1 John 5:18 in Algonquin 18 Kikikendananan Kije Manido odabinodjijiman ega e nta patadindjin. Kije Manido mega Og8izisan okana8enimigo8an, midac madji manidon ka8in kegoni ogagi todagosi8an.
Other Translations King James Version (KJV) We know that whosoever is born of God sinneth not; but he that is begotten of God keepeth himself, and that wicked one toucheth him not.
American Standard Version (ASV) We know that whosoever is begotten of God sinneth not; but he that was begotten of God keepeth himself, and the evil one toucheth him not.
Bible in Basic English (BBE) We are certain that one who is a child of God will do no sin, but the Son of God keeps him so that he is not touched by the Evil One.
Darby English Bible (DBY) We know that every one begotten of God does not sin, but he that has been begotten of God keeps himself, and the wicked [one] does not touch him.
World English Bible (WEB) We know that whoever is born of God doesn't sin, but he who was born of God keeps himself, and the evil one doesn't touch him.
Young's Literal Translation (YLT) We have known that every one who hath been begotten of God doth not sin, but he who was begotten of God doth keep himself, and the evil one doth not touch him;
Cross Reference John 1:13 in Algonquin 13 Apitc a8iag nta8igidj ooma akig, odjodjoman acitc odadaman odji nta8igi. Kitci pakan dac iji8ebizi a8iag Kije Manidon odabinodjijimini kidji ijinagozidj. Kije Manido 8in ka minadjin ocki pimadizi8ini.
John 3:2 in Algonquin 2 Meg8adj e tibikanig, aa Nikodem ogi pi nda 8abamagoban Jesosan acitc ogi inan: “Kikinoamage8inni! Nikikendananan Kije Manido egi pidjinijaok kidji kikinoamagean. Ka8in mega a8iag okackitosin kin ka iji kackito8an kidji mamada8izian kicpin ega Kije Manidon ki 8idjiogodjin.”
John 14:30 in Algonquin 30 Ka8in aja kin8ej kiga aiamiisinonom. Madji manido mega, 8in ka kackakanadjin a8iagon ooma akig ega ka teb8etaojindjin, aja kada tag8icin. Ka8in 8in okackitosin kidji tibenimijidj,
John 15:4 in Algonquin 4 Kabena 8idjiocik, midac kiga 8idjionom. 8adan ejisedj 8adik8anijic. Ka8in kadagi mini8isi 8in eta, ega kitiganikag iji madjigidj. Midac pejig8an kekina8a, mi ke ijiseieg kicpin ega 8idjiojieg.”
John 15:7 in Algonquin 7 “Kicpin dac 8idjiojieg acitc nosoneameg ka ikido8an, 8egonenigotc pagosenimeg Kije Manido, kiga minigo8a.
John 15:9 in Algonquin 9 “Kisagiinom, tabickotc Nidadam ka iji sagiijidj. Apanigotc dac 8idji tajikemicik, apanigotc kidji odisigo8eg nisagii8e8in.
Acts 11:23 in Algonquin 23 Apitc ka oditag, ogi 8abadan adi inigik igi a8iagog kagi minigo8adjin Kije Manidon okitci ca8endjige8ini. Ki kitci min8endam dac acitc ogi kitci inan kakina ega kidji ana8endjigendjin, acitc enigokodeendjin kidji nosone8andjin ka Tibendjigendjin.
James 1:18 in Algonquin 18 Kije Manido ogi onendan kagige pimadizi8ini kidji minigo8ak, egi teb8etam8aiak omin8adjimo8in ka teb8emaganig, kina8it na8adj kidji apitendagoziak apitc8in kakina kodag kegoni kagi kijendag.
James 1:27 in Algonquin 27 8adan dac oo aiamie8in ka teb8emagag acitc ka min8endamiigodj Kije Manido Kidadaminan, kidji mikimaiakonig ki8acijanag acitc ka pejigo8adj ik8e8ag adi eji kodagito8adj, acitc kidji iag8amendamakonin kakina kegonan ka manadagin ooma akikag ega kidji pitci patadiak.
1 Peter 1:23 in Algonquin 23 Kikikendana8a mega Kije Manido egi minigo8eg ocki pimadizi8ini. Odabinodjijiman kigi ani ijisem aa a8iag ega 8ikad ka nibodj, kagige dac ka tedj. Kigi minigom ii ocki pimadizi8ini apitc ka nodameg acitc ka nosoneameg odikido8in ka migi8emaganig pimadizi8ini acitc kagige ke tag8anig.
1 John 2:13 in Algonquin 13 Kina8a kitci anicinabeg! Kidojibiamonom kidji mik8endamiinagok e kikenimeg aa8e aja ka tepan apitc kakina kegoni ka madjitamaganig. Kina8a ka ockinigieg! Kidojibiamonom kidji mik8endamiinagok egi kackito8eg kidji cagodineg madji manido.
1 John 2:29 in Algonquin 29 Aja kikikenima8a Jesos kabe ka k8aiakozidj. Misa dac kikikendana8a kakina a8iagog ka k8aiak inakamigizi8adj, Kije Manido odabinodjijiman ejinagozi8adj.
1 John 3:3 in Algonquin 3 Aa dac a8iag ka iji apacenimodj tabickotc Jesos kidji ijinagozidj, mi aa kabe e nagadjiidizodj adi enakamigizidj kidji gi paiekideedj, tabickotc Jesos eji paiekideedj.
1 John 3:9 in Algonquin 9 Aa a8iag Kije Manido odabinodjijiman ka apitendagozidj, ka8in nta patadisi. Ocki pimadizi8ini mega odaian, Kije Manidon egi minigodjin. Ka8in dac okackitosin kiabadj kidji nta patadidj, aja mega Kije Manido odabinodjijiman apitendagozi.
1 John 3:12 in Algonquin 12 Ka8in Kaen (Caïn), Abel oseezan, ka inadizipan kida inadizisimin. Madji manidon otibenimigobanin acitc ogi nisan ocimejan Abelan. 8egonen dac 8edji ki nisadjin? 8in mega ki nta madji inakamigizigoban, ocimejan dac 8in, apan k8aiak8adizinigoban. Mi 8edji ki nisadjin.
1 John 4:6 in Algonquin 6 Kina8it dac, Kije Manidokag kidiji tibendagozimin. Aa dac a8iag Kije Manidon ka kikenimadjin kinadotagonan. A8iag dac ega Kije Manidokag iji tibendagozidj, ka8in kinadotagosinan. Midac iidi ka odji kikendamak kicpin a8iag Mino Manidon ka teb8endjin tibenimigodjin kek8an madji manidon ka 8aiejimi8endjin tibenimigodjin.
1 John 5:1 in Algonquin 1 Aa a8iag ka teb8etag mi aa Jesos Kije Manidon kagi ikidonipanin kidji pidjinijaogodjin kidji ag8acimigo8ak, Kije Manido odabinodjijiman ijinagozi. A8iag ka sagiadjin Kije Manidon Kidadaminani, osagian acitc Kije Manidon odabinodjijimini.
1 John 5:4 in Algonquin 4 Kakina mega Kije Manido odabinodjijiman okackitona8a kidji cagodjito8adjin patado8inan ooma akikag. E teb8eta8aiak Jesos, mi 8edji kacki cagodjito8akonin patado8inan.
1 John 5:21 in Algonquin 21 Nidabinodjijimag ka kitci ineniminagok! Iag8amig ega kidji icpenimeg8a manidokanag.
Jude 1:21 in Algonquin 21 Iji pimadiziok kidji gi kikendameg adi epitci sagiigo8eg Kije Manido, meg8adj e taji pito8eg kidji kidimagenimigo8eg ka Tibeniminak Jesos Christ, e minigo8eg kagige pimadizi8ini.
Jude 1:24 in Algonquin 24 Icpenimadan Kije Manido, ka kackitodj kidji kana8enimigo8eg ega kidji pagicinieg, acitc ka kackitodj kidji iji8inigo8eg iima ka iji tedj okitci icpendagozi8inikag, e kitci paiekideeieg acitc e kitci modjigendameg.
Revelation 2:13 in Algonquin 13 Nikikendan adi e tajikeieg. Madji manido ka iji ogima8idj kidiji tajikem. Apanigotc dac misa8adj kitaji teb8etaojim. Nigi ijinija8a nidanodagan Antipas kidji mikomijidj, acitc 8e8enda ogi todan. Kidodenami8akag dac ki iji nisagani8i, 8edi ka iji tajikedj madji manido. Kina8a dac, 8a8adj ii apitc ka8in kidodji ana8etaojisim.
Revelation 3:8 in Algonquin 8 Nikikendanan kidijitcige8ini8an. Ka8in kimacka8izisim, pekic kigi todana8a kagi ininagok, acitc ka8in kidodji agadjisim kidji 8idamageieg e teb8etaojieg. Inabiok, kigi cebidamaonom pejig ick8adem acitc ka8in a8iag ogagi kibaasin.