Zephaniah 3:13 in Yalunka 13 Isirayila muxu dɔnxɛne mi fa tinxintareyaan nabama sɔnɔn. E mi wule falama. E mi yanfa falane tima. E na e yigiyaden li waxatin naxan yi muxu yo mi e yigbɛtɛnɲɛ mɛnni.
Other Translations King James Version (KJV) The remnant of Israel shall not do iniquity, nor speak lies; neither shall a deceitful tongue be found in their mouth: for they shall feed and lie down, and none shall make them afraid.
American Standard Version (ASV) The remnant of Israel shall not do iniquity, nor speak lies; neither shall a deceitful tongue be found in their mouth; for they shall feed and lie down, and none shall make them afraid.
Bible in Basic English (BBE) The rest of Israel will do no evil and say no false words; the tongue of deceit will not be seen in their mouth: for they will take their food and their rest, and no one will be a cause of fear to them.
Darby English Bible (DBY) The remnant of Israel shall not work unrighteousness, nor speak lies; neither shall a deceitful tongue be found in their mouth: but *they* shall feed and lie down, and none shall make them afraid.
World English Bible (WEB) The remnant of Israel will not do iniquity, nor speak lies, neither will a deceitful tongue be found in their mouth, for they will feed and lie down, and no one will make them afraid."
Young's Literal Translation (YLT) The remnant of Israel do no perversity, nor speak lies, Nor found in their mouth is a deceitful tongue, For they have delight, and have lain down, And there is none troubling.
Cross Reference Psalm 23:2 in Yalunka 2 A matabuden fi n ma sɛxɛ ɲingi faɲin dɛnaxan yi. A yi siga n na ige xunbenla dɛxɔn ma.
Psalm 119:3 in Yalunka 3 E mi fe ɲaxin ligan mumɛ! E sigan tima Alaa kiraan xɔn ma.
Isaiah 6:13 in Yalunka 13 Xa muxune yatɛn yaganna ɲɔxɔn na lu yamanani, tɛɛn mɔn xɛtɛma nɛn na raxɔrideni. Koni wudi gbeene dungine nun wari dungine luma bɔxɔni kii naxan yi e na sɛgɛ waxatin naxan yi, bɔnsɔn sariɲanxina nde fan luma yamanani na kii nin alo wudi dungin naxan sa maɲingima.
Isaiah 10:20 in Yalunka 20 Na lɔxɔni, Isirayila yamaan muxu dɔnxɛn naxanye na lu e nii ra Yaxuba bɔnsɔnni, ne mi fa e lannantenyaan sama e ɲaxankata muxune yi sɔnɔn. E fa e lannayaan sama Alatala nin, Isirayilaa Ala Sariɲanxina.
Isaiah 11:6 in Yalunka 6 Nayi, kankon nun yɛxɛɛ diin luma nɛn e bode xɔn, burunna ɲarin nun siin yi e sa yire kedenni, turadin nun yatan nun xuruse turaxin yi lu e bode xɔn, diidina nde yi ti e yɛɛ ra.
Isaiah 17:2 in Yalunka 2 Aroyeri yamanan taane luma nɛn nabeɲinxi e findi xuruseene konna ra. E luma nɛn na, muxu yo mi e yigbɛtɛnma.
Isaiah 35:8 in Yalunka 8 Kira gbeen luma mɛnna nin naxan xili bama a “Sariɲanna Kirana.” Muxu haramuxine mi sigan tima a xɔn fɔ a xa findi ne nan gbee ra naxanye na bira a fɔxɔ ra. Xaxilitare yo mi na xɔn sigɛ.
Isaiah 54:14 in Yalunka 14 Ɛ sabatima nɛn tinxinyani. Ɲaxankatan masigama ɛ ra nɛn. Ɛ mi fa gaxuma sese yɛɛ ra, gaxun masigama ɛ ra nɛn, a mi fa a masoma ɛ ra.
Isaiah 60:21 in Yalunka 21 Nayi, tinxin muxune nan tun fa luma ɛ yamanani, yamanan findima nɛn e gbeen na habadan. E tan findima nɛn n ma sansi sonla ra, n naxan sixi n yiine ra, alogo e xa n ma binyen makɛnɛn.
Isaiah 63:8 in Yalunka 8 Bayo, a bata yi a fala, a naxa, “N ma yamaan nan e ra yati, n ma diin naxanye mi n yanfɛ!” A yi findi e rakisimaan na.
Isaiah 65:10 in Yalunka 10 Sarɔn yamanan yi findi xuruse rabaden na, Akori lanbanna yi findi ɲinge kurune saden na n ma yamaan xa naxan n fenma.”
Jeremiah 23:4 in Yalunka 4 N yi yɛɛratine lu e xun na naxanye e masuxuma ki faɲi, naxanye mi fa gaxuɛ, e mi yilanyilanɲɛ. N ma yamaan muxu yo mi dasɛ e ra.” Alatalaa falan nan na ra.
Jeremiah 30:10 in Yalunka 10 Alatalaa falan ni ito ra, a naxa, ‘Ɛ tan Yaxuba yixɛtɛne, n ma walikɛne, ɛ nama gaxu, Isirayila kaane, ɛ nama kuisan! Bayo, n na ɛ rakisima nɛn, n yi sa ɛ ba yire makuyeni, n yi ɛ bɔnsɔnna ba yamanani e sa konyiyani dɛnaxan yi. Yaxuba bɔnsɔnna muxune mɔn xɛtɛma nɛn, e yi lu maraxaran nun bɔɲɛ xunbenli. E mi fa yimaxɛ sɔnɔn!
Jeremiah 31:33 in Yalunka 33 “Koni layirin ni i ra, n naxan xidima nxu nun Isirayila yamaan tagi.” Alatalaa falan ni ito ra, a naxa, “Na waxatin na dangu, n na n ma sariyane sama nɛn e xaxinli, n yi e sɛbɛ e bɔɲɛni. N findima nɛn e Ala ra, e yi findi n ma yamaan na.
Ezekiel 34:13 in Yalunka 13 N na e raminima nɛn siyane yɛ, n yi e malan sa keli yamana wuyaxi yi, n yi e xali e yamanani. N na n yengi dɔxɔma nɛn e xɔn Isirayila geyane fari, e nun xudene dɛ e nun yamaan dɔxɔdene birin yi yamanani.
Ezekiel 34:23 in Yalunka 23 N xuruse raba keden pe dɔxɔma nɛn e xun na, naxan e rabama, n ma walikɛɛn Dawuda. A e masuxuma nɛn, a yi findi e yɛɛratiin na.
Ezekiel 36:25 in Yalunka 25 N na ɛ rasariɲanma nɛn ige sariɲanxin na, n yi a xuya ɛ ma, ɛ yi rasariɲan. N na ɛ rasariɲanma nɛn ɛ fe xɔsixine nun ɛ suxure feene birin ma.
Ezekiel 39:26 in Yalunka 26 Nayi, e ɲinanma nɛn e yagin xɔn e nun e tinxintareyaan naxanye birin ligaxi n na. E mɔn luma nɛn makantanni e bɔxɔni, muxune mi fa e yimaxama.
Micah 4:4 in Yalunka 4 Birin dɔxɔma nɛn a manpa binla nun a xɔdɛ binla bun, muxu yo mi fa e magaxu, amasɔtɔ Alatala Sɛnbɛn Birin Kanna bata falan ti.
Micah 4:7 in Yalunka 7 N sankalatɔne findima n ma yama dɔnxɛn na nɛn. Naxanye yi xuyaxi ayi, na muxune yi findi siya sɛnbɛmaan na. Alatala dɔxɔma nɛn e xun na Siyon geyani keli na waxatin ma han habadan.
Micah 5:4 in Yalunka 4 A tan yɛtɛɛn nan findima e bɔɲɛ xunbenla ra. Asiriya kaane na fa en ma bɔxɔni e yi so en ma manga banxine kui, en yɛɛrati solofere nan nakelima e xili ma hali yamaan kuntigi solomasɛxɛ.
Micah 7:14 in Yalunka 14 I ya yamaan nagbɛngbɛn i ya dunganna ra, i kurun naxan sɔtɔxi i kɛɛn na, naxan sa dɔxi a danna burunna ra sɛxɛ faɲi yireni. E yi e dɛge Basan nun Galadi yi alo lɔxɔ danguxine.
Zephaniah 2:7 in Yalunka 7 Mɛnne findima nɛn Yuda muxu dɔnxɛne gbeen na. E yi e xuruseene raba na. Ɲinbanna ra, e sa e sa Asikalɔn kaane banxine kui. Bayo, Alatala, e Ala, e malima nɛn, Ala yi e muxune raxɛtɛ e ma naxanye yi suxi yɛngɛni.
Zechariah 14:20 in Yalunka 20 Na lɔxɔni, hali talandin naxanye singanxi soone ra a sɛbɛma nɛn ne ma fa fala: “A Sariɲanxi Alatala xa.” Tunden naxanye Alatalaa banxini ne fan yatɛma nɛn se rasariɲanxine ra alo saraxa ganden goronne.
Matthew 13:41 in Yalunka 41 N tan Muxuna Dii Xɛmɛna, n nan n ma malekane rasigama nɛn. Naxanye birin muxune birama tantanni e nun fe ɲaxi rabane birin, malekane ne malanma nɛn, e yi e ba n ma Mangayani.
John 1:47 in Yalunka 47 Yesu Nataniyɛli to fɛ a fɛma waxatin naxan yi, a naxa, “Isirayila kaan yɛtɛɛn nan ito ra! Yanfa mi naxan ma fe yi!”
Romans 11:4 in Yalunka 4 Ala a yabi di? A naxa, “N bata muxu wuli solofere ramara n yɛtɛ xa naxanye mi e xinbi sinxi Baali suxuren bun ma.”
Colossians 3:9 in Yalunka 9 Ɛ nama wulen fala ɛ bode xa amasɔtɔ ɛ bata muxuya fonna yiiba e nun a kɛwanle.
1 Peter 3:14 in Yalunka 14 Koni hali ɛ tɔrɔ ɛ wali faɲine fe ra, sɛwan nan na ra ɛ xa. E gaxu naxan yɛɛ ra, ɛ nama gaxu na yɛɛ ra, ɛ nama kuisan.
1 John 3:9 in Yalunka 9 Naxan barixi Ala yi, na mi luyɛ yulubin ligɛ amasɔtɔ Ala sɛnbɛn bata lu a tan yi, a mi nɔɛ luyɛ yulubin ligɛ, bayo a barixi Ala nin.
1 John 5:18 in Yalunka 18 En na a kolon fa fala naxan yo bata bari Ala yi, na mi luyɛ yulubin nabɛ. Amasɔtɔ Alaa Dii Xɛmɛna a kantanma. Nanara, Fe Ɲaxin Kanna mi nɔɛ sese ra a xili ma.
Revelation 7:15 in Yalunka 15 Nanara, e tixi Alaa manga gbɛdɛn yɛtagi, e a batu yanyin nun kɔɛɛn na a Batu Banxini. Naxan dɔxi manga gbɛdɛni, na e yigiyama nɛn a konni.
Revelation 14:5 in Yalunka 5 Wule falan mi yi minima e dɛ mumɛ! Fɛ yo mi yi e ra.
Revelation 21:8 in Yalunka 8 Koni nafigine nun dɛnkɛlɛyatarene nun muxu xɔsixine nun faxa tiine nun yanga suxune nun kɔɛramuxune nun suxure batune nun wule falane birin, ne tan gbeen tɛɛ daraan nan na naxan dɛgɛma dole tɛɛn na. Sayaan firinden nan na ra.”
Revelation 21:27 in Yalunka 27 Koni se sariɲantare yo mi soɛ na taani, hanma fe xɔsixi rabana hanma wule falana, koni fɔ naxanye xili sɛbɛxi Yɛxɛɛ Diina Nii Rakisin Kitabun kui.