Titus 1:14 in Waorani

14 Ayæ̈, Oodeoidi dodäni näni önonquedö ante angaïnö ante pönënämaï incædänimpa, ante bitö tömënäni ïnänite nanguï ancæbiimpa. Ayæ̈ wadäni Wængonguï näwangä nänö angaïnö ante Baa ante ëñënämaï ïnönäni incæ wadö ante wææ änewëñönäni bitö wæætë në pönënäni ïnänite, Mänïnö tömënäni näni wææ änewënö ante mïnitö ëñente cædämaï ïedäni, ante nanguï ancæbiimpa, ämopa.

Other Translations

King James Version (KJV)

Not giving heed to Jewish fables, and commandments of men, that turn from the truth.

American Standard Version (ASV)

not giving heed to Jewish fables, and commandments of men who turn away from the truth.

Bible in Basic English (BBE)

Giving no attention to the fictions of the Jews and the rules of men who have no true knowledge.

Darby English Bible (DBY)

not turning [their] minds to Jewish fables and commandments of men turning away from the truth.

World English Bible (WEB)

not paying attention to Jewish fables and commandments of men who turn away from the truth.

Young's Literal Translation (YLT)

not giving heed to Jewish fables and commands of men, turning themselves away from the truth;

Cross Reference

Matthew 15:9 in Waorani

9 Ayæ̈ botö weca ædæ wæænte waa ate baï tededinque tömënäni, Wængonguï ïmidö anguënë, ante önöneque tedewëninque önonque edæ cædänipa. Waodänique näni wææ änönö ante odömonte apæ̈nedänipa töö.” Ante Wængonguï pïingampa, ante yewæ̈mongacäimpa.

Mark 7:7 in Waorani

7 Ayæ̈ botö ïmote waa ate baï ædæ wæænte tededinque, Wængonguïmi ïmidö anguënë, ante apæ̈nedäni incæte tömënäni botö ïmote önonquedö ante cædänipa. Waodänique näni wææ änönö ante odömonte apæ̈nedänipa töö.” Ante Wængonguï pïingampa, ante yewæ̈mongacäimpa.

Galatians 4:9 in Waorani

9 Ñöwo ïñömö mïnitö Wængonguï ingante ate baï në pönëmïni ïmïni inte ædö cæte wapiticæ̈ ante ëñëmïnii. Æ wadö ante godömenque ämo. Wængonguï incæ mïnitö ïmïnite do ate pönengaingä ingä incæte mïnitö ædö cæte inguipogaque quëwënäni näni önonquedö ante wææ angaïnö ante ëñente quëwëmïnii. Ïñæmpa, Mänïne näni wææ angaïnö ante wæætë ëñengæ̈impa, äninque mïni ñä cæpote wæquinque ämïni awædö.

Colossians 2:22 in Waorani

22 Ïñæmpa waodänique edæ, Gampodämaï, ante näni änoncoo ïñömö tæcæ ænte cæyömïni edæ dobæ wote ba apa ëñëwëmïnii. Inguipogaque quëwënäni näni änewengaïnö ante ëñëninque tömënäni wææ änänipa. Dodäni näni odömonte apæ̈negaïnö ante ëñëninque wææ änänipa.

1 Timothy 1:4 in Waorani

4 Ayæ̈, Dodäni önonque ante näni tedegaïnö ante pönënämaï quëwëedäni, ante bitö ancæbiimpa. Ayæ̈ adobaï tömënäni wæ̈mæ̈idi tæiyæ̈näni ante pönëninque, Æmönänidö ingaïnänii, ante ancaa änewëñönäni bitö tömënäni ïnänite, Mïnitö mänïnö ante pönënämaï ïedäni, ancæbiimpa. Edæ mänïnö näni tedewënö beyæ̈ tömënäni, Æbänö ï, ante nanguï wæætedö wæætë änewënänipa töö. Wæætë edæ, Wængonguï nänö cædö ante wede pönëninque mönö cæquënënö guiquënë tömënäni näni tedewënö beyæ̈ pönömenque cætimpa.

2 Timothy 4:4 in Waorani

4 Mänïnäni näwangä angaïnö ante ëñënämaï inte wadæ godinque wæætë önonquedö ante dodäni näni angaïnö ante ëñente cæquïnäni ïnänipa.

Hebrews 12:25 in Waorani

25 Mänömaï waëmö pönï ïñömö do pömïni inte mïnitö në apæ̈necä ingante Baa änämaï ïedäni. Onquiyabo godongämæ̈ ongönäni guiquënë inguipoga wææ angaingä ingante Baa änïnäni ïñönänite tömengä ata cæpodämaï inte pangacäimpa cæmïnii. Öönædë ongonte në wææ angaingä ingante ëñënämaï inte dadi ëmænte wadæ gomö baï mönö godömenque pante wæquënëmö ïñömonte tömengä cöwë ata cæpodämaï incæcäimpa.

2 Peter 2:22 in Waorani

22 Tömënäni nöïnö taadö ëmö cæte godïnäni näni cædö baï ante ïïmaïnö ante näwangä ante badete todänipa. “Guinta awæ̈ wëningä adodö cængampa. Odæ̈ wængänä ïñömö æpæ̈ pantate ate onguipoipæ̈ wëango wëango nangampa.”