Cross Reference Genesis 3:15 in Yalunka 15 N bata yaxuyaan naso i tan nun ɲaxanla tagi. N bata a raso i ya diine nun a diine fan tagi. Na ɲaxanla diina i xunni wuruma nɛn, i fan yi a sanna maxɔlɔ.”
2 Chronicles 34:27 in Yalunka 27 ‘Bayo i bata gaxu, i yi i yɛtɛ magodo Ala xa, i to falani itoe mɛ naxanye ti yireni ito nun a muxune xili ma, i yi xɛtɛ n ma, bayo i bata i ya dugine yibɔ i ma, i yi wuga n yɛtagi, n bata a mɛ. Alatalaa falan ni i ra.
Psalm 2:2 in Yalunka 2 Dunuɲa mangane bata tondi, kuntigine bata e malan Alatala nun a muxu sugandixin xili ma.
Psalm 2:6 in Yalunka 6 a naxa, “N bata n ma mangan dɔxɔ n ma geya sariɲanxin fari Siyon yi.”
Psalm 34:18 in Yalunka 18 Tinxin muxune na e mawuga Alatala xa, a tuli matima e ra nɛn, a e xunba e tɔrɔne birin yi.
Psalm 45:7 in Yalunka 7 Ala, i luma nɛn i ya mangaya gbɛdɛni habadan! I ya mangaya taxamasenna nan tinxinyaan na.
Psalm 51:17 in Yalunka 17 Marigina, na liga n xa, n xa i tantun.
Psalm 102:20 in Yalunka 20 Alatala bata a yɛɛ ragodo keli a yire sariɲanxini kore xɔnna ma. A bata a yɛɛ ragodo dunuɲa ma keli ariyanna yi.
Psalm 107:10 in Yalunka 10 Ndee yi dimin nun bɔɲɛ rafɔrɛn nin, e ɲaxankataxin xidixi yɔlɔnxɔnna ra kasoon kui.
Psalm 146:7 in Yalunka 7 A tan nan kiti kɛndɛn sama muxu ɲaxankataxine xa, a donseen so kamɛtɔne yii. Alatala nan kasorasane xunbama.
Psalm 147:3 in Yalunka 3 A muxune dandan naxanye bɔɲɛye kalaxi. A yi e maxɔlɔdene maxidi.
Isaiah 11:2 in Yalunka 2 Alatalaa Nii Sariɲanxin luma nɛn a yi, fe kolonna nun xaxilimayaan sɔtɔma niin naxan xɔn, kawandi kɛndɛn nun sɛnbɛn sɔtɔma niin naxan xɔn, Alatala kolonna nun a yɛɛragaxun sɔtɔn niin naxan xɔn.
Isaiah 29:18 in Yalunka 18 Na lɔxɔni, naxan sɛbɛxi kɛdin kui, tuli xɔrine na mɛma nɛn. Danxutɔne yi mini dimi gbeeni, e yi seen to.
Isaiah 32:3 in Yalunka 3 Yɛɛ kanne yɛɛne mi fa luma raxixi, tuli kanne yi e tuli mati.
Isaiah 35:5 in Yalunka 5 Nayi, danxutɔne seen toma nɛn, tuli xɔrine yi feen mɛ.
Isaiah 42:7 in Yalunka 7 alogo i xa danxutɔne yɛɛne rabi, i yi suxu muxune ramini kasoon na, i yi kasorasane xɔrɔya, e mini dimini.”
Isaiah 42:16 in Yalunka 16 N danxutɔne rasigama nɛn kiraan xɔn e mi naxan kolon. E yengi mi kiraan naxanye ma, n yi ti e yɛɛ ra ne xɔn, n yi dimin findi kɛnɛnna ra e yɛtagi, n gɛmɛ yirene findi lantaan na e xa. N na nan ligama, n mi e rabeɲinɲɛ mumɛ!
Isaiah 45:13 in Yalunka 13 N tan nan Kirusi rakelixi n ma tinxinyana fe ra, n yi a ti kira yitɔnxin xɔn. A n ma taan tima nɛn. N ma muxun naxanye yi suxi yɛngɛni, a ne beɲinma nɛn, e mi e xun saren fi.” Alatala Sɛnbɛn Birin Kanna naxa na kiini.
Isaiah 49:9 in Yalunka 9 alogo a xa fala kasorasane xa fa fala, ‘Ɛ mini!’ e nun naxanye luxi dimini fa fala, ‘Ɛ mini kɛnɛnni!’ E nɔɛ e dɛgɛ nɛn kirane xɔn alo xuruse kuruna, e xuruse rabaden toɛ nɛn geyane birin fari.
Isaiah 49:24 in Yalunka 24 Sofaan seen naxan tongoxi yɛngɛni, na bɛ a yii ba? Ɲaxankata tiina muxu suxin nɔɛ a futuxulɛ ba?
Isaiah 50:4 in Yalunka 4 Marigina Alatala bata n xaran alogo n xa a kolon n naxan falɛ muxu xadanxine xa, e sɛnbɛn sɔtɔ. A n naxulunma xɔtɔn yo xɔtɔn, alogo n xa a falan namɛ alo a xarandiina.
Isaiah 52:2 in Yalunka 2 Ɛ yikunkun, ɛ gbangbanna ba ɛ ma Siyon kaane, Ɛ mɔn xa keli, ɛ dɔxɔ ɛ funfu fonni. Ɛ lutine ba ɛ kɔɛ, ɛ tan Yerusalɛn taan muxu suxine!
Isaiah 57:15 in Yalunka 15 Amasɔtɔ kore xɔnna Ala matexina ito nan falaxi, naxan na yi habadan, naxan xili sariɲan, a naxa, “N dɔxi yire matexi sariɲanxin nin, koni n mɔn muxu ɲaxankataxine xɔn naxanye e yɛtɛ magodoxi alogo n xa muxu nii sɔxɔlɛxine rasɛwa.
Isaiah 59:21 in Yalunka 21 Alatala naxa, “N ma layirin ni ito ra nxu nun ne tagi: N ma Nii Sariɲanxin naxan ɛ ma, e nun n ma falane n naxanye rasoxi ɛ dɛ, ne mi bama ɛ dɛ, e mɔn mi bama ɛ diine dɛ, e mɔn mi bama ɛ diine yixɛtɛne dɛ keli iki ma han habadan!” Alatala naxa na kiini.
Isaiah 61:1 in Yalunka 1 Marigina Alatalaa Niina n yi, bayo Alatala bata n sugandi, a n xa Xibaru Faɲin nali yiigelitɔne ma, a bata n nasiga a n xa muxu bɔɲɛ kalaxine mali, a n xa xɔrɔya feen kawandin ba suxu muxune xa, e nun kasorasane beɲin fena.
Isaiah 66:2 in Yalunka 2 N tan nan seni itoe birin daxi, e yi lu na. Nayi, n na n yɛɛn tima muxun sifani ito nan na: tɔrɔ muxun naxan niin sɔxɔlɛxi, naxan xuruxurunma gaxuni n ma falan bun.” Alatalaa falan nan na ra.
Ezekiel 9:4 in Yalunka 4 Alatala yi na xili, a yi a fala a xa, a naxa, “Dangu Yerusalɛn taan tagi, i yi taxamasenna sa muxune birin tigi ra naxanye wugama, e kutunma lan fe xɔsixine fe ma Yerusalɛn kaane naxanye ligama.”
Daniel 9:24 in Yalunka 24 Ɲɛɛ solofere dɔxɔde tonge solofere nan saxi i ya siyaan nun i ya taa sariɲanxin xa, alogo murutɛn xa ɲan, dan yi sa yulubine ra, alogo hakɛne xa xafari, habadan tinxinyaan yi fa, alogo fe toon nun waliyiyaan xa kamali, alogo sariɲandene sariɲanden xa masusan.
Zephaniah 3:12 in Yalunka 12 N muxu diɲaxine nun yiigelitɔne luma nɛn ɛ yɛ, naxanye e yigi sama Alatala yi.
Zechariah 9:11 in Yalunka 11 Ɛ tan mabinni, n na ɛ muxu suxine xunbama nɛn en ma layirin wunla fe ra naxanye ramaraxi alo kasorasane yili kui xareni.
Zechariah 11:11 in Yalunka 11 A yi kala na lɔxɔni, nayi xuruse tɔrɔxin naxanye yi n matoma na lɔxɔni, ne yi a kolon a Alatalaa falan nan yi a ra.
Matthew 4:16 in Yalunka 16 yamaan naxan dɔxi dimini, ne bata kɛnɛn gbeen to. Naxanye dɔxi sayaan dimini, kɛnɛnna bata mini ne ma!”
Matthew 5:3 in Yalunka 3 A naxa, “Sɛwan na kanne xa, naxanye mako Ala ma bayo ne Ariyanna Mangayaan sɔtɔma nɛn.
Matthew 9:27 in Yalunka 27 Yesu keli mɛnni waxatin naxan yi, danxutɔ firin yi bira a fɔxɔ ra. E gbelegbele a fɔxɔ ra, e naxa, “Dawudaa Dii Xɛmɛna, kininkinin nxu ma!”
Matthew 11:5 in Yalunka 5 Danxutɔne seen toma, lɛbutɛnne sigan tima, dogonfontɔne kɛndɛyaan sɔtɔma, tuli xɔrine falan mɛma, faxa muxune kelima sayani, n ma falan Xibaru Faɲin nalima yiigelitɔne ma.
Matthew 12:20 in Yalunka 20 A mi xaye yidɔxini girɛ, a mi lɛnpun tumatɔɔn natuyɛ. Han a yi nɔɔn sɔtɔ kiti kɛndɛn xa.
Luke 6:20 in Yalunka 20 Yesu yi a xarandiine mato, a naxa, “Sɛwana ɛ tan yiigelitɔne xa, amasɔtɔ ɛ gbeen nan Alaa Mangayaan na!
Luke 7:22 in Yalunka 22 Yesu yi Yoni a xɛrane yabi, a naxa, “Ɛ xɛtɛ, ɛ naxan toxi, ɛ yi a mɛ, ɛ sa na fala Yoni xa fa fala danxutɔne seen toma, lɛbutɛnne sigan tima, dogonfontɔne kɛndɛyaan sɔtɔma, tuli xɔrine falan mɛma, faxa muxune kelima sayani, Alaa falan Xibaru Faɲin nalima yiigelitɔne ma.
John 1:41 in Yalunka 41 Andire yi a tada Simɔn fen keden na, a yi a fala a xa, a naxa, “Nxu bata Mesiya to.” Mesiya bunna nɛɛn fa fala, “Alaa Muxu Sugandixina.”
John 3:34 in Yalunka 34 Ala naxan xɛxi, na Alaa falan nan tima amasɔtɔ Alaa Nii Sariɲanxin fima a ma nɛn dan mi naxan na!
John 9:39 in Yalunka 39 Yesu naxa, “N faxi dunuɲa makitiden nin alogo danxutɔne xa seen to, yɛɛ kanne yi danxu.”
John 12:46 in Yalunka 46 N bata fa dunuɲa yi alo kɛnɛnna kanna. Naxan na dɛnkɛlɛya n ma, na mi luyɛ dimini.
Acts 4:27 in Yalunka 27 “Bayo ɲɔndin na a ra yati, Herode nun Pɔnsi Pilati nun Yahudiyatarene nun Isirayila yamaan birin e malan nɛn taani ito kui i ya walikɛ sariɲanxin Yesu xili ma i naxan sugandixi.
Acts 10:38 in Yalunka 38 Ɛ mɔn a kolon, a Alaa Nii Sariɲanxin nagodo nɛn Yesu Nasarɛti kaan xun ma alo masusan turena, a yi sɛnbɛn fi a ma. Ɛ mɔn a kolon Yesu siga kii naxan yi yiren birin yi, a yi lu fe faɲine ligɛ, a muxune rakɛndɛya, naxanye birin yi Yinna Manga Setana sɛnbɛn bun ma, amasɔtɔ Ala yi a xɔn ma.
Acts 26:18 in Yalunka 18 alogo i xa sa e yɛɛne rabi, i yi e ba dimin nun Setana nɔɔn bun ma, i fa e ra Alaa kɛnɛnna ma. Xa e dɛnkɛlɛya n ma, e yulubi xafarin sɔtɔma nɛn, e lu Ala muxu sariɲanxine yɛ.’”
Ephesians 5:8 in Yalunka 8 Amasɔtɔ ɛ tan fan yi luxi nɛn alo dimina koni iki ɛ bata lu alo kɛnɛnna Marigin barakani. Nayi, ɛ sigan ti alo kɛnɛnna muxune.
Colossians 1:13 in Yalunka 13 A tan bata en xunba dimin nɔɔn bun ma, a en xali a rafan dii xɛmɛna mangayani
1 Thessalonians 5:5 in Yalunka 5 Ɛ birin findixi kɛnɛnna nun yanyin muxune nan na. Kɔɛɛn nun dimin gbee mi en tan na.
James 2:5 in Yalunka 5 Ngaxakeden xanuntenne, ɛ tuli mati. Ala mi yiigelitɔne xan sugandi dunuɲa yi, alogo e dɛnkɛlɛyaan xa findi e bannayaan na, e yi mangayaan sɔtɔ e kɛɛn na, Ala bata a xanu muxune tuli sa naxan na?
1 Peter 2:9 in Yalunka 9 Koni ɛ tan bata findi yama sugandixin na. Mangane nun saraxaraline nan ɛ tan na, siya sariɲanxina, Ala gbeen yamaan naxan na, alogo ɛ xa a wali faɲi gbeene fe rali, a tan naxan ɛ xilixi, a yi ɛ ba dimini, siga a kabanako kɛnɛnyani.
1 John 2:8 in Yalunka 8 Anu, n yamari nɛnɛn sɛbɛma ɛ ma, naxan ɲɔndin makɛnɛnxi fata Yesu ra e nun ɛ tan. Amasɔtɔ dimin danguma. Ɲɔndin kɛnɛnna nan bata dɛgɛ fɔlɔ.