Psalm 118 in Yalunka
1 Alatala xa tantun amasɔtɔ a fan. A hinanna luma nɛn habadan!
2 Isirayila muxune xa a fala, e naxa, “A hinanna luma nɛn habadan!”
3 Alaa saraxaraline xa a fala, e naxa, “A hinanna luma nɛn habadan!”
4 Alatala yɛɛ ra gaxu muxune xa a fala, e naxa, “A hinanna luma nɛn habadan!”
5 N yi tɔrɔni waxatin naxan yi, n yi n xui ramini Alatala ma. A yi n yabi, a n xɔrɔya.
6 Alatala n xɔn, n mi gaxuɛ mumɛ! Adamadiine nɔɛ nanse ligɛ n na?
7 Alatala n xɔn, a tan nan n malima. N na n yaxune biraxin toma nɛn.
8 A fisa muxun yi a yigin sa Alatala yi benun a xa a yigin sa adamadiine yi.
9 A fisa muxun yi a yigin sa Alatala yi benun a xa a yigin sa mangane yi.
10 Siyane birin bata yi n nabilin yɛngɛni nun, koni n na e birin halagi nɛn Alatala barakani!
11 E yi n nabilinxi yiren birin yi nun, koni n na e birin halagi nɛn Alatala barakani!
12 E so nɛn n xun na alo kumi ɲɛɲɛne, koni e raxɔri nɛn mafurɛn alo tɛɛn na sɛxɛ xaren gan, n yi e halagi Alatala barakani.
13 E yi n nadinma nɛn alogo n xa bira, koni Alatala yi n mali.
14 Alatala nan n sɛnbɛn na, n ma bɛtina. A tan nan n nakisixi.
15 Muxu tinxinxine bata e sɛwa xuini te kisina fe ra, e naxa, “Alatala sɛnbɛn gbo!
16 Marigin bata nɔɔn ti a sɛnbɛni! Alatala sɛnbɛn gbo!”
17 Nayi, n mi faxama, n luma nɛn n nii ra, n yi a fala Alatala naxan ligaxi n xa.
18 Alatala bata yi n saran n hakɛne ra, koni a mi tinxi n faxa.
19 Alaa banxin dɛɛne xa rabi n xa. N xa so, n yi Alatala tantun.
20 Alatalaa banxin dɛɛn ni i ra, tinxin muxune soon dɛɛn naxan na.
21 Ala, n ni i tantunma nɛn, amasɔtɔ i bata n yabi, bayo i bata n nakisi.
22 Banxi tiine e mɛ gɛmɛn naxan na, na bata findi banxin gɛmɛ fisamantenna ra.
23 Alatala nan na ligaxi, kabanako feen nan na ra en yɛɛ ra yi.
24 Alatala toon lɔxɔn nan nagidixi, en ɲaxan, en sɛwa a fe ra.
25 Alatala, fa nxu rakisi, Alatala, tin, nxu xa nɔɔn ti.
26 Naxan fama Alatala xinli, Ala xa na baraka! Nxu dubama ɛ xa Alatalaa banxini.
27 Alatala nan Ala ra, a bata en lu a kɛnɛnyani. Ɛ ɲɔxɔnde dɛɛne suxu ɛ yii, ɛ fa sanla raba siga han saraxa ganden nabilinni.
28 I tan nan n ma Ala ra, n ni i tantunma nɛn. I tan nan n ma Ala ra, n ni i batuma nɛn.
29 Ɛ Alatala tantun, bayo a fan. A hinanna luma nɛn habadan!