1 Timothy 6:16 in Yucuna 16 Ricaja calé pajluhuaja, uncá tajnácajo penaje calé i'imacá ricá. Mejáma'atani e'iyá ricá. Uncá na calé i'ijnárijla rejo. Uncá caja ina'uqué amálare ricá; uncá meque la'ajé iná amala ricá. Marí que i'imacá ricá. Palá napura'ajico rinacu hua'ajini huani. Piyuqueja nacaje la'ajeri caja ri'imajica hua'ajini huani.
Other Translations King James Version (KJV) Who only hath immortality, dwelling in the light which no man can approach unto; whom no man hath seen, nor can see: to whom be honour and power everlasting. Amen.
American Standard Version (ASV) who only hath immortality, dwelling in light unapproachable; whom no man hath seen, nor can see: to whom `be' honor and power eternal. Amen.
Bible in Basic English (BBE) Who only has life for ever, living in light to which no man may come near; whom no man has seen or is able to see: to whom be honour and power for ever. So be it.
Darby English Bible (DBY) who only has immortality, dwelling in unapproachable light; whom no man has seen, nor is able to see; to whom [be] honour and eternal might. Amen.
World English Bible (WEB) who alone has immortality, dwelling in unapproachable light; whom no man has seen, nor can see: to whom be honor and eternal power. Amen.
Young's Literal Translation (YLT) who only is having immortality, dwelling in light unapproachable, whom no one of men did see, nor is able to see, to whom `is' honour and might age-during! Amen.
Cross Reference John 1:18 in Yucuna 18 Uncá na calé amari Tupana i'imacá. Ri'irí huani, pajluhuaja ricá. Rara'apá pechu que caja ripechu. Ricá i'imari huajló riyucuna. Ri'imá riyucuna huajló, Tupana ahua'á huani ri'imacale.
John 6:46 in Yucuna 46 Uncá na calé amari Tupana. Nucaja calé amari ri'imacá, reyaje nu'umacale.
John 8:58 in Yucuna 58 Jesús quemari najló: —Jema'á marí: Nucá i'imari pamineco, uncá chiyó Abrahami chu i'imá —que Jesús quemacá najló.
John 14:9 in Yucuna 9 Jesús quemari rijló: —Felipe, ijhua'até po nucá júpicha huani. ¿Uncá chi pihue'epila na ina'uqueca nucá? Amari nucá, amari caja Nora'apá, Tupana. Eta, ¿Naje pimá nojló ilé que?
Romans 16:25 in Yucuna 25 Palani huapura'acó Tupana nacú palá. Ricá hue'epiri huapechu lamá'atacana, huapechu yurícoloje palani puráca'aloji chuhuaja penaje. Nucá ja'apátari ijló Jesucristo puráca'alo i'imacá. Tupana i'imataca rijluhua ina'uqué capichácajo liyá yucuna nu'umá ijló i'imacá. Tupana a'arí riyucuna pu'uhuacajé i'imacá. Uncá chiyó eja'ahuá i'imá, marí que la'acana i'imari Tupana pechu nacú i'imacá. Micho'ojneji queja riyucuna i'imacá ina'uqué liyá.
Ephesians 3:21 in Yucuna 21 Palánijlaca ina'uqué pura'acojla Tupana nacú palá huani hua'ajini huani, ri'imatácale rijluhua ina'uqué Jesucristo palamane aú. Palá rila'acá ra'apiyá jema'ajeño nacú. Aú piyuqueja ina'uqué amaño méqueca palá huani rila'acá. Ya'ajnájojena i'imajícaño amájeño caja méqueca rila'ajica ra'apiyá jema'ajeño palá.
Philippians 4:20 in Yucuna 20 Tupana palamane huecá. Huara'apá huani ricá. Nuhuata ina'uqué pura'acó rinacu palá huani hua'ajini huani. Marí queja nuhuátaca ricá.
Colossians 1:15 in Yucuna 15 Uncá iná amálare ricá, Tupana. Ri'irí Jesucristo, Rara'apá queja caja ripechu. Ina'uqué amácare ri'imacá. Piyuque nacaje Tupana queño'ótacare, chaje i'imacá Ri'irí. Uncá chiyó nacaje i'imá, Ri'irí i'imari.
1 Timothy 1:17 in Yucuna 17 Ñaquele nuhuata piyuque ina'uqué quemacá nujhua'até marí que Tupana nacú: “Palani huani ricá. Palá rila'acare nacú napura'ajó hua'ajini huani. Hue'emacana huani ricá. Uncá tajnácajo penaje calé ricá; i'imajeri huani penaje ricá. Uncá caja iná amálare ricá. Pajluhuaja calé ricá Tupana, Ina'uqué Chi'ináricana.” Marí queja ricá.
Hebrews 13:8 in Yucuna 8 Júpimi Jesucristo i'imacá. Ñaqueja caja ricá me'etení. Ñaqueja caja ri'imajica. Uncá rapiyácala ripuráca'alo.
1 John 1:5 in Yucuna 5 Tupana yucuna, Jesucristo i'imacare huajló i'imacá yucuna, hua'apata piño ijló. Ricá quemari Tupana nacú: “Palá huani la'acá ricá. Uncá huani rila'alá pu'uhuaré. Uncá huani rihue'epila pu'uhuaré la'acana.”
Jude 1:25 in Yucuna 25 Rila'ajé pu'ují huapechu hue'emajica rijimaje huacajé. Palani huani ricá. Ñaquele palani ina'uquejlo ricá, napura'acóloje palá nacaje rila'acare nacú penaje. Ajopana chaje huani ricá. Rihue'epí piyuqueja nacaje la'acana. Ajopana chaje huani huacára'ajeri caja ricá. Caja queja Tupana i'imacá júpimi; ricá chuhuá caja ricá me'etení; ricá chuhuaja caja ri'imajica. Maáreje riyucuna tajnaro.
Revelation 1:6 in Yucuna 6 Ra'á caja huecá Tupana le'ejena ina'uqué penaje, rihuacára'acaloje huecá, huala'acáloje nacaje Rara'apájlo rihuátaca que penaje. Palá huapura'ajico Jesucristo nacú hua'ajini huani. Uncá caja rácho'olajo ina'uqué huacára'ajeri i'imacana chiyá. Marí queja ri'imajica.
Revelation 1:8 in Yucuna 8 Huahuacára'ajeri huani Tupana; Huachi'ináricana caja ricá. Piyuque nacaje la'ajeri caja ricá. Marí que rimacá rinacuhuá: “Piyuqueja nacaje queño'ótajeri nucá; piyuqueja nacaje tajátajeri caja nucá,” que rimacá rinacuhuá. Júpimi huani i'imacá Tupana; ñaqueja caja ricá me'etení. Eyá ñaqueja caja ri'imajica maáreya huatucumajo.
Revelation 1:16 in Yucuna 16 Riyáte'ela ca'añá aú ripatá iyamá cuhuá'ata quele ihuijina. Rinuma chiyá nomá caja sajalu caje jácho'oco. Iyamajo pumitano irerí ri'imacá; pu'uhuení huani ri'imacá. Nomá caja rijimá moco'ocá. Camú moco'ocá caápu'ucu que caja rijimá moco'ocá.
Revelation 4:11 in Yucuna 11 “Huahuacára'ajeri, caphí huapechu i'imacare chojé picá. Picaja calé palani, huemacáloje pinacu palá penaje. Picaja calé palani, huapechu i'imacáloje pinacu palá penaje. Picaja calé hue'epiri piyuque nacaje la'acana. Picaja caja calé queño'ótari piyuqueja nacaje i'imacá. Picaja caja calé a'arí nacaje pu'uhuacajé ina'uquejlo, pipechu nacú ri'imacá queja. Cajmuchaji a'ajeri caja picá.”
Revelation 7:12 in Yucuna 12 Nemá: “Marí queja ricá: Palani Tupana, huapura'acóloje palá huani rinacu penaje. Palá rila'acare huecá yucuna hue'emá caja rijló. Piyuqueja nacaje nacojé hue'epéjeri ricá. Palá ina'uqué pechu i'imacare nacú caja ricá. Piyuqueja nacaje la'ajeri caja ricá. Piyuqueja caja rihue'epica nacaje la'acana. Marí queja Tupana, huapechu i'imacare chojé caphí, matajnaco i'imacá ricá —que nemacá Tupana nacú.
Revelation 21:3 in Yucuna 3 E noma'á apú quemacá caphí marí que Tupana i'imacá eyá: “Iyacá'o. Chuhua Tupana i'imajica ina'uqué hua'até. Rile'ejena ina'uqueja ne'emajica. Tupana yuréjero caja najhua'ateja.
Revelation 22:5 in Yucuna 5 Uncá lapí i'imalaje re, uncá caja camú i'imalaje re, uncá caja nacamaré i'imalaje re; uncá na penaje calé ricá najló, Tupana i'imajícale mejáma'atani que najló re. Nahuacára'ajeri ricá. Rijhua'atéjena huacára'ajeño i'imajeño caja rijhua'até. Matajnaco ne'emajica rijhua'até.