Romans 7:22 in Tsishingini

22 Okolo a̱ va̱ a̱ ta̱ ma̱za̱nga̱ adama a̱ wila̱ u na wu uta̱i uba̱ta̱ wa̱ A̱sula̱.

Other Translations

King James Version (KJV)

For I delight in the law of God after the inward man:

American Standard Version (ASV)

For I delight in the law of God after the inward man:

Bible in Basic English (BBE)

In my heart I take pleasure in the law of God,

Darby English Bible (DBY)

For I delight in the law of God according to the inward man:

World English Bible (WEB)

For I delight in God's law after the inward man,

Young's Literal Translation (YLT)

for I delight in the law of God according to the inward man,

Cross Reference

John 4:34 in Tsishingini

34 A̱vu u damma, “Ya̱ꞌa̱ va̱, nna̱ n yuwan ili i na za na lyungu numu cigai n yuwan ili i ta̱ i ɗa ni ilyalya, waru ya̱ꞌa̱ va̱ nna̱ n koto ulinga wa̱ yi ili i ta̱ i ɗa ni ilyalya.

Romans 2:29 in Tsishingini

29 Ne ɗa shi, za va Israꞌila va̱ a̱ɓula̱ a̱yi ɗa za na okolo a̱ yi a̱ ri mejege na̱ A̱sula̱. Uryumbu wa amayun a̱yi ɗa mapaɗa mo ukwan ma̱ lipu shi, amma a̱yi ɗa uvadalasa wo okolo za na ulinga u Ruhu va̱ A̱sula̱ ɗa. Agba uvadalu u ndolo ulinga u Wila̱ u na a ɗanai ɗa shi. Cuꞌun vuma ndolo ta̱ tsurusa̱ ica e ekere a̱ A̱sula̱, agba e ekere a ama shi.

Romans 8:7 in Tsishingini

7 Ni icigi i mayan mo unusu ma ɗa maa yuwusan tsugono a aci a vuma, kuci ɗa waa yuwusan nla̱ngi na̱ A̱sula̱. U tsu toni ili i na A̱sula̱ a dammai u yuwan shi. Amayun a ɗa, waa gura yuwan tsundolo shi.

2 Corinthians 4:16 in Tsishingini

16 A̱yi ɗa i zuwai tsu kuɗai okolo a̱ tsu shi. Ko na wo oꞌwoi lipu tsu vu vaɗilima̱ ri a̱ la̱nga̱sa̱, ruhu tsu ta̱ tsurusa̱ ucira u saꞌavu usana biti.

Ephesians 3:16 in Tsishingini

16 A̱sula̱ a ta gura zuwaa ɗu abaꞌun a̱ a̱bunda̱ lon. Adama o ndolo m pati ta̱ tsa̱ra̱ Ruhu va̱ yi ca ɗu ucira, adama okolo a̱ ɗu a gbama.

Colossians 3:9 in Tsishingini

9 She i yuwunlai epen wan, ana wo oꞌwoi i foɗo ta̱ ɗe akuci o okolo a̱ ɗu waru na̱ cine i shi a yuwusan ili.

Hebrews 8:10 in Tsishingini

10 Amma, apa akucunu a saꞌavu a na maa yuwan na ama a Israꞌila a mantsa ma na ma̱a̱ ta̱wa̱: A̱mu, A̱sulazuva, n ta zuwa wila̱ u va̱ a asuvu e le, adama e reve le, waru n ta ɗana le a̱tsuma̱ o okolo e le, adama a̱ kuru le. N to oꞌwo A̱sula̱ e le, ele waru o to oꞌwo ama a̱ va̱.

1 Peter 3:4 in Tsishingini

4 Ana yaa yuwan ne, i lyawa e reve ɗu adama o ulobonu u na u ri o okolo a̱ ɗu. Ulobonu u nda a̱ tsu tsura̱ yi ta̱ o okolo a na a tarai aciya̱yi ili i ro shi. A̱sula̱ a tara yi ta̱ ili i saꞌani yu usokowu yo okolo a na u ri n koto shi.