Zechariah 11:3 in Yalunka 3 Xuruse rabane bata gbelegbele, amasɔtɔ e binyen waxatin bata dangu. Yatane bata wurundun, bayo fɔtɔn gbeen bata kala Yurudɛn baan dɛ.
Other Translations King James Version (KJV) There is a voice of the howling of the shepherds; for their glory is spoiled: a voice of the roaring of young lions; for the pride of Jordan is spoiled.
American Standard Version (ASV) A voice of the wailing of the shepherds! for their glory is destroyed: a voice of the roaring of young lions! for the pride of the Jordan is laid waste.
Bible in Basic English (BBE) The sound of the crying of the keepers of the flock! for their glory is made waste: the sound of the loud crying of the young lions! for the pride of Jordan is made waste.
Darby English Bible (DBY) A voice of howling of the shepherds; for their glory is spoiled: a voice of roaring of young lions; for the pride of Jordan is spoiled.
World English Bible (WEB) A voice of the wailing of the shepherds! For their glory is destroyed: a voice of the roaring of young lions! For the pride of the Jordan is ruined.
Young's Literal Translation (YLT) A voice of the howling of the shepherds! For destroyed was their robe of honour, A voice of the roaring of young lions! For destroyed was the excellency of Jordan.
Cross Reference 1 Samuel 4:21 in Yalunka 21 A yi a diin xili sa Ikabodi, a naxa, “Binyen bata ɲan Isirayila yi.” A na falaxi Alaa Kankiraan tongo feen nan ma e nun a taɲe nun a xɛmɛn ɲan fena.
Psalm 22:21 in Yalunka 21 N niin xunba silanfanna yii. N natanga bareni itoe ma.
Isaiah 65:15 in Yalunka 15 Ɛ xinla findima nɛn danga ti seen na n ma muxu sugandixine xa, e naxa, ‘Marigina Alatala xa i fan faxa alo ne!’ Koni n ma walikɛne tan xili gbɛtɛ sɔtɔma nɛn.
Jeremiah 2:15 in Yalunka 15 Yatane kelima e xili ma, e wurundunma e xili ma, e yi e bɔxɔn naxɔri, muxu mi fa e taa ganxine yi sɔnɔn.
Jeremiah 2:30 in Yalunka 30 A mɔn yi a fala, a naxa, “N bata ɛ diine ratɔrɔn fuuni, e mi tinxi xurɛ, ɛ yɛtɛna silanfanna bata nabine faxa, alo yatan naxan halagin tima.
Jeremiah 7:4 in Yalunka 4 Ɛ nama ɛ yigi sa wule falane yi, bayo ɛ a falama, ɛ naxa, “Alatala Batu Banxin ni ito ra! Alatala Batu Banxina! Alatala Batu Banxina!”
Jeremiah 7:11 in Yalunka 11 Nayi, n xinla binyama banxin naxan yi, ɛ na yatɛxi mafu tiine luxunden nan na ba? N tan yɛɛna ɛ ra de!” Alatalaa falan nan na ra.
Jeremiah 25:34 in Yalunka 34 Ɛ tan yɛɛratine, ɛ wuga, ɛ gbelegbele, ɛ yi ɛ makutukutu ɛ tan naxanye yamaan xun na! Bayo ɛ kɔɛ raxaba waxatin bata a li. Ɛ birama nɛn, ɛ fe yi kala alo fɛɲɛ faɲin na raxuya ayi.
Jeremiah 26:6 in Yalunka 6 nayi, n banxini ito kalama nɛn alo Silo taana, n yi taani ito findi danga taan na bɔxɔn siyane birin tagi.’”
Jeremiah 49:19 in Yalunka 19 N luma nɛn alo yatan naxan xaɲɛxin minima fɔtɔnni Yurudɛn baan dɛ, a siga sube fendeni yire faɲini. N Edɔn kaane kedima nɛn e yamanani sanɲa ma kedenni, n naxan sugandixi, n sa na dɔxɔ na yi. Bayo, nde maliga n tan na? Nde n yamarɛ? Xuruse rabaan mundun n yɛɛ ratiyɛ?”
Jeremiah 50:44 in Yalunka 44 N luma nɛn alo yatan naxan xaɲɛxin minima fɔtɔnni Yurudɛn baan dɛ, a siga sube fendeni yire faɲini. N ne kedima nɛn e yamanani sanɲa ma kedenni, n naxan sugandixi, n sa na dɔxɔ na. Bayo, nde maliga n tan na? Nde n yamarɛ? Xuruse rabaan mundun n yɛɛ ratiyɛ?”
Ezekiel 19:3 in Yalunka 3 A yi a dii xɛmɛ keden maxuru naxan findi yata xɛmɛ sɛnbɛmaan na. A yi fatan a se suxine yibɔɛ, a yi muxune fan donma.
Ezekiel 24:21 in Yalunka 21 A fala Isirayila yamaan xa, i naxa, ‘Marigina Alatala ito nan falaxi, a naxa: N nan n ma yire sariɲanxin sariɲanna kalama nɛn, ɛ wɛkilɛn sɔtɔma naxan yi, ɛ yɛtɛ matɔxɔma naxan yi, naxan fan ɛ yɛɛ ra yi dangu yire gbɛtɛ ra, ɛ niin naxan fari. Nayi, ɛ dii xɛmɛne nun ɛ dii tɛmɛn naxanye luxi Yerusalɛn yi, ne faxama nɛn silanfanna ra.
Hosea 1:9 in Yalunka 9 Ala yi a fala, a naxa, “A xili sa ‘Kantarena,’ amasɔtɔ n ma yamaan mi fa ɛ ra, ɛ Ala mi n na.”
Hosea 10:5 in Yalunka 5 Samari kaane xaminma nɛn ɲinge dii suxurena fe ra naxan Beti-Aweni yi. Yamaan sunuma nɛn a fe ra. A saraxaraline fan sunuma nɛn a xa, naxanye yi sɛwama a binyeni, bayo a bata ba e yii.
Joel 1:13 in Yalunka 13 Ɛ sunu dugine tongo, ɛ wuga, ɛ tan saraxaraline. Ɛ gbelegbele, ɛ tan naxanye walima saraxa ganden yɛtagi. N ma Alaa walikɛne, ɛ fa, ɛ xi maxidixi kasa bɛnbɛli dugine yi nimisani, bayo bogise saraxane nun minse saraxane bata ɲan ɛ Alaa banxini.
Amos 8:8 in Yalunka 8 Bɔxɔni ito kalama na nan ma. Be kaane birin luma nɛn sununi. Bɔxɔn xuruxurunma nɛn alo Misiran xudena, naxan tema, a mɔn yi godo.”
Zephaniah 1:10 in Yalunka 10 Alatalaa falan ni ito ra, a naxa, “Na lɔxɔni, gbelegbele xuiin tema nɛn taan so dɛɛn na dɛnaxan xili Yɛxɛ Dɛna, e nun wuga xuiin Yerusalɛn Taa Nɛnɛni e nun sɔnxɔ xui gbeena geyane yi.
Zephaniah 3:3 in Yalunka 3 E kuntigine luxi nɛn alo yata xaɲɛne. E kitisane luxi nɛn alo kankon naxanye suben suxun ɲinbanna ra, e mi sese ramara xɔtɔnna xa.
Zephaniah 3:11 in Yalunka 11 Na lɔxɔni, ɛ mi fa yagima ɛ kɛwanle fe ra, ɛ n yulubin naxanye tongo bayo, n wasodene birin bama nɛn ɛ yɛ na lɔxɔni. Ɛ yi ba ɛ yɛtɛ yigboɛ n ma geya sariɲanxin fari.
Zechariah 11:8 in Yalunka 8 N yi xuruse raba saxan kedi kike kedenna bun. Diɲan yi ɲan n yi, n fan yi raɲaxu xuruseene ma.
Zechariah 11:15 in Yalunka 15 Alatala yi a fala n xa, a naxa, “I mɔn xa xuruse raba xaxilitarena waliseene tongo.
Matthew 3:7 in Yalunka 7 Yoni to Farisi muxune nun Saduse muxun wuyaxi to fɛ a fɛma, a xa e rafu igeni, Yoni yi a fala e xa, a naxa, “Ɛ tan saɲi bɔnsɔnne! Nde ɛ rakolonxi, ɛ xa ɛ gi Alaa xɔlɔn bun ma?
Matthew 15:14 in Yalunka 14 Ɛ e lu na, danxutɔne nan e ra danxutɔne yɛɛ ra. Xa danxutɔɔn danxutɔɔn yii rasuxu, e firinna birin birama nɛn yinla ra.”
Matthew 21:43 in Yalunka 43 Yesu naxa, “Nanara, n na a falama ɛ xa, Alaa Mangayaan bama ɛ yii nɛn, a so yama gbɛtɛn yii, naxanye kɛwali lanɲɛ a ma.
Matthew 23:13 in Yalunka 13 “Gbalona ɛ xa, ɛ tan sariya karamɔxɔne nun Farisi muxu nafigine! Amasɔtɔ ɛ Ariyanna Mangayaan dɛɛn nagalin muxune yɛɛ ra, ɛ tan yɛtɛɛn mi soma, ɛ mɔn mi muxune luma e so naxanye waxi so feni.”
Acts 6:11 in Yalunka 11 Awa, e muxuna ndee saranna fi alogo e xa a fala, e naxa, “Nxu a xuiin namɛxi nɛn Musa nun Ala rayelefuɛ!”
Acts 7:52 in Yalunka 52 Ɛ benbane mi nabiin mundun bɛsɛnxɔnya? E nabine faxa nɛn, naxanye Tinxinna Kanna fa feen fala. Iki ɛ fan bata a tan yɛtɛɛn yanfa, ɛ yi a faxa.
Acts 22:21 in Yalunka 21 Awa, Marigin yi a fala n xa, a naxa, ‘Siga, amasɔtɔ n na i rasigama nɛn siya gbɛtɛne ma yire makuyene yi.’”
Romans 11:7 in Yalunka 7 Nanfe ligaxi nayi? Isirayila kaane yi naxan fenma nun e sɔbɛɛn na, e mi na sɔtɔxi. Koni fɔ Ala naxanye sugandixi ne nan a sɔtɔxi. A dɔnxɛne tondixi nɛn
James 5:1 in Yalunka 1 Ɛ tan nafulu kanne, ɛ tuli mati. Ɛ wuga, ɛ gbelegbele tɔrɔyana fe ra naxan fama ɛ lideni.