Romans 6:21 in Yalunka

21 Ɛ feen naxanye liga na waxatini, ɛ yagixi naxanye ra iki, ɛ tɔnɔn mundun sɔtɔxi ne yi? Ne raɲanna findixi sayaan nan na.

Other Translations

King James Version (KJV)

What fruit had ye then in those things whereof ye are now ashamed? for the end of those things is death.

American Standard Version (ASV)

What fruit then had ye at that time in the things whereof ye are now ashamed? for the end of those things is death.

Bible in Basic English (BBE)

What fruit had you at that time in the things which are now a shame to you? for the end of such things is death.

Darby English Bible (DBY)

What fruit therefore had ye *then* in the things of which ye are *now* ashamed? for the end of *them* [is] death.

World English Bible (WEB)

What fruit then did you have at that time in the things of which you are now ashamed? For the end of those things is death.

Young's Literal Translation (YLT)

what fruit, therefore, were ye having then, in the things of which ye are now ashamed? for the end of those `is' death.

Cross Reference

Deuteronomy 17:6 in Yalunka

6 Muxun naxan lan a xa faxa, a mi faxɛ singen fɔ muxu firin hanma saxan na sereyaan ba. A mi lan a xa faxa sereya kedenna gbansanna xuiin ma.

Deuteronomy 21:22 in Yalunka

22 Xa ɛ muxun faxa, naxan bata gbalo feen liga, a lan a xa faxa naxan ma, ɛ mɔn yi a binbin singan wudin na,

2 Samuel 12:5 in Yalunka

5 Dawuda yi xɔlɔ na xɛmɛn ma han, a yi a fala Natan xa, a naxa, “N bata n kɔlɔ habadan Alatala yi. Xɛmɛn naxan na ligaxi, a lan a faxa.

1 Kings 2:26 in Yalunka

26 Mangan mɔn yi a fala saraxaralina Abiyatari xa, a naxa, “Siga i ya bɔxɔni Anatɔti yi, amasɔtɔ i lan nɛn i xa faxa, koni n mi i faxan to, amasɔtɔ i bata Marigina Alatalaa Kankiraan xali n fafe Dawuda yɛɛ ra, e nun amasɔtɔ ɛ nun n fafe nan a tɔrɔne birin xali.”

Ezra 9:6 in Yalunka

6 n yi Ala maxandi, n naxa, “N ma Ala, n yagixi, n mi nɔɛ n xunna rakelɛ i tan n ma Ala yɛtagi, bayo nxɔ fe ɲaxin bata gbo ayi nxu xun ma. Nxu yulubine bata te han kore.

Job 40:4 in Yalunka

4 “Sese mi n tan na. N nɔɛ i yabɛ nanse ra? Fɔ n na n yiin sa n dɛ ra, n yi n dundu.

Job 42:6 in Yalunka

6 Nanara, n nan n yɛtɛ yalagima, n dɔxɔ burunburunna nun xubeni nimisani.”

Psalm 73:17 in Yalunka

17 Han n so Alaa yire sariɲanxini waxatin naxan yi, n yi n miri e raɲan kiin ma.

Proverbs 1:31 in Yalunka

31 Ɛ sigati kiin saranna sɔtɔma nɛn, ɛ wasa ɛ kɛwanle ra.

Proverbs 5:10 in Yalunka

10 muxune yi lugo i ya nafunla ra, i ya wanla tɔnɔn yi lu muxu gbɛtɛ xa.

Proverbs 9:17 in Yalunka

17 A naxa, “Minseen naxan muɲaxi na nan ɲaxun, donseen naxan donxi luxunni na nan ɲaxun.”

Proverbs 14:12 in Yalunka

12 Kirana nde tinxin adamadiin yɛɛ ra yi, koni a raɲanma sayaan nan ma.

Proverbs 16:25 in Yalunka

25 Kirana nde tinxin adamadiin yɛɛ ra yi, koni a raɲanma sayaan nan ma.

Isaiah 3:10 in Yalunka

10 Ɛ nɔɛ a falɛ nɛn, ɛ naxa, “Tinxin muxune nan hɛrini. E kɛwanle tɔnɔn sɔtɔma nɛn.

Jeremiah 3:3 in Yalunka

3 Nayi, n mi tinxi tulen yi fa, ɲɛmɛn tulen mi faxi. Koni, ɛ yɛtagin luxi alo yalundena, ɛ tondima ɛ tiyɛ ɛ yagi feen na.

Jeremiah 8:12 in Yalunka

12 E yi lanma nɛn e yagi e xɔsi feene ra, koni, e mi yagima hali! E mi yagin yɛtɛɛn kolon! Nanara, naxanye faxama, e nun ne nan faxama. N na e kɛwanle saranma e ra nɛn, e yi bira bɔxɔni.” Alatala naxa na kiini.

Jeremiah 12:13 in Yalunka

13 E bata sansine si, koni e sa tansinne nan sɔtɔma. E tɔrɔma walideni, koni e mi tɔnɔ sɔtɔma. Ɛ yagi lan ɛ wanla saranna fe ma bayo Alatala bata xɔlɔ ɛ ma han!

Jeremiah 17:10 in Yalunka

10 N tan Alatala, n muxune bɔɲɛn fɛsɛfɛsɛma, n yi e sɔndɔmɛn nakɔrɔsi, alogo n xa birin saren fi a kɛwanle ra, lan a sigati kiin ma.

Jeremiah 31:19 in Yalunka

19 Nxu nxu xun xanbi so nɛn i yi, koni na xanbi ra, nxu yi nimisa. Nxu yelin xanbini xaxinla sɔtɛ, nxu yi xɔlɔ nxu yɛtɛ ma, nxu yagi, nxu yi nxu xun sin, bayo nxu bata kalan ti nxu dii ɲɔrɛ waxatini han!”

Jeremiah 44:20 in Yalunka

20 Nayi, Yeremi yi a fala yamaan xa, xɛmɛn nun ɲaxanla, yamaan naxan birin na yabin so a yii, a naxa,

Ezekiel 16:61 in Yalunka

61 I kɛwanle fe rabirama i ma nɛn, i yi yagi, i na i tada ɲaxalanmane nun i xunyɛ ɲaxalanmane rasɛnɛ waxatin naxan yi, n yi e so i yii i ya dii tɛmɛne ra, hali e to mi fataxi layirin na n naxan xidixi en tagi.

Ezekiel 36:31 in Yalunka

31 Nayi, ɛ sigati ki ɲaxin nun ɛ kɛwali ɲaxine fe rabirama nɛn ɛ ma, ɛ yi nimisa ɛ hakɛne nun ɛ kɛwali xɔsixine fe ra ki faɲi!

Ezekiel 43:11 in Yalunka

11 Xa e yagi e kɛwanle birin na, i xa banxini ito ti kiin yɛba e xa, a yirene tima e bode xɔn kii naxan yi e nun a mini dɛɛne nun a so dɛɛne, a birin ti kiin nun a sariyane nun a tɔnne birin. Feni itoe birin sɛbɛ e xa alogo e xa a ti kiine rakamali, e yi a tɔnne birin suxu.

Daniel 9:7 in Yalunka

7 I tan, Marigina, i tinxin. To lɔxɔni, yagina nxu tan nan xa Yuda muxune nun Yerusalɛn kaane e nun Isirayila yamaan birin, naxanye maso e nun naxanye makuya e nun naxanye yamanane birin yi. I tan nan e rasigaxi amasɔtɔ e tinxintareyaan xɔn ma.

Daniel 12:2 in Yalunka

2 A gbegbe naxanye xima bɔxɔn bun, ne xulunma ayi nɛn. Ndee habadan nii rakisin sɔtɔma, ndee yalagima nɛn, e yagi habadan!

Luke 15:17 in Yalunka

17 Dɔnxɛn na, a yi a miri, a naxa, ‘N fafe a walikɛne donseen donma han e mi a ɲanɲɛ koni kamɛna n tan faxamaan ni i ra.

Romans 1:32 in Yalunka

32 Anu, e Alaa sariya tinxinxin kolon, a muxun naxanye feni itoe ligama, ne lan nɛn, e faxa. Hali na, e luma na feene nan ligɛ tun, a mɔn nafan e ma muxu gbɛtɛye fan yi ne liga.

Romans 6:23 in Yalunka

23 Bayo yulubin saranna nan sayaan na koni Alaa kisena, habadan nii rakisin nan na ra en Marigi Yesu Alaa Muxu Sugandixini.

Romans 7:5 in Yalunka

5 Amasɔtɔ fati bɛndɛn nafan feene yi en yamarima waxatin naxan yi, yulubin nafan fe ɲaxine yi walima en fatine yi sariyan xɔn alogo naxan en faxama en yi na liga.

Romans 8:6 in Yalunka

6 Fati bɛndɛn natan miriyane na lu i yi, sayaan nan na ra, koni xa i miriyane keli Alaa Nii Sariɲanxin nin, siimayaan nan na ra e nun bɔɲɛ xunbenla.

Romans 8:13 in Yalunka

13 Amasɔtɔ xa ɛ lu ɛ fati bɛndɛn nafan feene ligɛ, ɛ faxama nɛn. Koni xa ɛ fati bɛndɛn natane faxa Alaa Nii Sariɲanxin xɔn, ɛ nii rakisin sɔtɔma nɛn.

2 Corinthians 7:11 in Yalunka

11 Nimisani ito naxan kelixi Ala ma, ɛ na mato. A bata ɛ findi sɔbɛ ralane ra. Ɛ kunfaxi ɛ sɔntareyaan mayita feen na. Ɛ xɔlɔxi fe ɲaxin ma, ɛ bɔɲɛn bata te, fe faɲin xɔnla bata ɛ suxu ken! Ɛ fe ɲaxi rabane hakɛne saranma e ra. Na bata a yita fa fala fɛ yo mi ɛ ra fefe yi.

Galatians 6:7 in Yalunka

7 Ɛ nama ɛ yɛtɛ mayenden bayo Ala mi mayendenɲɛ. Muxun sansiin naxan sifa wolima, a na nan sifa xabama.

Philippians 3:19 in Yalunka

19 Na muxune e raɲanma yahannama nin. E ala nan e fati bɛndɛn sagone ra. E rafɛya feene nan nafan e ma. Dunuɲa feene nan tun nafan e ma.

Hebrews 6:8 in Yalunka

8 Koni bɔxɔn naxan ɲanle nun tansinne tunna raminima, na tɔnɔ mi na, a masoxi Alaa dangan nan na. A raɲanni, tɛɛn yi a gan.

Hebrews 10:29 in Yalunka

29 Awa, na kanna mi saranɲɛ a kɛwanle ra ba, naxan na Alaa Dii Xɛmɛna fe rayelefu, hanma naxan na Alaa layirin xidi wunla rafɛya naxan a sariɲanma, hanma naxan na Ala hinantenna Nii Sariɲanxin nasɔtɔ?

James 1:15 in Yalunka

15 Na xanbi ra, kunfa ɲaxin sa findima yulubin nan na. Yulubin na kɔxɔ waxatin naxan yi, a raɲanma sayaan nan ma.

James 5:20 in Yalunka

20 ɛ xa a kolon a muxun naxan yulubi kanna bama a tantanna kiraan xɔn, na bata a niin nakisi faxan ma, a yulubi wuyaxi xafarin sɔtɔ.

1 Peter 4:17 in Yalunka

17 Amasɔtɔ kiti sa waxatin bata a li, a fɔlɔma Alaa yamaan nan ma. Anu, xa a fɔlɔma en tan nan ma, naxanye tondima Alaa falan Xibaru Faɲin suxɛ ne tan naɲanna di?

1 John 2:28 in Yalunka

28 N ma diine, iki, ɛ xa lu a tan yi, alogo a na mini kɛnɛnni waxatin naxan yi, en yi lu xaxili ragidini, alogo en nama yagi a yɛɛ ra a fa lɔxɔni.

Revelation 16:6 in Yalunka

6 bayo e bata i ya yama sariɲanxin nun nabine wunla ramini. Nayi, i bata wunla so e yii, e yi a min. Na nan lan e ma.”

Revelation 20:14 in Yalunka

14 Nayi, sayaan nun laxira yi woli tɛɛ darani. Na findin sayaan firinden nan na, tɛɛ darani.