Revelation 19:9 in Tsishingini 9 Reve malingata ma̱ A̱sula̱ꞌa̱ ma damma mu, “Vu ɗana ili i nda: A̱sula̱ a ta zuwaa za suru na a banuyi a̱ tyo uba̱ta̱ wa̱ a̱buki o lolo a̱ Ma̱giriꞌiꞌi abaꞌun.” A̱vu waru malingataꞌa u dammisa, “Ili i nda i na A̱sula̱ a dammai amayun a ɗa.”
Other Translations King James Version (KJV) And he saith unto me, Write, Blessed are they which are called unto the marriage supper of the Lamb. And he saith unto me, These are the true sayings of God.
American Standard Version (ASV) And he saith unto me, Write, Blessed are they that are bidden to the marriage supper of the Lamb. And he saith unto me, These are true words of God.
Bible in Basic English (BBE) And he said to me, Put in the book, Happy are the guests at the bride-feast of the Lamb. And he said to me, These are the true words of God.
Darby English Bible (DBY) And he says to me, Write, Blessed [are] they who are called to the supper of the marriage of the Lamb. And he says to me, These are the true words of God.
World English Bible (WEB) He said to me, "Write, 'Blessed are those who are invited to the marriage supper of the Lamb.'" He said to me, "These are true words of God."
Young's Literal Translation (YLT) And he saith to me, `Write: Happy `are' they who to the supper of the marriage of the Lamb have been called;' and he saith to me, `These `are' the true words of God;'
Cross Reference Matthew 22:2 in Tsishingini 2 “Apa cine tsugono tsa zuva tsa̱ ri: A yuwan ta̱ mogono mo ro za na foɓoi a̱ba̱jini a̱ a̱buki o lolo adama a mawun ma̱ yi.
Luke 14:15 in Tsishingini 15 Ana vuma ta̱ a̱tsuma̱ a aza a na a̱ ri a alya na̱ a̱yi wu uwwai ne, a̱vu u damma yi, “Za va abaꞌun a ɗa za na aa lyuwa ilyalya o tsugono tsa̱ A̱sula̱.”
1 Timothy 1:15 in Tsishingini 15 Yesu Zamawawa ta̱wa̱ ta̱ a̱tsuma̱ o uvaɗi tsa̱ra̱ u wawa a̱za̱ o unusu. Ikakaꞌa amayun a ɗa, waru vaɗi suru usu ikakaꞌa. Waru a̱tsuma̱ a ama, a̱mu ɗa n shi n laꞌai koyan ɗa unusu suru.
1 Timothy 4:9 in Tsishingini 9 Ikaka i nda suru amayun a ɗa, waru u tu ulobonu a̱ usu le suru.
2 Timothy 2:11 in Tsishingini 11 Adanshi a nda amayun a ɗa: Nna̱ tsu kuwa̱ oɓolo na̱ a̱yi, tsu ta yuwan wuma waru oɓolo na̱ a̱yi.
Titus 3:8 in Tsishingini 8 Ili i na n dammai nda suru amayun a ɗa. N ciga wu ta̱ vu yuwusan ne tsa̱ra̱ aza a na a cayi A̱sula̱ okolo a yuwan ugbozu a yuwan ili i saꞌani mantsa suru. Ili i nda a̱ tu ulobonu waru a̱ ta̱ nu urana o ukere wa̱ koyan.
Revelation 1:19 in Tsishingini 19 “Vu ɗana a̱tsuma̱ a aatagada ili i na vee inda gogo suru ni ili i na ya̱a̱ ta̱wa̱ elime.
Revelation 2:1 in Tsishingini 1 Reve u damma mu, “Ɗana mepepelime ma nda a̱ tyo a malingata ma̱ A̱sula̱† ma̱ a̱a̱ꞌisa̱ a̱ a̱za̱ e Itoni† a̱ lyuci va Afisu. Za na guza̱i italyoꞌo i cindere o ukere usaꞌani wa̱ yiꞌi, za na waru ri a mmalu e memere ma wisawatan wi ifitila i cindere, u ta̱ lyungusa̱a̱ wu ikaka i nda:
Revelation 2:8 in Tsishingini 8 Reve u damma mu, “Ɗana mepepelime ma nda a̱ tyo a malingata ma̱ A̱sula̱ ma̱ a̱a̱ꞌisa̱ a̱ a̱za̱ e Itoni a̱ lyuci va Simirina. Za na a̱yi ɗa Ufaru waru a̱yi ɗa Ukosu, za na kuwa̱i agba wo oꞌwiso ta̱ wuma, a̱yi ɗa wa̱a̱ lyungusa̱a̱ wu ni ikaka i nda:
Revelation 2:12 in Tsishingini 12 Reve u damma mu, “Ɗana mepepelime ma nda a̱ tyo a malingata ma̱ A̱sula̱ ma̱ a̱a̱ꞌisa̱ a̱ a̱za̱ e Itoni a̱ lyuci va Birigamu. Za na ri na̱ matsun me peꞌeni ma na e tewein ma̱ na̱ re va̱ yi, a̱yi ɗa za na a̱ lyungusa̱a̱ wu ni ikaka i nda:
Revelation 2:18 in Tsishingini 18 Reve u damma mu, “Ɗana mepepelime ma nda a̱ tyo a malingata ma̱ A̱sula̱ ma̱ a̱a̱ꞌisa̱ a̱ a̱za̱ e Itoni a̱ lyuci va Tayatira. Mawun ma̱ A̱sula̱, za na esu a̱ yi e ikanasa tse elentsu a akina waru za na ana a̱ yi a̱ ri a madala tsu rumushili na o gboroi ɗe, a̱yi ɗa za na lyunguwa̱ nuwu ni ikaka i nda:
Revelation 3:1 in Tsishingini 1 Reve u damma mu, “Ɗana mepepelime ma nda a̱ tyo uba̱ta̱ u malingata ma̱ A̱sula̱ ma̱ a̱a̱ꞌisa̱ a̱ a̱za̱ e Itoni a̱tsuma̱ a̱ lyuci va Sadisu. Za na ri o tsugono tsa nan ruhu e cindere a na aa yuwusaan A̱sula̱ tsugbashi, waru za na ɓa̱na̱i italyoꞌo i cindere, a̱yi ɗa u lyunguwa̱ nuwu ni ikakaꞌa: n reve ta̱ ili i na vaa yuwusan. Ama a ta dansa gashi vu ta̱ wuma, ashe gba a̱a̱kwa̱kwa̱ a ɗa vu ri amayun.
Revelation 3:7 in Tsishingini 7 Reve u damma mu, “Ɗana mepepelime ma nda a̱ tyo a malingata ma̱ A̱sula̱ ma̱ a̱a̱ꞌisa̱ a̱ a̱za̱ e Itoni a̱tsuma̱ a̱ lyuci va Filadalifiya. Za na ri na akiza na amayun u tu uɓa̱nu na̱ ma̱kpa̱tuꞌutsu ma̱ Da̱wuda. Nu u kpa̱tuꞌwa̱ una̱ntsu babu za na aa gura kpa̱to yi. Waru nu u ɓa̱ru yi, babu vuma na a̱a̱ kpa̱tuꞌwa̱ yi. A̱yi ɗa za na lyunguwa̱ nuwu ni ikaka i nda:
Revelation 3:14 in Tsishingini 14 Reve u damma mu, “Ɗana mepepelime ma nda a̱ tyo a malingata ma̱ A̱sula̱ a̱tsuma̱ a̱ a̱a̱ꞌisa̱ a̱ a̱za̱ e Itoni a̱ lyuci va Lawudikiya. A̱yi ɗa Za na Ri Ne. Waru a̱yi lyusu va̱ a̱ɓula̱ ɗa waru u tsu yuwusan ta̱ adanshi a amayun kuci. O ure wa̱ yi u ɗa A̱sula̱ a yuwain ili suru. A̱yi ɗa u lyunguwa̱ nuwu ni ikaka i nda:
Revelation 3:20 in Tsishingini 20 Vu zuwa atsuvu, a̱mu ɗa nda mishin o ukobu wu uꞌwa wa̱ wu a yuwusan, ‘A̱zoꞌwa!’ Vuma na uwwa numu a̱vu u banu mu n uwa, n ta uwa pe a̱tsuma̱ o uꞌwaꞌa a̱vu n lyuwa oɓolo na̱ a̱yi.
Revelation 10:4 in Tsishingini 4 Ana tsata n cindereꞌe n yuwain adanshi, reve n fara maɗana. A̱vu mu uwwa uɗyo ɗe zuva adansa, “Vu soko ili i na tsata n cindereꞌe n dammai ulobonu, waru she vu ɗana le wan.”
Revelation 14:13 in Tsishingini 13 A̱vu mu uwwa uɗyo zuva adansa, “Ɗana ili i nda: Aza abaꞌun a ɗa aza a na a̱ kuwa̱i diga gogo a̱ ꞌya̱wa̱ adama e Itoni yi Zagbain!” Reve Ruhu usu, “Ee, a̱ te ivuwan a̱tsuma̱ a linga va̱ a̱tsuma̱lima̱ a na a yuwusan, linga saꞌani le na a yuwusain to toni le.”
Revelation 19:7 in Tsishingini 7 Tsu yuwain mere reve waru tsu za̱nga̱na̱i. Tsu cuwai tsugbain tsa̱ yi! Adama a na mantsa ma yuwan ta̱ ana aa yuwan a̱buki o lolo a̱ Ma̱giriꞌiꞌi. Kasaꞌavu va̱ yi foɓo ta̱ aciya̱yi adama o ndolo.
Revelation 19:10 in Tsishingini 10 A̱vu n ka̱ɗa̱to a̱ ma̱ka̱ka̱n ma malingataꞌa adama n yuwaan yi a̱ga̱nda̱, amma a̱vu u damma mu, “Oꞌo, she vu yuwaan mu a̱ga̱nda̱ wan! A̱mu aagbashi a ɗa tsa̱ wu na̱ a̱za̱ e Itoni, aza a na a̱ guza̱i amayun e ili i na Yesu paluꞌwai. I yuwaan A̱sula̱ a̱ga̱nda̱!” Adama a amayun a na Yesu paluꞌwai a̱yi ɗa i zuwai ama aa yuwusan adanshi e ikaka ya̱ A̱sula̱.
Revelation 21:5 in Tsishingini 5 A̱vu za na ri nden a̱ nda̱na̱ta̱ n tsugonoꞌo u damma, “Ka̱lyuwa̱i! N ta̱ ka̱mba̱tosu ili suru usaꞌavu!” Reve u damma mu, “Vu ɗana ili i nda, adama a na adanshi a nda amayun a ɗa waru a ta zuwaa le ucira.”
Revelation 22:6 in Tsishingini 6 Reve malingataꞌa u damma mu, “Adanshi a nda amayun a ɗa, waru ili i na a̱a̱ usu ɗa. Waru A̱sulazuva A̱sula̱ za na tsu ca ama̱sula̱ Ruhu va̱ yi, u lyungu ta̱ malingata ma̱ yi u roco agbashi a̱ yi ili i na yaa fara babu ujimu.”