1 John 2:16 in Algonquin

16 Ooma akikag, a8iagog madji mosa8endamog, okitci 8i aiana8a anodjigotc kegoni e 8abadamo8adj, acitc kitci kitenimo8ag. Kakina ini inakamigizi8inan ka8in Kije Manidokag odjimagasino8an. Mi teb8e ooma akikag odjimaganon.

Other Translations

King James Version (KJV)

For all that is in the world, the lust of the flesh, and the lust of the eyes, and the pride of life, is not of the Father, but is of the world.

American Standard Version (ASV)

For all that is in the world, the lust of the flesh and the lust of the eyes and the vain glory of life, is not of the Father, but is of the world.

Bible in Basic English (BBE)

Because everything in the world, the desire of the flesh, the desire of the eyes, and the pride of life, is not of the Father but of the world.

Darby English Bible (DBY)

because all that [is] in the world, the lust of the flesh, and the lust of the eyes, and the pride of life, is not of the Father, but is of the world.

World English Bible (WEB)

For all that is in the world, the lust of the flesh, the lust of the eyes, and the pride of life, isn't the Father's, but is the world's.

Young's Literal Translation (YLT)

because all that `is' in the world -- the desire of the flesh, and the desire of the eyes, and the ostentation of the life -- is not of the Father, but of the world,

Cross Reference

Matthew 4:8 in Algonquin

8 Mina8adj dac kitci madji manido ogi iji8inan Jesosan 8agidadin pik8adinani e kitci icpadinanig. Ogi 8abadaan kakina ogima8i8inan ooma akikag acitc adi eji kitci minonag8anigin.

Matthew 5:28 in Algonquin

28 Nin dac 8in ki8idamonom oo8e. Aa nabe ka kana8abamadjin e mosa8enimadjin ik8e8an, aja madji aido8ini opamendan odeikag.

Luke 4:5 in Algonquin

5 Mina8adj dac kitci madji manido 8agidadin ogi iji8inan Jesosan. Kaiezigotc dac ogi 8abadaan kakina ogima8i8inan ooma akikag.

Romans 13:14 in Algonquin

14 Tiegodj, pagidinik Jesos Christ ka Tibendjigedj kidji 8idjiigo8eg kidji gi sogigaba8ieg, acitc ka8in mamidonendakegon adi kegi iji minosegiban kidji madji inakamigizieg, ka kitci mosa8endameg ako kidji todameg.

1 Corinthians 10:6 in Algonquin

6 Kikikinoamagonanan dac ini8e kegonan ka iji8ebagin, ega kidji mosa8endamakonin madji kegonan, tabickotc 8ina8a kagi todamo8agobanen.

Galatians 5:17 in Algonquin

17 Ka8in mega tabickotc ijinag8asini Mino Manido adi eji nda8enimigo8ak kidji inakamigizi8aiak acitc dac kina8it ka iji madji mosa8endamak kidji inakamigiziak. Kitci pakan ijinag8an kina8it adi eji madji mosa8endamak adi 8in eji nda8enimigo8ak Mino Manido kidji todam8aiak. Mi maia ka migadimagagin ejinag8agin. Ka8in dac kigagi todasina8a adigotc 8a inakamigizieg.

Galatians 5:24 in Algonquin

24 Igi8e a8iagog Jesos Christikag ka iji tibendagozi8adj, aja ogi onendana8a ega kidji todamo8adj adi ka iji madji mosa8endamo8adj. Mi maia pejig8an tcibaiatigokag ki acidak8aamo8apanin omadji mosa8endamo8ini8an acitc omadji inakamigizi8ini8an ejinagozi8adj.

Ephesians 2:3 in Algonquin

3 Kakina kina8it, tabickotc 8ina8a kigi inadizimin ab8amaci ka teb8eta8aiak Kije Manido. Mojag ako kitodananaban adigotc kina8it tibina8e eji madji mosa8endamakoban kidji todamak, e motci mamidonendamak kidji min8endamiidizo8ak. Mi maia tabickotc 8ina8a ega ka teb8eta8a8adjin Kije Manidon ka inadiziakoban, tabickotc dac 8ina8a kigi odji kackitamadizonanaban kidji pajacteogo8ak Kije Manido.

Titus 2:12 in Algonquin

12 Ii dac ca8endjige8in ki8abadaigonan kidji 8ebinamakonin madji inadizi8in acitc madji mosa8endamo8inan, acitc kidji k8aiak8endamak, kidji k8aiak8adiziak acitc kidji min8endamiaiak Kije Manido kakinagotc adi ejitcigeiak, meg8adj e pimadiziak ooma akikag.

Titus 3:3 in Algonquin

3 Kekina8it mega, kikikimadendagozinanaban ako, ka8in ki8i ndota8asi8anaban Kije Manido, acitc ki8agackibinigonanaban. Ki8i motci madjakamigizinanaban adigotc eji mosa8endamakoban acitc adigotc eji min8endamakoban. Kipanaagenanaban acitc kidodendananaban. Kimadjenimananabanig kodagiag, acitc ke8ina8a kikitci madjenimigonanabanig.

James 3:15 in Algonquin

15 Ii mega ka ijinag8ag kagita8endamo8in ka8in Kije Manidokag odjimagasinon, tiegodj ooma akig iji tibendag8an, a8iagokag ega ka kigickago8adjin Mino Manidon iji tag8an ii, acitc madji manidokag odjimagan.

1 Peter 1:14 in Algonquin

14 8eckadj ako, ka8in kikikenimasi8a8aban Kije Manido, anodj kidinakamigizina8aban adi eji madji mosa8endamegoban. Nogom dac, e 8i ndota8eg Kije Manido Kidadaminan, ka8in iidi todakegon.

1 Peter 2:11 in Algonquin

11 Ni8idji8aganag ka kitci sagiinagok! Pi8ideg kidijinagozim, 8enibik eta e tajikeieg ooma akig. Kikitci pagoseniminom dac kidji 8ebinamegon ini madji mosa8endamo8inan ka 8i cagodjiigo8egon, ka nagabinigo8egon kidji min8endamieg Kije Manido.

1 Peter 4:2 in Algonquin

2 Midac nogom meg8adj e pimadizieg ooma akig, mi panima eji min8endag Kije Manido kiga todana8a. Ka8in dac kiabadj ii todakegon ka iji mosa8endamo8adj igi8e ega ka teb8etamo8adj.

2 Peter 2:10 in Algonquin

10 Kije Manido a8acamej oga sogakonan ini8e ka madji mosa8endamindjin madji aido8ini kidji pamendamindjin, acitc ega ka 8i ndotagodjin. Igi dac kikinoamage8innig ka kagina8icki8adj, ka8in kegoni okotasina8a, acitc ka8in a8ian onadota8asi8a8an. Ka8in 8a8adj odji pejig omanadjiasi8a8an ajenin acitc kodagian icpimig ka tendjin ka kitci macka8izindjin, tiegodj omanazoma8an.

2 Peter 2:18 in Algonquin

18 Kitci kiji8e8ag anodj e aikido8adj acitc e kitci min8adjimidizo8adj. Ok8ag8e 8agackibina8an ini8e ega 8eckadj ka madji teb8etamindjin, ega 8eckadj ka naganandjin ini8e ega ka k8aiak8adizindjin. Odabadjitona8an madji mosa8endamo8inan madji aido8ini kidji nodjitondjin, e k8ag8e patadia8adjin.

Jude 1:16 in Algonquin

16 Apanigotc mojag madjendamog igi a8iagog, acitc pijicig kacimo8ag, ega 8ikad kegoni e min8endamo8adj. Kakinagotc kegonan inakamigizi8ag adi eji madji mosa8endamo8adj. Kitci inadjimidizo8ag, acitc okitci min8adjima8an a8iagon kidji gi odji todago8adjin adi e iji nda8endamo8adj.

Revelation 18:11 in Algonquin

11 Ada8e8innig mizi8ekamig kada odji ma8i8ag acitc kada kitci kackendamog, e ick8adenig ii odenani. Ka8in mega a8ian ogagi kicpinadosini odada8ani8an.