Cross Reference Exodus 34:6 in Yalunka 6 A yi dangu Musa yɛtagi, a naxa, “Alatala! Alatala! Ala naxan kininkinin, a mɔn diɲa. A mi xɔlɔn xulɛn, a hinanna nun a tinxinna gbo.
Numbers 14:18 in Yalunka 18 fa fala Alatala mi xɔlɔn xulɛn, a hinanna gbo, a diɲan hakɛn nun matandin bun. Koni, a mi yulubi kanna yatɛma tinxinden na mumɛ! A fafane hakɛn saranma nɛn e diine ra han mayixɛtɛ saxan hanma naanin.
1 Chronicles 21:13 in Yalunka 13 Dawuda yi Gadi yabi, a naxa, “N bɔɲɛn sunuxi han! A lan n xa n yɛtɛ lu Alatala yii bayo a kininkininna gbo, na fisa benun n xa lu adamadiine sagoni.”
2 Chronicles 30:9 in Yalunka 9 Xa ɛ fa Alatala ma, muxun naxanye ɛ ngaxakedenne suxu konyiyani, ne kininkininma nɛn e ma, e mɔn yi xɛtɛ yamanani ito yi. Alatala hinan, ɛ Ala, a fan, a mi a yɛtagin luxunma ɛ ma, xa ɛ xɛtɛ a ma.”
Nehemiah 9:17 in Yalunka 17 E mi tin e suxɛ, e ɲinan i ya kabanako feene xɔn i naxanye liga e xa, e yi e bɔɲɛni xɔdɔxɔ e murutɛni, e yi a nata a e xa yɛɛrati gbɛtɛ sugandi, e xɛtɛ e konyiyani Misiran yi. Koni i tan mi i mɛ e ra. Ala nan i tan na naxan muxune mafeluma e yulubine ra. I diɲa, i kininkinin, i mi xɔlɔn xulɛn, i ya hinanna gbo.
Nehemiah 9:31 in Yalunka 31 I ya kininkinin gbeeni, i mi e raxɔri, i mi e rabeɲin, bayo Ala diɲaxi kininkininxin nan i tan na.”
Job 1:2 in Yalunka 2 A dii xɛmɛ solofere nun dii tɛmɛ saxan nan sɔtɔ.
Job 1:21 in Yalunka 21 a naxa, “N magenla nan minixi nga kuini, n magenla nan mɔn sigama laxiraya yi. Alatala nan e fixi n ma, Alatala nan e tongoxi. Alatala xinla xa tantun.”
Job 2:10 in Yalunka 10 Koni, a yi a yabi, a naxa, “I falan tima alo ɲaxalan xaxilitarena! En hɛrin nasuxuma Ala yii, nanfera en mi tɔrɔn nasuxɛ?” Na birin yi, Yuba mi yulubin tongo a fala xuiin xɔn.
Job 13:15 in Yalunka 15 Xa Ala wa, a xa n faxa, n yengi mi fa sese ma koni n waxi n sigati kiin xɔnba feni a tan nan yɛtagi.
Job 23:10 in Yalunka 10 Anu, a n ma kiraan kolon. A na n fɛsɛfɛsɛ tɔrɔni, n sariɲanxin minima nɛn alo xɛmana.
Job 42:10 in Yalunka 10 Yuba yelin maxandin tiyɛ a lanfane xa waxatin naxan yi, Alatala mɔn yi a raxɛtɛ a kii fonni. Seen naxanye yi Yuba yii nun, Ala yi ne dɔxɔde firin so a yii.
Psalm 25:6 in Yalunka 6 Alatala, i xaxili lu i ya kininkininna nun hinanna xɔn bayo e yi na xabu a fɔlɔni.
Psalm 37:37 in Yalunka 37 I xaxili lu sɔntaren xɔn. I yɛɛn sa muxu faɲin xɔn. Bɔɲɛ xunbelitɔɔn mayixɛtɛne sɔtɔma nɛn.
Psalm 51:1 in Yalunka 1 Dawudaa bɛtina, bɛti baane kuntigin xa.
Psalm 78:38 in Yalunka 38 Koni bayo a kininkinin, a yi e hakɛne mafelu. A mi e halagi. A xɔlɔn lu dɔxɔɲa ma wuyaxi, a mi fitina e xili ma.
Psalm 86:5 in Yalunka 5 Marigina, i tan fan! I diɲa! Naxan na i maxandi, i hinanma nɛn na ra han!
Psalm 86:15 in Yalunka 15 Koni Marigina, i tan nan Ala ra naxan kininkinin, i diɲa, i mi xɔlɔn xulɛn, i ya hinanna nun i ya lannayaan gbo.
Psalm 94:12 in Yalunka 12 Alatala, sɛwan na kanna xa i naxan xuruma, i naxan xaranma i ya sariyan xɔn.
Psalm 103:8 in Yalunka 8 Alatala kininkinin, a diɲa. A mi xɔlɔn xulɛn. A hinanna gbo.
Psalm 103:13 in Yalunka 13 Alatala kininkininma a yɛɛragaxu muxune ma nɛn alo fafan kininkininma a diine ma kii naxan yi.
Psalm 116:5 in Yalunka 5 Alatala diɲa, a tinxin. En ma Ala kininkinin han!
Psalm 119:132 in Yalunka 132 I yɛɛ rafindi n ma, i yi kininkinin n ma, alo i darixi a ligɛ kii naxan yi muxune xa i xinla rafan naxanye ma.
Psalm 136:1 in Yalunka 1 Ɛ Alatala tantun amasɔtɔ a fan. A hinanna luma nɛn habadan!
Psalm 145:8 in Yalunka 8 Alatala diɲa, a kininkinin, a mi xɔlɔn xulɛn, a hinanna gbo.
Ecclesiastes 7:8 in Yalunka 8 Feen naɲanna dangu a fɔlɔn na. A fisa muxun yi sabari benun a xa waso ayi.
Isaiah 55:6 in Yalunka 6 Ɛ Alatala fen a tinma ɛ xa a to waxatin naxan yi. Ɛ a xili, a maso ɛ ra waxatin naxan yi.
Isaiah 63:7 in Yalunka 7 N na Alatala hinan wanle rabirama nɛn muxune ma, a lan a xa tantun naxanye fe ra, Alatala feen naxanye birin ligaxi en xa, a fanna Isirayila yamaan xa naxan gbo, a naxan birin ligaxi a kininkininna nun a hinan gbeeni.
Isaiah 63:9 in Yalunka 9 E tɔrɔne birin yi a fan tɔrɔ, malekan naxan a yɛtagi, na yi e rakisi. A yɛtɛɛn yi e xunba a xanuntenyaan nun a kininkininni. A tan nan e tongo, a e mali waxati danguxine birin yi.
Lamentations 3:22 in Yalunka 22 Alatalaa hinanna mi ɲanma, a kininkininna mi a danna liyɛ.
Daniel 9:9 in Yalunka 9 Koni, i tan, Marigina, nxɔ Ala, i nxu mafeluma i ya kininkininni, hali nxu to murutɛxi i xili ma.
Daniel 9:18 in Yalunka 18 N ma Ala, i tuli mati, i yi a mɛ, i yɛɛn nabi i yi nxɔ taa xɔnna mato, i xinla maxandin dɛɛn de! Amasɔtɔ nxu mi i maxandima nxu kɛwali tinxinxine xɔn ma fɔ i ya kininkinin gbeena.
Joel 2:13 in Yalunka 13 Benun ɛ xa ɛ dugine yibɔ nimisani ɛ bɔɲɛne nan xa kala. Ɛ xɛtɛ Alatala ma, ɛ Ala bayo a diɲa, a kininkinin, a mi xɔlɔn xulɛn, a hinanna gbo. A a yɛtɛ ratangaxi yihadin ma.
Jonah 4:2 in Yalunka 2 A yi Alatala maxandi, a naxa, “Alatala, n mi yi ito xan falan ba n yi n ma yamanani waxatin naxan yi? N yi ito nan ma fe falama n yi n gima Tarasisi yamanani waxatin naxan yi. Amasɔtɔ n yi a kolon a i tan Ala i diɲa, i kininkinin, i mi xɔlɔn xulɛn, i ya hinanna gbo, i yɛtɛ ratanga yihadin liga feen ma.
Micah 7:18 in Yalunka 18 Nde luxi alo i tan, Ala, i tan naxan i ya yamaan muxu dɔnxɛne yulubin xafarima, i tan naxan murutɛn mafeluma? I ya xɔlɔn mi buma han habadan amasɔtɔ hinanna rafan i ma.
Matthew 5:10 in Yalunka 10 Sɛwan na kanne xa, naxanye bɛsɛnxɔnxi e tinxinyana fe ra, bayo ne Ariyanna Mangayaan sɔtɔma nɛn.”
Matthew 10:22 in Yalunka 22 Muxune birin ɛ raɲaxuma nɛn n tan ma fe ra. Koni naxan na a yixɔdɔxɔ han a raɲanna, na kisima nɛn.
Luke 1:50 in Yalunka 50 A kininkinin a yɛɛragaxu muxune ma han mayixɛtɛ mayixɛtɛne.
Luke 6:36 in Yalunka 36 Ɛ kininkinin alo ɛ Fafe Ala kininkininxi kii naxan yi.”
Romans 2:4 in Yalunka 4 Hanma i yoxi Alaa nɛma fisamanten gbeen ma ba, e nun a diɲana? I mi a kolon a Alaa fanna lan nɛn a yi i sigati kiin maxɛtɛ ba?
Ephesians 1:6 in Yalunka 6 Na yi findi Ala hinan gbeen kanna tantun xunna ra a naxan fixi en ma a xanuntenna xɔn.
Ephesians 2:4 in Yalunka 4 Koni Alaa kininkininna gbo, a bata en xanu xanuntenya tilinxin na.
Hebrews 3:6 in Yalunka 6 Koni Alaa Muxu Sugandixin tan luxi na alo Alaa Dii Xɛmɛn naxan a banxin xun na. En findixi a banxin nan na, xa en na en wɛkilɛ, en yi en ma yigin namara en naxan matɔxɔma.
Hebrews 3:14 in Yalunka 14 Amasɔtɔ en bata findi Alaa Muxu Sugandixin gbeene ra, xa en lu en ma tɔgɔndiyaan singeni, han a raɲanna.
Hebrews 10:39 in Yalunka 39 En tan mi xɛtɛma en xanbi ra, en yi halagi, koni en luma dɛnkɛlɛyani nɛn, en niin yi kisi.
James 1:12 in Yalunka 12 Sɛwan na kanna xa naxan a tunnafanma tɔrɔni, amasɔtɔ Ala na yelin a kɛɲaan fɛsɛfɛsɛ, a nii rakisin taxamaseri kɔmɔtin soma nɛn a xun na, Ala bata a xanu muxune tuli sa naxan na.
1 Peter 1:6 in Yalunka 6 Na ma, ɛ sɛwa, hali ɛ to tɔrɔxi ɛ bunba feen sifan birin yi waxatidini ito yi
1 Peter 1:13 in Yalunka 13 Nanara, ɛ xaxinli tɔn wanla fe ra, ɛ yɛtɛ suxu, ɛ yi ɛ yigi sa na hinanni ɛ naxan sɔtɔma Yesu Alaa Muxu Sugandixin mini lɔxɔni kɛnɛnni.
2 Peter 2:9 in Yalunka 9 Na feene birin nan a yitama fa fala Marigin nɔɛ dina muxune xunbɛ nɛn maratantan feene yi, a yi tinxintarene mara ɲaxankatan yɛɛ ra kiti sa lɔxɔni,