka min8enimagani8i8adj mi iima e te8adj.
Revelation 18:11 in Algonquin 11 Ada8e8innig mizi8ekamig kada odji ma8i8ag acitc kada kitci kackendamog, e ick8adenig ii odenani. Ka8in mega a8ian ogagi kicpinadosini odada8ani8an.
Revelation 18:21 in Algonquin 21 Ick8a dac ii, pejig ajeni ka kitci macka8izidj ogi a8i odapinan kitci asinin. Kitcigamig dac ogi iji pakobi8ebinan ekidodj: “Mi iidi ke apitci sogi8ebinigadeg Babilon kitci odena. Ka8in 8ikad mina8adj kada nag8asinon.
Revelation 18:23 in Algonquin 23 Ka8in 8ikad mina8adj kada 8asakonesinon 8edi. Ka8in kada teb8e8idasi nabe kagi niba8idj acitc okokomiman iima odenag. Misa dac kada nici8anadjiomagan ii odena. Osa mega ada8e8innig iima ka te8apan, 8ina8a ma8adji kitci apitendagozibanig mizi8ekamig, acitc a8iagog iima ka tajike8apan, e mandoke8adj, ogi 8agackibina8an a8iagon mizi8ekamig.