Philippians 2:14 in Yucuna

14 Piyuque nacaje ila'ajica quehuá aca'aniya pamanáchaca. Aca'ácaniyo caja pajhua'atéchaca rijimaje.

Other Translations

King James Version (KJV)

Do all things without murmurings and disputings:

American Standard Version (ASV)

Do all things without murmurings and questionings:

Bible in Basic English (BBE)

Do all things without protests and arguments;

Darby English Bible (DBY)

Do all things without murmurings and reasonings,

World English Bible (WEB)

Do all things without murmurings and disputes,

Young's Literal Translation (YLT)

All things do without murmurings and reasonings,

Cross Reference

Matthew 20:11 in Yucuna

11 Raú naqui'ichá paminá maná.

Mark 9:33 in Yucuna

33 E caja nephá pajimila Capernaum ejo. Re namujlúca'a pají chojé. Ejomi Jesús quemari najló: —¿Na nacú ipuri'ichó huachiri'ichaco nacú?

Mark 14:5 in Yucuna

5 Cahuemini huani ilé caje jilá. Ro'oquela ajopánajlo ricá, na'ájla rojló rihuemí cajrú huani liñeru, ro'ocáloje camu'ují la'acaño ñaté raú penaje —que nemacá pajlocaca. Cajrú naca'acá rumaná.

Acts 6:1 in Yucuna

1 Ehuá richaje íqui'ica Jesucristo ja'apiyá jema'ajeño i'imacá. Judíona ne'emacá. Ne'iyajena pura'aqueño griego pura'acó chu. Ajopana pura'aqueño napura'acó chu, hebreo pura'acó chu. Eyá griego pura'acó chu pura'ajeño aca'añó hebreo pura'acó chu pura'ajeño maná. Nemá nanacu marí que: —Hue'echú ca'alá queja natamáca'ataca aú huajló a'ajnejí, uncá rejenohuaja calé natamáca'ataca huajló ricá. Huanaquiyana ihuacajílominajlo na'á huejápaja. Eyá nanaquiyana ihuacajílominajlo na'á ñó'ope —que nemacá nanacu.

Acts 15:2 in Yucuna

2 E Pablo, Bernebé, quele quemaño najló: —Uncá quehuaca calé quele imá nacú. Marí caje jimaje cajrú huani naca'ácaco pajhua'atéchaca. Uncá huani napechu pala'aló. Ñaqué i'imacale Jesucristo hua'atéjena huacára'año Pablo, Bernabé, ajopana nanaquiyana hua'até Jerusalén ejo, re napura'acóloje Jesucristo huacára'acarena hua'até rinacu penaje. Napura'acóloje caja Jesucristo hua'atéjena huacára'ajeño hua'até rinacu rejo penaje nahuacára'a necá rejo.

Acts 15:7 in Yucuna

7 Júpija napura'acó pajhua'atéchaca rinacu. E caja Pedro tára'aro ne'iyá, rimá najló: —Nojena, ihue'epí júpimi que Tupana huacára'aca nucá e'iyayá, nu'umacáloje riyucuna ajopánajlo penaje. Méqueca Tupana i'imataca iná capichácajo liyá yucuna nu'umá najló, nema'acáloje Jesucristo ja'apiyá raú penaje. Uncá judíona calé necá nu'umacárenajlo riyucuna.

Acts 15:39 in Yucuna

39 Bernabé huátari huani rihuá'acana najhua'ató. E'iyonaja uncá Pablo huátala. Rijimaje naca'ácaco cajrú pajhua'atéchaca. Raú na'apá paliyácaca. Eyá Bernabé huá'ari rijhua'ató Juan Marcos. E caja nahuitúca'a huapuru chojé. Ne'ejná ají que Chipre te'eré ejo.

Romans 12:18 in Yucuna

18 Ila'á ipechu ejé, i'imacáloje palá piyuqueja ina'uqué hua'até penaje.

Romans 14:1 in Yucuna

1 Re ca'ajná ajopana, nahuata ijhua'até jahuacácano. Caphí péchuruna Jesucristo chojé necá. E'iyonaja uncá jo'ó ca'ajná nahue'epila palá naca palani, iná la'acáloje penaje. Imá najló, nahuacácoloje ijhua'até penaje. I'imá najhua'até palá. Aca'ácaniyo najhua'até, uncale ipechu que calé napechu.

Romans 16:17 in Yucuna

17 Nojena, nuhuata ihue'epica palá marí: Eco amá palá icó, amácaloje mecajenaca ina'uqué apichátaca ina'uqué pajlocaca. Ihue'epí mecajenaca ja'apátaño ina'uqué palani puráca'aloji chiyá. Uncá nehuíña'atala ina'uqué ricá puráca'aloji nacú ihue'epícare.

1 Corinthians 1:10 in Yucuna

10 Nojena, Jesucristo puráca'alo aú numá ijló marí que: I'imá pajluhuaja queja pajhua'atéchaca. I'imaniya ajopana que paliyácaca. Nacaje i'ijnatácare nacú ipéchuhua, i'imacáloje pajluhuaja queja caja ijló penaje. Marí queja i'imajica aú, nacaje i'ijnatácare nacú ipéchuhua i'imajeri pajluhuaja chuhuá. Ñaqué caja nacaje ihue'epícare itucumó, i'imajeri ijló pajluhuaja queja caja.

1 Corinthians 3:3 in Yucuna

3 Ipechu queja i'imacaño icá. Aú ila'á nacaje ijluhua ihuátaca que. Chapú ihuó i'imacá ajopana ina'uqué cha, nachá'atacale icá nacaje la'acana aú. Icá aca'ácaño pajhua'atéchaca. Ajopana que ila'acá panacuhuácaca. Marí caje aú iná hue'epí ipechu queja la'acaño icá. Ina'uqué uncá jema'alaño Tupana ja'apiyá que caja icá pajhua'atéchaca.

1 Corinthians 10:10 in Yucuna

10 Nanaquiyana aca'añó Tupana maná, pachá rihuacára'a pajluhuaja rijhua'ateje, je'echú chiyaje, nenótaje i'imacá.

2 Corinthians 12:20 in Yucuna

20 Nuphájica rejo huacajé, uncá ca'ajná nomálaje ila'acá palá nuhuátaca que. Uncá caja ca'ajná amálaje nula'acá ihuátaca que. Apala nomaje ca'ajná icá aca'ácaco pajhua'atéchaca. Apala nomaje ca'ajná chapú ihuó i'imajica pachácaca, inaquiyana chá'atacale icó. Nomaje ca'ajná iyúcha'aco pachácaca. Nomaje ca'ajná inaquiyana la'acá napechu queja huani nacaje necámica que. Noma'ajé ca'ajná ichapújra'aco panacuhuácaca. Noma'ajé ca'ajná ipura'acó pu'uhuaré panacuhuácaca. Nomaje ca'ajná inaquiyana la'acá necó chá'atajeño que e'iyohuá. Nomaje ca'ajná uncá paala i'imacá pajhua'atéchaca. Marí cajé cahuíla'ari nunacu.

Galatians 5:15 in Yucuna

15 E'iyonaja uncá ñaqué calé ca'ajná ijló ricá. Icá la'añó chapú pecohuácaca. Chapú ipura'acó caja panacuhuácaca. Camejérina i'imacá pajhua'atéchaca que caja icá pajhua'atéchaca. ¡Pa! Apichátajica pecohuácaca.

Galatians 5:26 in Yucuna

26 Huala'aniya huanacuhuá ajopana chá'atajeño que. Uncá caja huayúcha'alajo pachácaca. Huahuó i'imaniya caja chapú ajopana ina'uqué cha, nachá'atacale huecá nacaje la'acana aú.

Ephesians 4:31 in Yucuna

31 Ica'á inaquiyó quele la'arí ima'á ipechu. Ica'á inaquiyó iyuchá jahuíyo'ocare aú cajrú. Ila'aniya ajopana ina'uqué uncá ina'uquélaruna que. Iyurí iliyó chapú ipechu i'imacare ajopana ina'uqué nacú.

Philippians 2:3 in Yucuna

3 Ila'aniya nacaje ijlúhuaja calé. Ila'aniya caja nacaje, ila'acáloje inacuhuá chá'atajeño que huani raú penaje. Ila'á inacuhuá ajopana ja'apejé que i'imacaño. Marí que ipechu i'imacá pajluhuano, pajluhuano que inacuhuá: “Apú hue'epiri nuchaje” que.

1 Thessalonians 5:13 in Yucuna

13 Ipechu i'imá caja palá amájeño nacú. Ihuata caja necá íqui'ija, nala'acale nasápaca'ala Tupana a'acare najló i'imacá. I'imá caja palá pajhua'atéchaca.

1 Thessalonians 5:15 in Yucuna

15 Ajopana ina'uqué ca'ajná la'añó icá chapú. Pa. Ipura'aniyo ile'ejé jacumi nacú ñaqué caja nala'acana aú. Eyá marí que ila'ajica: Palá ila'ajica pecohuácaca. Piyuqueja ina'uqué ila'ajé palá.

1 Timothy 6:3 in Yucuna

3 Re ne'iyajena, uncá Jesucristo puráca'alo chuhuá calé nehuíña'ata ina'uqué Tupana nacú. Marí que nala'acá aú nala'á nanacuhuá hue'epiño que huani. Uncá na calé nahue'epí. Huéchiruna necá ajopana hua'até aca'ácacano nacú. Meque quemacánaca puráca'aloji jimaje naca'ácaco pajhua'atéchaca. Pachá napechu i'imacá chapú nachá'atajeño nacú. Marí que nala'acá aú uncá paala ne'emacá pajhua'atéchaca. Pu'uhuaré caja napura'acó panacuhuácaca. Uncá ina'uquélaruna que napechu i'imacá panacuhuácaca.

Hebrews 12:14 in Yucuna

14 Ila'á mahuó icó, i'imacáloje palá piyuqueja ina'uqué hua'até penaje. Ila'á caja mahuó icó, ila'acá piyá pu'uhuaré, imanaicho, i'imacáloje palá la'acaño penaje. Uncá na i'imalaje Tupana hua'até, la'arí pu'uhuaré, rimanaicho.

James 1:20 in Yucuna

20 Yúcha'acajo aú uncá iná i'imalá palá. Uncá caja iná la'alá Tupana huátaca que raú.

James 3:14 in Yucuna

14 Marí que ca'ajná icá: Chapú ca'ajná ihuó ajopana ina'uqué cha, nachá'ataca aú icá. Ajopana chá'atacana ca'ajná ihue'epí itucumó. Marí cajena i'imacachu, ipechu i'imaniya inacuhuá: “Palani puráca'aloji ja'apiyá i'imacaño huecá” que. Uncá hue'epícachina calé icá. Pajlácachina icá.

James 5:9 in Yucuna

9 Nojena, aca'aniya pamanáchaca, Tupana huajaca piyá icá. Tupana quemájeri piyuque ina'uqué nacú méqueca rijló piyuque nacaje nala'acare, marí eja'ahuá chu ne'emacá quetana. Yehuicha huani riphaca rená chojé, ñaqué ri'imacáloje penaje.

1 Peter 3:11 in Yucuna

11 Iná yurí caja pu'uhuaré la'acana iná liyó. Palá la'acánaja iná hue'epí iná tucumó. Iná huata caja ina'uqué hua'até i'imacana palá. Marí que i'imacana nacuja iná i'ijnataca iná péchuhua.

1 Peter 4:9 in Yucuna

9 Marí que ila'ajica pecohuácaca: Imá ya'ajnaya iphácañojlo, nayurícoloje iñacaré chu ijhua'até penaje. Aca'aniya caja pamanáchaca raú.

Jude 1:16 in Yucuna

16 Ileruna achiñana, numacárena nacú, cayucújne'equena huani necá. Majopeja naca'acá ajopana maná. Majopeja caja nala'acá necá uncá ina'uquélaruna que. Nala'á necó mahuó nacaje nahuátacare nacojé. Nanacuhuaja calé napura'ó palá. Majopeja napura'acó ajopana ina'uqué jimá chojé palá, napechu i'imacáloje palá nanacu raú penaje, nala'acáloje najló nacaje raú penaje.