Romans 11:36 in Tsishingini 36 A̱sula̱ a yuwan ta̱ ili suru. A̱yi ɗa za na tsu zuwa ili suru i lyuwa elime. Ili suru i ta̱ lo adama a ca yi tsugbain. Tsu ꞌyuwan tsu ciga tsu cuwa A̱sula̱ babu ukotu! Ami.
Other Translations King James Version (KJV) For of him, and through him, and to him, are all things: to whom be glory for ever. Amen.
American Standard Version (ASV) For of him, and through him, and unto him, are all things. To him `be' the glory for ever. Amen.
Bible in Basic English (BBE) For of him, and through him, and to him, are all things. To him be the glory for ever. So be it.
Darby English Bible (DBY) For of him, and through him, and for him [are] all things: to him be glory for ever. Amen.
World English Bible (WEB) For of him, and through him, and to him, are all things. To him be the glory for ever! Amen.
Young's Literal Translation (YLT) because of Him, and through Him, and to Him `are' the all things; to Him `is' the glory -- to the ages. Amen.
Cross Reference Matthew 6:13 in Tsishingini 13 She vu lyawa tsu tsu uwa a̱ ma̱lyungwa̱ wan, agba vu wawa tsu e ekere a za wuya.’
Luke 2:14 in Tsishingini 14 “Tsugbain tsa̱ A̱sula̱ ɗe zuva suru suru, o uvaɗi nden mo okolo waru e ekere a aza a na waa uwwusa uyoꞌo u le!”
Luke 19:38 in Tsishingini 38 A̱vu a damma, “Abaꞌun a̱ tyo o Mogono ma na ma̱a̱ ta̱wa̱ a ala a Zagbain!” “Asuvu nden zuva, na̱ tsugbain uba̱ta̱ wa̱ A̱sula̱!”
Acts 17:25 in Tsishingini 25 Ne ɗa waru u tsu zami ikambi uba̱ta̱ u vuma shi, waru u tsu lamba ili i ro shi. Ana wo oꞌwoi a̱yi ɗa u cayi ama suru wuma, na̱ wivuwun na akapi e ili suru.
Acts 17:28 in Tsishingini 28 O una̱ wa̱ yi u ɗa tsu ri wuma, waru tsu ri a̱ ma̱zungwa̱, ne ɗa a yuwan ntsu waru. Ununa a̱za̱ e ishipa a̱ ɗu a dammai, ‘Amayun, a̱tsu fo diga o ugundo wa̱ yi u ɗa.’
Romans 16:27 in Tsishingini 27 Lyawa A̱sula̱, za na a̱yi ɗa goon u ri nu ugbozu, u ushi tsugbain o ure wa̱ Yesu Zamawawa babu ukotu. Ami.
1 Corinthians 8:6 in Tsishingini 6 Amma tsu reve ta̱ tsu ta̱ na̱ A̱sula̱ a̱ ta̱ goon, a̱yi ɗa Dada, za na yuwain ili suru, u yuwan tsu ta̱ tsa̱ra̱ tsu yuwaan yi a̱ga̱nda̱. Yesu Zamawawa a̱yi ɗa Zagbain tsu goon. Babu ili i na u kuɗa̱i a yuwan, waru adama a̱ yi a ɗa tsu tsura̱i wuma.
1 Corinthians 11:12 in Tsishingini 12 Amayun a ɗa ka vu ufaru wu uta̱ ta̱ diga a vali, amma a̱ma̱ci a ɗa a matsain akapi a ali. Agba A̱sula̱ a ɗa za na yuwain ili biti.
Galatians 1:5 in Tsishingini 5 A̱yi ɗa i zuwai tsugbain suru tso oꞌwoi za va̱ A̱sula̱ a̱ tyo a mantsa suru babu ukotu. Ami.
Ephesians 3:21 in Tsishingini 21 Tsu cuwa niyi babu ukotu waru na̱ tsugbain tsa̱ yi na o rocoi a̱tsuma̱ e ili i na waa yuwusan e ekere a̱ a̱a̱ꞌisa̱ a̱ a̱za̱ e Itoni ne e ekere e Yesu Zamawawa! Ami.†
Ephesians 4:6 in Tsishingini 6 Tsu ta yuwusaan A̱sula̱ a̱ ta̱ a̱ga̱nda̱, waru a̱yi ɗa Dada tsu suru. A̱yi ɗa za tsugono tsi ili suru, waru u tu uba̱ta̱ suru, waru u ta̱ a̱tsuma̱ a̱ tsu suru.
Philippians 4:20 in Tsishingini 20 Adama e ili i nda suru, i ca A̱sula̱ Dada tsu tsugbain babu ukotu. Ami.
Colossians 1:15 in Tsishingini 15 Kristi Zamawawa ununa A̱sula̱ a̱ ri a ɗa u ri, shede ama aa gura ene A̱sula̱ ne esu e le shi. A̱yi ɗa Mawun mo ufaru ma̱ A̱sula̱ waru u to tsugono tsi ili i na A̱sula̱ a yuwain biti.
1 Timothy 1:17 in Tsishingini 17 Tsu cayi A̱sula̱ ica, reve waru tsu ca niyi tsugbain. Tsu yuwusain ne babu ukotu. A̱yi ɗa Mogono ma babu ukotu, za na a̱ tse ene shi, agba u tsu kuwa̱ shi. A̱yi ɗa A̱sula̱ a̱ ndeꞌen. Ami.
1 Timothy 6:16 in Tsishingini 16 A̱yi ɗa goon za na a̱a̱ kuwa̱ shi, waru u ta̱ pe a̱tsuma̱ e ekan a na vaɗilima̱ aa gura rawa zuzu shi. Za lo na e ene niyi ɗe shi, waru babu za na aa gura ene yi. Tsu ca niyi tsugbain babu ukotu waru ucira za va̱ yi ɗa babu ukotu. Ami.
2 Timothy 4:18 in Tsishingini 18 Ee, ne ɗa Zagbain oo uta̱a̱ mu a̱tsuma̱ e iwuya suru, waru u ta̱ ta̱wa̱ na̱ a̱mu gbaga o tsugono tsa zuva tsa̱ yi. Lyawa tsugbain tsa̱ da̱na̱ e ekere a̱ A̱sula̱ babu ukotu. Ami.
Hebrews 2:10 in Tsishingini 10 A̱sula̱ a ɗa a yuwain ili biti, waru ili biti adama a na a ca yi tsugbain tsa ɗa. U ciga ta̱ muwun na̱ a̱bunda̱ a uwa uba̱ta̱ u tsugbain tsa̱ yi. Adama o ndolo a ɗa u zuwai Yesu sowoi a̱tsuma̱lima̱, ne ɗa u zuwai Yesu ntsayi tsa̱ra̱ u roco ama ure wi iwawi.
1 Peter 4:11 in Tsishingini 11 Na̱ a̱vu za na tsu yuwan adanshi a ɗa, vu yuwan adanshi gashi A̱sula̱ na aciya̱yi a ɗa aa yuwusan adanshi na̱ a̱vu. Ne e ɗe wu ta̱ adama vu kamba ama, vu yuwan yi na̱ a̱tyo o ucira u na A̱sula̱ a ca nuwu. Adama e ili biti A̱sula̱ a̱ tsura̱ ica a̱tsuma̱ e Yesu Zamawawa. Tsugbain tsa̱ yi nu ucira wa̱ yi a̱ ri nu utyo shi. Ami.
1 Peter 5:11 in Tsishingini 11 A̱yi ɗa za tsugbain nu ucira u babu ukotu. Ami.
2 Peter 3:18 in Tsishingini 18 I lyuwa elime a̱tsuma̱ e isaꞌani na̱ a̱tsuma̱ o urevu wu Zagbain tsu na̱ Zamawawa Yesu. Tsugbain nu ucira suru wo oꞌwo za va̱ yi babu ukotu. Ami.†
Jude 1:25 in Tsishingini 25 Nu ujimu ɗe, a̱ tyo mantsa ma nda, hali a̱ tyo o ukosu, A̱sula̱ a ɗa Za vi Iwawi i tsu adama e Yesu Zamawawa Zagbain tsu. Tsugbain suru za va̱ yi ɗa. Tsugono suru za va̱ yi ɗa. Ucira suru suru za va̱ yi ɗa. Waru ili suru i ta̱ o ukere wa̱ yi. Ami.
Revelation 1:5 in Tsishingini 5 Ne ɗa waru Yesu Zamawawa za na a zuwayi ucira o udansa wa amayun adama a̱ A̱sula̱. A̱yi ɗa za na fara ꞌyoyin a̱tsuma̱ a̱ a̱kwa̱kwa̱. A̱yi ɗa mogono mo tsugono mo ngono mu uvaɗi. A̱yi ɗa za na ciga ntsu, waru a̱yi ɗa u zuwa ntsu tsu laꞌa ucira wu unusu u tsu ana wo ocoi mpasa reve u kuwa̱ adama a̱ tsu.
Revelation 4:10 in Tsishingini 10 A mantsa ma̱ ta̱ waru azagbain ushin na̱ a̱za̱ a̱ na̱shiꞌi a̱ kingyo ta̱ elime a za na ri nden a̱ nda̱na̱ta̱ n tsugonoꞌo. Waru a mantsa ma na a yuwusaan za babu ukotuꞌu a̱ga̱nda̱, a̱vu a zuwa okokolo e le elime a̱ nda̱na̱ta̱ꞌa̱ reve a damma,
Revelation 5:12 in Tsishingini 12 A̱ da̱na̱ ta̱ e ishipa na̱ a̱ba̱jini o uɗyo: “Tsu ta yuwaan Ma̱giriꞌi ma na o unai ica, waru adama a̱ a̱ba̱jini o ucira a̱ yi, nu utsuru, nu urevu, nu ukadu wa̱ yi. U ushi tsugono na̱ tsugbain ni ica suru suru!”
Revelation 7:10 in Tsishingini 10 A̱ da̱na̱ ta̱ a yisaali na̱ a̱ba̱jini o uɗyo, “A̱sula̱ a̱ tsu a ɗa oɓolo na̱ Ma̱giriꞌiꞌi a wawa ntsu, A̱sula̱ a̱ tsu u ta̱ nden a̱ nda̱na̱ta̱ n tsugono.”
Revelation 19:1 in Tsishingini 1 Ana malingata mo uciraꞌa mo kotoi adanshi, reve mu uwwa mesun ma̱ a̱ba̱jini o oɓolo a ama zuva a yisaali: “A cuwa A̱sula̱! Iwawi, na̱ tsugbain, nu ucira za va̱ A̱sula̱ a̱ tsu a ɗa!
Revelation 19:6 in Tsishingini 6 Reve mu uwwa mesun ma̱ a̱ba̱jini o oɓolo a ama zuva a yisaali. U ta̱ gashi ma̱gugwa̱ ma̱ a̱ba̱jini a̱ mini a̱ riyisa̱ na̱ mesun ma tsata ma gbain. Mu uwwa le ta̱ adansa: “Cuwai A̱sula̱! Adama a na A̱sulazuva a̱ tsu, Mogono me ili suru suru, Mogono ma ɗa!
Revelation 21:6 in Tsishingini 6 Reve waru u damma, “N yuwan ta̱ ili i nda suru! A̱mu ɗa Alfa† na̱ Omiga.† U ta dansa a̱mu ɗa Ufaru waru a̱mu ɗa Ukosu. N ta ca za na ri a uwwusa akuli suru mini u sowo diga e esu a̱ mini ma na me yeneshe ma na maa casu wuma. Agba aa tsupa shi.