2 Corinthians 1:2 in Waorani

2 Mönö Awënë Itota Codito tönö Mæmpo Wængonguï tönö guëa waadete pönö cæda adinque mïnitö gänë pönente waa quëwencæmïnimpa, ämönapa, ante yewæ̈mömopa.

Other Translations

King James Version (KJV)

Grace be to you and peace from God our Father, and from the Lord Jesus Christ.

American Standard Version (ASV)

Grace to you and peace from God our Father and the Lord Jesus Christ.

Bible in Basic English (BBE)

Grace to you and peace from God our Father and the Lord Jesus Christ.

Darby English Bible (DBY)

Grace to you, and peace from God our Father, and [the] Lord Jesus Christ.

World English Bible (WEB)

Grace to you and peace from God our Father and the Lord Jesus Christ.

Young's Literal Translation (YLT)

Grace to you and peace from God our Father, and the Lord Jesus Christ!

Cross Reference

Romans 1:7 in Waorani

7 Mïnitö botö quïmïni badinque botö ayömö tæiyæ̈ waëmö ëwocate quëwëmïni bacæmïnimpa, ante Wængonguï cægacäimpa. Ïninque mïnitö Odömä ïñömö quëwëninque Wængonguï quïmïni ïñömïnite botö, Acæmïnimpa, ante ïïmaï ante yewæ̈mömopa. Mönö Mæmpo Wængonguï tönö Awënë Itota Codito waadete pönö cæyönate mïnitö wæætë gänë pönente bacæmïnimpa, äninque yewæ̈mömopa.

1 Corinthians 1:3 in Waorani

3 Mönö Mæmpo Wængonguï tönö mönö Awënë Itota Codito godongämæ̈ waadete pönö cæda ate mïnitö gänë pönente quëwencæmïnimpa, ante botö Totënë tönö ämönapa.

Galatians 6:16 in Waorani

16 Mänömaïnö ante pönente cæmïni ïñömïnite Wængonguï pönö waadete piyæ̈në cæcä adinque mïnitö gänë pönente waa cæcæmïnimpa. Idægoidi ïmïnipa, ante Wængonguï në nänö angaïmïni incæ mïnitö mänömaï cæte quëwencæmïnimpa.

Ephesians 6:23 in Waorani

23 Mæmpo Wængonguï tönö mönö Awënë Itota Codito mïnitö ïmïnite waadete pönö cæda ate mïnitö mïni caipæ̈ incæ gänë entawëninque wede pönëninque godongämæ̈ edæ waadete pönencæmïnimpa, ämopa.

Philippians 1:2 in Waorani

2 Mönö Mæmpo Wængonguï mönö Awënë Itota Codito tönö waadete pönö cæda ate gänë pönëninque waa quëwëedäni, ämopa.

Colossians 1:2 in Waorani

2 Mönitö tönïñamïni ëñëedäni. Codota ïñömö quëwëninque Wængonguï quïmïni inte mïnitö mönö Codito nempo quëwëninque ædæmö cæte pönëmïni ïñömïnite botö ïïmaï ante yewæ̈mömopa. Mönö Mæmpo Wængonguï tönö mönö Awënë Itota Codito waadete pönö cæda ænte entawëninque mïnitö gänë pönëninque watapæ̈ quëwencæmïnimpa, ämopa.

1 Thessalonians 1:1 in Waorani

1 Botö Pabodobo ïnömo ïmopa. Mönö tönïñada Tidibänö tönö Tïmoteo tönö godongämæ̈ apæ̈nete ate yewæ̈mömo aedäni. Mönö Mæmpo Wængonguï nempo ayæ̈ mönö Awënë Itota Codito nempo quëwëninque mïnitö Tetadönica ïñömö quëwëninque Codito ingante godongämæ̈ mïni pönencabo ëñëedäni. Mönö Wængonguï waadete pönö cæcä ate mïnitö gänë entawencæmïnimpa, ante yewæ̈mömönipa.

2 Thessalonians 1:2 in Waorani

2 Mönö Mæmpo Wængonguï tönö mönö Awënë Itota Codito waadete pönö cæda ate mïnitö gänë entawencæmïnimpa, ante yewæ̈mömönipa.

Philemon 1:3 in Waorani

3 Mönö Mæmpo Wængonguï tönö Awënë Itota Codito tönö godongämæ̈ waadete pönö cæda ate mïnitö gänë entawencæmïnimpa, ämönapa.