Romans 13:13 in Tsishingini 13 I yuwan wuma u ɗu ulobonu, cine ama a tsu yuwusan nu urana. She i yuwan iwuya a mantsa ma̱ a̱buki wan. She yoo oꞌwo ososowi wan. She i yuwan tsipere icuꞌun icuꞌun wan. She i yuwan nla̱ngi va̱ni ɗu wan. She i yuwan tsushuꞌun no ozo o ro wan.
Other Translations King James Version (KJV) Let us walk honestly, as in the day; not in rioting and drunkenness, not in chambering and wantonness, not in strife and envying.
American Standard Version (ASV) Let us walk becomingly, as in the day; not in revelling and drunkenness, not in chambering and wantonness, not in strife and jealousy.
Bible in Basic English (BBE) With right behaviour as in the day; not in pleasure-making and drinking, not in bad company and unclean behaviour, not in fighting and envy.
Darby English Bible (DBY) As in the day, let us walk becomingly; not in rioting and drunkenness, not in chambering and lasciviousness, not in strife and emulation.
World English Bible (WEB) Let us walk properly, as in the day; not in reveling and drunkenness, not in sexual promiscuity and lustful acts, and not in strife and jealousy.
Young's Literal Translation (YLT) as in day-time, let us walk becomingly; not in revellings and drunkennesses, not in chamberings and lasciviousnesses, not in strife and emulation;
Cross Reference Matthew 24:48 in Tsishingini 48 Agba nna aagbashiꞌi u ri na̱ a̱ɓula̱ shi, u ta damma aciya̱yi a na zavuꞌwa va̱ yi a̱a̱ ka̱mba̱ goꞌo shi.
Luke 1:6 in Tsishingini 6 Ele ra a yuwan ta̱ nden n saꞌani n na A̱sula̱ a cigai. O toni ta̱ ili i na Zagbain ca nle suru.
Luke 16:19 in Tsishingini 19 A̱vu Yesu lyuwa elime na adanshi, “A yuwan ta̱ za vu utsuru u ro, u tso otosu ta̱ itana i shili ni itana i uri a̱za̱ e ikebe, u tsu uwwusa ta̱ uyoꞌo usana suru.
Luke 17:27 in Tsishingini 27 Ama a lyuwusa ta̱ no o sowi, na a casuyi lolo na a yuwin lolo, hali urana u na Nuhu uwai a wantsuꞌun. A̱vu mini ma gbain ma̱ ta̱wa̱, a̱vu u lyuwa le suru.
Luke 21:34 in Tsishingini 34 “I yuwan ugbozu na aciya̱ɗu adama a alya a̱ a̱bunda̱, no oso a̱ a̱bunda̱ ni iwuya, na̱ a̱tsumola̱ngu adama e izami yi ili yu uvaɗi u nda. Na̱ ne ɗa shi, urana u ndolo u ta̱ ta̱wa̱ ɗu babu urevu ununa i revei yakuru.
Acts 2:15 in Tsishingini 15 Ama a na ye eneshe nda a̱ ri usowu shi, ana wo oꞌwoi mantsa ma na tsu ri gogo rumu kucci vu usana ɗa.
1 Corinthians 6:9 in Tsishingini 9 She yi luma̱ aciya̱ɗu wan. I reve ta̱ za vi iwuya a̱a̱ tsura̱ tsugono tsa̱ A̱sula̱ shi. Ama a nda ele ɗa aza a na a yuwusaan a̱ma̱li a̱ a̱ga̱nda̱. Ele fo aza a na a yuwusan tsipere, ama a nda a̱a̱ tsura̱ tsugono tsa̱ A̱sula̱† shi. Ne ɗa waru ali a na a tsu lyawa ali a yuwan tsipere ne ele e re kokoꞌo. Evu, na̱ a̱za̱ o utsa̱n, na̱ a̱za̱ a̱ nga̱la̱la̱i a̱a̱ tsura̱ tsugono tsa̱ A̱sula̱ shi, oɓolo no ososowi, na aza a na a̱ lungususa̱ ala o ozo o ro. Aza a na a yuwain cuꞌun ndolo a̱a̱ tsura̱ tsugono tsa̱ A̱sula̱ shi.
Galatians 5:15 in Tsishingini 15 Amma ni i lyuwa elime na̱ ngagalai na̱ ncalai ma̱ a̱tsuma̱lima̱, ni i yuwan ugbozu shi, i ta̱ lungusula̱i suru suru.
Galatians 5:19 in Tsishingini 19 Za suru reve ta̱ ili i wuya i na okolo a tsu ciga: A tsu yuwan ta̱ tsipere. A tsu yuwan ta̱ ili i wono. A tsu yuwan ta̱ majiyan me tsipere lon.
Galatians 5:21 in Tsishingini 21 A̱ ta̱ waru tapu nu upan lon. Majiyan ma aciyele ma ɗa goon a tsu yuwusan. She mawasan ma na ma̱ tsu ta̱wa̱ na̱ wukasu. Waru uneꞌesun u ɗa a̱ ri adama a aciyele. A tsu zuwusa ta̱ esu e le e itana ya ama o ro. Ele waru ososowi a ɗa. A̱ tsu ꞌya̱wa̱ ta̱ uba̱ta̱ a̱ a̱buki† a na ama a tsu gura goloɓo aciyele shi. Reve a yuwan ili yi idaba i ro kokoꞌo. N rono ɗu ta̱ ɗe atsuvu, waru n to roniso ɗu atsuvu: Aza a na a yuwusan ili i nda a̱a̱ ushi abaꞌun o tsugono tsa̱ A̱sula̱ shi.
Galatians 5:25 in Tsishingini 25 Adama a na Ruhu va̱ A̱sula̱ ca ntsu wuma u saꞌavu, lyawa tsu yuwain ili i na Ruhuꞌu u damma ntsu tsu yuwan.
Ephesians 4:1 in Tsishingini 1 N ta̱ a̱tsuma̱ o uꞌwa wa ali adama a na maa yuwusaan Zagbain a̱ga̱nda̱, agba n ta patishi ɗu i yuwan nden n na mu ntsayi na̱ ɗesu na A̱sula̱ e ɗe nɗu i yuwan.
Ephesians 4:17 in Tsishingini 17 Adama o ndolo, n ta dansaa ɗu, waru n ta ɓarasa ɗu a̱tsuma̱ a ala a Zagbain, i lyawa a yuwusan nden tsa ama a na e revei A̱sula̱ shi. Ununa aa yuwusan majiyan ili ye pere i ɗa.
Ephesians 5:2 in Tsishingini 2 I ciga ama kuci, cine Zamawawa ciga ntsu, hali u kuwa̱ adama a̱ tsu. U ca ta̱ A̱sula̱ wuma wa̱ yi gashi kucci, reve gba wo oꞌwo tse ili i ma̱guru† lon e ekere a̱ A̱sula̱.
Ephesians 5:8 in Tsishingini 8 Ɗe nu ufaru, i da̱na̱ ta̱ a̱tsuma̱ e irumbu, amma gogo i tu uɓolu na̱ Zagbain, reve i uwa a̱tsuma̱ e ekan. Adama o ndolo i yuwan nden tsa ama a na a̱ ri a̱za̱ e ekan.
Ephesians 5:15 in Tsishingini 15 Adama o ndolo i yuwan ugbozu cine yaa yuwusan nden n ɗu. She i yuwan nden n tsulo tsa ama wan, amma i yuwan nden nu ugbozu.
Ephesians 5:18 in Tsishingini 18 She yoo oꞌwo ososowi wan, adama a na a̱yi ndolo u ta̱ lungusa̱ ɗu. Amma i lyawa Ruhu va Akiza† shiton ɗu nu ucira wa̱ yi.
Philippians 1:27 in Tsishingini 27 Amma ili i na i farai biti, a̱yi ɗa, ni i ciga i ꞌyuwan i yuwan nden n na ma̱a̱ ta̱wa̱a̱ Alabari a Saꞌani tsugbain adama e Yesu Zamawawa. To, ko n da̱shi ta̱wa̱ me ene ɗu ko mu uwwa adama a̱ ɗu, n te reve a na i ri mishin a majiyan ma̱ ta̱ ni ifoɓi i ta̱, o mpolo n na ya̱a̱ tsura̱ aza a na aa ca okolo a Alabari a Saꞌani.
Philippians 2:3 in Tsishingini 3 She i yuwan ili adama a̱ tsushuꞌun wan, waru she i yuwan ili adama o uꞌya̱sa̱sa̱n wa avangaci wan. Amma vu tara aciya̱wu ili i ro wan na̱ vaa yuwusan ili, reve vu da̱na̱ a majiyan vuma ro laꞌa wu ta̱.
Philippians 3:16 in Tsishingini 16 Ili i na i laꞌai ili biti a̱yi ɗa: tsu lyuwai elime ni itoni yi ili i na tsu revei ɗe amayun a ɗa.
Philippians 4:8 in Tsishingini 8 Ama a̱ va̱, o ukosu n ta dansa ili i nda: i ka̱mbuwa̱ ugbozu u ɗu e ili i na i ri amayun, waru ni ili i na i rawai a ca tsugbain ni ili i na i ri mejege. I yuwan majiyan me ili i na i ri cece, ni ili yi icigi, ni ili i na yi ntsayi. I ka̱mbuwa̱ ugbozu u ɗu e ili i na i laꞌai ulobonu waru u rawai ica.
Colossians 1:10 in Tsishingini 10 Ne ɗa cine yaa yuwusan nden n ɗu maa ca Zagbain tsugbain kuci, a̱vu wu uwwa uyoꞌo u ɗu. I ta matsan muwun ma̱ a̱ɓula̱ na̱ yaa yuwusan ili i saꞌani, waru i to roco isaꞌani kuci. Ni i yuwan ne, i ta kungwa a̱vu i reveshe A̱sula̱ kuci.
Colossians 3:5 in Tsishingini 5 Ili i na i ri pe a̱tsuma̱ a̱ lipu ɗu, i ciga i ꞌyuwan yu una ili ndolo suru: ili tsa̱ tsipere, hali ni ili i wono i tsipere i maluwa me icigi i tsipere. I ꞌyuwan i ciga i lyawa icigi vu cuꞌun vi iwuya suru. Waru i ciga i ꞌyuwan i lyawa utsa̱n suru u na u rocoi a̱ga̱nda̱ a̱ a̱ma̱li.
1 Thessalonians 2:12 in Tsishingini 12 Tsu te ipati i ɗu, waru tsu ta casu ɗu adanshi, waru tsu ta zuwusa ɗu, i yuwan nden n na ma̱a̱ ta̱wa̱a̱ A̱sula̱ na̱ tsugbain adama a na a̱yi ɗa u ɗe nɗu i uwa a̱tsuma̱ o tsugono tsa̱ yi tsa̱ra̱ i tsura̱ tsugbain tsa̱ yi.
1 Thessalonians 4:3 in Tsishingini 3 A̱sula̱ a ciga ɗu ta̱ i da̱na̱ cece, adama o ndolo i suma cuꞌun vu unusu u tsipere suru.
1 Thessalonians 4:12 in Tsishingini 12 Ne ɗa ama a na a̱ ri a̱za̱ e Itoni shi a ca ɗu tsugbain adama a̱ nden n ɗu, waru ya̱a̱ da̱na̱ a̱ ka̱lyuwusa̱ nanza ca ɗu ikebe shi.
1 Thessalonians 5:17 in Tsishingini 17 I lyuwa elime na̱ mayan ma avasa.
James 3:14 in Tsishingini 14 Amma na̱ vu ri na̱ tsushuꞌun ni icigi ya aci o ookolo a̱ wu, she vu ꞌya̱sa̱n avangaci a na vu ri nu ugbozu wan. Uꞌya̱sa̱sa̱n wa avangaci a̱ wu suru amayun a ɗa vaa ꞌyuwusan.
James 4:5 in Tsishingini 5 Ko i ta majiyan pere ɗa Adanshi a̱ A̱sula̱ a dammai, Ruhu va̱ yi ta̱ pe a̱tsuma̱ a̱ tsu waru u ta̱ a̱ tsushuꞌun lon.
1 Peter 2:1 in Tsishingini 1 Adama o ndolo ni i ciga i ꞌyuwan i lyawa unusu u na yaa yuwusan. I lyawa a̱ lulumusa̱ ama. I lyawa a dansa i ta̱ na̱ a̱ɓula̱ agba ne ɗa shi. She i tonoo tsushuꞌun wan, agba i lyawa adanshi e ili i na ya̱a̱ ɓa̱li ama o ro.
1 Peter 2:11 in Tsishingini 11 Ama a̱ va̱, a̱ɗu omocin a ɗa na aza a mabura o uvaɗi. Adama o ndolo n to ronuso ɗu atsuvu i suma icigi yi iwuya adama a na a̱ ta̱ nla̱ngi no okolo a amayun a̱ ɗu.
1 Peter 4:3 in Tsishingini 3 I tara ta̱ ɗe mantsa lon nu ujimu a yuwusan ili i na aza a na e revei A̱sula̱ shi aa yuwusan. I yuwusan ta̱ tsipere icuꞌun icuꞌun, i shi ta̱ i yuwan ili i wuya i na lipu cigai, i yuwan ta̱ ɗe oso na̱ a̱buki† a vanvama na̱ yisowishi ni itoni ya̱ a̱ma̱li i na A̱sula̱ a ꞌyuwain.
2 Peter 2:13 in Tsishingini 13 Atsupu e le o to oꞌwo ulungusu adama a wamatowun u na a amatoyin ama. A̱ tsu da̱na̱ ta̱ a̱ ma̱za̱nga̱ a mantsa ma na aa yuwusan iwuya i na a cigai nu urana gayin. A̱ tsu ta̱wa̱a̱ ta̱ na̱ wono a̱tsuma̱ a̱ ɗu, reve a zuwa ɗu yoo oꞌwo ili yi idaba. A tsu lyuwa ta̱ elime na mayan me ili ye epen ma nda a mantsa ma na a lyuwusa ilyalya na̱ a̱ɗu uba̱ta̱ wa̱ a̱buki.
2 Peter 2:18 in Tsishingini 18 Ama a nda a̱ ta̱ nu uꞌya̱sa̱sa̱n wa aci a̱tsuma̱ o ofoli a adanshi. Na̱ za ro teme ɗe a lyawusa ure wu unusu, ama a nda a tsu yuwan ta̱ ulinga ni ili yu unusu u na vuma ndolo cigai adama a̱ ka̱mba̱to yi a̱tsuma̱ e ili i na i ri ulobonu shi.
1 John 2:6 in Tsishingini 6 Na̱ tsu damma a̱tsu ama a̱ yi a ɗa, tsu yuwain cine Yesu yuwain.
2 John 1:4 in Tsishingini 4 N yuwan ta̱ ma̱za̱nga̱ ma̱ a̱bunda̱ ana mu uwwai muwun n ɗu n ro oo tono ure wa amayun, cine Dada damma ntsu tsu yuwan.
Jude 1:23 in Tsishingini 23 Vu wawa ozo o ro, vu usa le diga e elentsu a akina o ugeꞌetosu. Ama o ro a̱ ta̱ lo aza a na vee ene iliyali, amma vu da̱nu nu ugbozu ne ele gashi unusu u le u zuwa ta̱ itana i le yo oꞌwo na̱ a̱shinda̱.