Jeremiah 48:26 in Yalunka 26 “Ɛ Alaa xɔlɔn dɔlɔn so a yii, a xa a xun magi a ra bayo a bata murutɛ Alatala xili ma! Moyaba xa a makutukutu a baxunni, birin yi gele a ma.
Other Translations King James Version (KJV) Make ye him drunken: for he magnified himself against the LORD: Moab also shall wallow in his vomit, and he also shall be in derision.
American Standard Version (ASV) Make ye him drunken; for he magnified himself against Jehovah: and Moab shall wallow in his vomit, and he also shall be in derision.
Bible in Basic English (BBE) Make him full of wine, for his heart has been lifted up against the Lord: and Moab will be rolling in the food he was not able to keep down, and everyone will be making sport of him.
Darby English Bible (DBY) Make him drunken, for he magnified himself against Jehovah; and Moab shall wallow in his vomit, and he also shall be in derision.
World English Bible (WEB) Make you him drunken; for he magnified himself against Yahweh: and Moab shall wallow in his vomit, and he also shall be in derision.
Young's Literal Translation (YLT) Declare ye him drunk, For against Jehovah he made himself great And Moab hath stricken in his vomit, And he hath been for a derision -- even he.
Cross Reference Exodus 5:2 in Yalunka 2 Firawona yi e yabi, a naxa, “Nde Alatala ra, n naxan xui suxuma, n yi Isirayila yamaan lu e siga? N mi Alatala kolon. N mi Isirayila yamaan yiibɛ e siga mumɛ!”
Exodus 9:17 in Yalunka 17 Xa i mɔn n ma yamaan makankan, i mi tin e siga,
Job 9:4 in Yalunka 4 Fekolonna nun sɛnbɛn birin a tan nan xa. Nde nɔɛ Ala matandɛ, na feen mi saran a ra?
Psalm 2:4 in Yalunka 4 Marigin naxan ariyanna yi na gelema e ma.
Psalm 59:8 in Yalunka 8 I tuli mati e konbi ti xuine ra. E lɛnne luxi nɛn e dɛ alo silanfanne, e mɔn a falama, e naxa, “Nde nɔɛ en ma falan mɛ?”
Psalm 60:3 in Yalunka 3 Ala, i bata i mɛ nxu ra, i yi gbalon nakeli nxu ma. I bata xɔlɔ nxu ma. Koni iki, i mɔn xa nxu yitɔn.
Psalm 75:8 in Yalunka 8 Ala nan kitin sama. A yi nde yalagi, a yi nde yoo sa.
Isaiah 10:15 in Yalunka 15 Bunbin nɔɛ a yɛtɛ matɔxɛ dangu a rawali muxun na ba? Sɛrana a yɛtɛ matɔxɛ dangu a rawali muxun na ba? Bosaan nɔɛ a tongo muxun nawalɛ ba? Dunganna nɔɛ muxun tongɛ ba?
Isaiah 19:14 in Yalunka 14 Alatala bata niina nde raso e yi naxan e xun magima e ra alogo Misiran kaane xa tantan e feen birin yi alo dɔlɔ minna na dingenɲɛ ayi baxundeni.
Isaiah 29:9 in Yalunka 9 Ɛ kabɛ, ɛ ɛ dundu! Ɛ findi danxutɔne ra, ɛ nama seen to. Ɛ xunna xa firifiri, koni hali ɛ mi manpaan min. Ɛ dingenɲɛ ayi siga tideni, koni hali a mi findi dɔlɔn funfun na.
Isaiah 51:17 in Yalunka 17 Ɛ xulun, ɛ xulun! Yerusalɛn kaane ɛ keli! Ɛ tan naxanye ɛ minxi Alatalaa xɔlɔn dɔlɔ lengenna ra ɛ tan naxanye a xɔlɔ igelengenna rafexin minxi han ɛ yi a ɲan, a yi ɛ xunna firifiri!
Isaiah 63:6 in Yalunka 6 N yi yamanane yibodon n ma xɔlɔni, n fitinaxin yi e halagi, n yi e wunla xuya bɔxɔn ma.”
Jeremiah 13:13 in Yalunka 13 Nayi, i yi a fala e xa, i naxa, ‘Alatala ito nan falaxi, a naxa: n yamanani ito muxune birin luma nɛn alo dɔlɔ minna naxanye lugoxi dɔlɔn na, hali a mangan naxanye dɔxi Dawudaa mangaya gbɛdɛni, e nun a saraxaraline nun a nabine, e nun Yerusalɛn kaane birin.
Jeremiah 25:15 in Yalunka 15 Alatala, Isirayilaa Ala ito nan falaxi n xa, a naxa, “Yeremi, igelengenni ito rasuxu n yii, naxan nafexi n ma xɔlɔn na, i yi a so siyane birin yii, n na i rasigaxi naxanye fɛma, alogo e xa a min.
Jeremiah 25:27 in Yalunka 27 Ala ito nan falaxi, a naxa, “Yeremi, a fala e xa, i naxa, ‘Alatala Sɛnbɛn Birin Kanna, Isirayilaa Ala naxa, “Ɛ n ma xɔlɔ igelengenni ito min, a ɛ xunna firifirima nɛn alo dɔlɔna, ɛ yi baxun, ɛ bira. Ɛ mi fa kelima sɔnɔn yɛngɛna fe ra n naxan nafama ɛ xili ma.” ’
Jeremiah 48:39 in Yalunka 39 Ee! E ɲaxankataxi! E gbelegbelema han! E yagixin bata e xun xanbi so! Moyaba yamanana fe findima magelen nun gaxu xunna ra nɛn a rabilinna birin xa!
Jeremiah 48:42 in Yalunka 42 Moyaba kalama nɛn, a mi fa findima siyaan na sɔnɔn, bayo a bata murutɛ Alatala xili ma.
Jeremiah 51:7 in Yalunka 7 Babilɔn yi findixi xɛma igelengenna nan na Alatala yii, dunuɲa muxune birin xunna firifiri naxan kui dɔlɔ ra. Siyane bata a dɔlɔn min, e xunne yi keli e ra.
Jeremiah 51:39 in Yalunka 39 Koni e na kunfa ɲaxi ra, n donse donna yitɔnma nɛn e xa e yi n ma xɔlɔn dɔlɔn min han e xunna yi keli e ra, e yi xi habadan, e mi fa kelɛ mumɛ!” Alatalaa falan nan na ra.
Jeremiah 51:57 in Yalunka 57 N na n ma xɔlɔn dɔlɔn fima a kuntigine nun a fe kolonne ma nɛn han e xunne yi keli e ra, e nun a yamana kanne nun a kitisane nun a sofane, e yi xi habadan, e mi fa kelɛ sɔnɔn!” Mangana falan nan na ra, naxan xili Alatala Sɛnbɛn Birin Kanna.
Lamentations 1:21 in Yalunka 21 Muxune nxu kutun xuiin mɛma, koni muxu yo mi nxu madɛndɛnma. Nxu yaxune birin bata nxɔ sɔxɔlɛna fe mɛ! Ala, i naxan ligaxi nxu ra, e sɛwaxi na nan na. I bata lɔxɔn nafa, i naxan ma fe fala. Tin nxu yaxune xa lu alo nxu tan!
Lamentations 3:15 in Yalunka 15 Ala bata n nalugo sansi xɔlɛne ra, a dabari igen findi n minseen na.
Lamentations 4:21 in Yalunka 21 Edɔn kaane, ɛ sɛwa, ɛ ɲaxan, ɛ tan naxanye dɔxi Yusu yamanani. Igelengenni ito radanguma ɛ tan fan ma nɛn, ɛ yi a dɔlɔ xɔlɛn min, ɛ xun magi a ra, ɛ ragenla yi lu.
Ezekiel 23:31 in Yalunka 31 I bata bira i tadaa kiraan fɔxɔ ra, nayi, n xɔlɔ igelengenna naxan so a yii, n na soma nɛn i fan yii.”
Ezekiel 35:12 in Yalunka 12 Nayi, ɛ a kolonma nɛn a n tan Alatala bata ɛ fala ɲaxine birin mɛ Isirayila geya yirene xili ma, ɛ naxanye falaxi, ɛ naxa, “Ɛ konna bata halagi, a yi findi nxu balon na.”
Daniel 5:23 in Yalunka 23 I bata i yɛtɛ yite Marigin xili ma naxan kore, i yi Ala Batu Banxina igelengenne maxili i yɛtagi. Ɛ yi dɔlɔn min e ra, i tan nun i ya muxu gbeene nun i ya ɲaxanle nun i ya konyi ɲaxanle. I yi alane batu, gbetin nun xɛmaan nun sulan nun wuren nun wudin nun gɛmɛ alane, naxanye mi se toma, e mi fe mɛma, kolon mi e yii. I mi Ala binyaxi i ya niiraxinla nun i ya dunuɲa yi gidin naxan yii.
Daniel 8:11 in Yalunka 11 A yi keli kore gali manga yɛtɛɛn xili ma, a lɔxɔ yo lɔxɔ saraxan ba a yii, a yire sariɲanxin nabira.
Daniel 11:36 in Yalunka 36 “Mangana a rabama alo a waxɔnna. A a yitema nɛn, a a yigbo alane ngaan xun na. A falana nde tima nɛn muxun yengi mi naxan ma alane Ala xili ma. A sabatima nɛn han Alaa xɔlɔn yi dɛfe, bayo naxan na ragidi, na kamalima nɛn.
Nahum 3:11 in Yalunka 11 Ɛ fan xunne kelima nɛn dɔlɔ xɔlɛn na, ɛ yi ɛ luxun ɛ yaxune bun, ɛ fan yi yigiyaden fen.
Habakkuk 2:16 in Yalunka 16 I tan lugoxi yagin nan tun na, binyen mi a ra. I fan xa i min, i xunna yi keli, i ragenla yi lu. Alatala a yiifari ma igelengen xɔlɛn soma nɛn i yii i ya binyen yi findi yagin na!
Zephaniah 2:8 in Yalunka 8 N bata Moyaba konbi ti xuine mɛ e nun Amonine n ma yamaan magelema kii naxan yi, e yi e yamanan danne fari sa, ba Isirayila bɔxɔn na.
2 Thessalonians 2:4 in Yalunka 4 Muxune seen naxanye birin yatɛxi “alane” ra, e yi e batu, a a yɛtɛ yitema nɛn, a yi keli ne xili ma. Na kui, a dɔxɔma nɛn Ala Batu Banxini, a yi a yɛtɛ findi ala ra.
Revelation 16:19 in Yalunka 19 Taa gbeen yi taxun saxanna ra. Siyane taane yi kala. Ala mi ɲinan Taa gbeen Babilɔn xɔn, a yi a xɔlɔ gbeen manpa lengenna so mɛn kaane yii, alogo e xa Alaa xɔlɔn min.