Isaiah 35:4 in Yalunka 4 Naxanye bɔɲɛ bata mini, ɛ a fala ne xa, ɛ naxa, “Ɛ wɛkilɛ, ɛ nama gaxu, ɛ Ala famaan ni i ra ɛ gbeen ɲɔxɔdeni. Ala ɛ yaxune saranna fima nɛn, a tan yɛtɛɛn yi fa ɛ rakisideni.”
Other Translations King James Version (KJV) Say to them that are of a fearful heart, Be strong, fear not: behold, your God will come with vengeance, even God with a recompence; he will come and save you.
American Standard Version (ASV) Say to them that are of a fearful heart, Be strong, fear not: behold, your God will come `with' vengeance, `with' the recompense of God; he will come and save you.
Bible in Basic English (BBE) Say to those who are full of fear, Be strong and take heart: see, your God will give punishment; the reward of God will come; he himself will come to be your saviour.
Darby English Bible (DBY) Say to them that are of a timid heart, Be strong, fear not; behold your God: vengeance cometh, the recompense of God! He will come himself, and save you.
World English Bible (WEB) Tell those who are of a fearful heart, Be strong, don't be afraid: behold, your God will come [with] vengeance, [with] the recompense of God; he will come and save you.
Young's Literal Translation (YLT) Say to the hastened of heart, `Be strong, Fear not, lo, your God; vengeance cometh, The recompence of God, He Himself doth come and save you.'
Cross Reference Deuteronomy 32:35 in Yalunka 35 N tan nan gbeeɲɔxɔ tiin na. N feene saranma nɛn e ɲɔxɔne ra, na muxune yi dagalanɲɛ ayi a waxatini. A gbee mi luxi, yihadin yi e li, e yigitɛgɛ lɔxɔn bata maso.”
Joshua 1:6 in Yalunka 6 I wɛkilɛ, i sɛnbɛ so! Amasɔtɔ n na n kɔlɔxi yamanan naxan so fe ra ɛ benbane yii, na findima yamani ito kɛɛn na i tan nan baraka yi.
1 Chronicles 28:20 in Yalunka 20 A mɔn yi a fala Sulemani xa, a naxa, “N ma dii xɛmɛna, i wɛkilɛ, i sɛnbɛ so, i wanla kɛ. I nama kuisan, i nama gaxu! Amasɔtɔ Marigina Alatala, n ma Ala luma nɛn i xɔn. A mi i rabeɲinɲɛ mumɛ! A i malima nɛn han i yelin wanli ito birin nakamalɛ Alatala Batu Banxina fe yi.
Psalm 50:3 in Yalunka 3 En ma Ala fama, a mi dunduxi. Kala ti tɛɛ gbeena a yɛɛ ra, foye gbeena a rabilinxi.
Psalm 116:11 in Yalunka 11 N yi gaxuni waxatin naxan yi, n yi a fala, n naxa, “Adamadiine birin wule!”
Isaiah 1:24 in Yalunka 24 Nanara, Marigina Alatala Sɛnbɛn Birin Kanna, Isirayilaa Ala Sɛnbɛmana falan ni ito ra, a naxa, “Gbalona ɛ xa! N nan n yɛtɛ sɔtɔma nɛn n yɛngɛfane ra. N nan n gbeen ɲɔxɔma nɛn n yaxune ra.
Isaiah 25:9 in Yalunka 9 Na lɔxɔni, e a falama nɛn, e naxa, “En ma Ala ni i ra! En na en xaxili tixi a tan nan na, a yi en nakisi! Alatala ni i ra! En xaxili tixi a tan nan na. En ɲaxan, en sɛwa a marakisina fe ra!”
Isaiah 26:20 in Yalunka 20 N ma yamana, ɛ so ɛ konni, ɛ dɛɛn balan ɛ fɔxɔ ra. Ɛ luxun waxatidi, han Alaa xɔlɔn yi dangu.
Isaiah 28:16 in Yalunka 16 Nanara, Marigina Alatala ito nan falaxi, a naxa, “N bata gɛmɛna nde dɔxɔ Siyon taani alo banxin tongon gɛmɛ faɲi yɛbaxina. Naxan na dɛnkɛlɛya a ma, na mi yimaxɛ mumɛ!”
Isaiah 32:4 in Yalunka 4 Muxun naxanye xaxili mi dɔxi, ne xaxinla nun kolonna sɔtɔma nɛn, dɛ masuxune yi falan ti a tinxinni e dɛ mafuraxin na.
Isaiah 33:22 in Yalunka 22 Amasɔtɔ Alatala nan en ma kitisaan na. Alatala nan en ma sariyasaan na. Alatala nan en ma mangan na. A tan nan en nakisima.
Isaiah 34:8 in Yalunka 8 Bayo, gbeeɲɔxɔ lɔxɔn nan na ra Alatala xɔn, gbeeɲɔxɔn ɲɛɛn nan na ra Siyon taan xun mayɛngɛna fe yi.
Isaiah 40:9 in Yalunka 9 Ɛ tan Siyon kaan naxanye sa xibaru faɲin xɛrayani bama, ɛ te geya matexin fari, ɛ xuini te han, ɛ tan Yerusalɛn kaan naxanye sa xibaru faɲin xɛrayani bama. Ɛ xuini te, ɛ nama gaxu. Ɛ a fala Yuda yamanan taane xa, ɛ naxa, “Ɛ Ala ni i ra!”
Isaiah 41:10 in Yalunka 10 Nayi, ɛ nama gaxu amasɔtɔ n na ɛ xɔn. Ɛ nama kɔntɔfili, amasɔtɔ ɛ Ala nan n na. N na ɛ sɛnbɛn gboma ayi nɛn, n yi ɛ mali, n yi ti ɛ bun sɛnbɛn nun tinxinni.
Isaiah 43:1 in Yalunka 1 Ala naxan i daxi, Yaxuba bɔnsɔnna, naxan i rafalaxi, Isirayila bɔnsɔnna, Alatala ito nan falaxi iki, a naxa, “I nama gaxu, amasɔtɔ n bata i xunba! N bata i xili i xinla ma. N tan nan gbee i ra!
Isaiah 44:2 in Yalunka 2 Alatala ito nan falaxi, naxan i daxi, naxan i rafalaxi i nga kui, naxan i malima, a naxa, “Ɛ nama gaxu, n ma walikɛne, Yaxuba bɔnsɔnna, i tan Isirayila tinxinxina n naxan sugandixi.
Isaiah 52:7 in Yalunka 7 Xɛra faɲi yibane faan lanxi geyane fari han, naxanye bɔɲɛ xunbenla fe ralima, naxanye fama sɛwa feen xibarun na, naxanye marakisina fe falama, naxanye a falama Siyon kaane xa, e naxa, “Ɛ Ala nan mangan na!”
Isaiah 54:4 in Yalunka 4 Ɛ nama gaxu, amasɔtɔ ɛ mi yagin sɔtɔɛ. Ɛ nama kɔntɔfili amasɔtɔ ɛ mi rayagima, koni ɛ ɲinanma nɛn ɛ dii ɲɔrɛyaan yagin xɔn ɛ mi fa ɛ mirima ɛ kaɲa gilɛyaan yagine ma sɔnɔn.
Isaiah 61:2 in Yalunka 2 N yi Alatalaa hinan ɲɛɛna fe rali e nun en ma Ala gbeeɲɔxɔ lɔxɔna, alogo n xa muxu sunuxine madɛndɛn,
Isaiah 66:15 in Yalunka 15 Bayo Alatala fama tɛɛn nan na, a yɛngɛ so wontorone luxi alo wuluwunla, alogo a fitinaxin xa a xɔlɔn nakamali a kɔnkɔ xuiin yi rakamali tɛɛ dɛgɛ gbeen na.
Daniel 10:19 in Yalunka 19 A yi a fala, a naxa, “I nama gaxu, muxu rafanxina, i bɔɲɛn xa xunbeli. I sɛnbɛ so, i wɛkilɛ!” A to na fala n xa, n yi fangan sɔtɔ, n yi a fala, n naxa, “N kanna xa falan ti, bayo i bata n sɛnbɛ so.”
Hosea 1:7 in Yalunka 7 Koni n kininkininma nɛn Yuda tan ma, n yi a rakisi Alatala sɛnbɛni, a Ala. N mi e rakisɛ tanban na. Silanfanna mi a ra, yɛngɛn mi a ra, soone mi a ra, soo ragine mi a ra.”
Habakkuk 2:3 in Yalunka 3 Bayo fe makɛnɛnxin na a ra naxan nakamalima a waxatini. A fa a waxatin nan legedenma, a mi luma a ligataren na. Hali a bu, a mamɛ, bayo a rakamalima nɛn yati. A mi xunkuyama ayi.
Zephaniah 3:16 in Yalunka 16 Muxune a falama nɛn Yerusalɛn kaane xa na lɔxɔni, e naxa, “Siyon kaane, ɛ nama gaxu! Siyon kaane, ɛ nama tagan!
Haggai 2:4 in Yalunka 4 Nayi, Alatalaa falan ni ito ra, a naxa, ‘Sorobabeli, i wɛkilɛ! Yehosadaki a dii xɛmɛn Yosuwe, saraxarali kuntigina, i wɛkilɛ! Ɛ tan yamanan muxune birin, ɛ wɛkilɛ!’ Alatala Sɛnbɛn Birin Kanna fala ni ito ra, a naxa, ‘Ɛ wali! Amasɔtɔ n luma nɛn ɛ xɔn.
Zechariah 2:8 in Yalunka 8 A yi a fala a xa, a naxa, “I gi, sa a fala banxulanni ito xa, a Yerusalɛn kaane nun xuruseene wuyama ayi nɛn han! Yinna mi fa nɔɛ taan nabilinɲɛ.
Malachi 3:1 in Yalunka 1 “A mato, n nan n ma xɛraan nasigama nɛn, a yi kirani tɔn n yɛɛ ra. Nayi, sanɲa ma kedenni, ɛ marigin naxan fenma, na soma nɛn a batu banxini. Ɛ n ma xɛraan naxan mamɛma lan n ma layirin ma, na fama nɛn.” Alatala Sɛnbɛn Birin Kanna naxa na kiini.
Matthew 1:21 in Yalunka 21 A dii xɛmɛn barima nɛn, i yi a xili sa Yesu amasɔtɔ a tan nan a yamaan nakisima e yulubine ma.”
Luke 21:28 in Yalunka 28 Koni feni itoe na liga fɔlɔ waxatin naxan yi, ɛ xa ɛ xunna rakeli, ɛ yi ɛ yɛɛn nabi amasɔtɔ ɛ xunba waxatin bata maso.”
Ephesians 6:10 in Yalunka 10 Falani soxin naxan na, ɛ sɔbɛ so Marigina fe yi a sɛnbɛn barakaxini.
2 Timothy 2:1 in Yalunka 1 Nba, i tan n ma diina, i sɛnbɛ so na hinanni naxan Yesu Alaa Muxu Sugandixini.
Hebrews 9:28 in Yalunka 28 Alaa Muxu Sugandixin fan findixi saraxan na na kii nin sanɲa ma keden pe, a muxu wuyaxi yulubin ɲan. A mɔn fama nɛn, koni a mi fama yulubi xafari feen na. A fama a legeden muxune nan nakisideyi.
Hebrews 10:37 in Yalunka 37 Amasɔtɔ Kitabuna a falaxi kii naxan yi, a naxa, “A bata lu ndedi, siya di, naxan fama, na yi fa, a mi fa buma.
James 5:7 in Yalunka 7 Nanara, ngaxakedenne, ɛ diɲa han Marigin yi fa. Ɛ miri xɛɛ biina diɲan ma, a a xɛɛn mamɛma waxatin naxan yi, a yi a tɔnɔne sɔtɔ. A diɲama nɛn han tule singene nun a raɲanne yi fa.
Revelation 1:7 in Yalunka 7 Ɛ a mato, a fama kundani! Muxune birin a toma nɛn hali naxanye a sɔxɔnxi. Bɔxɔn bɔnsɔnne birin wugama nɛn a fe ra. A xa liga na kiini yati! Amina.
Revelation 2:10 in Yalunka 10 I nama gaxu i tɔrɔ fe famatɔne ra sese ma. Yinna Manga Setana ɛ tan nde sɛ nɛn kasoon na, alogo a xa ɛ mato, ɛ yi xi fu tɔrɔn sɔtɔ. Ɛ tɔgɔndiya han ɛ sayana, n yi nii rakisin mangaya taxamaseri kɔmɔtin so ɛ xun na.”
Revelation 22:20 in Yalunka 20 Naxan feni itoe seren bama, na naxa, “Ɲɔndin na a ra, n famaan ni i ra.” Amina! Marigi Yesu fa!