1 Chronicles 24 in Yalunka

1 Haruna yixɛtɛne yi yitaxunxi a dii naaninne nan na. A diine nan itoe ra: Nadaba nun Abihu nun Eleyasari nun Itamara.

2 Nadaba nun Abihu singen nan faxa benun e fafe xa faxa. E mi dii yo sɔtɔ. Eleyasari nun Itamara nan yi saraxaraline ra.

3 Eleyasari yixɛtɛna nde Sadɔki e nun Itamara yixɛtɛna nde Aximeleki yi Dawuda mali Harunaa diine yitaxundeni alogo e xa ti wanle ra.

4 Kuntigi wuyaxi yi to Eleyasari yixɛtɛne yɛ dangu Itamara yixɛtɛne ra. Nanara, e yitaxun ikiini: Denbaya xunna muxu fu nun sennin Eleyasari yixɛtɛne yɛ. Denbaya xunna muxu solomasɛxɛ Itamara yixɛtɛne yɛ.

5 E yi masɛnsɛnna ti alogo e xa e yitaxun, e yi e ti e wanle ra. Na ma, Eleyasari yixɛtɛna ndee nun Itamara yixɛtɛna ndee birin yi findi yire sariɲanxin kuntigine ra e nun kuntigine Ala xa.

6 Natanɛli a diin Semaya, Lewi bɔnsɔnna muxun nan yi e xinle sɛbɛma mangan nun kuntigine nun saraxaraliin Sadɔki nun Abiyatari a diina Aximeleki nun saraxaraline denbaya xunne yɛtagi e nun Lewi bɔnsɔnna muxune birin. E yi denbaya keden sugandi Eleyasari yixɛtɛne yɛ, e mɔn yi keden sugandi Itamara yixɛtɛne yɛ.

7 Denbayane sugandi masɛnsɛnna xɔn ikiini: A singen Yehoyaribu nan suxu, a firindena Yɛdaya,

8 a saxandena Xarimi, a naanindena Seyorimi,

9 a suulundena Malakiya, a sennindena Miyamin,

10 a soloferedena Hakɔsi, a solomasɛxɛdena Abiya,

11 a solomanaanindena Yosuwe, a fudena Sɛkani,

12 a fu nun kedendena Eliyasibi, a fu nun firindena Yakimi,

13 a fu nun saxandena Xupa, a fu nun naanindena Yesebeyabi,

14 a fu nun suulundena Biliga, a fu nun sennindena Imeri,

15 a fu nun soloferedena Xesiri, a fu nun solomasɛxɛdena Hapisɛsi,

16 a fu nun solomanaanindena Petaxi, a mɔxɔɲɛdena Esekiyɛli,

17 a mɔxɔɲɛn nun kedendena Yakin, a mɔxɔɲɛn nun firindena Gamulu,

18 a mɔxɔɲɛn nun saxandena Dɛlaya, a mɔxɔɲɛn nun naanindena Maasiya.

19 A yi lan e xa Alatala Batu Banxin wanle suxu na kii nin alo e benba Haruna a yamari e ma kii naxan yi alo Alatala, Isirayilaa Ala bata yi a yamari a ma kii naxan yi.

20 Lewi bɔnsɔnna muxu gbɛtɛn naxanye sugandi, ne nan itoe ra: Amiramaa diine yɛ: Subayeli. Subayeli a diine yɛ: Yexedeya.

21 Rexabiya a diine yɛ: Yisiya, a dii singena.

22 Yisehari a diine yɛ: Selomiti. Selomiti a diine yɛ: Yaxati.

23 Xebiron ma diine: a dii singen Yeriya nun a dii firindena Amari nun a dii saxanden Yaxasiyeli nun a dii naaninden Yekameyami.

24 Yusiyɛli a diin Mike. Mike a diine yɛ: Samiri.

25 Mike xunyɛn Yisiya. Yisiyaa diine yɛ: Sakari.

26 Merari a diine yɛ: Maxali nun Musi e nun a diin Yaasiyaa diine.

27 Merari mamandenne, Yaasiyaa diine: Sohami nun Sakuru nun Ibiri.

28 Maxali a diina Eleyasari. Eleyasari mi dii yo sɔtɔ.

29 Kisu a diine yɛ: Yerameeli.

30 Musi a diine yɛ: Maxali nun Ederi nun Yerimoti. Lewi bɔnsɔnna muxune nan yi ne ra denbaya yɛɛn ma.

31 E fan sugandi masɛnsɛnna nan xɔn alo e ngaxakedenne, Haruna yixɛtɛne. Na liga Manga Dawuda nun Sadɔki nun Aximeleki nun saraxaraline denbaya xunne nun Lewi bɔnsɔnna muxune nan yɛtagi. Na ma, denbayaan muxune birin yi suxi ki kedenna nin keli dii singen ma han a raɲanna.