Revelation 7:10 in Waorani

10 Ayæ̈ tömënäni yedæ äninque ïïmaï änänitapa. “Mönö Wængonguï ïñömö tömengä nänö aacæ tæ̈ contaimpaa në tæ̈ contacä ïnongä inte tömengä adocä mönö ïmonte, Quëwencæmïnimpa, ante në Ængä ïnongä ingampa. Ayæ̈ Wængonguï Codotedo adobaï mönö ïmonte, Quëwencæmïnimpa, ante në Ængä ïnongä ingampa,” änänitapa.

Other Translations

King James Version (KJV)

And cried with a loud voice, saying, Salvation to our God which sitteth upon the throne, and unto the Lamb.

American Standard Version (ASV)

and they cry with a great voice, saying, Salvation unto our God who sitteth on the throne, and unto the Lamb.

Bible in Basic English (BBE)

Saying with a loud voice, Salvation to our God who is seated on the high seat, and to the Lamb.

Darby English Bible (DBY)

And they cry with a loud voice, saying, Salvation to our God who sits upon the throne, and to the Lamb.

World English Bible (WEB)

They cried with a loud voice, saying, "Salvation be to our God, who sits on the throne, and to the Lamb!"

Young's Literal Translation (YLT)

and crying with a great voice, saying, `The salvation `is' to Him who is sitting upon the throne -- to our God, and to the Lamb!'

Cross Reference

Luke 3:6 in Waorani

6 Taadö mänömaï mæ̈mö pönï ba ïninque tömämæ quëwënäni incæ, Wængonguï pönö ængä beyænque mönö quëwenguïnö impa, ante edonque acædänimpa,’ ancæcäimpa.”

John 1:29 in Waorani

29 Baänæ ate Itota bee tente pongä adinque Wäö apæ̈necantapa. “Aedäni, ïingä Wængonguï da pönongä pöningä ingampa. Ayæ̈ tömengä waodäni inguipoga quëwënäni näni wënæ wënæ cægaïnö ante æ̈ninque teëmë mongænte wænguingä ingampa, ante Wængonguï tömengä ingante, Codotedo, ante pönö pemongacäimpa.

John 1:36 in Waorani

36 Itota wodo tebæ̈ cægongä adinque Wäö angantapa. —Aeda, tömengä ïñömö Wængonguï Codotedo ïnongä ingampa.

John 4:22 in Waorani

22 Mïnitö tämadiaidi ïñömö në Wængonguï ingante, Bitö Awënë Wængonguï ïmidö anguënë, ante ædæ wææ̈ninque apæ̈nemïni incæte adocä ingante, Æbänö ingää, ante ëñënämaï ïmïnipa töö. Mönitö guiquënë në ædæ wææ̈ninque Wængonguï ingante waa ate apæ̈nemöni inte adocä, Æbänö ingää, ante do ëñëmöni ïmönipa. Edæ, Në wënæ wënæ cædäni wæncæ cædïnäni incæ quëwencædänimpa, ante në Ængä ïñömö oodeocä ïnongä ingä apa änewëë.

Ephesians 2:8 in Waorani

8 Edæ Wængonguï nänö waadete pönö cægaïnö beyænque mïnitö mïni quëwenguinque wede pönëmïni bamïnitapa. Incæte mïnitö dicæ nämä mïni cæïnö beyænque në wede pönëmïni bamïnitawogaa. Wæætë edæ Wængonguï pönongä æ̈ninque mïnitö në wede pönëmïni bamïnitapa.

Revelation 4:2 in Waorani

2 Mänïnö ante äñongä Wængonguï Önöwoca incæ botö ïmote bæi ongonte baï cæyongä botö wïïmonte baï adinque ïïmaï atabopa. Öönædë ïnö Awënë tæ̈ contaimpa ayömo adocanque mänïñömö tæ̈ contacä atabopa.

Revelation 4:6 in Waorani

6 Ayæ̈ Awënë tæ̈ contaimpaa tæcætawë ïnö adobaï gäwapæntibæ baï ïñonte awocawænta baï ïnimpa. Ayæ̈ Awënë tæ̈ contaimpa ïñömö mïïnäni quëwënäni mënaa go mënaa ïnäni godämæ̈ a ongönänitapa. Mänïnäni ïñömö tæcætawë ïnö önöñabæ ïnö tömäo awinca ëmönäni atabopa.

Revelation 4:9 in Waorani

9 Awënë tæ̈ contaimpaa në tæ̈ contadongä inte në wantæpiyæ̈ cöwë quëwengaingä ingante apæ̈nedinque mëa go mëa mïïnäni quëwënäni ïñömö ïïmaï ante apæ̈nedänipa. Bitö ñäö ëmömi ïmipa, ante apæ̈nedinque tömënäni, Bitö ïmite waa amönipa. Mönitö bitö ïmi waa ate pönente apæ̈nemönipa, ante apæ̈nedänipa.

Revelation 5:7 in Waorani

7 Ayæ̈ Wængonguï Codotedo ïñömö Awënë tæ̈ contayömö pöninque në tæ̈ contadongä önönempo tömempo ïnö dadi ompointa nänö næ̈æ̈ninta ö ængantapa.

Revelation 5:13 in Waorani

13 Ayæ̈ Wængonguï nänö badongaïnäni öönædë quëwënäni incæ inguipoga quëwënäni incæ tadömengadæ̈ quëwënäni incæ gäwapæntibædë quëwënäni incæ tömänäni adoyedë ïïmaï ante ämotamïni ante änäni ëñentabopa. “Awënë tæ̈ contaimpaa në tæ̈ contadongä ingante ayæ̈ Wængonguï Codotedo ingante tömëna ïnate ïïmaï ämönipa. Mïnatö ïmïnate watapæ̈ ämönipa. Mïnatö ïmïnate waa amönipa. Mïnatö ñäö ëmömïnadö anguënë. Mïnatö tæ̈ï pïñæ̈mïna ïmïnadö anguënë. Wantæpiyæ̈ ïñonte mänïnö ante cöwë ancæmönimpa,” ante änänitapa.

Revelation 12:10 in Waorani

10 Ayæ̈ ate öönædë ïnö tedepämo yedæ ante ïïmaï ä ëñentabopa. “Ñöwoönæ mönö Wængonguï mönö ïmonte, Mïnitö botö æ̈mæ̈wo æ̈mo beyænque quëwenguïmïni, ante tömengä nänö cæönæ batimpa. Ayæ̈ tömengä nänö tæ̈ï pïñæ̈nö ñöwoönæ ba ïninque tömengä adobaï Tæiyæ̈ Awënë Odeye ñöwoönæ bacäimpa. Ayæ̈ tömengä nänö apænte ængaingä mönö Codito adobaï nämä tæ̈ï pïñæ̈nongä inte në angä bacäimpa. Wënæ guiquënë mönö tönïñadäni ïnänitedö ante, Wënæ wënæ cædänidö anguënë, ante wapiticæ̈ apæ̈nete änewënongä ingampa. Woyowotæ̈ incæ itædë incæ mönö Wængonguï weca a ongöninque tömengä mänïnäni ïnänitedö ante në wapiticæ̈ änewënongä ïñongante tömengä ingante inguipoga ïñömö wææntodönäni wæængantapa.

Revelation 19:1 in Waorani

1 Babidönia wo ëwente ba ate öönædë ïñömö waodäni tæiyæ̈näni adotedæ̈ ogæ̈ tededäni baï ëñentabopa. “Mönö Awënë ingante watapæ̈ apæ̈necæ̈impa, ante, Adedoya, äninque, Mönö Wængonguï mönö ïmonte, Quëwencæmïnimpa, ante në Ængä ïnongä ingampa. Tömengä ñäö ëmongä ïnongä ingampa. Ayæ̈ tömengä tæ̈ï pïñængä ïnongä ingampa.

Revelation 21:5 in Waorani

5 Ayæ̈ Awënë tæ̈ contaimpaa në tæ̈ contacä ïïmaï angantapa. “Tömää ïnïmämo botö ñöwo mïï cæcæboimpa,” angantapa. Ayæ̈, “Mänömaïnö ante botö änïnö edæ nö pönï ïï ïninque mänïnö ante wede pönengæ̈impa. Mänömaï beyæ̈ bitö ïïmaï ante yewæ̈möe,” angantapa.

Revelation 22:3 in Waorani

3 Wængonguï pante nänö angaïnö beyænque quincoomë wënæ wënæ bagatïï mänïnö mänïñedë dæ angæ̈impa. Wængonguï tönö Wængonguï Codotedo näna aacæ tæ̈ contaimpa mänïï quëwëñömö mæ̈ ongoncæpaimpa. Tömengä ingante në cædönäni ïñömö tömengä ingante watapæ̈ apæ̈nedinque tömengä ingante cæcædänimpa.