Isaiah 60:6 in Yalunka 6 Ɲɔgɔmɛ kurune luma nɛn ɛ yamanan birin yi, Midiyan nun Efa bɔnsɔnne ɲɔgɔmɛ kɛndɛne. Muxune birin fama nɛn xɛmaan nun wusulanna ra ɛ xɔn sa keli Saba yamanani, e fa Alatalaa binyen naliyɛ.
Other Translations King James Version (KJV) The multitude of camels shall cover thee, the dromedaries of Midian and Ephah; all they from Sheba shall come: they shall bring gold and incense; and they shall shew forth the praises of the LORD.
American Standard Version (ASV) The multitude of camels shall cover thee, the dromedaries of Midian and Ephah; all they from Sheba shall come; they shall bring gold and frankincense, and shall proclaim the praises of Jehovah.
Bible in Basic English (BBE) You will be full of camel-trains, even the young camels of Midian and Ephah; all from Sheba will come, with gold and spices, giving word of the great acts of the Lord.
Darby English Bible (DBY) A multitude of camels shall cover thee, young camels of Midian and Ephah; all they from Sheba shall come: they shall bring gold and incense; and they shall publish the praises of Jehovah.
World English Bible (WEB) The multitude of camels shall cover you, the dromedaries of Midian and Ephah; all they from Sheba shall come; they shall bring gold and frankincense, and shall proclaim the praises of Yahweh.
Young's Literal Translation (YLT) A company of camels covereth thee, Dromedaries of Midian and Ephah, All of them from Sheba do come, Gold and frankincense they bear, And of the praises of Jehovah they proclaim the tidings.
Cross Reference Genesis 10:7 in Yalunka 7 Kusi a diine xinle ni itoe ra: Sɛba nun Xawila nun Sabata nun Raama nun Sabiteka. Raama a diine xinle ni itoe ra: Saba e nun Dedan.
Genesis 25:3 in Yalunka 3 Yokan yi Saba nun Dedan bari. Dedan yixɛtɛne findixi Asuri kaane nan na, e nun Letusin kaane nun Leyumin kaane.
Genesis 25:13 in Yalunka 13 Sumayilaa diine xinle ni itoe ra: Nebayoti Sumayilaa dii singen nun Kedari nun Adibeli nun Mibisan nun
Judges 6:5 in Yalunka 5 E nɛma yi e xuruseene nun e bubune xalɛ Isirayila yi, e yi wuyama ayi nɛn alo tuguminne, e ɲɔgɔmɛne yi wuya han e yatɛn mi kolon, e yi fama nɛn yamanani, e kalan ti.
Judges 7:12 in Yalunka 12 Midiyan kaane nun Amalɛkine nun sogeteden binna xuruse rabane bata yi e malan lanbanni, e wuya alo tuguminne, e ɲɔgɔmɛne yi wuya alo ɲɛmɛnsinna fɔxɔ igen dɛ.
1 Kings 10:2 in Yalunka 2 A yi fa Yerusalɛn yi e nun a fɔxɔrabira gbeene, ɲɔgɔmɛn naxanye yi latikɔnɔnne nun xɛma gbegbe maxalima, e nun gɛmɛ faɲi kɛndɛne. A yi siga Sulemani fɛma, naxan birin yi a bɔɲɛni, a yi na fala a xa.
2 Kings 8:9 in Yalunka 9 Xasayele yi siga Elise fɛma, a kisena nde xali a yii. Se faɲin naxan birin yi a yii Damasi taani, a yi na ndee sa ɲɔgɔmɛ tonge naanin xun ma. A to so, a yi a yita Elise ra, a yi a fala a xa, a naxa, “I ya diin Ben-Hadada, Arami mangan nan n nafaxi a faladeni i xa, a naxa, ‘N yiyalanma nɛn fureni ito ma ba?’”
2 Chronicles 9:1 in Yalunka 1 Saba yamanan Manga ɲaxanla yi Sulemani mankanna mɛ. Nayi, a yi fa Yerusalɛn yi Sulemani todeni a fekolonna bunbadeni. Muxu wuyaxi yi biraxi a fɔxɔ ra e nun ɲɔgɔmɛn naxanye yi latikɔnɔnne nun xɛmaan nun munanfan gɛmɛne maxalima. A yi siga Sulemani fɛma, naxan birin yi a bɔɲɛni a yi ne fala a xa.
Psalm 72:10 in Yalunka 10 Tarasisi mangane fama kiseene ra nɛn a fɛma e nun fɔxɔ ige tagi bɔxɔne. Saba nun Sɛba mangane mudun fima a ma nɛn.
Psalm 72:15 in Yalunka 15 Ala xa mangan bu! Ala xa xɛmaan fi a ma keli Saba yamanani. Yamaan xa Ala maxandi a xa waxatin birin! E xa duba a xa fɛriɲɛn gbɛn!
Isaiah 30:6 in Yalunka 6 Waliyiya falana subene xili ma Negewi tonbonni: E xɛrane danguma gbalo yiren nun tɔrɔ yiren nin yata xɛmɛne nun yata gilɛne dɛnaxan yi, e nun fɔdɔgɔne nun saɲi ɲaxin naxanye tuganma. E nafunle maxalima sofanle nan fari e nun e sɔtɔ seene ɲɔgɔmɛne fari, sanbane nan ne ra na yamanan xa naxan tɔnɔ mi na.
Isaiah 42:10 in Yalunka 10 Ɛ bɛti nɛnɛn ba Alatala xa, bɔxɔn danne birin xa a tantun bɛtini, ɛ tan naxanye sigama fɔxɔ igen xun ma e nun a yi seene birin, fɔxɔ ige tagi bɔxɔne nun e muxune birin.
Isaiah 45:14 in Yalunka 14 Alatala ito nan falaxi, a naxa, “Misiran kaane nun Kusi yamanan yulaya seene, na Sabe kaa muxu kuyene wanle tɔnɔn luma nɛn i xa. E fama nɛn i konni, e findi i gbeen na, e bira i fɔxɔ ra, e xidixi e bode ra, e yi e xinbi sin i yɛtagi e yi i maxandi, e naxa, ‘Ala i tan nan xɔn. Ala gbɛtɛ mi na, sese mi ala gbɛtɛye ra!’”
Isaiah 61:6 in Yalunka 6 Koni a falama ɛ tan ma nɛn, a Alatalaa saraxaraline, a fala ɛ ma, a en ma Ala batu muxune. Ɛ baloma nɛn siyane nafunle ra, ɛ yi ɛ kanba e binyeni.
Malachi 1:11 in Yalunka 11 N xinla binyama nɛn siyane birin yɛ keli sogeteden ma han a biradena. E wusulanna nun kise sariɲanxine bama saraxan na n xinli yiren birin yi. N xinla binyama nɛn siyane birin yɛ.” Alatala Sɛnbɛn Birin Kanna naxa na kiini.
Matthew 2:11 in Yalunka 11 E to so banxini, e yi diidin nun a nga Mariyama to. E yi e xinbi sin a xa, e yi a batu. Na xanbi ra, e yi e sanba seene ramini, e yi xɛmaan nun wusulanna nun mirihi latikɔnɔnna fi a ma.
Romans 15:9 in Yalunka 9 siya gbɛtɛne fan yi Ala binya a kininkininna fe ra, alo a sɛbɛxi Kitabun kui kii naxan yi, a naxa, “Nanara, n ni i tantunma siyane tagi, n yi i xinla binya bɛtini.”
Philippians 2:17 in Yalunka 17 Hali n faxa ɛ xa, n lu alo minse saraxan naxan nabɔxɔnma ɛ fe ra, sa ɛ dɛnkɛlɛyaan fari Ala yɛtagi naxan fan luxi alo saraxana, na n nasɛwama nɛn, en birin yi sɛwa.
1 Peter 2:5 in Yalunka 5 Ɛ tan fan bata findi Alaa banxin ti seene ra alo gɛmɛ niiramane, ɛ yi findi saraxarali yama sariɲanxin na, ɛ yi siimaya saraxane ba Ala tinxi naxanye ra fata a Muxu Sugandixin Yesu ra.
1 Peter 2:9 in Yalunka 9 Koni ɛ tan bata findi yama sugandixin na. Mangane nun saraxaraline nan ɛ tan na, siya sariɲanxina, Ala gbeen yamaan naxan na, alogo ɛ xa a wali faɲi gbeene fe rali, a tan naxan ɛ xilixi, a yi ɛ ba dimini, siga a kabanako kɛnɛnyani.
Revelation 5:9 in Yalunka 9 E yi bɛti nɛnɛn ba, e naxa, “I daxa i yi kɛdi mafilinxin tongo, i yi a taxamasenne ba a ma, alogo a xa rabi. Amasɔtɔ i bata yi faxa nun, i yi muxune xunba Ala xa i wunla xɔn ma, keli bɔnsɔnne birin nun xuine birin nun yamane birin nun siyane birin yi.
Revelation 7:9 in Yalunka 9 Na xanbi ra, n yi yama gbeen to naxan xasabin mi yi yatɛ, sa keli siyane birin nun bɔnsɔnne birin nun yamane birin nun xuine birin yi. E yi tixi manga gbɛdɛn nun Yɛxɛɛ Diin yɛtagi, doma fixɛn nagodoxi e ma, tugu dɛɛne suxi e yii.