Genesis 12:2 in Yalunka

2 N ni i findima siya gbeen na nɛn. N na i barakama nɛn, n ni i findi xili kanna ra. Muxune fan duban sɔtɔma nɛn i tan barakani.

Other Translations

King James Version (KJV)

And I will make of thee a great nation, and I will bless thee, and make thy name great; and thou shalt be a blessing:

American Standard Version (ASV)

and I will make of thee a great nation, and I will bless thee, and make they name great; and be thou a blessing;

Bible in Basic English (BBE)

And I will make of you a great nation, blessing you and making your name great; and you will be a blessing:

Darby English Bible (DBY)

And I will make of thee a great nation, and bless thee, and make thy name great; and thou shalt be a blessing.

Webster's Bible (WBT)

And I will make of thee a great nation, and I will bless thee, and make thy name great; and thou shalt be a blessing:

World English Bible (WEB)

I will make of you a great nation. I will bless you, and make your name great. You will be a blessing.

Young's Literal Translation (YLT)

And I make thee become a great nation, and bless thee, and make thy name great; and be thou a blessing.

Cross Reference

Genesis 13:16 in Yalunka

16 N ni i bɔnsɔnna rawuyama ayi nɛn alo gbangbanna naxan bɔxɔn ma. Xa muxun nɔɛ mɛɲɛnsinna tɛngɛ, awa, a nɔɛ nɛn i bɔnsɔnna yatɛn kolonɲɛ.

Genesis 14:14 in Yalunka

14 Iburama to a mɛ, muxune bata a xunyɛna dii xɛmɛ Loti suxu, a yi yɛngɛsone tongo, muxu kɛmɛ saxan muxu fu nun solomasɛxɛ naxanye barixi a sariyan kui, naxanye fatan yɛngɛ sodeni. E yi siga na mangane fɔxɔ ra han taan naxan xili Dan.

Genesis 15:5 in Yalunka

5 Ala yi Iburama ramini a bubun bun ma, a yi a fala a xa, a naxa, “I yɛɛn nate kore. I sarene tɛngɛ xa i nɔɛ a yatɛn kolonɲɛ.” A mɔn yi a fala a xa, a naxa, “I ne toxi kii naxan yi kuyen ma, i bɔnsɔnna fan wuyama ayi na kiini nɛn, i mi nɔɛ a yatɛn kolonɲɛ.”

Genesis 17:4 in Yalunka

4 Ala yi a fala a xa, a naxa, “N ma layirin ni i ra n naxan tongoxi i tan nun n tan tagi. I findima nɛn siya wuyaxine benban na.

Genesis 18:18 in Yalunka

18 A fama nɛn findideni siya belebele sɛnbɛmaan na. Dunuɲa siyane birin duban sɔtɔma nɛn a tan barakani.

Genesis 19:29 in Yalunka

29 Ala to yi na taane kalama nun, a yi mirixi Iburahimaa fe ma. Na nan a toxi, Ala yi Loti ratanga na gbalon ma, a yi na taane kalama waxatin naxan yi, Loti yi dɔxi dɛnaxan yi.

Genesis 22:17 in Yalunka

17 n na i barakama nɛn han! I bɔnsɔnna wuyama ayi nɛn alo saren naxanye koren ma, xa na mi a ra e wuyama ayi nɛn alo mɛɲɛnsinna naxan malanxi baa dɛɛn na. I bɔnsɔnna e yaxune nɔma nɛn.

Genesis 24:35 in Yalunka

35 Alatala bata baraka gbegbeen nagidi n kanna Iburahima ma. A bata findi nafulu kanna ra, bayo Ala bata xuruseen sifan birin fi a ma e nun gbetin nun xɛmaan nun walikɛ xɛmɛne nun walikɛ ɲaxanle nun ɲɔgɔmɛne nun sofanle. Ala bata na birin fi a ma.

Genesis 26:4 in Yalunka

4 N na i bɔnsɔnna rawuyama ayi nɛn alo saren naxanye kore. N bɔxɔni ito fima nɛn i bɔnsɔnna ma. Dunuɲa siyane birin duban sɔtɔma nɛn i tan bɔnsɔnna barakan nin,

Genesis 27:29 in Yalunka

29 Ala xa i dɔxɔ siyane xun na. Ala xa siyane magodo i xa. I xa findi i ngaxakedenne yɛɛratiin na. E birin xa e magodo i bun ma. Muxu yo na i danga, na dangan xa xɛtɛ a kanna ma. Muxu yo na duba i xa, na kanna fan xa duban sɔtɔ.”

Genesis 28:3 in Yalunka

3 Ala Sɛnbɛ Kanna xa i baraka, Ala xa dii gbegbe fi i ma, alogo i xa findi siya gbegbeen benban na.

Genesis 28:14 in Yalunka

14 I bɔnsɔnna fama wuyadeni nɛn alo gbangbanna. Ɛ bɔxɔn fama nɛn gbodeni ayi keli sogeteden ma han sa dɔxɔ sogegododen na, keli kɔmɛnna ma sa dɔxɔ yiifanna ra. Dunuɲa siyane birin duban sɔtɔma i tan nun i bɔnsɔnna sabun nan na.

Genesis 35:11 in Yalunka

11 A mɔn yi a fala a xa, a naxa, “Ala Sɛnbɛ Kanna nan n na. I xa wuya, i yiriwa alogo i xa findi siyana nde benban na. I mɔn findima nɛn siya wuyaxine benban na. Mangane minima nɛn i bɔnsɔnni.

Genesis 46:3 in Yalunka

3 Ala yi a fala, a naxa, “N tan nan Ala ra, i babaa Ala. Hali i nama gaxu siga feen na Misiran yi, bayo n ni i findima siya gbeen nan na mɛnni.

Exodus 1:7 in Yalunka

7 Isirayilaa diine yi diine bari, e wuya ayi, e yi yamanan nafe.

Exodus 32:10 in Yalunka

10 Iki i xa i masiga n na. N ma xɔlɔn xa keli e xili ma, n xa e raxɔri. N ni i tan nan bɔnsɔn findima siya gbeen na.”

Numbers 14:12 in Yalunka

12 N fitina furen nafama nɛn e ma, n yi e raxɔri. Koni n ni i tan findima nɛn siya gbeen na, naxan sɛnbɛn gbo e xa.”

Numbers 24:9 in Yalunka

9 E e sama nɛn alo yatane. Nde susuɛ e rakelɛ? Naxan na duba i xa, Ala xa na kanna baraka! Naxan na i danga, Ala xa na kanna danga!

Deuteronomy 26:5 in Yalunka

5 Ɛ falani ito nan tima Alatala ɛ Ala xa, ɛ naxa, “N benban findixi Arami kaan nan na, sigatiina. A siga nɛn Misiran yi, e nun a muxune. E yi dɔxɔ na. E yi findi siya gbee sɛnbɛmaan na, muxu wuyaxi.

2 Samuel 7:9 in Yalunka

9 I sigan dɛnaxan birin yi, n lu nɛn i xɔn, n yi i yaxune birin faxa i yɛtagi, n yi i findi xili gbee kanna ra alo muxu gbeen naxanye bɔxɔ xɔnna fari.

1 Kings 1:47 in Yalunka

47 Mangana walikɛne bata fa dubadeni nxu kanna Manga Dawuda xa, e naxa, ‘I ya Ala xa Sulemani xinla gbo ayi dangu i xinla ra, a yi a mangayaan dangu i gbeen na!’ Mangan bata yi a xinbi sin a sadeni.

1 Kings 3:8 in Yalunka

8 N na i ya yamaan tagi i naxan sugandixi. Yama gbeen nan na ra, naxan mi nɔɛ tɛngɛ, a mi nɔɛ yatɛ a wuyaan ma.

Micah 7:20 in Yalunka

20 I ya lannayaan yitama nɛn Yaxuba bɔnsɔnne ra i yi hinan Iburahima yixɛtɛne ra, alo i kɔlɔ kii naxan yi nxu benbane xa a singeni.

Romans 4:11 in Yalunka

11 A banxulanyaan sɔtɔ nɛn a tinxinyaan taxamasenna ra a naxan sɔtɔxi a dɛnkɛlɛyaan xɔn benun a xa banxulan waxatin naxan yi. Nanara, Iburahima yi findi muxune birin benban na naxanye dɛnkɛlɛyaxi Ala ma, na yi yatɛ e xa tinxinna ra hali e mi banxulanxi.

Galatians 3:7 in Yalunka

7 Ɛ xa a kolon fa fala muxun naxanye dɛnkɛlɛyaxi, Iburahima bɔnsɔnna muxune nan ne ra.

Galatians 3:14 in Yalunka

14 A na liga nɛn en xa alogo Ala duban naxan nagidixi Iburahima ma, siya gbɛtɛne fan xa na sɔtɔ Yesu Alaa Muxu Sugandixin barakani. En mɔn yi Alaa Niin sɔtɔ dɛnkɛlɛyaan xɔn ma, a en tuli saxi naxan na.