Luke 3:36 in Yucuna

36 Salami chu i'imari Cainánmi chu i'irimi. Cainánmi chu i'imari Arfasadmi chu i'irimi. Arfasadmi chu i'imari Semi chu i'irimi. Semi chu i'imari Noémi chu i'irimi. Noémi chu i'imari Lamecmi chu i'irimi.

Other Translations

King James Version (KJV)

Which was the son of Cainan, which was the son of Arphaxad, which was the son of Sem, which was the son of Noe, which was the son of Lamech,

American Standard Version (ASV)

the `son' of Cainan, the `son' of Arphaxad, the `son' of Shem, the `son' of Noah, the `son' of Lamech,

Bible in Basic English (BBE)

The son of Cainan, the son of Arphaxad, the son of Shem, the son of Noah, the son of Lamech,

Darby English Bible (DBY)

of Cainan, of Arphaxad, of Sem, of Noe, of Lamech,

World English Bible (WEB)

the son of Cainan, the son of Arphaxad, the son of Shem, the son of Noah, the son of Lamech,

Young's Literal Translation (YLT)

the `son' of Salah, the `son' of Cainan, the `son' of Arphaxad, the `son' of Shem, the `son' of Noah, the `son' of Lamech,

Cross Reference

Luke 17:27 in Yucuna

27 Noémi chu i'imaqué huacajé, Tupana huacára'ari cajrú juni ja'acó, pu'uhuaré la'ajeño capichácoloje racojé penaje. Uncá chiyó cajrú juni ja'acó, ina'uqué la'aqueño marí que: Na'ajnehuá ajñacana nacú, nacaje jalá i'iracana nacú ne'emaqué. Huá'acacajo nacú ne'emaqué. Na'aqué caja nayani pajlocaca, nahuá'acacoloje penaje. Marí caje nacú ne'emaqué. E'iyá Noémi chu mujlúca'ari rihuapúrune chojé. Ejéchami mana'í chiyó nacapichaco.

Hebrews 11:7 in Yucuna

7 Ñaqué caja Noémi chu pechu i'imajica caphí Tupana chojé. Ñaquele ra'aqué rinacojó Tupana quemacá rijló que. Rimá rijló nacaje nacú, uncá chiyó ri'imá. Uncá caja ramácana i'imalá rihuacajé. E'iyonaja calé rema'á ra'apiyá. Eyá ajopana, uncá jema'alaño ra'apiyá rijhua'até, capichaño i'imacá. Noémi chuja calé jema'arí Tupana ja'apiyá. Ñaquele rila'á huapuru ñópo'ojlo huani i'imacá. Richojé ricá, riyajalo, riyani, queleja i'imañó capichácajo liyá. Eyá ajopana, uncá jema'alaño Tupana ja'apiyá, capichaño. Tupana quemari Noémi chu nacú: “Palani nojló ricá.” Marí que rimacá rinacu, ripechu i'imacale richojé caphí.

1 Peter 3:20 in Yucuna

20 Júpimi i'imacaño eja'ahuá chu, péchumi i'imari re. Uncá nema'alá Tupana ja'apiyá i'imacá. Noémi chu i'imaqué huacajé, ri'imaqué najló Tupana puráca'alo yucuna. Uncá nema'aqué ra'apiyá. E'iyonaja calé Tupana ña'arí necá panacu, Noémi chu la'acá huapuru quetana. Mequeleja i'imaño Noémi chu hua'até rihuapúrune chu cajrú juni ja'acó huacajé. Noémi chu huapúrune chu i'imacaño, queleja calé i'imañó capichácajo liyá. Hueji que cuhuá'ata queleja ne'emacá piyuque. Queleja calé i'imañó capichácajo liyá rijhua'até i'imacá.

2 Peter 2:5 in Yucuna

5 Uncá caja Tupana amalo júpimi i'imacáñomi chuna chaje, pu'uhuaré nala'acare liyá i'imacá. Noémi chu i'imari riyucuna najló i'imacá, nala'acáloje palá pecohuácaca raú penaje. E'iyonaja uncá nema'aqué ra'apiyá. Aú calé Tupana huacára'ari cajrú juni ja'acó, ricapichátacaloje piyuqueja pu'uhuaré la'acaño raú penaje. Méqueleja calé ri'imatá capichácajo liyá i'imacá. Noémi chu, rijhua'até i'imacaño, queleja ri'imatá i'imacá. Iyamá cuhuá'ata queleja rijhua'até i'imacaño i'imacá. Necaja calé ri'imatá capichácajo liyá i'imacá.