Colossians 3:16 in Yalunka

16 Alaa Muxu Sugandixina falan xa lu ɛ yi, a ɲaxunna birin yi, ɛ yi ɛ bode xaran, ɛ yi ɛ bode kawandi fekolonna birin yi, e nun Yaburi falane nun bɛtine nun Ala tantun sigi sariɲanxine ra. Ɛ barikan bira Ala xa ɛ bɔɲɛni.

Other Translations

King James Version (KJV)

Let the word of Christ dwell in you richly in all wisdom; teaching and admonishing one another in psalms and hymns and spiritual songs, singing with grace in your hearts to the Lord.

American Standard Version (ASV)

Let the word of Christ dwell in you richly; in all wisdom teaching and admonishing one another with psalms `and' hymns `and' spiritual songs, singing with grace in your hearts unto God.

Bible in Basic English (BBE)

Let the word of Christ be in you in all wealth of wisdom; teaching and helping one another with songs of praise and holy words, making melody to God with grace in your hearts.

Darby English Bible (DBY)

Let the word of the Christ dwell in you richly, in all wisdom teaching and admonishing one another, in psalms, hymns, spiritual songs, singing with grace in your hearts to God.

World English Bible (WEB)

Let the word of Christ dwell in you richly; in all wisdom teaching and admonishing one another with psalms, hymns, and spiritual songs, singing with grace in your heart to the Lord.

Young's Literal Translation (YLT)

Let the word of Christ dwell in you richly, in all wisdom, teaching and admonishing each other, in psalms, and hymns, and spiritual songs, in grace singing in your hearts to the Lord;

Cross Reference

Deuteronomy 6:6 in Yalunka

6 N yamarini itoe naxan fixi i ma iki, e xa lu i bɔɲɛni.

Deuteronomy 11:18 in Yalunka

18 Ɛ xa falani itoe lu ɛ niini e nun ɛ bɔɲɛni. Ɛ e xidi ɛ yiin na e nun ɛ tigi ra alogo ɛ nama ɲinan e xɔn.

1 Kings 3:9 in Yalunka

9 Nayi, xaxili faɲin fi n tan i ya walikɛɛn ma, n xa nɔ i ya yamaan makitɛ, n nɔ a faɲin nun a ɲaxin tagi rabɛ! Amasɔtɔ nde nɔɛ yama gbeeni ito marɛ?”

1 Kings 3:28 in Yalunka

28 Isirayila birin yi mangana kiti saxin na mɛ. E gaxu mangan yɛɛ ra, amasɔtɔ Alaa kolonna a yi, alogo a xa kiti kɛndɛn sa.

1 Chronicles 25:7 in Yalunka

7 Muxuni itoe nun e kon kaan naxanye xaranxi bɛti ba feene ma Alatala xa naxanye yi fatan, ne birin malanxina, muxu kɛmɛ firin muxu tonge solomasɛxɛ e nun solomasɛxɛ.

Nehemiah 12:46 in Yalunka

46 Bayo waxati danguxini, Dawuda nun Asafi waxatini, bɛti ba kuntigine yi na e nun bɛtine Ala tantun xinla ma.

Job 23:12 in Yalunka

12 N mi tondi a yamarine suxɛ, n na a falane birin namara nɛn n bɔɲɛni.

Psalm 28:7 in Yalunka

7 Alatala nan n sɛnbɛn na. A n xun mayɛngɛma alo wure lefana. N yigin saxi a fari, bayo a n malima. Nanara, n bɔɲɛn bata rafe sɛwan na. N na a tantunma nɛn bɛtine yi.

Psalm 30:11 in Yalunka

11 Alatala, i tuli mati n na, i kininkinin n ma! Alatala, n mali!”

Psalm 32:7 in Yalunka

7 N luxunden nan i tan na. I tan nan n natangama tɔrɔn ma, yamaan birin yi xɔrɔya bɛtine ba.

Psalm 47:6 in Yalunka

6 Ala bata dɔxɔ a mangaya gbɛdɛni. Yamaan sɔnxɔma sɛwani, xɔta xuine yi mini Alatala xa.

Psalm 71:23 in Yalunka

23 N sɔnxɔma nɛn sɛwani n nɛma bɛti baani waxatin naxan yi amasɔtɔ i bata n xunba.

Psalm 103:1 in Yalunka

1 Dawuda gbeena. N xa Alatala tantun n niin birin na! N xa a xili sariɲanxin tantun n bɔɲɛn ma feu!

Psalm 119:11 in Yalunka

11 N bata i dɛ xuiin namara n bɔɲɛni, alogo n nama yulubin liga i tan na.

Psalm 119:54 in Yalunka

54 I ya tɔnne findixi bɛti ba xunna nan na n xa, n xɔɲɛyani dɛnaxan yi.

Psalm 138:1 in Yalunka

1 Dawuda gbeena. Ala, n bata i tantun n bɔɲɛni fefe! N bɛtin bama Ala yɛtagi.

Proverbs 2:6 in Yalunka

6 Amasɔtɔ Alatala nan fekolonna fima, kolonna nun xaxilimayaan fataxi a falane nan na.

Proverbs 14:8 in Yalunka

8 Xaxilimana a mirima a sigati kiin nan ma, na nan a fe kolonna ra. Koni xaxilitaren yanfan naxanye soma, ne nan a daxuyaan na.

Proverbs 18:1 in Yalunka

1 Muxun naxan a danna, na tɔnɔn fenma a yɛtɛ nan xa. A bɔɲɛn tema nɛn xaxilimaya falane birin ma.

Song of Solomon 1:1 in Yalunka

1 Sulemani a sigi fisamantenna.

Isaiah 5:1 in Yalunka

1 N xa sigin sa n xanuntenna xa, n xɔyina manpa bili nakɔna fe ra. Manpa bili nakɔna nde yi n xanuntenna yii geyaan sabati yireni.

Isaiah 10:2 in Yalunka

2 e tondi sɛnbɛtarene xun mayɛngɛ kitin sɛ. Yiigelitɔɔn naxanye n ma yamaan yɛ, e mi ne kitin sama. E kaɲa gilɛne kansunma, e kiridine muɲa.

Isaiah 26:1 in Yalunka

1 Na lɔxɔni, Yuda yamanan muxune bɛtin bama nɛn, e naxa, “Nxu bata taa makantanxi faɲin sɔtɔ. Ala bata a rabilin marakisin na alo yinna a xa nxu makantan.

Isaiah 30:29 in Yalunka

29 Ɛ tan Yerusalɛn kaane, ɛ bɛtin bama nɛn alo sali lɔxɔn kɔɛna. Ɛ bɔɲɛn sɛwama nɛn alo muxune nɛma sigɛ xulen xuini Alatalaa geyaan fari, Isirayila kantan fanyena Ala.

Jeremiah 15:16 in Yalunka

16 I ya falane na yi n li tun, n yi e rasuxuma nɛn alo donsena, bayo i ya falane nan n nasɛwama, n yi ɲaxan n bɔɲɛni. Amasɔtɔ i xinla bata fala n xun ma, Alatala, Ala Sɛnbɛn Birin Kanna!

Matthew 26:30 in Yalunka

30 Na xanbi ra, e yi bɛtin ba, e siga Oliwi Geyaan fari.

Luke 2:51 in Yalunka

51 Nanara, Yesu yi siga e fɔxɔ ra Nasarɛti yi, a yi e sagoon liga. A nga yi feni itoe birin namara a xaxinla ma.

John 5:39 in Yalunka

39 Ɛ kitabun fɛsɛfɛsɛma amasɔtɔ ɛ mirixi a ma, a ɛ habadan nii rakisin sɔtɔma a xɔn ma, koni na fan seren bama n tan nan xa!

John 15:7 in Yalunka

7 Xa ɛ lu n tan yi, n ma falan yi lu ɛ yi, ɛ na n xandi sese yi, ɛ na sɔtɔma nɛn.

Romans 10:17 in Yalunka

17 Anu, dɛnkɛlɛyaan fama Alaa falan mɛɛn nan xɔn ma. Alaa falan fan mɛma Alaa Muxu Sugandixina fe kawandin nan xɔn.

Romans 15:14 in Yalunka

14 Ngaxakedenne, n na a kolon fa fala ɛ lugoxi fanna nun fe kolonna birin na. Ɛ nɔɛ ɛ bode xaranɲɛ nɛn.

1 Corinthians 14:15 in Yalunka

15 N nanfe ligama nayi? N xa Ala maxandi n niini e nun n xaxinla fan yi. N xa bɛtin ba n niini e nun n xaxinli.

1 Corinthians 14:26 in Yalunka

26 Ngaxakedenne, ɛ xa nanse liga ɛ na ɛ malan waxatin naxan yi? Birin xa fa e nun bɛtina nde, hanma xaranna, hanma Alaa fe makɛnɛnna, hanma xui gbɛtɛna nde, hanma xui madanguna. Na birin xa findi dɛnkɛlɛya yamaan sɔbɛ so feen na.

Ephesians 1:17 in Yalunka

17 N Fafe Ala, binyen kanna maxandima ɛ xa, en Marigi Yesu Alaa Muxu Sugandixina Ala alogo a xa a Nii Sariɲanxin nagodo ɛ ma naxan fe kolonna fima, a feene makɛnɛn alogo ɛ Ala kolonna xa fari sa.

Ephesians 5:17 in Yalunka

17 Nanara, ɛ nama findi xaxilitarene ra, koni ɛ kata Marigin sagoon kolon feen na.

Ephesians 5:19 in Yalunka

19 Nba, ɛ falan ti ɛ bode xa Yaburi falane nun bɛtine nun Ala tantun sigi sariɲanxine yi, ɛ bɛtin ba Marigin xa, ɛ yi a tantun ɛ bɔɲɛn birin na!

Colossians 1:9 in Yalunka

9 Na nan a toxi, xabu nxu na mɛ lɔxɔni, nxu Ala maxandima ɛ xa tun! Nxu mafanna tima alogo ɛ xa kamali Ala sagoon kolonni e nun fekolonna nun xaxilimayaan birin Alaa Nii Sariɲanxin naxan fima.

Colossians 1:28 in Yalunka

28 Nxu Muxu Sugandixina fe ralima muxun birin ma, nxu e kawandi, nxu yi e xaran fekolonna birin na alogo nxu xa fa muxun birin dɛfexin na Alaa Muxu Sugandixin ma.

Colossians 4:6 in Yalunka

6 Ɛ falan xa findi hinan fala kɛndɛn nan na. Ɛ xa a kolon ɛ muxun birin yabima a faɲin na kii naxan yi.

1 Thessalonians 4:18 in Yalunka

18 Nayi, ɛ bode ralimaniya falani itoe ra.

1 Thessalonians 5:11 in Yalunka

11 Nayi, ɛ lu ɛ bode ralimaniyɛ, ɛ lu ɛ bode sɛnbɛ soɛ, alo ɛ a ligama kii naxan yi iki.

2 Thessalonians 3:15 in Yalunka

15 Koni ɛ nama a yatɛ ɛ yaxun na, koni ɛ a rakolon alo ɛ ngaxakedenna.

1 Timothy 6:17 in Yalunka

17 Yamarini ito fi waxatini ito nafulu kanne ma, a e nama waso ayi, a e mɔn nama e yigi sa nafunli naxan ɲanma, koni e xa a sa Ala yi naxan en kima seen birin yi fonisireyani alogo en xa lu sɛwani.

2 Timothy 3:15 in Yalunka

15 Xabu i dii ɲɔrɛ waxatini, i Kitabu Sariɲanxin yire sɛbɛxine kolon naxan nɔɛ xaxinla fiyɛ i ma lan kisi feen ma dɛnkɛlɛyaan xɔn Yesu Alaa Muxu Sugandixin ma.

Titus 3:6 in Yalunka

6 a naxan dɛfexin nagodo en ma, en nakisimaan Yesu Alaa Muxu Sugandixin barakani,

Hebrews 4:12 in Yalunka

12 Amasɔtɔ Alaa falana, niiramaan na a ra, a sɛnbɛn gbo, a dɛɛn xanxan dangu silanfanna dɛ firin kanna ra. A soma nɛn han a sɔndɔmɛn nun niin yɛtɛɛn fata, e nun fatin nadɔxɔdene nun fasane. A muxun miriyane nun a natane makitima nɛn.

Hebrews 12:12 in Yalunka

12 Nanara, ɛ xa ɛ xadan yiine yixɔdɔxɔ, ɛ yi ɛ xinbine sɛnbɛ so ken!

James 1:5 in Yalunka

5 Xa fe kolonna dasaxi ɛ tan nde ma, a xa a maxɔdin Ala ma, naxan muxune birin kima a fonisireyani, a mɔn mi na kanna yalagima. A soma nɛn a yii.

James 3:17 in Yalunka

17 Koni fe kolonna naxan sa kelixi ariyanna yi, a singen naxan na, a sariɲan, a mɔn bɔɲɛ xunbenla fima, a diɲaxi, a mafan mi raxɔlɔ, a lugoxi kininkininna nun kɛwali faɲin nan na. A mi muxune rafisama e bode xa. A mi nafigiyaan ligama.

James 5:13 in Yalunka

13 Tɔrɔ muxuna nde ɛ yɛ ba? Na kanna xa Ala maxandi. Muxuna nde sɛwaxi ɛ yɛ ba? Na kanna xa bɛtin ba.

1 Peter 1:11 in Yalunka

11 E yi katama waxatine nun taxamasenne kolon feen na Yesu a Nii Sariɲanxin yi naxanye makɛnɛnma e xa, a to yi e yi, a yi Alaa Muxu Sugandixina tɔrɔn nun a binye famatɔna fe fala benun a waxatin xa a li.

1 John 2:14 in Yalunka

14 N ma diine, n na a sɛbɛma ɛ ma fa fala ɛ bata Fafe Ala kolon. Fafane, n na a sɛbɛma ɛ ma fa fala naxan yi na nun xabu a fɔlɔni, ɛ na kolon. Banxulanne, n na a sɛbɛma ɛ ma fa fala, ɛ sɛnbɛn gbo. Alaa falana ɛ yi, ɛ mɔn bata Fe Ɲaxin Kanna nɔ.

1 John 2:24 in Yalunka

24 Ɛ a liga ɛ yeren ma ɛ falan naxan mɛ a singeni, na xa lu ɛ yi ken! Xa na liga, ɛ fan luma nɛn Dii Xɛmɛn nun Fafe Ala yi.

1 John 2:27 in Yalunka

27 Ɛ tan fan, ɛ Nii Sariɲanxin naxan sɔtɔxi a ra, fanni na ɛ yi ɛ mako mi fa xaranna ma sɔnɔn. A Nii Sariɲanxina ɛ xaranma nɛn feen birin ma. Na to findixi ɲɔndin nan na wule mi naxan yi, nayi ɛ lu a tan nin alo a ɛ xaranxi kii naxan yi.

2 John 1:2 in Yalunka

2 ɲɔndina fe ra naxan luma en yi a mɔn luma en xɔn nɛn habadan.

Revelation 5:9 in Yalunka

9 E yi bɛti nɛnɛn ba, e naxa, “I daxa i yi kɛdi mafilinxin tongo, i yi a taxamasenne ba a ma, alogo a xa rabi. Amasɔtɔ i bata yi faxa nun, i yi muxune xunba Ala xa i wunla xɔn ma, keli bɔnsɔnne birin nun xuine birin nun yamane birin nun siyane birin yi.

Revelation 14:3 in Yalunka

3 E yi bɛti nɛnɛn bama manga gbɛdɛn nun dalise naaninne nun fonne yɛtagi. Muxu yo mi yi nɔɛ a maxaranɲɛ na bɛtin ma fɔ na muxu wuli kɛmɛ wuli tonge naanin wuli naaninna naxanye yi xunbaxi bɔxɔ xɔnna fari.

Revelation 15:3 in Yalunka

3 E yi Alaa walikɛɛn Musaa bɛtin bama e nun Yɛxɛɛ Diina bɛtina, e naxa, “Marigina, Ala Sɛnbɛn Birin Kanna, I ya wanle gbo, e magaxu! Siyane birin ma mangana, i ya kiraan tinxin. Ɲɔndin nan a ra.

Revelation 19:10 in Yalunka

10 N yi n xinbi sin a bun ma a batu feen na, koni a yi a fala n xa, a naxa, “I nama na liga! I walikɛ boden nan n tan na e nun i ngaxakedenna naxanye birin na Yesu a fe seren ba. Ala nan xa batu!” Bayo Yesu a fe sereya falan findixi Alaa Nii Sariɲanxin nabiya falane nan na.