Isaiah 35:6 in Yalunka 6 Nayi, sankalatɔne yi tuganɲɛ ayi alo xɛnle, bobone yi sɔnxɔn nate sɛwani. Amasɔtɔ tigi ige gbeen minima nɛn tonbonni, baane yi mini bɔxɔ xareni.
Other Translations King James Version (KJV) Then shall the lame man leap as an hart, and the tongue of the dumb sing: for in the wilderness shall waters break out, and streams in the desert.
American Standard Version (ASV) Then shall the lame man leap as a hart, and the tongue of the dumb shall sing; for in the wilderness shall waters break out, and streams in the desert.
Bible in Basic English (BBE) Then will the feeble-footed be jumping like a roe, and the voice which was stopped will be loud in song: for in the waste land streams will be bursting out, and waters in the dry places.
Darby English Bible (DBY) then shall the lame [man] leap as a hart, and the tongue of the dumb sing: for in the wilderness shall waters break out, and torrents in the desert.
World English Bible (WEB) Then shall the lame man leap as a hart, and the tongue of the mute shall sing; for in the wilderness shall waters break out, and streams in the desert.
Young's Literal Translation (YLT) Then leap as a hart doth the lame, And sing doth the tongue of the dumb, For broken up in a wilderness have been waters, And streams in a desert.
Cross Reference Exodus 17:6 in Yalunka 6 N tima nɛn i yɛɛ ra Horebe fanyen ma. I xa fanyen garin, igen minima nɛn, yamaan yi a min.” Musa yi na liga, Isirayila fonne yɛɛ xɔri.
Numbers 20:11 in Yalunka 11 Musa yi a yiini te, a fanyen garin a dunganna ra sanɲa ma firin. Ige gbeen yi mini mafurɛn! Yamaan yi e min e nun e xuruseene.
Nehemiah 9:15 in Yalunka 15 Kamɛn to e suxu, i yi donseen nagodo e ma keli kore. Min xɔnla to e suxu, i yi igen namini fanyeni, i yi a fala e xa a e xa so yamanani i kɔlɔ naxan so fe ra e benbane yii.
Psalm 46:4 in Yalunka 4 Hali fɔxɔ igene xuxu, geyane fan yi yimaxa gbaloni en mi gaxuɛ.
Psalm 51:15 in Yalunka 15 Nanara, n matandi tiine xaranɲɛ i ya kirane ma, yulubi kanne yi xɛtɛ i ma.
Psalm 78:15 in Yalunka 15 A fanyeni bɔ tonbonni, a yi tigin namini, e yi e min.
Isaiah 32:4 in Yalunka 4 Muxun naxanye xaxili mi dɔxi, ne xaxinla nun kolonna sɔtɔma nɛn, dɛ masuxune yi falan ti a tinxinni e dɛ mafuraxin na.
Isaiah 35:1 in Yalunka 1 Tonbonna nun bɔxɔ xaren sɛwama nɛn! Burunna ɲingima nɛn sɛwani a fuga alo gabala fugena.
Isaiah 41:17 in Yalunka 17 Yiigelitɔne nun tɔrɔ muxune igen fenma, koni sese mi na! Min xɔnla bata e lɛnna maxara. Koni n tan, Alatala, n na e yabima nɛn, n tan, Isirayilaa Ala, n mi e rabeɲinɲɛ mumɛ!
Isaiah 43:19 in Yalunka 19 Ɛ a mato, n fe nɛnɛn nan ligama! Na bata a fɔlɔ iki, ɛ mi a kolon ba? N kiraan sama nɛn tonbonni, n yi baane ramini bɔxɔ xareni.
Isaiah 48:21 in Yalunka 21 Min xɔnla mi e suxuma, a na ti e yɛɛ ra, dangu tonbonni. A igen naminima nɛn fanyeni e xa. A fanyen bɔma nɛn, ige gbeen yi mini keden na.
Isaiah 49:10 in Yalunka 10 Kamɛn mi fa e suxuma sɔnɔn, min xɔnla mi e suxɛ. Kuye wolonna nun sogen mi e tɔrɛ mumɛ, bayo naxan kininkininma e ma, na tima nɛn e yɛɛ ra, a yi e xali tigi yirene yi.
Ezekiel 47:1 in Yalunka 1 Na muxun mɔn yi n xali Ala Batu Banxin so dɛɛn na. Igen yi minima banxin so dɛɛn bun ma siga sogeteden binni, bayo banxin yi yɛɛ rafindixi sogeteden binna nan ma. Igen yi minima banxin bun ma yiifari fɔxɔni, a dangu saraxa ganden yiifari fɔxɔni.
Zechariah 14:8 in Yalunka 8 Na lɔxɔni, siimaya igen minima nɛn Yerusalɛn taani. A fɔxɔ kedenna yi siga sogetede baan binni, a fɔxɔ kedenna yi siga sogegodode fɔxɔ igen binni. A minima nɛn soge fure waxatini alo ɲɛmɛna.
Matthew 9:32 in Yalunka 32 Awa, na xɛmɛne yi sigama waxatin naxan yi, muxuna ndee yi fa xɛmɛna nde ra Yesu fɛma naxan mi yi nɔɛ falan tiyɛ amasɔtɔ yinna ɲaxin nan yi a fɔxɔ ra.
Matthew 11:5 in Yalunka 5 Danxutɔne seen toma, lɛbutɛnne sigan tima, dogonfontɔne kɛndɛyaan sɔtɔma, tuli xɔrine falan mɛma, faxa muxune kelima sayani, n ma falan Xibaru Faɲin nalima yiigelitɔne ma.
Matthew 12:22 in Yalunka 22 Muxuna nde yi fa xɛmɛ danxutɔna nde ra Yesu fɛma, a mi yi nɔɛ falan fan tiyɛ bayo ɲinan ɲaxin nan yi a fɔxɔ ra. Yesu yi a rakɛndɛya, a nɔ falan tiyɛ, a yi seen to.
Matthew 15:30 in Yalunka 30 Yama gbeen yi fa a fɛma, e fa lɛbutɛnne nun danxutɔne nun madɔntɔne nun bobone nun furetɔ wuyaxi gbɛtɛye ra, e yi e sa Yesu bun ma. A yi e rakɛndɛya.
Matthew 21:14 in Yalunka 14 Danxutɔne nun lɛbutɛnne yi siga Yesu fɛma Ala Batu Banxini, a yi e rakɛndɛya.
Mark 7:32 in Yalunka 32 Muxuna ndee yi fa xɛmɛ tuli xɔrina nde ra a fɛma fala ti feen yi xɔdɔxɔ naxan ma. E yi Yesu mafan, a xa a yiin sa a ma.
Mark 9:17 in Yalunka 17 Muxu keden yi a yabi yamaan yɛ, a naxa, “Karamɔxɔ, n bata fa n ma dii xɛmɛn na i fɛma amasɔtɔ yinnana a fɔxɔ ra. A mi nɔɛ falan tiyɛ.
Luke 1:64 in Yalunka 64 Na waxatin yɛtɛni, Sakari yi nɔ falan tiyɛ, a Ala tantun fɔlɔ.
Luke 11:14 in Yalunka 14 Lɔxɔna nde Yesu yi ɲinanna raxɛtɛ bobon fɔxɔ ra. Ɲinanna xɛtɛ xɛmɛn fɔxɔ ra waxatin naxan yi, a falan ti fɔlɔ, yamaan yi kabɛ.
John 5:8 in Yalunka 8 Yesu yi a fala a xa, a naxa, “Keli, i ya sa seen tongo, i siga.”
John 7:37 in Yalunka 37 Sanla lɔxɔ dɔnxɛni, sanla lɔxɔ gbeena, Yesu yi ti, a yi a xuini te, a naxa, “Xa min xɔnla naxan ma, a xa fa n ma, a fa a min.
Acts 3:2 in Yalunka 2 Nba, muxune yi fama xɛmɛna nde ra Ala Batu Banxin nabilinna yinna so dɛɛn na xandi tideni lɔxɔ yo lɔxɔ naxan yi barixi lɛbutɛnyani. Na so dɛɛn yi xili nɛn, “Dɛ Tofaɲina.”
Acts 3:6 in Yalunka 6 Koni Piyɛri yi a fala a xa, a naxa, “Gbeti mi n yii! Xɛma mi n yii! Koni seen naxan n yii, n na soma nɛn i yii. Yesu Alaa Muxu Sugandixin Nasarɛti kaan xinli, keli, i sigan ti.”
Acts 8:7 in Yalunka 7 Yinna ɲaxine yi muxun naxanye fɔxɔ ra, ne yi e ragbelegbele, e xɛtɛ e fɔxɔ ra. Fati mafaxatɔne nun lɛbutɛn wuyaxi fan yi kɛndɛya.
Acts 14:8 in Yalunka 8 Xɛmɛna nde yi dɔxi Lisitire taani, lɛbutɛnna nan yi a ra. Xabu a bari, a lɛbutɛnxi. A munma yi sigan ti mumɛ!
Colossians 3:16 in Yalunka 16 Alaa Muxu Sugandixina falan xa lu ɛ yi, a ɲaxunna birin yi, ɛ yi ɛ bode xaran, ɛ yi ɛ bode kawandi fekolonna birin yi, e nun Yaburi falane nun bɛtine nun Ala tantun sigi sariɲanxine ra. Ɛ barikan bira Ala xa ɛ bɔɲɛni.
Revelation 22:1 in Yalunka 1 Malekan yi siimaya baa igen fan yita n na. A fixa alo kilasina, keli Ala nun Yɛxɛɛ Diina manga gbɛdɛni.
Revelation 22:17 in Yalunka 17 Awa, Alaa Nii Sariɲanxin nun ɲaxalandin yi a fala, e naxa, “Fa be!” Naxan yo na a mɛ, na fan xa a fala, a naxa, “Fa be!” Xa min xɔnla naxan ma, na xa fa. Xa naxan wama siimaya igen xɔn, na xa a rasuxu, a mi sarama.