Philippians 4:9 in Tsishingini 9 I da̱na̱ a mayan me ili i na i ritoi ya̱ꞌa̱ va̱ suru. Waru i yuwusan ili i na suru yu uwwa numu adansa. Waru i yuwusan ili i na suru ye ene numu a yuwusan. Adama a na ne ɗa, A̱sula̱ o okolo nden oo oꞌwo oɓolo na̱ a̱ɗu.
Other Translations King James Version (KJV) Those things, which ye have both learned, and received, and heard, and seen in me, do: and the God of peace shall be with you.
American Standard Version (ASV) The things which ye both learned and received and heard and saw in me, these things do: and the God of peace shall be with you.
Bible in Basic English (BBE) The things which came to you by my teaching and preaching, and which you saw in me, these things do, and the God of peace will be with you.
Darby English Bible (DBY) What ye have both learned, and received, and heard, and seen in me, these things do; and the God of peace shall be with you.
World English Bible (WEB) The things which you learned, received, heard, and saw in me: do these things, and the God of peace will be with you.
Young's Literal Translation (YLT) the things that also ye did learn, and receive, and hear, and saw in me, those do, and the God of the peace shall be with you.
Cross Reference Matthew 1:23 in Tsishingini 23 a na, “Usheli u na koto u revei vali shi u ta yuwan a̱a̱tsuma̱, u ta matsan ulobo, reve a ca yi aala Imanuwe.” Urevu wa̱ yi a̱yi ɗa, “A̱sula̱ oɓolo na̱ a̱tsu.”
Matthew 5:19 in Tsishingini 19 Ni i ꞌyuwan ko Wila̱ u keꞌen u na u laꞌai uka̱la̱mu wi ili i na aa yuwan, a̱vu waru i roco ozo o ro a yuwan ne, a̱ɗu ɗa yoo oꞌwo nkosoto a̱tsuma̱ o tsugono tsa zuva. Amma ni i kuru a̱vu waru i roco ozo o ro ili i na u dammai, i ta̱ tsura̱ uba̱ta̱ u saꞌani a̱tsuma̱ o tsugonoꞌo.
Matthew 7:21 in Tsishingini 21 Reve Yesu damma, “Za na ee ɗesu mu Zagbain Zagbain suru ɗa aa uwa o uꞌwa u tsugono tsa zuva shi. Ama a na aa uwa o tsugono tsa zuva goon, ele ɗa aza a na aa yuwusan ili i na Dada va̱ va zuva cigai.
Matthew 7:24 in Tsishingini 24 A̱vu Yesu damma, “Adama o ndolo, za na aa uwwusa ili i na maa dansa, reve u yuwan tsutoni ne ele, u ta̱ vadamma suwi va̱ a̱ɓula̱ na suwai uꞌwa wa̱ yi a aatali.
Matthew 28:20 in Tsishingini 20 I rito le a yuwan ili i na n damma nɗu. N ta̱ da̱na̱ oɓolo na̱ a̱ɗu kuci, hali a̱ tyo o ukosu wu uvaɗi.”
Luke 6:46 in Tsishingini 46 A̱vu u lyuwa elime na adanshi, “Cine tsa ɗa ya̱a̱ ɗesu mu, ‘Zagbain, Zagbain,’ agba i yuwan ili i na n damma nɗu i yuwan shi?
Luke 8:21 in Tsishingini 21 Reve u usu, “Mma va̱ na̱ muwun ma̱ a̱na̱wu n va̱, ele ɗa aza a na a uwwusa adanshi a̱ A̱sula̱, a̱vu a yuwusan ulinga na̱ a̱yi.”
John 2:5 in Tsishingini 5 Reve mma va̱ yi damma agbashi, “I yuwan ili i na u damma nɗu i yuwan suru.”
John 13:17 in Tsishingini 17 I reve ta̱ ili i nda, waru A̱sula̱ a ta zuwaa ɗu abaꞌun, ni i yuwan le.
John 15:14 in Tsishingini 14 “A̱ɗu nꞌutsa̱ n va̱ ɗa, ni i kuru ili i na maa dansa.
Acts 9:6 in Tsishingini 6 ꞌYon vu uwa a̱tsuma̱ a̱ lyuci ndeɗe, a ta damma wu ili i na vaa yuwan.”
Romans 15:33 in Tsishingini 33 Gogo lyawa A̱sula̱, za na tsu ca asuvu nden, u da̱na̱ oɓolo na̱ a̱ɗu suru. Ami.
Romans 16:20 in Tsishingini 20 A̱sula̱ a na gba a̱ tsu ta̱wa̱a̱ na asuvu nden, aa jima shi u ta minjira Male reve u ca ɗu ucira a aci a̱ yi. N ta yuwusan avasa isaꞌani ya̱ Yesu Zagbain tsu da̱nu oɓolo na̱ a̱ɗu.
1 Corinthians 10:31 in Tsishingini 31 Na̱ yaa lyuwa, ko i sowo, ko i yuwan ili i ro, i yuwan ili biti cine aa ca A̱sula̱ tsugbain.
1 Corinthians 14:33 in Tsishingini 33 A̱sulazuva A̱sula̱ o uja̱mba̱ru a ɗa shi, amma a asuvu nden ɗa, cine u ri a̱ a̱ꞌisa̱ a̱ a̱za̱ e Itoni suru. Na ama a̱ A̱sula̱ o ɓoloto adama a yuwan a̱ga̱nda̱,
2 Corinthians 5:19 in Tsishingini 19 Ikaka i tsu a̱yi ɗa A̱sula̱ a̱ ta̱ ta̱wusa̱ na ama suru zuzu na̱ a̱yi e ekere a Zamawawa. A̱sula̱ aa cuwusan nu unusu u le shi. Reve waru u ca tsu ikaka ya asuvu nden a nda.
2 Corinthians 13:11 in Tsishingini 11 Gogo ama a̱ va̱, n to kosuso mepepelime ma nda. N ta dansa: Yuwain ma̱za̱nga̱! I lapula nden n ɗu. I polo atsuvu e ili i na n dammai. I da̱na̱ no okolo a̱ ta̱ na̱ a̱za̱ a̱ ɗu. I da̱nu oɓolo a̱tsuma̱ a asuvu nden. Ɗaɗa A̱sula̱ e icigi na asuvu nden oo oꞌwo oɓolo na̱ a̱ɗu.
Philippians 3:17 in Tsishingini 17 Ama a̱ va̱, kuruyi cine maa yuwusan nden, reve waru i rito a̱ ka̱lyuwusa̱ ama a na a yuwusan nden ana iroci i na tsu ca nɗu.
Philippians 4:7 in Tsishingini 7 Ni i yuwan ne, i reve ta̱ A̱sula̱ a ta zuwa okolo a̱ ɗu a̱ da̱nu. A̱yi nda a̱yi ɗa ili i na i laꞌai ulobonu upasu ni ili i na ookolo a vuma aa gura reve. Ne ɗa wa̱a̱ tiga̱ okolo a̱ ɗu na asuvu a̱ ɗu a̱tsuma̱ a̱ nden n ɗu a̱tsuma̱ e Yesu Zamawawa.
1 Thessalonians 1:6 in Tsishingini 6 Ne ɗa i ritoi i yuwan cine a̱tsu tsu yuwain nden, waru cine Zagbain Yesu yuwain nden ma̱ yi. Ko na a̱tsuma̱ a̱ a̱tsuma̱lima̱ a̱ a̱bunda̱ i ushi ta̱ ikakaꞌa, Ruhu va Akiza zuwa ɗu ta̱ i yuwan ma̱za̱nga̱.
1 Thessalonians 2:2 in Tsishingini 2 Cine i revei, tsu da̱na̱ ta̱ a̱tsuma̱ a̱ Filibi kafu tsu ta̱wa̱ ya̱ꞌa̱ ɗu. Ɗe ɗa a ca ntsu a̱tsuma̱lima̱ reve waru a yuwaan tsu ulamu. Agba A̱sula̱ a ca tsu ta̱ okolo o ugbamu u na tsu damma nɗu Alabari a Saꞌani a alanga e eteshe, ko na wo oꞌwoi ama o ro e gigeshe tsu ta̱ ɗe.
1 Thessalonians 2:14 in Tsishingini 14 Ama a̱ va̱, ana i usuyi ili i na tsu dammai, ama a̱ ɗu a ca ɗu ta̱ a̱tsuma̱lima̱. Ne ɗa yo oꞌwoi vadamma a̱ꞌisa̱ a̱za̱ e Itoni a̱ A̱sula̱ a̱tsuma̱ a Yahuda. Ama o ndolo a̱ usu ta̱ Yesu Zamawawa, amma ama e le, aza a Israꞌila, a ca le ta̱ fo a̱tsuma̱lima̱.
1 Thessalonians 4:1 in Tsishingini 1 O ukosu, ama a̱ va̱, cine tsu damma nɗu a̱tsuma̱ a ala a Zagbain tsu Yesu Zamawawa, tsu ta̱ fo e ipati i ɗu i yuwan nden n na woo yoꞌonoto A̱sula̱ o okolo. Tsu rito ɗu ta̱ ɗe i yuwan ne waru i ta yuwusan ne. Waru tsu ta patishi ɗu i lyuwa elime na̱ mayan ne,
1 Thessalonians 5:23 in Tsishingini 23 Tsu reve ta̱ a na A̱sula̱ a ɗa aa casu asuvu nden, waru n ta yuwusaan ɗu avasa u zuwa ɗu yoo oꞌwo aza a akiza o ure suru. N ta yuwusan avasa u geshe okolo na asuvu na̱ lipu ɗu diga a mayan mo unusu e re suru, hali she urana u na Zagbain tsu Yesu Zamawawa ka̱mba̱i.
2 Thessalonians 3:4 in Tsishingini 4 Tsu ta̱ nu uzuwu wo okolo a̱tsuma̱ a Zagbain a na yaa yuwusan ili i na tsu damma nɗu, waru tsu ta̱ nu uzuwu wo okolo i ta lyuwa elime na̱ mayan ne.
2 Thessalonians 3:6 in Tsishingini 6 Gogo gba ama a̱ va̱, tsu ta zuwusa ɗu i yuwan ili i nda a̱tsuma̱ a ala a Zagbain tsu Yesu Zamawawa: Yi kasa na̱ vuma suru na ri nu ukuɗu a̱tsuma̱ a̱ ɗu waru za na aa yuwusan nden ma̱ yi a̱ kurusu uritosu u na i tsura̱i ya̱ꞌa̱ tsu shi.
2 Timothy 4:22 in Tsishingini 22 N te ipati Zagbain da̱na̱ oɓolo na̱ wuma wa̱ wu. Waru isaꞌani yi Zagbain i da̱na̱ oɓolo na̱ a̱ɗu suru.
Hebrews 13:20 in Tsishingini 20 N ta avasa A̱sula̱ a asuvu nden u ca ɗu ili i saꞌani i na i cigai biti adama i yuwan ili i na u cigai. U ꞌya̱sa̱n ta̱ Yesu Zamawawa Zagbain tsu diga o ukwa̱. Gogo Yesu ta̱ tsu Za va Aguɓa a Gbain a na aa yuwan ulinga na̱ mpasa ma̱ yi adama a yuwan akucunu a̱ A̱sula̱ ni ikyon ya̱ yi, akucunu a na oo koto shi. N ta yuwusan avasa A̱sula̱ a yuwan ulinga a̱tsuma̱ a̱ tsu adama tsu yoꞌonoto yi okolo e ekere e Yesu Zamawawa. Lyawa tsugbain tso oꞌwo za va̱ yi suru suru waru babu ukotu. Ami.
James 1:22 in Tsishingini 22 I yuwan ili i na ikakaꞌa i damma nɗu, she yu uwwa na atsuvu a̱ ɗu goon wan, ni i yuwan ne, i yuwaan ta̱ aciya̱ɗu tsulo.
2 Peter 1:10 in Tsishingini 10 Ama a̱ va̱, adama o ndolo i lyuwa elime nu ukadu tsa̱ra̱ i roco ama a na A̱sula̱ e ɗe nɗu, waru i roco le a na a ɗangwa nɗu yoo oꞌwo ama a̱ yi. Ni i yuwan ne ya̱a̱ ta̱ɗa̱tsa̱ shi waru ya̱a̱ puwa̱a̱n shi.
1 John 3:22 in Tsishingini 22 U ta ca tsu ili i na tsu patiyi suru, adama a na tsu to tono yi waru tsu ta yuwusan ili i na yoo yoꞌonotosu yi okolo.