1 Timothy 6:4 in Algonquin 4 Misa dac igi a8iagog pakan ka iji kikinoamage8adj kitci kitenimodog8enag. Ka8in teb8e kegoni okikendasina8a. Akozi8ag omidonendjigani8akag, mi eta 8i kaganondi8ag, acitc 8i kaganozo8ag ikido8inan odji. Mi iima 8edjimagagin odendamo8in, kaganondi8in, acitc manendjige8in acitc kidji madji inenimadjin a8iagon.
Other Translations King James Version (KJV) He is proud, knowing nothing, but doting about questions and strifes of words, whereof cometh envy, strife, railings, evil surmisings,
American Standard Version (ASV) he is puffed up, knowing nothing, but doting about questionings and disputes of words, whereof cometh envy, strife, railings, evil surmisings,
Bible in Basic English (BBE) He has an over-high opinion of himself; being without knowledge, having only an unhealthy love of questionings and wars of words, from which come envy, fighting, cruel words, evil thoughts,
Darby English Bible (DBY) he is puffed up, knowing nothing, but sick about questions and disputes of words, out of which arise envy, strife, injurious words, evil suspicions,
World English Bible (WEB) he is conceited, knowing nothing, but obsessed with arguments, disputes, and word battles, from which come envy, strife, reviling, evil suspicions,
Young's Literal Translation (YLT) he is proud, knowing nothing, but doting about questions and word-striving, out of which doth come envy, strife, evil-speakings, evil-surmisings,
Cross Reference Acts 8:9 in Algonquin 9 Tegoban iima odenakag pejig mandoke8inni, Simo e ijinikazogobanen. Ab8amaci tag8icinindjin Pilipan, aa nabe ogi kitci mamakadenimigobanin ini8e Samani ka tajikendjin, e kackitodj kidji mamada8izidj. Ki ikidogoban e kitci apitendagozidj.
Acts 8:21 in Algonquin 21 Ka8in kikackitosin kidji ijitaian oo Kije Manido omikimo8in. Kije Manido mega ki8abamig ega e k8aiakodeean.
Acts 15:2 in Algonquin 2 Pon acitc Banabas ogi kitci madjita8a8an ini8e a8iagon acitc ogi kitci kaganona8an ii kikinoamage8ini odji. Midac ki onabamagani8i8ag Pon, Banabas acitc nandam a8iagog Antiok ka tajike8adj, mama8 Jerusalemikag kidji ija8adj, kidji nda mikodamo8adj 8edi ii kikinoamage8ini, kidji kikendamo8adj adi enendamindjin ka midatcin acitc nijindjin Anodaganan acitc ka niganizindjin.
Acts 18:15 in Algonquin 15 Midac eta e mikodamegon ikido8inan acitc 8izonan acitc kidinakonige8ini8an, kina8a kidinendagozim kidji mikidameg. Ka8in nin niga onendasin kegon!” ki ikido.
Romans 2:8 in Algonquin 8 Kodagiag dac a8iagog ka8in o8i ndota8asi8a8an Kije Manidon, acitc ka8in o8i nosoneasina8a teb8e8ini, acitc motci madji inakamigizi8ag. 8ina8a dac, Kije Manidon oga sogi pajacteogo8an.
Romans 12:16 in Algonquin 16 Mama8i mino 8idji8idiok kakina e tacieg. Ka8in kitci inenimidizokegon, tiegodj pagidenimidizok kidji ijitcigeieg ini ka tabasendag8agin mikimo8inan. Ka8in “nikitci kagita8endan” inendakegon.
Romans 13:13 in Algonquin 13 K8aiak pimadizidan, kidji paietenag8ag ka iji 8aseag e iji pimadiziak. Ka8in dac kiga 8idji8asi8ananag igi8e ka ma8asag8ino8adj kidji kitci madjakamigizi8adj, ka8in kek8an kiga nta ki8ack8ebisimin. Ka8in madji aido8in kiga pamendasinanan, ka8in kek8an kiga madjadizisimin. Ka8in kiga kaganondisimin, ka8in kek8an kiga odenimidisimin.
Romans 14:1 in Algonquin 1 Odapinik aa8e ega maci ka macka8izidj oteb8etamo8inikag, acitc ka8in k8ag8e cagozomakegon kicpin pakan inendag 8in.
1 Corinthians 3:3 in Algonquin 3 Mi mega maia tabickotc a8iagog ega ka teb8etamo8adj ejinagozieg kiabadj. Kidodenimidim kakina pepejig e tacieg acitc kikaganondim. Kicpin iidi todameg, mi maia a8iagog ega ka teb8etamo8adj ejinagozieg8en, kana? Teb8e mi maia a8iagog ooma akikag ka iji tibendagozi8adj e todameg.
1 Corinthians 3:18 in Algonquin 18 Ka8in 8aiejimidizokegon. Ne8ad pejig e tacieg “nikagita8endan” inenimidizodok, e aiag ii kagita8endamo8ini ka aiamindjin nogom a8iagon ooma akikag. Oda iji 8ebinan dac ii kagita8endamo8ini, taji eji ega kikenimagani8indjin Kije Manidon, misa8adj kagibadenimigodjin ini8e ega ka teb8etamindjin. Midac ii apitc maia ke kagita8endag.
1 Corinthians 8:1 in Algonquin 1 Aja dac niga mikodan midjim kagi pagidinigetama8agani8i8agobanen manidokanag. Kidikidom: “Mane kegonan kikikendananan kakina ka taciak.” Teb8e ii. Pekic dac kicpin a8iag mane kegoni kikendag, kadagi odji kitci inadjimidizo. Anic dac kicpin a8iag sagiadjin kodagian ka teb8etamindjin, ogagi odji 8idjian kidji madjigindjin oteb8etamo8ini8akag.
1 Corinthians 11:16 in Algonquin 16 Kicpin a8iag 8i ana8etag ka ikido8an, panima oga kikendan mi pijicig ka pi iji kikinoamageiag acitc mi ejitcige8adj kakina ka teb8etamo8adj apitc ma8adjiidi8adj kidji aiamie8adj.
1 Corinthians 11:18 in Algonquin 18 Ma8adji oo8e pejig kegon ketci apitendag8ag. Apitc ako e ma8adjiidieg kidji aiamieieg, kinenicikesem nidigo. Ne8ad sa teb8ani8andok iidi e todameg.
2 Corinthians 11:20 in Algonquin 20 8a8adj kicibenima8ag igi8e ka tibenimigo8eg, anodj ka inabadjiigo8eg, ka kimodimigo8eg kakina ka aiameg, ka manazomigo8eg, kek8an ka papasabaogo8eg.
Galatians 5:15 in Algonquin 15 Iag8amig dac! Kicpin kaganondieg acitc manenimidieg kakina pepejig e tacieg, kakina kiga ani nici8anadjiidim.
Galatians 5:20 in Algonquin 20 manidokanan kidji icpenima8adjin, acitc kidji mandoke8adj. Madjenimidi8ag kakina pepejig e taci8adj, kaganondi8ag, omosa8endana8a o8idjipimadizimi8an odaimini, kitci nta 8ake8ina8ezi8ag, acitc okitci k8ag8edjitona8a kidji niganizi8adj kakina pepejig e taci8adj. Nenicikese8ag acitc k8ag8e cagozomidi8ag kakina pepejig e taci8adj.
Galatians 5:26 in Algonquin 26 Ka8in dac kida kitenimosimin, ka8in kida k8ag8e nickiidisimin kakina ka taciak, acitc ka8in kida odenimidisimin.
Galatians 6:3 in Algonquin 3 Kicpin a8iag kitci apitenimidizodj, ega dac odji pejig sabendagozidj, kitci anodj inendam.
Philippians 1:15 in Algonquin 15 Mane8ag a8iagog nogom e 8i kagik8e8adj, e mikoma8adjin Jesos Christan. Nandam e taci8adj 8i kagik8e8ag osa eta e odenimiji8adj acitc eta e 8i nagabiniji8adj ka iji mikimo8an. Pekic dac nandam kodagiag a8iagog e minodee8adj ke8ina8a tibadjimo8ag Kije Manidon omin8adjimo8ini.
Philippians 2:3 in Algonquin 3 Ka8in kegon inakamigizikegon kina8a eta tibina8e kidji mik8enimidizo8eg acitc kidji kitenimo8eg. Tiegodj, inenimikog kodagiag a8iagog na8adj e apitendagozi8adj apitc8in kina8a, e tabasendizo8eg.
Philippians 2:14 in Algonquin 14 8egonenigotc e ijitaieg, ka8in migodjimokegon acitc ka8in kaganondikegon,
Colossians 2:18 in Algonquin 18 Nandam a8iagog okitci min8endana8a kidji 8abadaa8adjin kakina a8iagon adi epitci tabasendizo8adj, acitc okitci min8endana8a kidji kitci manadjia8adjin ajenin. Mojag opaba mikodana8a adi kagi inabadamo8adj. Ka8in dac pagidinakegonig kidji 8agackibinigo8eg igi, kidji gi odji ega odisigo8eg adi kagi iji kackitamadizo8eg. Kitci inendizo8ag, anica dac igotc ii, osa mega ooma eta akikag ododji midonendana8a.
2 Thessalonians 2:4 in Algonquin 4 Oga k8ag8e ta8ibidon kakina kegoni ka kitci icpendjigadenig ooma akikag acitc kakina kegoni ka kitcit8a8endag8anig. Kada 8i icpendagoidizo, na8adj kidji apitenimagani8idj apitc8in ini kakina kegonan. 8a8adj kada pidige kidji nda abidj Kije Manidon okitci aiamiemigi8amini, e 8idamagedj e Kije Manido8idj.
1 Timothy 1:4 in Algonquin 4 Kiga 8idama8ag ega kidji ndotamo8adjin adisokanan ega ka teb8emaganigin, acitc ega kidji kitci apitendamo8adj e kackito8adj kidji 8ina8adjin kakina 8eckadj okitci anicinabemi8abanin. Ceck8at mikodjigade8an ini8e kegonan acitc pijicig odji kaganondinani8an. Ka8in o8idjiigosina8a a8iagog kidji nisidotamo8adj adi Kije Manidon eji nda8endamindjin. Eji teb8eta8aiak mega, kikikendananan Kije Manido ka iji nda8endag.
1 Timothy 1:7 in Algonquin 7 K8ag8e kikinoamage8ag Kije Manidon odinakonige8ini Mois kagi minagani8igobanen. Kitci k8ag8e minotagozi8ag, midac 8ina8a tibina8e ka8in nisidotadizosi8ag adi ekido8adj acitc eji kitci k8ag8e kikinoamage8adj.
1 Timothy 3:6 in Algonquin 6 Ka8in dac asakegon a8iag kidji niganizidj aiamiemigi8amikag kicpin ega 8eckadj ki odji teb8eta8adjin Jesosan. Kada kitci inendizo mega, midac kada tibakonagani8i tabickotc kitci madji manido ka iji8ebizigobanen.
2 Timothy 2:14 in Algonquin 14 Mika8asomik kakina ka teb8etamo8adj oo8eni. Kikikendan Kije Manido e kijigabamigo8eg. 8e8enda dac 8idamaok ega kidji odji nickiidi8adj ikido8inan odji. Ka8in mega odji pejig abadasino8an ini nickiidi8inan, mi eta opakebinigona8an igi8e ka ndotamo8adjin.
2 Timothy 2:23 in Algonquin 23 Ka8in 8a8adj ndota8akenig a8iagog ka ki8ack8etagozi8adj acitc ka nana8adjimo8adj. Kikikendan mi iidi 8edji madjita8adj kidji kaganondi8adj.
2 Timothy 3:4 in Algonquin 4 Kada 8agackizi8ag. Kada nanizanakamigizi8ag. Kada kitci inenimidizo8ag. Oga sagitona8a a8acamej kidji mina8azi8adj, apitc8in kidji sagia8adjin Kije Manidon.
Titus 3:9 in Algonquin 9 Apitc kaganondinani8ag anodj kegonan odji, ka8in acidjinoken. Nandam a8iagog ikido8ag e apitendag8anig kidji kikenimaiakonig kakina 8eckadj kikitci anicinabeminabanig. Apitc ikido8adj ii, ka8in acidjinoken. E kaganondi8adj acitc e k8ag8e cagozomidi8adj Mois odinakonige8inan odji, ka8in acidjinoken. Ka8in mega odji pejig abadasino8an acitc ka8in apitendag8asino8an ini migodjimo8inan.
James 1:19 in Algonquin 19 Nidjiki8eg ka kitci sagiinagok! Mamik8endamok oo8e. Kakina pepejig e tacieg 8e8enda kida ndota8a8ag a8iagog, ka8in teci8ag kida anim8esim, acitc ka8in dac kida kitci 8ake 8ina8ezisim.
James 2:14 in Algonquin 14 Nidjiki8eg! Adi dac inasag a8iag ikidodj: “Niteb8eta8a Kije Manido,” kicpin ega nag8anig e teb8etag adi ejitcigedj? Teb8etamo8ini ii ka ijinag8anig ka8in oga odji ag8acimigosin.
James 4:1 in Algonquin 1 Adi 8edjimagagin migadi8inan acitc kaganondi8inan kina8akag ka tag8agin? Madji mosa8endamo8inikag ka 8i cagodjiigo8egon mi 8edjimagagin.
James 4:5 in Algonquin 5 Ikidomagani mega Kije Manido Omazinaigan: “Kije Manido kigi minigonan Mino Manidon kidji pidigeckago8ak, epitci nda8enimigo8ak 8in eta kidji manadjiaiak.” Ka8in dac ceck8at ikidomagasinon ii.
1 Peter 2:1 in Algonquin 1 Kije Manido kigi minigo8a ocki pimadizi8ini. 8ebinamokon dac kakina madjakamigizi8inan. Ka8in mina8adj kagina8ickikegon, acitc ka8in kimodizikegon. Ka8in mosa8endakegonin kodag a8iag odaiman acitc ka8in 8ikad madji mikomakegon a8iag.
2 Peter 2:12 in Algonquin 12 Igi8e dac kikinoamage8innig inakamigizi8ag adigotc eji nda8endamo8adj, ega e abadjito8adj omidonendjigani8a. Midac tabickotc a8esizag ka nta8igi8adj kidji na8adinagani8i8adj acitc kidji nisagani8i8adj ejinagozi8adj. Omanazodana8a kegonan ega ka nisidotamo8adjin. Mi maia tabickotc ke iji nisagani8i8adj ka iji nisagani8indjin a8esizan.
2 Peter 2:18 in Algonquin 18 Kitci kiji8e8ag anodj e aikido8adj acitc e kitci min8adjimidizo8adj. Ok8ag8e 8agackibina8an ini8e ega 8eckadj ka madji teb8etamindjin, ega 8eckadj ka naganandjin ini8e ega ka k8aiak8adizindjin. Odabadjitona8an madji mosa8endamo8inan madji aido8ini kidji nodjitondjin, e k8ag8e patadia8adjin.
Jude 1:10 in Algonquin 10 Igi8e dac a8iagog kagi pija8adj kina8akag, omanazodana8an kakinagotc kegonan ega ka nisidotamo8adjin. Ini dac kegonan ka kackito8adj kidji nisidotamo8adjin, ka8in egi mamidonendamo8adj 8edji nisidotamo8adjin. Tiegodj mi maia tabickotc a8esizag ejinagozi8adj, ega odji pejig e kackito8adj kidji mamidonendamo8adj, e motci kikendamo8adj kidji inakamigizi8adj adi eji min8endamo8adj. Onici8anadjiigona8an dac ini kegonan ka inakamigizi8adj.
Jude 1:16 in Algonquin 16 Apanigotc mojag madjendamog igi a8iagog, acitc pijicig kacimo8ag, ega 8ikad kegoni e min8endamo8adj. Kakinagotc kegonan inakamigizi8ag adi eji madji mosa8endamo8adj. Kitci inadjimidizo8ag, acitc okitci min8adjima8an a8iagon kidji gi odji todago8adjin adi e iji nda8endamo8adj.
Revelation 3:17 in Algonquin 17 ‘Nikitci 8anadizimin’ kidikidom. ‘Kakina kegon nigi pi odisigonan, ka8in kegon ninodesesimin’ kidikidom. Ka8in kikikendasina8a e kidimagizieg, e moceckadeieg, ega e oconiamieg, acitc ega e 8abieg.