Cross Reference Genesis 5:22 in Yalunka 22 Matusela bari xanbini, Xenɔki yi bira Ala fɔxɔ ra ɲɛɛ kɛmɛ saxan. A mɔn yi dii xɛmɛn nun dii tɛmɛ gbɛtɛye sɔtɔ.
Genesis 18:19 in Yalunka 19 N na a sugandixi nɛn, alogo a xa a diine nun a bɔnsɔnna muxune birin yamari a e xa kiti kɛndɛn sa tinxinni. Na waxatini, n tan Alatala, n fama nɛn n ma layirin nakamalideni n naxan tongoxi Iburahima xa.”
Leviticus 26:41 in Yalunka 41 feen naxanye a ligaxi, n yi keli e xili ma, n yi e rasiga e yaxune yamanani, nayi e Ala kolontare bɔɲɛne na xuru, e yi e hakɛne yanginna fi,
Deuteronomy 10:12 in Yalunka 12 Iki, Isirayila kaane, Alatala ɛ Ala wama ɛ xa nanse liga? A wama nɛn ɛ xa gaxu Alatala ɛ Ala yɛɛ ra alogo ɛ xa sigan ti a kiraan xɔn, ɛ yi a xanu, ɛ yi wali Alatala ɛ Ala xa ɛ bɔɲɛn birin na e nun ɛ niin birin na.
1 Samuel 12:23 in Yalunka 23 Alatala xa n fan natanga yulubi tongon ma, n tondi a maxandɛ ɛ xa! N na ɛ xaranma nɛn kira faɲin nun tinxinna ma.
1 Samuel 15:22 in Yalunka 22 Samuyɛli yi a fala, a naxa, “Saraxa ganxine nun saraxane Alatala kɛnɛnɲɛ dangu a xuiin suxun na ba? Ɛn-ɛn. Fala suxun dangu saraxane ra, yɛtɛ magodon dangu konton turene ra.
2 Chronicles 30:11 in Yalunka 11 Koni, Aseri bɔnsɔnna muxuna ndee nun Manase bɔnsɔnna muxuna ndee nun Sabulon bɔnsɔnna muxuna ndee yi e yɛtɛ magodo Ala xa, e tin sigɛ Yerusalɛn yi.
2 Chronicles 32:26 in Yalunka 26 Nayi, Manga Xesekiya nun Yerusalɛn kaane birin yi e xun xɛtɛ Alatala ma. Na ma, Alatalaa xɔlɔn mi fa e li Xesekiyaa siimayani.
2 Chronicles 33:19 in Yalunka 19 A Ala maxandina, e nun Ala a yabi kii naxan yi, a tinxintareyaan nun a yulubina, taan kidene a naxanye ti, e nun a Asera kide gbindonna naxanye bitin, e nun a suxure sawuran naxanye ti benun a xa a yɛtɛ magodo, ne birin sɛbɛxi Hosayi a taruxu kɛdine kui.
2 Chronicles 33:23 in Yalunka 23 Koni, a mi a yɛtɛ magodo Alatala xa alo a fafe Manase a liga kii naxan yi, bayo Amɔn findi nɛn yulubi kan gbeen na.
2 Chronicles 34:27 in Yalunka 27 ‘Bayo i bata gaxu, i yi i yɛtɛ magodo Ala xa, i to falani itoe mɛ naxanye ti yireni ito nun a muxune xili ma, i yi xɛtɛ n ma, bayo i bata i ya dugine yibɔ i ma, i yi wuga n yɛtagi, n bata a mɛ. Alatalaa falan ni i ra.
Nehemiah 9:13 in Yalunka 13 I godo nɛn keli kore, i falan ti e xa Sinayi geyaan fari. I yi i gelene fala e xa naxanye tinxin, e nun ɲɔndin sariyan nun tɔnne nun yamarin naxanye fan.
Psalm 37:26 in Yalunka 26 A kiin tima fonisireyaan nan na waxatin birin yi, a mɔn bonne dolima. Dubana a diine xa.
Psalm 73:28 in Yalunka 28 Koni a rafan n tan ma, n yi n maso Ala ra. N bata Marigina Alatala findi n yigiyaan na, alogo n xa i ya wali faɲine birin nali!
Psalm 112:4 in Yalunka 4 Kɛnɛnna tima nɛn muxu faɲine ma dimini, naxanye kininkinin e mɔn tinxin.
Psalm 112:9 in Yalunka 9 A tan nan tɔrɔ muxune kima fonisireyani. A tinxinyaan luma nɛn habadan! A sɛnbɛn xun masama nɛn binyeni.
Proverbs 21:3 in Yalunka 3 Tinxinyaan nun kiti kɛndɛn saan nafan Alatala ma dangu saraxane ra.
Ecclesiastes 12:13 in Yalunka 13 Awa, feni itoe birin bata mɛ. E fala yisoxin ni i ra: Gaxu Ala yɛɛ ra, i yi a yamarine suxu bayo adamadiyaan gbengbenna na nan na.
Isaiah 1:16 in Yalunka 16 Ɛ maxa, ɛ yɛtɛ rasariɲan, ɛ yi ɛ kɛwali ɲaxine ba n yɛtagi, ɛ ba fe ɲaxine ligɛ.
Isaiah 57:1 in Yalunka 1 Tinxindene halagima, koni muxu yo mi a mirima na feen ma. Lannaya muxune faxama, muxu yo mi a famuma fa fala tinxindene faxama nɛn alogo e xa ba gbalo famatɔɔn yɛɛ ra.
Isaiah 57:15 in Yalunka 15 Amasɔtɔ kore xɔnna Ala matexina ito nan falaxi, naxan na yi habadan, naxan xili sariɲan, a naxa, “N dɔxi yire matexi sariɲanxin nin, koni n mɔn muxu ɲaxankataxine xɔn naxanye e yɛtɛ magodoxi alogo n xa muxu nii sɔxɔlɛxine rasɛwa.
Isaiah 58:6 in Yalunka 6 N na ɛ xaranxi sun suxu kiini ito nan ma: Ɛ yɔlɔnxɔn ɲaxine ba muxune ma, ɛ konyine fulun, ɛ muxu ɲaxankataxine xɔrɔya ɛ xun xidi wudine birin kala.
Isaiah 66:2 in Yalunka 2 N tan nan seni itoe birin daxi, e yi lu na. Nayi, n na n yɛɛn tima muxun sifani ito nan na: tɔrɔ muxun naxan niin sɔxɔlɛxi, naxan xuruxurunma gaxuni n ma falan bun.” Alatalaa falan nan na ra.
Jeremiah 7:3 in Yalunka 3 Alatala Sɛnbɛn Birin Kanna, Isirayilaa Alaa ito nan falaxi, a naxa, ‘Ɛ sigati kiin nun ɛ kɛwanle masara. Nayi, n tinma nɛn ɛ lu dɔxi yireni ito yi.
Jeremiah 22:3 in Yalunka 3 Alatala ito nan falaxi, a naxa, “Ɛ kiti kɛndɛne sa, ɛ tinxinna raba. Ɛ muxu kansunxine xunba e ɲaxankata muxune yii. Ɛ nama ɲaxu xɔɲɛne nun kiridine nun kaɲa gilɛne ra, ɛ nama gbalo feen liga, ɛ nama sɔntaren faxa yireni ito yi.
Lamentations 3:26 in Yalunka 26 A lan muxun xa Alatalaa kisin mamɛ maraxarani.
Ezekiel 16:63 in Yalunka 63 alogo i ya fe ɲaxine xa rabira i ma, i yi yagi, i dɛɛn yi suxu i ra i ya yagini, n na i yulubine birin xafari waxatin naxan yi, i naxanye birin ligaxi.’ Marigina Alatalaa falan nan na ra.”
Hosea 6:6 in Yalunka 6 Amasɔtɔ hinanna rafan n ma dangu saraxan na. Ala kolonna dangu saraxa gan daxine ra.
Hosea 12:6 in Yalunka 6 Alatala, Ala Sɛnbɛn Birin Kanna nan yi na ra. Xili gbee kanna nan Alatala ra.
Amos 5:24 in Yalunka 24 N wama naxan xɔn, sariya kɛndɛn xa gbo ɛ tagi alo igen naxan baani. Ɛ tinxinyaan xa lu alo xuden naxan mi xɔrima.
Zephaniah 2:3 in Yalunka 3 Ɛ Alatala fen, ɛ tan yamanan muxu xuruxine, ɛ tan naxanye a sariya kɛndɛn ligama. Ɛ tinxinyaan fen, ɛ lu yɛtɛ magodoni. Waxatina nde, ɛ tangama nɛn Alatalaa xɔlɔ lɔxɔn ma.
Matthew 3:8 in Yalunka 8 Ɛ kɛwanle xa a yita fa fala ɛ bata ɛ xun xanbi so ɛ hakɛne yi.
Matthew 5:3 in Yalunka 3 A naxa, “Sɛwan na kanne xa, naxanye mako Ala ma bayo ne Ariyanna Mangayaan sɔtɔma nɛn.
Matthew 5:7 in Yalunka 7 Sɛwan na kanne xa, naxanye kininkininma, bayo Ala kininkininma nɛn ne fan ma.
Matthew 18:32 in Yalunka 32 Nanara, e kanna yi a tan walikɛɛn xili, a naxa, ‘I tan walikɛ ɲaxina, n ma donla naxan birin i ma, n diɲa nɛn na ma bayo i bata n mafan.
Mark 12:30 in Yalunka 30 I xa i Marigina Ala xanu i bɔɲɛn birin na, e nun i niin birin na e nun i xaxinla birin na e nun i sɛnbɛn birin na.’
Luke 6:36 in Yalunka 36 Ɛ kininkinin alo ɛ Fafe Ala kininkininxi kii naxan yi.”
Luke 10:42 in Yalunka 42 Koni adamadiin makoon se keden peen nan ma. Mariyama bata wa fe faɲin xɔn. Na mi fa bɛ a yii!”
Luke 11:42 in Yalunka 42 “Ɛ tan Farisi muxune, gbalona ɛ yɛɛ ra! Amasɔtɔ ɛ nakɔ yi seene yaganna bama, alo sorontonna nun sabi gbɛtɛye, koni ɛ bata ɛ mɛ tinxinyaan nun Alaa xanuntenyana fe ra. A lan nɛn ɛ xa ne nan liga, e nun yagan baana.”
Luke 18:13 in Yalunka 13 “Koni mudu maxinla yi ti yire makuyeni, a mi tin a yɛɛn natɛ kore koni a yi lu a kanken makudunɲɛ, a yi a fala, a naxa, ‘Ee! Ala, kininkinin n tan hakɛ kanna ma!’”
Romans 7:16 in Yalunka 16 N mi waxi naxan liga feni, n na nan ligama. Na a yitama nɛn fa fala a n bata tin a sariyan fan.
Romans 9:20 in Yalunka 20 Nde i tan na naxan Ala matandima? Fɛɲɛn nɔɛ a falɛ a rafala muxun ma ba fa fala nanfera i n nafalaxi iki?
Romans 10:1 in Yalunka 1 Ngaxakedenne, n waxi a xɔn ma n bɔɲɛn birin yi, n kon kaane xa kisi. N na Ala maxandima e xa na ra kati!
1 Corinthians 7:16 in Yalunka 16 Amasɔtɔ i tan ɲaxanla, i a kolonma di, xa i nɔɛ i ya xɛmɛn nakisɛ? I tan xɛmɛna, i a kolonma di, xa i nɔɛ i ya ɲaxanla rakisɛ?
Ephesians 4:32 in Yalunka 32 Ɛ fanna nun kininkininna yita ɛ bode ra. Ɛ yi ɛ bode mafelu alo Ala bata ɛ mafelu Alaa Muxu Sugandixin barakani kii naxan yi.
Colossians 3:12 in Yalunka 12 Nanara, bayo Ala bata ɛ yɛba, a ɛ findi a rafan yama sariɲanxin na, ɛ xa kininkininna nun fanna nun yɛtɛ magodon nun limaniyaan nun diɲan tongo.
2 Thessalonians 2:16 in Yalunka 16 En Marigi Yesu Alaa Muxu Sugandixin yɛtɛɛn nun en Fafe Ala naxan en xanuxi, a habadan bɔɲɛ xunbenla nun yigi faɲin fi en ma a hinanni,
Titus 2:11 in Yalunka 11 Ala bata a hinanna makɛnɛn muxun birin xa kisin sɔtɔma naxan xɔn.
James 2:20 in Yalunka 20 I tan xaxilitarena, i mi a kolon ba, fa fala kɛwali faɲi mi dɛnkɛlɛyaan naxan yi, na nɛɛn fuu?
James 4:6 in Yalunka 6 Koni Alaa hinanna luma fari sɛ nɛn en xa, amasɔtɔ a mɔn a falaxi, a naxa, “Ala wasodene yikalama e feene yi, koni a hinanma nɛn yɛtɛ magodone ra.”
1 Peter 3:8 in Yalunka 8 Nba, ɛ birin xa lu xaxili kedenni, ɛ kininkinin, ɛ yi ɛ bode xanu ngaxakedenyani, ɛ fan ɛ bode ra, ɛ yɛtɛ magodo.
1 Peter 5:5 in Yalunka 5 Banxulanne, ɛ fan xa xuru fonne ma. Ɛ birin xa yɛtɛ magodon lu ɛ ma alo dugina ɛ nɛma ɛ bode xɔn ma. Amasɔtɔ Kitabun naxa, “Ala wasodene yikalama e feene yi, koni a hinanma nɛn yɛtɛ magodone ra.”
2 Peter 1:5 in Yalunka 5 Na ma, ɛ kata ɛ sɛnbɛn birin na, ɛ sɔn faɲin sa ɛ dɛnkɛlɛyaan fari, ɛ kolonna sa sɔn faɲin fari.