Isaiah 24:5 in Yalunka 5 Adamadiine bata bɔxɔ xɔnna raharamu. E mi Alaa sariyane suxi, e yi a tɔnne beɲin. E bata habadan layirin kala e nun Ala tagi.
Other Translations King James Version (KJV) The earth also is defiled under the inhabitants thereof; because they have transgressed the laws, changed the ordinance, broken the everlasting covenant.
American Standard Version (ASV) The earth also is polluted under the inhabitants thereof; because they have transgressed the laws, violated the statutes, broken the everlasting covenant.
Bible in Basic English (BBE) The earth has been made unclean by those living in it; because the laws have not been kept by them, the orders have been changed, and the eternal agreement has been broken.
Darby English Bible (DBY) And the land is polluted under the inhabitants thereof; for they have violated the laws, changed the statute, broken the everlasting covenant.
World English Bible (WEB) The earth also is polluted under the inhabitants of it; because they have transgressed the laws, violated the statutes, broken the everlasting covenant.
Young's Literal Translation (YLT) And the land hath been defiled under its inhabitants, Because they have transgressed laws, They have changed a statute, They have made void a covenant age-during.
Cross Reference Genesis 3:17 in Yalunka 17 Ala yi a fala Adama xa, a naxa, “I bata bira i ya ɲaxanla fɔxɔ ra. I bata na wudin bogin don, n na i yamarixi wudin naxan ma fe ra, a i nama na don. Iki n bata bɔxɔn danga i ya fe ra. I tɔrɔma nɛn balo sɔtɔdeni i ya dunuɲa yi gidini.
Genesis 6:11 in Yalunka 11 Dunuɲa bata yi kala Ala yɛɛ ra yi. A bata yi rafe fe ɲaxin na.
Genesis 17:13 in Yalunka 13 Na kui, konyin naxanye barixi i konni e nun i naxan fan saraxi, e birin lan nɛn e xa banxulan, alogo n ma layirin taxamasenna xa lu ɛ fatin ma habadan!
Leviticus 18:24 in Yalunka 24 “Ɛ nama ɛ xɔsi na kɛwali yo xɔn. Amasɔtɔ n siyaan naxanye kedima ɛ yɛɛ ra, ne e yɛtɛ xɔsi na feene nan xɔn.
Leviticus 20:22 in Yalunka 22 “Ɛ xa n ma tɔnne nun n ma sariyane birin suxu, ɛ yi e liga, alogo na bɔxɔn nama a mɛ ɛ ra, n na ɛ xalima bɔxɔn naxan yi dɔxɔdeni.
Numbers 35:33 in Yalunka 33 Ɛ nama yamanan naxɔsi ɛ dɔxi dɛnaxan yi. Anu, muxu faxan yamanan xɔsima nɛn. Bɔxɔn mi rasariɲanma faxa tixin ma fɔ faxa tiin na faxa.
Deuteronomy 32:15 in Yalunka 15 Isirayila tinxinxin yi gbo ayi, a yi tondi, turen yi gbo a fatini, a fatin yi fanɲɛ ayi, a yi xɛtɛ Ala fɔxɔ ra, a da mangana, a yi a mɛ Ala ra, a kantan fanyena, naxan a rakisima.
Deuteronomy 32:20 in Yalunka 20 A yi a fala, a naxa, “N xa n yɛtagi luxun e ma, n yi a mato feen naxan e lima. Amasɔtɔ yama xaxilitaren nan e ra. Dii yanfantenne nan e ra.
Joshua 24:25 in Yalunka 25 Na lɔxɔni, Yosuwe nun yamaan yi layirin xidi. A yi tɔnne nun sariyane so e yii Siken yi.
2 Samuel 23:5 in Yalunka 5 A mato, Ala naxan nabaxi n ma denbayaan xa, a bata habadan layirin xidi n xa, a naxan xidixi sariyane xɔn naxanye a makantanma. Yɛyɛ a xunnayerenna fima n ma, a yi n ma fe ragidixine rakamali.
2 Kings 17:7 in Yalunka 7 Na liga nɛn amasɔtɔ Isirayila kaane bata yi Alatala yulubin tongo, e Ala, naxan e ramini Misiran yamanani, Misiran mangan bun, amasɔtɔ e bata yi ala gbɛtɛne batu.
2 Kings 22:13 in Yalunka 13 “Ɛ sa Alatala maxɔdin nxu nun Yuda yamaan birin xa kɛdina fe ra naxan toxi. Alatala bata xɔlɔ gbeen ti en xili ma, amasɔtɔ yamarin naxanye sɛbɛxi kɛdini ito kui, en benbane mi ne suxi e yi e liga.”
2 Kings 23:26 in Yalunka 26 Koni, Alatala mi xɛtɛ a xɔlɔ gbeen fɔxɔ ra Yuda xili ma Manase a fe ra naxan a Alatala raxɔlɔ.
2 Chronicles 33:9 in Yalunka 9 Koni, Manase yi a liga Yuda kaane nun Yerusalɛn kaane yi yulubin tongo. E yi fe xɔsixine liga dangu siyane ra Alatala naxanye halagi Isirayila bun.
Ezra 9:6 in Yalunka 6 n yi Ala maxandi, n naxa, “N ma Ala, n yagixi, n mi nɔɛ n xunna rakelɛ i tan n ma Ala yɛtagi, bayo nxɔ fe ɲaxin bata gbo ayi nxu xun ma. Nxu yulubine bata te han kore.
Psalm 55:5 in Yalunka 5 N bata kɔntɔfili. Sayaan gbalon bata n xun matugan.
Psalm 105:10 in Yalunka 10 A mɔn yi a ragidi Yaxuba ma sariyan xɔn, a findi habadan layirin na Isirayila kaane xa.
Psalm 106:36 in Yalunka 36 E yi e suxurene batu. Na nan findi e rabira xunna ra.
Isaiah 1:2 in Yalunka 2 Kore xɔnna, ito ramɛ! Bɔxɔ xɔnna, i tuli mati! Amasɔtɔ, Alatala falan tima, a naxa, “N bata diine ragbo, n yi e maxuru, koni e bata murutɛ n ma.
Isaiah 10:6 in Yalunka 6 N na a sofane rasigama nɛn Ala kolontare siyaan xili ma. N yi e radin yamaan xili ma naxanye n naxɔlɔma e xa sa mɛn kaane yii seene suxu, e yi e nafunle tongo, e yi e yibodon alo borona kiraan xɔn!
Isaiah 50:1 in Yalunka 1 Alatala ito nan falaxi, a naxa, “Futu kala kɛdin minɛn n na n mɛxi ɛ nga ra naxan xɔn? Hanma n na ɛ matixi n doli faane ma naxan xɔn? Ɛ matixi ɛ hakɛne nan ma fe ra ɛ nga ramɛxi ɛ matandine nan ma fe ra.
Isaiah 59:1 in Yalunka 1 Alatala yiin mi dungi, a yi ɛ rakisi. Tuli xɔri mi a ra naxan mi ɛ xuiin namɛ.
Isaiah 59:12 in Yalunka 12 Amasɔtɔ nxɔ matandine gbo i tan Ala yɛtagi, nxɔ yulubine sereyaan bama nxu xili ma, nxɔ matandine nxu fɔxɔ ra, nxu nxu hakɛne kolon:
Jeremiah 3:1 in Yalunka 1 Ala yi a fala, a naxa, “Xa muxuna nde a mɛ a ɲaxanla ra, na ɲaxanla yi sa dɔxɔ xɛmɛ gbɛtɛ xɔn, na xɛmɛn mɔn na ɲaxanla fenɲɛ ba? Na mi findɛ fe xɔsixin na yamanani ba? Ɛ tan bata suxure wuyaxi batu, naxanye luxi n yɛɛ ra yi alo ɛ yangane, ɛ tan mɔn nɔɛ xɛtɛ n tan ma ba?” Alatalaa falan nan na ra.
Jeremiah 50:5 in Yalunka 5 E maxɔdinna tima nɛn Siyon kirana fe yi, e yi e yɛɛ rafindi mɛn binna ma, e yi e yɛtɛ findi Alatala gbeen na habadan layirin xɔn naxan mi ɲinanma muxune ra mumɛ!
Ezekiel 7:20 in Yalunka 20 E bata waso ayi e nafunle xɔn e yi suxure xɔsixi haramuxine rafala e ra. Nanara, n tan Ala ne findima nɛn se xɔsine ra e xa.
Ezekiel 20:13 in Yalunka 13 “‘Koni Isirayila yamaan murutɛ nɛn n xili ma tonbonni. E mi n ma tɔnne suxu, e yi e mɛ n ma sariyane ra, anu, naxan na e suxu, na nii rakisin sɔtɔma nɛn e xɔn. E yi n ma Matabu Lɔxɔne rayelefu mumɛ. A xɔnla yi n suxu n xa n ma xɔlɔn nagodo e ma tonbonni, n yi e raxɔri.
Ezekiel 20:24 in Yalunka 24 bayo e mi n ma sariyane suxi, e yi e mɛ n ma tɔnne ra, e yi n ma Matabu Lɔxɔne rayelefu, e yi kunfa e fafane suxurene xɔn.
Ezekiel 22:24 in Yalunka 24 “Adamadina, a fala Isirayila kaane xa, i naxa, ‘Ɛ yamanan mi sariɲan. Tule igen mi sama a ma n ma xɔlɔn godo lɔxɔni.’
Ezekiel 37:26 in Yalunka 26 N bɔɲɛ xunbeli layirin xidima nɛn nxu nun ne tagi, a findi habadan layirin na. N na e rasabatima nɛn, n yi e rawuya ayi, n yi n ma yire sariɲanxin lu e tagi habadan!
Daniel 7:25 in Yalunka 25 A fala ɲaxine tima nɛn Ala Matexin ma, a yi muxu sariɲanxine kasari, a wama nɛn a xa waxatine nun sariyan masara. Muxu sariɲanxine yi lu a bun ma waxati saxan nun a tagi bun ma.
Daniel 9:5 in Yalunka 5 Nxu bata yulubin liga, nxu bata tantan, nxu bata findi sɔn kanne ra, nxu bata murutɛ i tan xili ma, nxu yi nxu xun xanbi so i ya yamarine nun i ya sariyane yi.
Daniel 9:10 in Yalunka 10 Nxu mi i tan Alatala xuiin namɛxi, nxɔ Ala, i to nxu maxɔdin nxu xa xuru i ya sariyane ma, i naxanye falaxi nxu xa fata i ya walikɛne nabine ra.
Micah 2:10 in Yalunka 10 Ɛ keli, ɛ siga, amasɔtɔ ɛ matabude mi ito ra, bayo ɛ yamanan bata raharamu. A findima tɔrɔn nan na naxan magaxu han!
Mark 7:7 in Yalunka 7 E n batuma fuyan! Amasɔtɔ e xaranna findixi adamadiyaan yamari xaranxine nan gbansan na.’ ”
Luke 1:6 in Yalunka 6 E firinna birin yi tinxin Ala yɛɛ ra yi, e yi Marigina yamarin nun a sariyan birin suxi.
Romans 8:20 in Yalunka 20 Amasɔtɔ daala lu nɛn kobiyaan bun. A sago mi yi a ra, koni Ala sagoon nan a luxi na kiini alogo yigin xa sɔtɔ,
Hebrews 9:1 in Yalunka 1 Layiri singen kui, yamarina ndee yi na nun lan Ala batu feen nun a yire sariɲanxina fe ma dunuɲa muxune naxan tixi a xa.
Hebrews 13:20 in Yalunka 20 Bɔɲɛ xunbenla Ala, naxan en Marigi Yesu rakeli sayani habadan layirin xidi wunla barakani, Yesu naxan a ɲɔxɔ luma en xɔn alo xuruse rabana,