Lamentations 2:9 in Yalunka

9 Taan so dɛɛne bata godo bɔxɔn bun. Ala bata e balan wurene bolon, e kala. A mangan nun a kuntigine bata xali siya gbɛtɛne konni, sariya mi fa na sɔnɔn! Hali a nabine yɛtɛɛn mi fa fe toon tima sɔnɔn fata Alatala ra.

Other Translations

King James Version (KJV)

Her gates are sunk into the ground; he hath destroyed and broken her bars: her king and her princes are among the Gentiles: the law is no more; her prophets also find no vision from the LORD.

American Standard Version (ASV)

Her gates are sunk into the ground; he hath destroyed and broken her bars: Her king and her princes are among the nations where the law is not; Yea, her prophets find no vision from Jehovah.

Bible in Basic English (BBE)

Her doors have gone down into the earth; he has sent destruction on her locks: her king and her princes are among the nations where the law is not; even her prophets have had no vision from the Lord.

Darby English Bible (DBY)

Her gates are sunk into the ground; he hath destroyed and broken her bars. Her king and her princes are among the nations: the law is no [more]; her prophets also find no vision from Jehovah.

World English Bible (WEB)

Her gates are sunk into the ground; he has destroyed and broken her bars: Her king and her princes are among the nations where the law is not; Yes, her prophets find no vision from Yahweh.

Young's Literal Translation (YLT)

Sunk into the earth have her gates, He hath destroyed and broken her bars, Her king and her princes `are' among the nations, There is no law, also her prophets Have not found vision from Jehovah.

Cross Reference

Deuteronomy 28:36 in Yalunka

36 Alatala ɛ nun ɛ mangan kedima nɛn, ɛ na naxan dɔxɔ ɛ xun na, siga bɔxɔni ɛ tan nun ɛ benbane mi naxan kolon. Mɛnni ɛ ala xɔɲɛne batuma nɛn naxanye rafalaxi wudin na, hanma gɛmɛna.

2 Kings 24:12 in Yalunka

12 Nayi, Yuda mangan Yoyakin yi siga, a sa a yɛtɛ dɛntɛgɛ Babilɔn mangan xa, e nun a nga nun a walikɛne nun a mangane nun a kuntigine. Yoyakin a mangayaan ɲɛɛ solomasɛxɛdeni, Babilɔn mangan yi a suxu.

2 Kings 25:7 in Yalunka

7 E Sedeki a diine kɔɛ raxaba a yɛtagi, e mɔn yi Sedeki yɛɛne sɔxɔnɲɛ ayi, e yi a xidi sula yɔlɔnxɔnna ra, e siga a ra Babilɔn yi.

2 Chronicles 15:3 in Yalunka

3 Xabu waxati xunkuye, Isirayila kaane lu nɛn, e mi bira Ala yɛtɛɛn fɔxɔ ra, saraxarali mi yi na naxan yi e xaranɲɛ, sariya fan mi yi na.

Nehemiah 1:3 in Yalunka

3 E yi n yabi, e naxa, “Suxu muxun naxanye lu e nii ra, na ndee bata fa dɔxɔ Yuda yamanani, koni e yigitɛgɛxi, e yagixi. Yerusalɛn taan nabilinna yinne yirena ndee bata bira, tɛɛn yi taan so dɛɛne birin gan.”

Psalm 74:9 in Yalunka

9 Nxu mi fa kabanako taxamasenne toma. Nabi yo mi fa na sɔnɔn. Nxu mi a kolon na buma han waxatin mundun.

Jeremiah 14:14 in Yalunka

14 Alatala yi a fala n xa, a naxa, “Na nabine wulen nan falama n xinli. N tan xa mi e rafaxi. N mi yamari soxi e yii, n mi fala tixi e xa. E nabiya falane tima wule fe toone nan xɔn alo xiyena. Ne fataxi yiimato feene nun suxure batu feene nun e yɛtɛ bɔɲɛ mayendenxine nan na.”

Jeremiah 39:2 in Yalunka

2 Sedeki a mangayaan ɲɛɛ fu nun kedenden kike naaninden xi solomanaaninde lɔxɔni, e yi taan yinna yirena nde rabira.

Jeremiah 39:8 in Yalunka

8 Babilɔn kaane yi mangana banxin nun muxune banxine birin gan, e yi Yerusalɛn taan makantan yinne rabira.

Jeremiah 51:30 in Yalunka

30 Babilɔn sofane bama nɛn yɛngɛn soɛ, e so e yire makantanxine yi, e sɛnbɛn na ɲan. E luma nɛn alo ɲaxanle. Tɛɛn soma nɛn e taan banxine ra, e taa makantanxin yinne so dɛɛne birin kalama nɛn.

Jeremiah 52:8 in Yalunka

8 Koni, Babilɔn sofa ganla yi mangan sagatan, e sa Manga Sedeki li Yeriko mɛrɛmɛrɛne yi, a ganla birin yi xuya ayi e masiga a ra.

Jeremiah 52:14 in Yalunka

14 Babilɔn sofa ganla naxan birin yi mangan kantan muxune xunna fɔxɔ ra, ne yi Yerusalɛn yinne birin kala.

Lamentations 1:3 in Yalunka

3 Yuda yamaan birin bata xali konyiyani, e ɲaxankataxi, e rayarabixi. E bata sa dɔxɔ siya gbɛtɛne konni e mi matabu yo sɔtɔma. E sagatan muxune birin bata sa e li tɔrɔni.

Lamentations 4:15 in Yalunka

15 Muxune yi lu sɔnxɔɛ e famatɔɔn na, e naxa, “Ɛ masiga nxu ra, ɛ tan muxu sariɲantarene! Ɛ masiga, ɛ masiga! Ɛ nama ɛ yiin din sese ra de!” E lu e giyɛ, e mi a kolon e sigɛ dɛdɛ. Koni hali siya gbɛtɛne a falama nɛn, e naxa, “E mi nɔɛ luyɛ nxu konni.”

Lamentations 4:20 in Yalunka

20 E yi Alatalaa muxu sugandixin suxu naxan yi luxi alo nxu niin yɛtɛna, nxu yi nxu mirixi naxan ma fa fala nxu yi nɔɛ dɔxɛ nɛn a nininna bun siyane yɛ.

Ezekiel 7:26 in Yalunka

26 Gbalon sama nɛn gbalon fari, xibaru ɲaxine yi sa xibaru ɲaxine fari. E fe toon maxɔdinma nɛn nabine ma fata Ala ra, koni saraxaraline bama nɛn muxune xaranɲɛ sariyan ma, fonne fan yi ba maxadin tiyɛ.

Ezekiel 12:13 in Yalunka

13 N na n ma yalaan natima nɛn a yɛɛ ra, a yi a suxu n ma luti ratixin na, n yi a xali Babilɔn taani, Babilɔn kaane yamanani, a mi dɛnaxan toma a yɛɛn na, a yi sa faxa na.

Ezekiel 17:20 in Yalunka

20 N na n ma yalaan soma nɛn a xun na, a yi a suxu n ma lutin na, n yi a xali Babilɔn yi, n yi sa a makiti mɛnni lan a tinxintareyaan ma a naxan liga n na.

Hosea 3:4 in Yalunka

4 Amasɔtɔ Isirayila kaane luma nɛn waxati xunkuye ikiini: Manga mi e xunna, kuntigi mi na, saraxa mi na, kide gɛmɛ mi na, saraxarali doma mi na, suxure mi na.

Amos 8:11 in Yalunka

11 Marigina Alatalaa falan ni ito ra: “Na lɔxɔne yi, kamɛn soma nɛn bɔxɔni, koni donse kamɛ mi a ra, ige xɔli fan mi a ra. Ɛ kamɛma Alatalaa falan nan ma.

Micah 3:6 in Yalunka

6 Nanara, kɔɛɛn soma nɛn ɛ ma ɛ mi fa fe toon tima alo xiyena, dimin yi so, fe yo mi fa makɛnɛnma ɛ xa. Sogen birama nɛn na nabine mabinni, kɛnɛnna yi findi dimin na e xa.”