1 Peter 2:24 in Zaiwa 24 Nga-nhúng gi, yubak mara eq wó shi gang mù, dingmán hkyo é matú asak wó duî kó sháng gaq ga, Yhang gi, sik zîng má, Yhânggùng èq yhang, nga-nhûng é yubak mara lé Yhânggùng má wun pyám byi bê nghut ri; Yhâng é dàm pê é yanmai, nungmoq gi, lhoq gê byî é hui bekô nghut ri.
Other Translations King James Version (KJV) Who his own self bare our sins in his own body on the tree, that we, being dead to sins, should live unto righteousness: by whose stripes ye were healed.
American Standard Version (ASV) who his own self bare our sins in his body upon the tree, that we, having died unto sins, might live unto righteousness; by whose stripes ye were healed.
Bible in Basic English (BBE) He took our sins on himself, giving his body to be nailed on the tree, so that we, being dead to sin, might have a new life in righteousness, and by his wounds we have been made well.
Darby English Bible (DBY) who himself bore our sins in his body on the tree, in order that, being dead to sins, we may live to righteousness: by whose stripes ye have been healed.
World English Bible (WEB) who his own self bore our sins in his body on the tree, that we, having died to sins, might live to righteousness; by whose stripes you were healed.
Young's Literal Translation (YLT) who our sins himself did bear in his body, upon the tree, that to the sins having died, to the righteousness we may live; by whose stripes ye were healed,
Cross Reference Matthew 5:20 in Zaiwa 20 Ngò, nungmoq lé taí kôlé, nungmoq dingmán é hkyô má, haû Hparishe pé eq tarâ sará pé dingmán é htoq je a gyaú le gi, mauhkûng mingdán má, nungmoq wó wâng kó râ a nghut.
Matthew 8:17 in Zaiwa 17 Haû gi, "Yhang gi, nga-nhûng é nolì nojàng lé yu pyám byi mù, nga-nhûng é nolì nojàng lé, wùn waq pyám byi bê nghut ri." ga, myiqhtoi Esai-aq taî tô é dang lhoq dik râ matú nghut ri.
Matthew 27:26 in Zaiwa 26 Haú hkûn, Pilat gi, Barabaq lé nhâng byi bê nghut ri. Yesuq lé kúm gi, nhuq bat nhâng mù, tapzîng má jén sat pyám râ matú ap byî kat bê nghut ri.
Luke 1:74 in Zaiwa 74 Nga-nhúng lé gye pê loq mai hkyi yù râ eq, nga-nhúng asak dui tô é buinyì banshoq má, Yhâng é hí má a gyuq a kyum é za, chyoiyúng é eq dingmán é hkyô mai, Yhang lé wó dojaú nyî nhâng râ matú, Yhang jé lé é nghut lhê.
Luke 4:18 in Zaiwa 18 "Yhumsîng é Woi-nyí gi, ngá é ahtoq má nyi nyi ri; hkâsu mù gâ le, asho awuî é bang lé gabú danglù hkô kyo râ matú, Yhang ngo lé hkyin yù bê. Htóng lúng bang lé lhoq htoq râ hkyô eq, myoqjit bang lé myoq dum myàng nhâng râ hkyô hkô kyo râ matú le, zik zo huî é bang lé nhang kat nhâng râ eq,
John 1:29 in Zaiwa 29 Hau htang nyí, Yohan gi, yhâng chyáng Yesuq lé lo nyi é lé myàng luî, taî é gi, "Mingkan byu pê é yubak mara lé yu pyám byî é Garai Gasâng é Sauzo lé, wú keq!
John 19:1 in Zaiwa 1 Haû mù luî, Yesuq lé lâng she yù mù, nhuq bat râ matú, Pilat hkunmó hkyô ri.
Acts 5:30 in Zaiwa 30 Nga-nhûng é îchyí îwâ pê é Garai Gasang gi, nungmoq èq tapzîng má lhâng sat pyâm é Yesuq lé, shi e mai lhoq dui toq kat bê nghut ri.
Acts 10:35 in Zaiwa 35 Byù myû chângjup má, Yhang lé gyuq hkunggâ é eq tengmán é muzó jizó saî é sû gi, Yhang é hí má myoqdong wó nyi ri.
Acts 10:39 in Zaiwa 39 Haû mù, Yudaq byu pê é ming má le, Yerusalem wà mó má le, yhang zui saí bê muzó banshoq é saksê pé gi, ngamoq nghut nyi lhê. Haú yuq lé yhang, yhangmoq sik zîng má jén sat pyám bekô nghut ri.
Acts 13:29 in Zaiwa 29 Yhangmoq gi, yhang eq séng luî, kâ to má kâ to ban lhoq dik kôjáng, Yhang lé tapzîng mai yu hkyó mù, lup má kat tô akô nghut ri.
Romans 6:2 in Zaiwa 2 Haû su a nghut sháng gaq! Nga-nhúng gi, yubak mara eq shi gang bê bang nghut lhê; hkâsu mù haú má wó dui nyi lo râ lhú?
Romans 6:11 in Zaiwa 11 Haû eq rajung za, nungmoq gi, yubak mara eq shi gang luî, Hkrisduq Yesuq dông Garai Gasâng é matú asak dui nyi lhê nghû, sôn yù keq.
Romans 6:13 in Zaiwa 13 Nungmoq é gungdu showui showang pé lé, agè ashop hkyo é chûng zè pé dông yubak mara má hkâ-ap byî pyám kó, shî bê mai lhoq dui toq yû huî é bang su, yhumsing gùng yhumsîng, Garai Gasâng chyáng kúm ap byi keq; nungmoq é gungdu showui showang pé lé, dingmán hkyo é chûng zè pé dông, Garai Gasâng chyáng ap byi keq.
Romans 6:16 in Zaiwa 16 Nungmoq gi, rayuq yuq é jìno gyo râ matú, yhumsing gùng lé jùn pé dông ap pyâm é hkûn, shî-nò hui râ nghut é yubak marâ é jùn dông nghut kôlhang, dingmán hkyô wó râ nghut é jìno gyo hkyô nghut kôlhang, nungmoq châng nyi é nghut le gi, nungmoq, haû é jùn dut bê lé, a sé kó lhú?
Romans 6:22 in Zaiwa 22 Nghut kôlhang, ahkuî gi, nungmoq, yubak mara mai lhoq lhut é hui bekô nghut mù, Garai Gasâng é jùn dut bekô nghut ri; hau é akyû gi, chyoiyúng hkyô wó yu é nghut mù, ahtum abyuq é asak wó râ nghut lhê.
Romans 7:6 in Zaiwa 6 Nghut kôlhang, ahkuî gi, nga-nhúng lé up zing tô é jep é tarâ eq shi gang bê nghut mû, jep é tarâ mai lut bê nghut é yanmai, kâ tô é hkyô xau dông a nghut é za, Woi-nyí é hkyô sik dông nga-nhúng dojaú nyi é nghut lhê.
2 Corinthians 6:17 in Zaiwa 17 "Haû mù luî, yhangmoq chyáng mai htoq lô mù, gotû san za nyì keq. A sansêng é zè lé hkâzáng kó, haú hkûn, Ngò, nungmoq lé lhom hap yù râ nghut lhê." ga haû Yhumsîng taî ri.
Galatians 3:13 in Zaiwa 13 Haû Chyúmdang má, "Sik zîng má jén lhâng to huî é sû ó yuq nghut kôle, nhing pyâm é hui sû nghut ri." ga kâ tô é eq rajung za, Hkrisduq gi, nga-nhûng é matú nhing pyâm é hui sû dut bê nghut é yanmai, jep é tarâ mâ é nhîng é hkyô mai nga-nhúng lé hkyi yù bê nghut ri.
Ephesians 5:9 in Zaiwa 9 Haû Yhumsîng ô nau é hkyô haî nghut é lé ho htoq yû mù, maubó é yhangzô pé dông asak dui keq.
Philippians 1:11 in Zaiwa 11 nungmoq é chyitdap myit gi, tengmán é hpaqchyî eq wó sê é nyan banshoq má je riyhang kô jat lò sháng gaq nghû le, ngò kyûdûng nyi lhê.
Colossians 2:20 in Zaiwa 20 Nungmoq gi, Hkrisduq eq rahá, mingkan shî mâ é tarâ pé eq shi gang bekô nghut le nhîng, haî mù, haû eq sêng lhum nyi ashî kó lhú? "Hkâzui, hkâchyâm, hkâzáng." gâ é tarâ ô má nyi nyi ashi kó lhú?
Colossians 3:3 in Zaiwa 3 Hkâsu mù gâ le, nungmoq gi, shî bekô nghut luî, ahkuî, nungmoq é asak gi, Hkrisduq eq rahá, Garai Gasang má haq tô é hui bekô nghut ri.
Hebrews 7:26 in Zaiwa 26 Yesuq gi, chyoiyúng é sû, mara hûn râ hkyô a bo é sû, sân-yúng é sû, yubak dap bang eq rahá a nghut shoq gotû san kut huî é sû, mauhkûng pê ahtoq má lhoq toq lhoq gyaú yu huî é sû nghut ri. Haû sû é hkyangjong mó gi, nga-nhúng râ é lé lajang byi râ htuk ang ri.
Hebrews 9:28 in Zaiwa 28 Hkrisduq gi, byù myo myô é yubak mara lé yu pyám byi râ matú, radá za hkungga nhông é hui bê nghut ri. Haû mù, Yhang gi, yubak mara wun pyám byi râ a nghut lo é za, Yhang lé láng nyi é bang lé hkyi yù hkyô yu lé byi râ matú, htâng má í dâm nghû râ dàm htoq shit râ nghut lhê.
Hebrews 12:13 in Zaiwa 13 Hkyî hten bang a wó sô é a dut shoq, lhoq gê byî é wó hui kó sháng gaq, nungmoq so râ matú, hkyô lhoq nyhang nyì keq.
James 5:16 in Zaiwa 16 Haû mù luî, nungmoq lhoq ge é hui kó sháng gaq, nungmoq é yubak mara lé rayuq eq rayuq yín lhum mù, kyûdung byî lhûm nyì keq. Dingmán su é kyûdung dang gi, wó dut nhâng râ a-tsam wum-o myo myo bo nyi ri.
1 Peter 4:1 in Zaiwa 1 Haû mù luî, Hkrisduq gi, Yhâng é gungdu má hpuzo bê nghut é yanmai, nungmoq le, Yhang i-myit sâmlai hau èq yhumsing gùng má gyehking dông wut to keq, haî mù gâ le, yhâng é gungdu má hpuzo bê sû gi, mara eq gang bê nghut ri.
1 John 2:29 in Zaiwa 29 Yhang gi, dingmán sû nghut é lé, nungmoq sé bê yanmai, dingmán hkyô lé kut é sû ó yuq nghut kôle, Garai Gasang mai hkû kat é sû nghut é hkyô lé, nungmoq sê akô nghut ri.
1 John 3:7 in Zaiwa 7 Chyitdap é zo wuî ê, nungmoq lé ó yuq èq le hkyô a shuî nghoq kó sháng gaq; Yhang gi, dingmán é eq rajung za, dingmán é hkyô lé kut é sû ó yuq nghut kôle, dingmán nyi ri.
Revelation 22:2 in Zaiwa 2 Wuìlàng í hpoq é má, ashi raxe í myû zuî é asak shigâm yuq tô é nghut luî, lhohkyap hkangmó ashi zuî ri. Hau htoq agó, shigâm haú pé mâ é ahaq pé gi, byù myû pé lé yâ gè râ matú nghut ri.